Вечер на унгарската култура ќе се одржи на 7 август 2026/петок/ од 19.30 часот на платото пред ЦК „Марко Цепенков“. Се работи за традиционална вечер на која се презентира унгарската музика, фолкор и традиција, а ЦК „Марко Цепенков“ ја реализира во соработка со Здружението на Унгарците во Македонија, и ќе настапат оркестарот „Рожафа“ и ФА „Коња“.
Податоци за оркестарот:
Оркестарот „Рофажа“ постоиод2024 година, а го сочинуваат млади музичари од Сента и нејзината околина.Нивното прво јавно претставување било на натпреварот за народна музика „Свири, свирче, свири!“, каде што освоиле сребрена награда. Потоа настапувале на настани посветени на народната музика, меѓу кои во Сента, Кањижа, Фелшехеѓ, Гомбош и Турска Кањижа.Во пролетта 2025 г. биле дел од манифестацијата „Музиката на нашите предци“ во Србобран, потоа на фестивалот „Дуриндо“ во Унгарска Итабеја, а својата музичка умешност ја претставиле и на Војводинската средба на унгарските танцови куќиво Бачка Топола.На Натпреварот за народно творештво на средношколците во Војводина, оркестарот ја освои специјалната награда на оркестарот „Фокош“, како и пет бесплатни учества на нивниот камп за народна музика.Од почетокот на 2025 година, оркестарот „Рожафа“, заедно со своите ментори Ѓула Јухас и Ласло Штербик, е постојан придружен оркестар на танцовите групи. .Членовите на оркестарот сметаат дека е исклучително важно да ги запознаваат, изучуваат и претставуваат народните песни од различните етнографски области на Карпатскиот Басен. Во нивниот репертоар се застапени мелодии од повеќе етнографски региони, меѓу кои Силаѓ, Вајдасентивањ, Мезекелпењ, Сатмар, Фелчик, Долнодунавските Секељи, Шовидек и Калотасег.
Податоци за ФА „Кофа“
Фолклорниот ансамбл „Коња“ од Бачка Фекетиќ постои од 1996 година. Членовите на ансамблот се средношколци и студенти, за кои унгарските народни танци и народната музика претставуваат важен дел од нивниот живот. Зад себе има бројни настапи. Покрај изведбата на автентични кореографии на народни танци, тие создаваат и танцови театарски претстави, кои во текот на годината ги изведуваат во повеќе населени места во Војводина.Секоја година ансамблот учествува на Војводинската средба на танцови куќи и на фестивалот „Ѓонѓошбокрета“. Повеќе пати освоил златна награда на Натпреварот за народно творештво на средношколците, а жирито им додели златна награда и на Националниот детски и младински натпревар по народни танци „Стокротка“ (Százszorszép) во Сегедин.Покрај високото ниво на ансамбловата работа, нивните инструктори големо внимание посветуваат и на развојот на поединечните солисти. Ансамблот ќе се претстави со кореографии од повеќе етнографски области, меѓу кои: Тјукод во регионот Сатмар, Туркеве во Куншаг, како и танци од Трансилванија, од областа на реката Кикјиле (Küküllő), Калотасег и Мезешег.Раководители на ансамблот и кореографи се Николет Сакал и Тамаш Сакач.