Директорката на ЈОУДГ “Наша иднина” oд Прилеп, Христина Трпческа, на социјалните мрежи реагира за начинот на изведба, на се’ уште непуштената во употреба градинка во населбата “Точила” во Прилеп.
-Тој што работи, тој и греши. Не е тешко да се признае. Но, професионалец да ги правда своите грешки зад параванот на Правилник, е крајно несериозно. Претпоставувам и следната слика на тоалет за возрасни во еден се уште неотворен објект ќе Ви покаже какви стандарди и норми се ,,пропишани” во Правилникот… Фактите се следни: 1. Недостатоци има! 2. На Прилеп очајно му е потребна детска градинка – напиша Трпческа како реакција на пишувањата од Архитектот Јовески, кој истакна дека основниот проект за детската градинка е проектиран согласно законските регулативи и правилници.
Инаку, изградбата на градинката во Прилеп ја започна претходната локална власт на 2 април, 2021 и требаше да биде готова за 7 месеци.