На 03.02.2023 во 11.00 часот во с.Слепче, прилепско, полициски службеници од СВР Битола – Полициско одделение Ропотово го лишиле од слобода Д.В.(39) од с.Велгошти, охридско.

Тој се сомничи дека на 02.02.2023 во периодот од 09.00 до 16.00 часот со употреба на сила и подесен алат влегол во куќата на С.В.(81) од с.Слепче и одзел пари.

Лицето било задржано во полициска станица и по целосно документирање на случајот, против него ќе биде поднесена соодветна пријава.

На социјалните мрежи се шири видео од безбедносна камера од Битола, на кое е снимена чудна светлина и звук минатата ноќ – нешто налик на гром, иако синоќа во Битола паѓало снег.

Видеото предизвика голем број коментари, а никој точно не пишува за што станува збор.

Погледнете во продолжение:

-Не е баш за зафрканции беше страшно голема бука и јака зеленкаста светлина каде што следеше уште два пати но со послаб звук а беше најавено дека некоја комета се приближува можеби е тоа но за чудо ни една од ТВ куќи ништо не кажаја да знаеме што се случи – пишува во еден од коментарите.

За нас не неприфатлив закон со кој ќе се амнестираат насилници коишто влегоа на тој црн 27 април во Собранието – одговори денеска на новинарско прашање Мартин Костовски, пратеник на СДСМ.

Пратеничката група на ВМРО-ДПМНЕ планира во Собранието да достави предлог за амнестија на осудените од тнр. „крвав четврток“, но тој нема да има поддршка од СДСМ затоа што, како што рече Костовски, „ние сме конзистентни во нашите ставови“.

– Лицемерието на ВМРО-ДПМНЕ по којзнае кој пат повторно се покажува на дело. Опструираа, кочеа и никаде ги немаше кога беше потребно да се донесе сет, односно неколку сета на антикризни мерки во сред економска, ковид криза, тогаш бегаа. Кога станува збор за насилници тие се први и се гласни и секогаш биле такви. Ова е уште еден еклатантен доказ дека во ВМРО-ДПМНЕ буквално ништо не е сменето. Истата матрица, истите луѓе, истите навики, истите политики – рече пратеникот Костовски.

„Со огромно жалење ве известуваме дека по кратко боледување денеска почина нашиот почитуван основач и претседател Гоце Камчев.

Гоце Камчев беше еден од најуспешните визионери и менаџери во нашата земја и остави зад себе компанија која е меѓу најуспешните во регионот. Целото искуство, знаење и вештини, стекнати во текот на школувањето и работата со познати компании од земјата и од странство, несебично ги пренесуваше и споделуваше со вработените, кои го препознаваа како голем учител, неуморен пренесувач на знаења. Истовремено беше насочен и кон раст и развој и на нашата држава, ауспешна Македонија беше една од неговите цели.

– Во мојот живот три работи ми беа и ми останаа важни – семејството, работата и мојот народ – знаеше да каже.

Камчев е основач на повеќе компании во областа на трговијата, производство, земјоделство, угостителство и недвижности. Компаниите што ги изградикои се дел од „Камчев груп“ во моментов вработуваат над 1.800 лица и придонесуваат за развојот и добробитта на целокупното општество. „КАМ“ трета година е меѓу најголемите 10 компании во земјава, која во текот на минатата година реализираприход над 273 милиони евра. На нас останува да го негуваме споменот и да ја продолжиме неговата визија.

Гоце Камчев е роден на 28 април 1945 година во Скопје и потекнува од релативно сиромашно работничко семејство. Уште од средното училиште се насочува кон економијата, а потоа образованието го продолжува и на Економскиот факултет во Скопје. Подоцна завршува и постдипломски студии од областа на економскиот развој. Во текот на своето образование континуирано ја негува својата желба за учење, читање и знаење.

Во текот на својата долга кариера работел на високи позиции во Комерцијална банка, дрвна индустрија „Треска“, „Македонија табак“, „Магро“… Меѓу неговите успеси се и рекордните извози на македонско вино на странските пазари. Како претставник на „Магро“ со семејството заминува во Германија, каде што создава важни контакти и го надградува своето искуство.

На 45-годишна возраст Гоце Камчев е подложен на операција на срцето, по што лекарите му советуваат да се пензионира. Наместо пензија, тој почнува нова етапа од својата кариера.

Во 1990 година ја основа компанијата „Интеркам“, еден од првите дистрибутери во Македонија. Во малопродажниот сектор влегува во 1995 година кога ја основа компанијата „Камфуд“, чиј прв современ супермаркет беше отворен во Градскиот трговски центар во Скопје на површина од 1000 квадратни метри.

Инспириран од германскиот синџир „Алди“, Камчев се насочува кон принципот „хард дисконт“ и го основа „КАМ“ во 1999 година, компанија која континуирано расте и се развива, па денес покрај 76-те маркети во Македонија, присутна е и во Косово со 23 маркети и во Бугарија со 24 маркети. Преку „КАМ маркет“ тој ја реализира својата визија да обезбеди поквалитетен, а поевтин производ со цел да им излезе во пресрет на граѓаните.

– Придонесовме за куповната моќ на нашите граѓани и тоа го гледаме како наш најхуман придонес во нашето постоење – велеше Камчев.

Дел од неговото портфолио се и забавно-трговскиот центар „Вилиџ Вања Камчев“, хотел „Вилиџ“, два трговски центри во Скопје и во Битола, како и најголемиот логистички центар во земјава, кој е дел од „КАМ маркет“. Во својата богата и плодна кариера Камчев инвестрираше и во фабриката за производство на кондиторски производи „Прогрес“, сегашно „Виго-48“, ифармата „Сточарство во Богданци“.”-стои во соопштението испратено до медиумите.

Семејството и пријателите ќе се збогуваат од Гоце Камчев в недела 5 февруари 2023 година. Неговите посмртни останки ќе бидат изложени во капела во 12 часот, додека погребот ќе се одржи во 14 часот на градските гробишта Бутел во Скопје.

(Фејсбук статус на Звонко Димоски)

,,Еве како денес изгледаат пристапите кон црквата свети Спас во Скопје каде што почиваат моштите на најголемиот Македонски син Гоце Делчев на ден пред годишнината од неговиот роденден во родената му земја за која и го дал својот живот во денешна окупирана Македонија..

И нека ви каже после некој драги мои Македонци од квинслишката влада на сдс, дуи и од претседателскиот кабинет на Стево дека договорите за добрососедство и соживот со Бугарите, Грците и Албанците биле за подобар живот и светла европска иднина на Македонците и дека не задирале во Македонскиот идентитет и историја” , стои во статусот.

Младиот Умејр Муамеди кои пред неколку дена јавно им порача на функционерите кои истакнуваат знамиња на други држави да одат во тие земји да бидат функционери и од таму да земаат плата, доби закани по живот поради неговите ставови. Муамеди побара од МВР заканувачот итно да биде приведен.

„Некој си Bekim Berisha напишл дека поради моите лични ставови јас треба да бидам уништен. Барам од Министерство за внатрешни работи / Мinistria e Punëve të Brendshme и Oliver Spasovski истиот итно да биде приведен. Бидејки последиците можат да бидат поголеми и не се знае кој кого може да го уништи.“, напиша Муамеди на фејсбук.

Во продолжение и ФБ статусот на младиот магистер на правни науки со кој доби огромни симпатии и поддршка:

-Не ми е јасно како се дозволува во институција на Р.Македонија да се истакнуваат знамиња на други држави. Зимаш плата од оваа држава (плус патувања, кола службена итн ако си во повисока функција) а во канцеларија носиш знаме од Албанија, САД, Турција, Србија итн. Зошто тогаш не одите во тие земји да бидете директори, министри, градоначалници итн? Приватно можеш да се чувствуваш како сакаш но Држава и Националност се два различни поима. Немам почит за ниту еден министер, директор, градоначалник итн, кој дозволува во инстутицијата со која раководи да се истакнуваат знамиња различни од државното знаме.

„Во врска со прашањата од медиумите упатени до нашата институција, потврдуваме дека платата за месец јануари 2023 година не е исплатена за вработените во Кабинетот и за претседателот на Република Северна Македонија.”- известуваат од Кабинетот на претседателот Пендаровски.

Од таму велат дека образложението кое го добиле од Министерството за финансии, е дека во Буџетот за 2023 година нема дополнителни средства за исплата на плати за вработените во Кабинетот на претседателот. Ваквата аргументација, Кабинетот ја смета за неоснована.

„Кабинетот на претседателот во согласност со потпишаниот Колективен договор со Синдикатот на вработените, предвиде покачување од 5% на плата само за државните службеници кои се вработени во Кабинетот на претседателот. Ова покачување не се однесува за претседателот, именуваните лица и посебните советници во Кабинетот. Средствата за Буџетот во 2023 година се обезбедени преку сопствени заштеди во буџетот на нашата институција и за ова не се побарани дополнителни средства од Министерството за финансии.”-додаваат во соопштението.

„Барањето за финансиски средства за плата за месец јануари 2023 година, кое Кабинетот на претседателот го достави до Министерството за финансии е изработено во согласност со Законот, во рамки на одобрените средства во Буџетот на Република Северна Македонија за 2023 година, буџетскиот корисник – Претседател и во согласност со Колективниот договор за вработените при Претседател на Република Северна Македонија.”- велат од Кабинетот на Претседателот.

На 01.02.2023 во 11.55 часот, полициски службеници на СВР Тетово-Одделение за внатрешни работи Гостивар го лишиле од слобода 27-годишниот Е.Ќ. од Прилеп.

Тој се сомничи дека извршил кражба и кај него бил пронајден апарат за кој постоело сомнение дека противправно го одзел.

Се расчистува и документира случајот, по што ќе следи соодветна пријава.

Од ноќеска на полноќ цената на дизелот и на екстра лесното масло за домаќинство ќе се намали за два денара, додека на бензините останува иста, одлучи Регулаторната комисија за енергетика (РКЕ).

Според РКЕ, ЕУРОДИЗЕЛ БС (Д-Е V) ќе чини 80 денари за литар, екстра лесното масло 78,5 денари, ЕУРОСУПЕР БС – 95 ќе биде 84 денари за литар, ЕУРОСУПЕР БС – 98 86 денари за литар, а мазутот 41,346 денари за килограм.

Со ваквата Одлука на РКЕ се врши намалување на малопродажните цени на нафтените деривати во просек за 0,98 отсто во однос на одлуката од 1.2.2023 година.

Ние ќе бидеме таму за да воспоставиме ред и се знае точно, има државен протокол. Секој еден кој пријавува делегација за да оддаде почит, секако ќе им биде овозможено. Сите кои што се пријавиле дека ќе положат цвеќе на гробот на Гоце Делчев, ќе бидат таму. Само со пријава ќе може да се присуствува, тоа е објавено неколку пати. Мора да се најават делегациите затоа што во услови кога имате радикали од државата или од надвор кои викаат „да ние ќе дојдеме таму и ќе правиме што сакаме“ – тоа не можат да го прават. Оваа држава има ред и поредок и тие мора да се почитуваат, изјави вечерва министерот за внатрешни работи Оливер Спасовски за чествувањето на годишнината од раѓањето на Гоце Делчев.

Министерот е дециден дека за никој нема да има вип-третман на 4 февруари.

-Ние ќе ја обезбедиме манифестација и ќе се обезбеди ред и поредок. Се знае кој се обезбедува, кој се движи со обезбедување и тоа се е уредено со уредба. Шпекулациите не се во функција на намалување на тензиите. Нема никаква потреба од ноќни стражи и чувања на гробот, додаде Спасовски во вестите на Тв Сител.

Првиот полицаец во земјава истакна дека се уште нема најава за официјална делегација од Бугарија што во сабота ќе дојде во Скопје.