„Кино Љубов“ во режија на Јани Бојаџи е најновиот македонски филм, кој премиерно ќе биде прикажан на 7 ноември /вторник/ од 19.30 часот во кино Мис Стон. Се работи за 93 минутна драма во која играат Дејан Лилиќ, Јелена Жугиќ, Благоја Чоревски…

Содржина:

-Коста е актер кој четири години е без ангажман во неговиот театар. Дополнително на с#, се случува епидемија на корона. Неиграњето го убива. Така доаѓа на идеја да го реализира својот животен сон да направи приватно кино во кое ќе се прикажуваат само љубовни филмови. И решава да земе заем од неговиот шура Стево, инаку познат лихвар во градот. И покрај настојувањето на целото семејство да ја разбере ситуацијата дека Коста не може да го врати заемот, Стево е немилосрден, си ги сака парите назад. Така се растура семјеството потонато во меѓусебни долгови и недоразбирања кои завршуваат со бомба која под колата на Стево му ја подметнуваат сопругата и сестрата – се вели во содржината на филмот.

******************************************************************************

Влезниците по цена од 150 денари ќе се продаваат вторник од 10 до 13.00 ч. и два часа пред проекцијата на филмот.

Гевгелија минатиот викенд беше вистинска престолнина на атлетиката и домаќин на најголемиот спортски настан во регионот кој беше поддржан од лидерот во приредување игри на среќа.

Компанијата Mozzart и годинава беше еден од спонзорите на третата по ред трка „NOVEMBER RUN 2023“ на која учество земаа 2300 натпреварувачи.

„Викендов, Гевгелија беше домаќин на најголемиот атлетски спортски настан во регионот, обединувајќи 2300 натпреварувачи од 14 држави. Особено сме благодарни на компанијата Mozzart која веќе втор пат е наш значаен спонзор и соработник со чија поддршка успеавме да организираме ваков масовен спортски настан”, изјави Игор Коцевски, Претседател на Атлетски Клуб 7ми Ноември Гевгелија.

Главниот настан беше трката на 5 и 10 км, по што следуваа три детски трки, како и тката ‘Run Together’ за лицата со попреченост.

„Mozzart застана зад уште еден голем спортски настан. Ни преставува чест и задоволство што до нас се почесто стигнуваат барања за помош и поддршка на вакви големи манифестации. Ова е втора година по ред како нашата компанија даде зелено светло и помогна во организацијата на настанот. Се надеваме дека соработката ќе продолжи и во иднина”, изјави Ивана Стефановска Крстевска од Mozzart.

Бројот на спортски настани, поддржани од лидерот во приредување игри на среќа се повеќе расте. Само годинава Mozzart застана зад 15 вакви и слични настани. Помошта и поддршката продолжува и натаму, а се со цел развој на спортот и спортскиот дух.

Во СВР Битола вчеравечер во 19:32 часот било пријавено дека на магистралниот пат Битола – Ресен, во близина на битолското село Братиндол, се случила сообраќајна незгода помеѓу патнички возила „бмв” и „рено клио”.

Возилото „бмв“ било со ресенски регистарски ознаки, управувано од Б.Н.(24) од селото Езерани, Ресенско, во кое сопатник бил К.Ш.(25) од село Царев Двор, Ресенско. Патничкото возило „рено клио”, со охридски регистарски ознаки, било управувано од Г.С.(50) од Охрид и во него сопатничка била Н.С.(55) од Охрид.

Доктор во Клиничката болница во Битола кај лицето Г.С констатирал смрт како последица од повредите, а кај сопатниците констатирани се повреди.

Увидот синоќа го вршеше увидната екипа на СВР Битола, а сообраќајот на релација Битола – Ресен беше пренасочен по стариот пат.

Дел од цигарите во Македонија веќе поскапеа иако од Министерството за финансии, изјавија дека наместо од 1 ноември, поскапување ќе има на 1 јануари наредната година.

Како што објави еМагазин, се работи за поскапување од 10 денари и тоа за цигари кои ги произведува Империал Тобако Тутунски комбинат Скопје, поточно брендовите Вест, Бос, Давидов, Родео, Жаде, а истото го потврдија од маркетите за веб порталот.

Во кругот на Министерството за внатрешни работи, денеска беше предадена донација од Фондацијата Заев, која се состои од 6 мотоцикли за потребите на МВР и македонската полиција.

Директорот на Фондацијата, Зоран Заев ја предаде донацијата на министерот за внатрешни работи Оливер Спасовски, со цел подобри резултати на повеќе организациони единици при Министерството.

Министерството за внатрешни работи има силен сојузник во Фондацијата Заев, чијашто помош и поддршка се од огромно значење за дополнително зајакнување на капацитетите, а со цел зголемување на ефикасноста при оперативното работење на единиците при МВР. Тоа значи дека го модернизираме возниот парк по највисоки стандарди, а со тоа придонесуваме кон уште поголема безбедност на граѓаните и државата, велат од МВР.

Министерот Спасовски, во свое и во име на МВР, изрази благодарност до Фондацијата Заев за оваа важна донација, при што истакна дека безбедноста зависи од секој еден, ја креираат сите општествени чинители, и е од клучна важност да се препознае општествената одговорност, а потоа и да се дејствува во таа насока.

При денешната посета на општина Радовиш во рамките на активноста „Важно е! Од тебе зависат промените“, претседателот на ВМРО-ДПМНЕ, Христијан Мицкоски одговарајќи на новинарско прашање во однос на тоа што министерот за економија вели дека храната поевтинува истакна дека министерот за економија или долго време не влегол во маркетите или не знае што се случува и со каква мака се соочуваат граѓаните, по маркетите имаме европски цени а стандардот е полош и од некои афрички земји.

„Министерот за економија или долго време не влегол во маркетите или не знае што се случува. Најлошо е кога политичарите го зборуваат она што не го чувствуваат граѓаните. За жал, тоа го прави и министерот за економија, можеби тој го изгубил тлото под нозете, како и впрочем цела влада на ДУИ и СДСМ, одамна заборавиле со какви маки се соочуваат граѓаните секојдневно, денес за жал во маркетите имаме храна која што има европски цени но за жал стандардот ни е, да ми простат, полош од aфричките држави. Така што добрата вест е ќе повторам што за неколку месеци од денес овие луѓе ќе бидат минато ќе дојдат луѓе кои што ќе се грижат за иднината на Македонија“, нагласи Мицкоски.

Метеоролозите излегоа со најави дека кон крајот на следната недела со натамошно заладување во ридско-планинските предели од регионот може да има и снег. Од средината на неделата полека но сигурно ќе навлегуваме во поинаков тип на време кое се повеќе ќе наликува на доцна есен.

Според долгорочните прогнози на Акуведер, еден од најпознатите светски сервиси за метеорологија снегот во градовите во Македонија би можел да дојде на 23 ноември 2023 кога дневните температури се очекува да паднат на 6 степени, а ноќните на -2.

Се работи за прогнози за југозападните делови на Македонија.

Инаку официјалните институции за утре и задутре најавуваат дека ќе биде наутро свежо, а преку денот со сончеви периоди и повторно релативно топло за овој дел од годината, сепак веќе во среда ќе преовладува облачно проследена со слаб до умерен дожд.

До петок температурите ќе бидат пониски за 2 до 5 степени во однос на почетокот на неделата.

Секторот за внатрешни работи Битола во текот на викендот (03/04/05.11.2023) продолжи со контролите во областа на сообраќајот.

На територија на СВР Битола санкционирани се 193 возачи, меѓу кои 68 мерки за возење повеќе од дозволената брзина , 32 мерки за возење без возачка дозвола, 22 возачи за управување под дејство на алкохол…

Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта – информираат од СВР Битола.

Фудбалерите на КФМ Победа имаа нов успешен викенд во Втората футсал лига, откако забележаа нерешен резултат на гостувањето во главниот град кај КМФ ССК Скопје 1965.

Крајниот резултат на семафорот беше 4:4, а малку фалеше прилепчани да забележат нов триумф.

За Победа Виктор Тошески и Илија Ристески стрелаа прецизно по еднаш, а Кире Наумоски два пати ја пронајде мрежата на домаќините.

И фудбалерите на ФК Млекар од с. Мало Коњари викендов со едноминутно молчење се простија од Љупчо Перканоски, сопственикот на компанијата “Авто Контрол”, кој на 20.10. како последици од повреди здобиени во сообраќајна несреќа го загуби животот.

Љупче беше прекрасен и почитуван човек меѓу прилепчани и бизнис заедницата. Тој заедно со својата сопруга Даниела, визијата за успех ја градеше несебично во заедницата и во регионот, на взаемна доверба, помагајќи го спортот, културата, медиумите, луѓе на кои им беше потребна помош. Како резултат на тоа, “Авто Контрол Станица за технички преглед” – Прилеп прерасна во водечка респектабилна современа компанија во Македонија.

Tој беше активен учесник во ФК Млекар, а овој фудбалски клуб е само еден од многуте спортски клубови, кои Перканоски ги поддржуваше и ја помагаше нивната работа.

-Денес на натпреварот помеѓу ФК МЛЕКАР и ФК ПРОЛЕТЕР со едноминутно молчење оддадовме признание и почит на нашиот другар, пријател и голем поддржувач и активен учесник во клубот ЉУПЧЕ ПЕРКАНОСКИ – Другару вечно ќе бидеш нашиот КАПИТЕН, секогаш ќе бидеш со нас и никогаш нема да згаснат спомените за тебе. Почивај во Мир – напишаа од клубот.

Вечна му слава!