Пациенти загрижени за своето здравје од долненска општина, неколку дена реагираат на овој срамен проблем во 21 век.

Зачудувачки е како политичките субјекти во Прилеп никако не го потенцираат проблемот со парното греење во Здравствениот дом.

Местото каде што секојдневно своето здравје го контролираат пациенти од 3 општини е оставено на милост и немилост на времето.

Докторите, пацинтите и медицинските сестри се премрзнуваат во текот на целото работно време.

Неофицијално и половина од тоалетите не функционираат повеќе години, а тие што функционираат се извор на зараза?

Прилепчани се чудат како Владата има пари за 70 нови вработени во прилепската болница, под чија надлежност е Здравствениот дом, од кои дел и по етнички клуч, иако и претходно имаше превработеност од немедицински кадар. Сепак предизборно се одлучија уште повеќе да ја пренатрупаат институцијата.

Зачудува фактот што ни еден здравствен работник не реагира јавно, а за политичките партии и да не зборуваме.

Потпретседателот на ВМРО-ДПМНЕ, Александар Николоски, во 18:10 часот ќе гостува на ТВ Алфа.

–Ќе зборувам за крајот на владеењето на власта на СДСМ и ДУИ, сите катастрофи кои ги направија како Влада како и за сите случувањата кои следат, активностите на ВМРО-ДПМНЕ и подобрата иднина која следи после ДВОЈНАТА ПОБЕДА на ВМРО-ДПМНЕ на претседателските и парламентарните избори. Доаѓаат подобри денови – напиша во најавата Николоски

Спрема програмата за изградба и реконструкција на основните училишта за 2024год. владата одобри 4 милиони евра за сите основни и средни училишта ширум државата – пишува во ФБ статус директорот на ООУ “Климент Охридски” од Прилеп, Ахил Јаков.

Неговиот ФБ статус во целост го пренесуваме во продолжение:

-ООУ”Климент Охридски” од Прилеп конкурираше со готови,спремни изработени проекти во висина од 200 000 еу
Во службен весник денес на нашето училиште беа одобрени 150 еу.

Прилеп ќе ве памети!

Ако сакате кандидат за губитник кој ќе ја стави Америка на последно место, гласајте за Ники Хејли. Но, ако сакате претседател кој секој пат ја става Америка на прво место, ќе гласате за Доналд Џеј Трамп, наведе поранешниот претседател на митинг во Лаконија.

Поранешниот американски претседател Доналд Трамп и неговата поранешна амбасадорка во ОН, Ники Хејли денеска се соочуваат со републиканските прелиминарни избори во Њу Хемпшир, гласање што може да биде одлучувачко во трката за Белата куќа помеѓу конзервативците.

Иако Хејли го доведе во прашање неговиот ментален капацитет и предупреди дека уште еден мандат на Трамп ќе донесе „хаос“, анкетите покажуваат дека нејзината кандидатура не може да го попречи патот на Трамп низ Њу Хемпшир до Белата куќа.

– Ако сакате кандидат за губитник кој ќе ја стави Америка на последно место, гласајте за Ники Хејли. Но, ако сакате претседател кој секој пат ја става Америка на прво место, ќе гласате за Доналд Џеј Трамп, наведе поранешниот претседател на митинг во Лаконија.

Трамп води пред Ники Хејли со речиси 20 процентни поени во анкетите пред вториот републикански прелиминарни избори.

На Њу Хемпшир се гледа како на електоратот попријателски настроен кон Хејли од кој било со кој ќе се соочи подоцна, така што нејзината иднина на следните првични избори ќе биде понеизвесна без победа или тесен пораз во Њу Хемпшир.

Трамп (77) победи на републиканските прелиминарни избори во Ајова минатата недела со убедлива победа, а Хејли беше трета.

Сè уште не се случило републикански аспирант за Белата куќа, кој победил на двата прелиминарни избори, да не ја добие и републиканската номинација за претседателските избори во САД.

Германија се споменува како ветена земја за здравствените работници од Балканот, но како функционира здравствениот систем таму покажува и случајот со докторката што доби отказ откога нејзините колеги пријавиле дека ја напуштила болницата во Хамбург 28 минути порано по 24-часовна должност, а таму работела 23 години.

Франциска Шлосер ја тужеше болницата и доби 400.000 евра отштета.

-Не можам да дозволам обвинението да стои така. Не направив ништо лошо. Сега доаѓаат и ја конструираат оваа измама со работното време. Апсурдно е, вели 54-годишната жена.

Докторката била поддржана и од Marburger Bund (MB), најголемото германско лекарско здружение.

Шефот на болницата, Филип Ветенгел, изјавил дека немаат намера да се борат против докторката.

-Рекоа дека си заминала порано. Изјавата на сведокот беше веродостојна. Но, не знам што точно се случи и сакам да завршиме со ова, рекол Ветенгел на судот во Хамбург.

Судот смета дека обвинувањата против докторката се неосновани. Сепак, по 23 години поминати во болница, деловниот однос меѓу неа и болницата заврши. Обвинението е повлечено, а Франциска Шлосер доби испратнина, пишува магазинот „Феникс“.

Претседателот на ВМРО-ДПМНЕ, Христијан Мицкоски во „Топ Тема“ на Телма ги соопшти имињата на техничките министри и заменици кои ќе ги предложи ВМРО-ДПМНЕ во техничката влада, потенцирајќи дека тоа се компетентни и неизвалкани кадри чија задача ќе биде да ја обезбедат волјата на народот.

Пред извесно време добив овластување од ИК и ЦК на партијата да предложам имиња кои ќе бидат дел од оваа техничка влада, и врз основа на тоа на состанок на ИК тој предлог ќе го презентирам, рече Мицкоски.

Мицкоски потенцираше дека технички министер за внатрешни работи ќе биде адвокатот Панче Тошковски, моментално ја води партиската комисија за правни работи, бил член на конгреси, дел министерство за транспорт и врски, моментално работи во адвокатска канцеларија.

-Ценам дека со оние други именувања во МВР може да се состави добар тим да се обезбеди изборниот процес да се одвива како што очекуваме ние и граѓаните, изјави Мицкоски.

Мицкоски додаде дека технички министер за труд и социјала ќе биде Ѓоко Велковски, кој долго време работи во тоа министерство.

Добро ја познава работата и структурата, едно време беше и секретар на Град Скопје, сега е дел од општина Гази Баба. Ценам дека како долгогодишен професионалец може да даде додадена вредност во овие 100 дена да обезбеди да имаме добро водење на министерството и да влијае да биде спречен поткупот кој знаете пред новогодишните празници на големо беше најавуван од страна на владата, рече Мицкоски.

Тој посочи дека технички заменик министер за финансии ќе биде Елена Петрова, која доаѓа од Управата за јавни приходи.

Таму работи повеќе од 25 години, исклучителна биографија, многу обуки во Светска банка, ММФ, станува збор за професионалец и може да допринесе за здрав конкурентен тим во тоа министерство, изјави Мицкоски.

Мицкоски истакна дека технички заменик во министерството за администрација информатичко општество ќе биде Стефан Андоновски, меѓународен секретар во ВМРО-ДПМНЕ.

Долги години дел од УМС, дел од ИК, близок соработник, имаме големи планови во делот на дигитализацијата на Македонија веднаш по изборите како идна влада. Ценам дека и тој ќе биде разликата која ќе ја видат граѓаните во овие 100 дена, изјави Мицкоски.

За технички заменик министер во МЗШВ, Мицкоски посочи дека ќе биде Цветан Трипуновски.

Беше и во претходната техничка влада, ја води и партиската комисија, човек кој ги поминал сите структури и имам доверба дека може да се справи со предизвикот, изјави Мицкоски.

Според календарот на МПЦ (Јулијанскиот календар) денеска е 12 јануари.

Денеска е Св. маченица Татјана.

Света Татјана потекнувала од видно римско семејство. Татко и три пати бил префект на Рим.

Уште од младоста била длабоко проникната од Христовата вера, а подоцна била посветена за ѓакониса.

Како Христијанка била забележана од римските власти, затворена и мачена. После измачувањата била фрлена на лавовите, но овие се умилкувале околу неа како во времето кога животните живееја во мир со Адама. Најпосле и ја отсекле главата. Света Татјана пострада за Христа во третиот век.

Во Прилеп на денешен ден е роден Тоше Проески.

Музичката кариера ја започна со настапот на „Мелфест“ во 1997 година. Патот кон ѕвездите му го отворија песните „Усни на усни“, „Сонце во твоите руси коси“, „Пушти ме“ (1997) и „Остани до крај“ (1998). Тој беше претставник на Република Македонија за песна на Евровизија во 2004 година во Истанбул, Турција, и го освои 14-то место со песната „Ангел си ти (Life)“.

Во 2004 година, Проески беше именуван за регионален Амбасадор на добра волја на УНИЦЕФ. По тој повод ја издаде песната „За овој свет“. Со песната „Чија си“ во 2003 година Тоше победи на белградскиот музички фестивал „Беовизија“ со што дефинитивно прерасна во најголема регионална музичка ѕвезда на некогашните ЈУ простори.

Тој ги објави албумите „Синот Божји“ (2000), „Некаде во ноќта“ (2001), „Ако ме погледнеш в очи“ (2003), „Ако ме погледаш у очи“ – верзија на српски јазик (2003) „Ден за нас“ (2004), „Дан за нас“ – верзија на српски јазик (2004) „По тебе“ (2005), „Пратим те“ – верзија на српски јазик (2005) „Божилак“ (2006), „Игри без граници“ (2007) и „Игре без границе“ – хрватска верзија (2007).

Сингловите од албумот „По тебе“ по неколку месеци се наоѓаа на највисоките места на музичките топ-листи во Хрватска, Македонија, Србија, Црна Гора, Словенија и Босна и Херцеговина.

Неговото издание „Божилак“ е компилација од преработки на 14 избрани традиционални македонски песни. Објавени се и ДВД-изданија на негови концерти во 2004 и 2006 година.

Речиси секоја негова песна беше хит како што се: „Усни на усни“, „Соба за тага“, „Ако ме погледнеш в очи“, „Тајно моја“, „Немаш ни благодарам“, „Срце није камен“, „Кој ли ти гризе образи“.

Тоше ги привршуваше студиите на Музичката академија во Скопје и работеше на музичката кариера за своја промоција во светски рамки.

Последниот концерт во Македонија го одржа на 5 октомври на Градскиот стадион ( Арената Филип Втори) во Скопје. Концертот беше хуманитарен и наменет за обнова на основните училишта во земјава.

Постхумно државата Република Македонија го прогласи за заслужен граѓанин.

Тоше Проески загина на 16 октомври 2007 година во сообраќајна несреќа кај Нова Градишка во Хрватска. Владата на Република Македонија во негова чест во неговото родно Крушево изгради мавзолеј – Спомен куќата на Тоше, каде низ музејска поставка од восочни фигури со неговиот лик во природна големина, лични предмети, музички инструменти, фотографии, видеа, сувенири… е прикажан целиот негов живот и музичкиот опус во кусата, но пребогата кариера.

ВМРО-ДПМНЕ ги утврди кандидатите за две министерски и три дополнителни заменички позиции во техничката влада која треба да спроведе фер и демократски избори закажани за 24 април и 8 мај.

Според нивните биографи станува збор за исклучително професионални кадри, со интегритет и долгогодишно искуство, експерти во својата област.

На чело на Министерството за внатрешни работи е предложен Панче Тошковски, долгогодишен познат адвокат.

Тошковски е магистер по кривично право и криминологија на Правниот факултет Јустинијан Први во Скопје. Има положено правосуден и адвокатски испит, а во моментот е адвокат во граѓански, имотно-правни, трговски, кривични и управни спорови пред домашни и меѓународни судови.

Тошковски има долгогодишно работно искуство во државните институции. Во период од 2008 до 2011 година работел како советник во Министерството за транспорт и врски, акционерското друштво за стопанисување со деловен простор во сопственост на Република Македонија, а членувал во неколку комисии и работни тела. Во моментов, Панче Тошковски е претседател на републичката правна комисија на ВМРО-ДПМНЕ.

За нов дополнителен заменик министер за финансии е предложена сосема ново решение кое е на професионална основа. Тоа е Елена Петрова, дипломиран економист со над 25 годишно работно искуство во Управата за јавни приходи.

Петрова 7 години била управник во Дирекцијата за јавни приходи – за големи даночни обврзници, а претходно била раководител на даночното одделение во Свети Николе, раководител на оддел во секторот за оперативна политика и едукација, како и раководите во сектор за утврдување и наплата на даноци во Генералната дирекција.

Според биографијата, Петрова има и осум години работно искуство во приватниот сектор, а во моментот е заменик претседател на Работното тело за имплементација на Даночен информациски систем во УЈП, а членувала и во неколку Управни одбори на проекти со МФ, МТСП, УЈП, ФПИОМ, ФЗОМ и АВРМ. Петрова се има стекнато и со бројни лиценци и сертификати, како обуки и соработки со Светска Банка, ММФ, ЦЕФ и останати меѓународни организации.

Ѓоко Велковски е нов предлог за кандидат за министер за труд и социјална политика.

Велковски долги години работел во Министерството за труд и социјална политика како раководител на одделение за внатрешна ревизија, соработник во Секторот за финансиски прашања, бил и посебен советник во кабинетот на дополнителниот заменик за прашања поврзани со хумана популациона политика во 2016 година, како и кабинетски службеник во областа на трудовото право и правата од законот за работни односи во МТСП во 2020 година за тогашната техничка влада, а претходно работно искуство има и како локален економски консултант во Институтот за белодробни заболувања туберкулоза – Државна болница Скопје, бил внатрешен ревизор – соработник во Град Скопје, секретар на Град Скопје од 2021 година до 2023 година,

Велковски се има стекнато со бројни сертификати, а во моментот е раководител на Секторот за поддршка на градоначалникот на општина Гази Баба и советник во советот на Чаир.

Цветан Трипуновски е предложен за дополнителен заменик министер за земјоделство, шумарство и водостопанство. По струка е дипломиран земјоделски инженер.

Трипуновски и во претходната техничка влада беше на позицијата дополнителен заменик министер. До сега има работено во Министерство за земјоделство, шумарство и водостопанство како државен советник, а претходно од 2015та до 2017та година ја извршувал и функцијата директор на Државниот земјоделски инспекторат, а во периодот од 2006та до 2008та година беше прв човек на државната фитосанитарна лабораторија.

Трипуновски од 2008та година до 2012та година беше пратеник од редовите на ВМРО-ДПМНЕ во Собранието на Република Македонија. Трипуновски во 2017 година бил член на ИК на ВМРО-ДПМНЕ, а во моментот е претседател на републичката комисија за земјоделство на партијата.

За нов дополнителен заменик министер за информатичко општество ќе биде предложен Стефан Андоновски, досегашен меѓународен секретар на партијата и советник во Советот на Град Скопје.

Андоновски е докторанд на Правниот факултет “Јустинијан Први” во Скопје и магистер по меѓународни односи на Универзитетот Џонс Хопкинс во САД. Пред политичкиот ангажман, пет години работи во бизнис секторот во Македонија и е консултант на меѓународни донаторски проекти во областа на дигиталниот маркетинг, комуникации и медиуми. Има напишано трудови и колумни во домашни и меѓународни списанија, фокусирајќи се на меѓународна медијација и преговори, како и на уставни реформи во постконфликтни системи.

Ова се петте кадровски решенија на ВМРО-ДПМНЕ кои ќе бидат дел од техничката влада. Седницата за избор на новиот состав треба да одржи на 28 јануари, а техничката влада ќе трае се до спроведување на парламентарните и претседателски избори закажани за 24 април и 8 мај.