Од 1-ви декември 2023 година, во Македонија повторно ќе се воведе евтината дневна тарифа за електричната енергија. Оваа одлука е донесена од Регулаторната комисија за енергетика и водни услуги (РКЕ) и беше објавена од претседателот на РКЕ, Марко Бислимоски. Евтината дневна тарифа ќе важи во периодот од 13 до 15 часот и ќе биде на располагање на околу 200 илјади потрошувачи кои имаат таканаречени смарт броила и оние кои имаат непречен пристап до броилата на ЕВН​​​​​​.

Одлуката за повторно воведување на евтината дневна тарифа се смета за значајна мерка во контекстот на економските и енергетските предизвици со кои се соочува земјата. Регулаторната комисија истакна дека електродистрибуцијата има рок од четири месеци да ги усогласи сите 700 илјади броила за домаќинствата, што укажува на значителните подготовки што треба да се направат за успешното спроведување на оваа промена​​.

Оваа промена се очекува да има позитивно влијание на потрошувачите, овозможувајќи им да го намалат својот трошок за електрична енергија преку искористување на поволните цени во специфицираниот период од денот. Се очекува дека оваа мерка ќе придонесе за подобро управување со енергетските ресурси и ќе помогне во областа на енергетската ефикасност во земјата​​.

Во текот на изминатата вечер (18/19.11.2023) во периодот од 23.00 до 05.00 часот на територија на СВР Битола спроведена е засилена акциска контрола за санкционирање на возачи кои управуваат возило под дејство на алкохол.

Од МВР информираат дека при контролата санкционирани се 59 возачи.

Од нив 34 на територија на Прилеп, 15 во Битола, четири во Македонски Брод, три Крушево, два во Ресен и еден во Демир Хисар . За време на контролата биле санкционирани и 33 други видови прекршоци.

-Акциските сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и пропис, истакнуваат од МВР.

На 18.11.2023 во 02.10 часот пред угостителски објект во Битола, полициски службеници од СВР Битола ги привеле А.Т.(26) и Т.Ж.(26), двајцата од Битола, затоа што го нарушиле јавниот ред и мир и агресивно се однесувале кон полициски службеници кои извршувале службени дејствија.

По документирање на случајот ќе биде поднесен соодветен поднесок – информираат од СВР Битола.

ЈЗУ Општа болница со проширена дејност ги демантира злонамерните и шпекулативни утрински објави на еден “фејк“ профил на социјалната мрежа Фејсбук за наводна оставка на Кети Смилеска од директорската позиција во нашата установа – стои во демантот на ФБ страната од прилепската болница, откако денеска на социјалните мрежи се прошири информација дека директорката на оваа институција си поднела оставка.

Демантот во целост го објавуваме во продолжение:

Самиот факт дека објавата е од “бот“ профил сама по себе индикативно наведува на заклучок и помисла дека има за цел да предизвика ширење на оваа класична дезинформација а со тоа и да нанесе индиректна штета како на установата така и на личноста на Смилеска.

Со сите расположиви кадровски и организациони капацитети и со максимална поддршка од Министерството за здравство, наш приоритет е подобрување на услугите за пациентите од регионот кој го опслужуваме со над 100.000 пациенти.

Грижата за континуирана набавка на медицинска опрема за сите болнички одделенија и неселективниот пристап за стручно усовршување на медицинскиот кадар, потврден со одобрени над 50-тина специјализации и субспецијализации на нашите лекари, продолжува и во наредниот период а се со цел секојдневна грижа за нашите пациенти со едуциран медицински кадар.

Ваквите оркестрирани напади и црната пропаганда на социјалните мрежи на локални опозициски портали, кои по принципот рекла-казала, без да ја проверат информацијата и лично да прашаат дали веста е вистинита, се натпреваруваа кој побрзо да ја сподели ваквата невистина, се потврда дека оваа лага е диригирана од една кујна позната по пласирање на своите манипулци и дезинформации на македонската и прилепската јавност. Ваквото пласирање во јавноста на невистини не е од медиумите туку од скриени профили за остварување на ситни дневно-политички поени на штета на институцијата и нејзиниот менаџмент.

Впрочем ЈЗУ Општа болница со проширена дејност како институција отсекогаш е отворена за сите медиуми и има добра соработка со средствата за јавно информирање. Ние цврсто остануваме на определбата за максимална посветеност кон нашите пациенти и обезбедување на подобри услуги за нив како и подобри услови и стандард за нашите вработени.

Ромскиот Ресурсен Центар од Скопје заедно со ЦЕЛИМ од Милано, Општина Прилеп и локалната НВО Ромаперспектив денес додели 22 трицикли со приколки како и заштитна опрема за собирање на пластика, хартија и железо на 30 лица кои се занимаваат со колекција на отпад. Оваа донација е во рамките на проектот „Обезбедување на пристојни услови за живеење за ромските семејства во општина Прилеп“

Основната цел на овој проект е подобрување на условите за живеење на социјално загрозени семејства, унапредување на инфраструктурата како и легализација на ромските населби. Меѓудругото со овој проект се помагаат и невработени Роми да можат да дојдат полесно до работа, да бидат поконкурентни на пазарот на трудот како и зголемување на нивните приходи.

Со оваа акција директно помагаме 30 ромски семејства полесно да собираат пластика, хартија и железо како и да собираат отпад во поголем количина и на полесен начин. Очекуваме дека на овој начин овие семејства ќе ги зголемат нивните приходи, ќе бидат соодветно заштитени во текот на работата а со тоа и да ја подобрат економската состојба на нивните семејства.

Меѓудругото во рамките на овој проект дополнително се реновираат најмалку 32 куќи на социјално загрозени семејства, се легализираат повеќе од 480 нелегализирани куќи, се носи ДУП за цела ромска населба во износ од 71 хектар, се обезбедува водоводна линија и приклучок до квалитетна питка вода за околу 280 ромски семејства кои во моментот немаат пристап до вода, се обезбедува поддршка во основното образование за 200 ученици Роми како и поддршка за остварување на основните здравствени права на Ромите во општина Прилеп.

Проектот е финансиран од Европската Унија а го имплементираат ЦЕЛИМ од Милано, Ромски Ресурсен Центар од Скопје, општина Прилеп и Ромаперспектив од Прилеп.

Проектот се спродува во партнерство со Министерството за труд и социјална политика и е поддржан и од Владата на Република Северна Македонија.

На 17.11.2023 во 21.44 часот во СВР Битола било пријавено дека во Клиничка болница Битола без знаци на живот била донесена В.К.(34) од Битола. Лекар констатирал смрт без видливи траги нанасилство, а полициски службеници од СВР Битола извршиле увид.

По наредба на јавен обвинител од ОЈО Битола телото на починатата било дадено на обдукција – информираат од СВР Битола.

До нашата редакција постојано пристигнуваат фотографии од несовесни возачи и некултура во сообраќајот во Прилеп, но ова е се чини врв.

Фотографијата е од раскрсницата кај Универзалната сала, па проценете за каков возач станува збор….

Реакциите за 15 метарскиот крст во дворот на црквата на Попова Шапка не само што се претерани по сите основи туку се и израз на непочит, крајно лицемерие и двојни стандарди од страна на албанските политички фактори во Македонија“, реагира првиот човек на Центарот за управување со кризи, Стојанче Ангелов на социјалната мрежа Фејсбук.

Тој во објавата потенцира дека би било убаво да се зачува смиреноста, и упати предупредување до политичките фактори во државата, да не ги споменуваат зборовите „рушење“ или „отстранување“, бидејќи во спротивно, како што се наведува во објавата, со неговите пријатели од 2001-та година ќе организирал негова одбрана.

„Особено ако се земе во предвид дека живееме во период кога на Попова Шапка врие од бесправно изградени објекти, во период кога на Попова Шапка бесправно е изградена и четирикатна џамија со 20 метарско минаре, во период кога низ државата бесправно се изградија повеќе споменици, кули и “музеи” на УЧК, некои од нив “украсени” со карти на Голема Албанија, во период кога при пречек на високи гости од Косово се мавта со знамиња на Голема Албанија и знамиња на соседни држави без притоа да се истакне и македонското знаме, во период кога се заговара пуштање на химната на Албанија во училиштата во Македонија, конкретно во Тетово…

Убаво е да се зачува смиреноста, убаво е да не се наседнува на провокации но се поставува прашање што ќе биде следно ако не пружиме агресивен отпор од наша, македонска страна?

Затоа, ги предупредувам албанските политички фактори во државата, никако да не ги споменуваат зборовите “отстранување” или “рушење” во иста реченица со крстот на Попова Шапка.
Во спротивно, јас како граѓанин, со некои мои пријатели од 2001-та ќе организирам негова одбрана.
А вие пробајте да го срушите“, дополнува Ангелов во објавата на ФБ.

https://m.facebook.com/story.php?story_fbid=pfbid02YtwuiJaNWoTX7QhDHy5gpZqHWLTQ7Ns78f4uW1LdE3tVuNBnb3au2mbHV28DFTgRl&id=100002319031330&mibextid=2JQ9oc

Времето денеска ќе биде променливо облачно и студено со засилен, повремено силен ветер, над 80 километри на час од северозападен правец. На повисоките места и на планините ќе има слаби локални врнежи од снег, информираат од Управата за хидрометеоролошки работи.

Минималната температура ќе биде во интервал од 1 до 7, а максималната ќе достигне од 3 до 12 степени.

Во Скопје променливо облачно со засилен, повремено силен ветер од северен правец. Минималната температура ќе се спушти до 5, а максималната ќе достигне до 9 степени.

Утре ќе се задржи студено време со умерен до засилен северен ветер.

Во наредните денови времето ќе биде стабилно со ниски утрински температури, а дневните ќе бидат во пораст.

Утре во стандардниот термин (сабота, 18.11.2023, 19:00 часот), во спортската сала на ООУ “Добре Јованоски”, во рамки на седмото коло од Втората кошаркарска лига, во Прилеп гостува лидерот на табелата, екипата на МКК Куманово.

Кумановчани се предводени од страна на поранешниот и најуспешниот селектор на Македонија, Марин Докузовски, а на теренот од поранешниот репрезентативец Марјан Јанески, што го прави натпреварот вистински предизвик за младата екипа на Мега баскет.

-Со ваша поддршка, треба овој ден да го направиме вистински спортски и кошаркарски празник, и да докажеме дека Прилеп е кошаркарски град. Се гледаме во “Добре Јованоски”, утре во 7 – стои во повикот за поддршка од прилепскиот кошаркарски клуб.