Заедничка света архиерејска литургија на тројца владици од трите цркви Македонската православна црква – Охридска Архиепископија (МПЦ-ОА), Грчката православна црква (ГПЦ) и Бугарската православна црква (БПЦ) денеска се служеше во прилепската црква „Свето Благовештение“.

Заедничката литургија од трите сестрински православни цркви ја служеа митрополитот во мирување Игнатиос од ГПЦ, старозагорскиот митрополит Киприја од БПЦ и митрополитот Петар од МПЦ-АО, а на покана на митрополитот Петар. Ова е првпат да се служи во прилепскиот храм „Свето Благовештение“.

-Во храмот „Свето Благовештение“ во Прилеп, митрополитите на трите сестрински православни цркви за првпат заеднички ја служеа литургијата, како потврда на признавањето и рамноправноста на сестринските цркви. Сите заедно од светата чаша се причестија: и Грк и Бугарин и Македонец. За Христос не е битна националноста, туку љубовта помеѓу луѓето, рече за МИА прилепскиот архиерејски намесник, отец Влатко Ристески.

Во Прилеп за првпат по 170 години доаѓа грчки владика, а бугарски по повеќе од 70 години.

ИЗВЕСТУВАЊЕ ПО ПОВОД СЛАВАТА СВЕТИ ВЕЛИКОМАЧЕНИК ДИМИТРИЈ (МИТРОВДЕН)

Лепчињата ќе се креваат (прережуваат) во слава и чест на светителот, исклучиво во црквите.
ВТОРНИК НА 07.11.

СВЕТО БЛАГОВЕШТЕНИЕ (СТАРА ЦРКВА) – од 07.30 до 17.30 часот.

СВЕТО ПРЕОБРАЖЕНИЕ (ГРЧКА) – од 08.00 до 09.30 и од 15.30 до 17.00 часот.

СВЕТИ ПАНТЕЛЕЈМОН (БОЛНИЦА) од 11.00 до 13.00 часот.

СВЕТИ КОНСТАНТИН И ЕЛЕНА (ТИПСКИ) од 11.00 до 13.00 часот.

На 08ми утрото во СВЕТО БЛАГОВЕШТЕНИЕ (СТАРА ЦРКВА).

Св. Петка во нас. Точила и во храмот Св. Кирил и Методиј (Параклис) лепчиња ќе се креваат преку целиот ден во вторник (07.11.2023) и тоа од 7:00 – 17.00., И НА САМИОТ ПРАЗНИК (наредниот ден) во средата ПО ЗАВРШУВАЊЕТО на Божествената Литургија.

Кошаркарите на прилепскиот клуб Мега баскет ја забележаа втората победа во Втората кошаркарска лига, откако вчера во спортската сала во ООУ “Добре Јованоски”, го совладаа Тетекс.

Крајниот резултат на семафорот беше 87:79, победа во која голем придонес имаше поддршката од трибините.

Во досегашниот дел од сезоната прилепчани забележаа и три порази, но овие момци ја заслужуваат целата поддршка од спортските вљубеници, пред се’ затоа што се работи за млада екипа, со скромен буџет, но со голема желба за натпреварување и оставање срце на терен.

Во наредното коло Мега баскет му гостува на Борец.

Потпретседателот на ВМРО-ДПМНЕ Александар Николоски изјави дека доколку неговата партија победи на парламентарните избори, нема да формира Влада со ДУИ.

-После изборите една работа е сигурна, а тоа е дека Влада со ДУИ нема да има. Ова раководство на ДУИ за жал се криминализираше до максимален можен степен, скоро и да нема ден во којшто нема афера во којашто дел се претставници на ДУИ. Тоа е однесување коешто никој не може го толерира и однесување кое што треба да биде истражено од органите, а не да биде дел од владина работа, затоа што ние излегуваме со наша програма и таа програма не можете да ја спроведете со луѓе коишто одат сабајле на работа и размислуваат како да злоупотребат нешто или да направат криминал, рече Николовски во интервју за Радио Слободна Европа.

На 04.11.2023 во 14.20 часот било пријавено дека на 03.11.2023 околу 00.30 часот во Битола бил опожарен кафемат лоциран до продавница, а од пожарот била зафатена бандера со кабли и други предмети во непосредната околина.

Повредени лица нема, а пожарот бил изгаснат од Територијалната противпожарна единица Битола.

Извршен бил увид од увидна екипа од СВР Битола и се преземаат мерки за расчистување на случајот – информираат од СВР Битола.

Израелските одбранбени сили (ИДФ), како што официјално се нарекува војската на земјата, ги објавија најновите снимки направени за време на копнените операции во Појасот Газа.

– Додека Хамас го попречува заминувањето на цивилите на безбедно во јужниот дел на Појасот Газа, членовите на Хамас се кријат во сложена мрежа на терористички тунели – пишува во објавата на ИД на социјалната мрежа. X (поранешен Твитер).

While Hamas obstructs their civilians from getting to safety in southern Gaza, Hamas hides within their intricate network of terror tunnels.

IDF troops uncovered multiple access points during operational activity in Northern Gaza. pic.twitter.com/vovapYD4Xn

— Israel Defense Forces (@IDF) November 5, 2023

Драматичен натпревар вчера одиграа Тиквеш и Гостивар во Кавадарци, во најелитното фудбалско друштво кај нас, ако воопшто може да се нарече “елитно”…

Главниот судија на овој натпревар при водство на Гостивар од 0:1, најпрво досуди непостоечки пенал, кој гостите го искористија и стигнаа до убедливи 0:2 во тој период од натпреварот. Во тој момент на теренот влезе и градоначалникот на општината Митко Јанчев, кој беше видно револтиран од ваквите судиски одлуки.

Но, и покрај ваквиот однос на судиите, кои патем му исклучија двајца играчи на Тиквеш, кавадарчани успеаја да израмнат на 2-2 и да освојат бод.

После натпреварот на социјалните мрежи се јави и градоначалникот Јанчев, кој споделувајќи видео од спорниот пенал, напиша:

-После целиот “циркус” на фудбалскиот терен, сепак Господ е на страната на правдата. Иако имаше 2 исклучени играчи, ГФК Тиквеш 1930 го израмни резулатот на 2-2. Со ваквото однесување на ФФМ, кое е срамно и жално за македонскиот фудбал, се оди само во стечај. Иако резулатот е нерешен, ова за нас е победа против ФФМ и корумпираните судии. Напред момци!

Калиопи мораше да го прекине концертот кој требаше да се одржи во салата МТС во Белград.

Како што пишува српски „Курир“, на непознатата жена на возраст од околу 70 години ненадејно и се слошило, а присутните сведочат дека морале веднаш да го напуштат просторот.

Српските медиуми известуваат дека жената починала, а итната помош не можела да помогне дури ни со реанимација.

Според српските медиуми, брзата помош не можела да ја спаси и реанимира жената која изгубила свест, па починала во преполната сала. Калиопи била уплакана и цело време и била покрај ќерката на починатата жена. Според медиумите, жената со својата ќерка и пријателка допатувале од Македонија во Србија за да бидат дел од концертот на македонската дива.

Светската автомобилистичка федерација ги додели наградите за најуспешните возачи во своите категории во ридско-брзински патеки, а сосема очекувано, главен фокус за македонската јавност беше признанието за Игор Стефановски.

Иџе се врати на трките кои му донесоа светска слава и на кои се прослави како двократен европски шампион, па после неколкугодишна пауза, повторно се закити со истиот примат.

Македонскиот автомобилист ја освои европската титула со своето Хјудани во „Групата 3“ во ридско-брзинските патеки, а тоа му донесе посебна важност на церемонијата која ја одржа ФИА.

Наградите се доделија во португалскиот град Брага, а оттаму пристигна и фотографијата на популарниот Иџе со новата европска титула.

Стефановски оствари седум победи на десетте трки кои се возеа во европскиот шампионат изминатата сезона, што доволно говори каква доминантна претстава гледавме од најдобриот македонски возач.

Денеска (04.11.2023) во 16.30 часот на ул.”Охридска” во Битола, Оперативен тим Потраги го лиши од слобода Д.Р.(65) од Кривогаштани. Тој се барал по 2 централни потерници врз основа на наредба од Основен кривичен суд Скопје, за издржување мерка притвор во врска со кривични дела по чл.394 и чл.279 од Кривичниот законик, како и согласно наредба од Основен кривичен суд Прилеп, каде бил осуден на казна затвор во времетраење од 2 години, во врска со чл.252 од Кривичниот законик.

Лицето е предадено во СВР Битола за понатамошна постапка, по што ќе биде спроведено во надлежната казнено-поправна установа.