Советникот на Левица од Прилеп, Методија Костоски, си дал неотповиклива оставка од Советот на општина Прилеп, пишува во најновата колумна за порталот на “РАДИО ПЕЛА”, новинарот Зоран Момироски.

Според пишувањето на новинарот, Костоски пред се’ бил незадоволен од односот и работата на претседателот на Советот, Дејан Проданоски, кој досега одбил над 20 иницијативи и предлози од Костоски и Левица.

“НАД 20 ПРЕДЛОЗИ И ИНИЦИЈАТИВИ ОД КОСТОСКИ И ЛЕВИЦА ВООПШТО НЕ БИЛЕ СТАВЕНИ НА ДНЕВЕН РЕД. ДЕКИО ГИ ОДБИВАЛ СО ОБРАЗЛОЖЕНИЕ СО НАВОДНА „ПРАВНА НЕПИСМЕНОСТ“. А ЕДИНСТВЕНАТА ЦЕЛ НА ОВОЈ СОВЕТНИК БИЛА КОЛКУ ТОЛКУ ПРИЛЕП ДА СЕ НАПРАВИ ПРИСТОЈНО МЕСТО НА ЖИВЕЕЊЕ. НАМЕСТО ДА СЕ ИЗВРШАТ ВОНРЕДНИ ИНСПЕКЦИСКИ НАДЗОРИ ПО БАРАЊЕ НА ГРАЃАНИ ДО КОСТОСКИ, ИНСПЕКТОРИТЕ „КОДОШЕЛЕ“ КАЈ ПРЕКРШИТЕЛИТЕ НА ЗАКОНОТ КОЈ ПРИЈАВИЛ” – пишува Момироски.

МЕТОДИЈА КОСТОСКИ ОСТАНУВА ПРЕТСЕДАТЕЛ НА ЛОКАЛНИОТ КЛУБ И ЧЛЕН ВО ПОВИСОКИТЕ ОРГАНИ НА ПАРТИЈАТА. А СОВЕТНИЧКОТО МЕСТО ЌЕ ГО ЗАЗЕМЕ КАТЕРИНА ПУЗЕСКА- КОМЕРЦИЈАЛИСТ ОД ИСТАТА ПАРТИЈА.

Ретко кое граѓанско здружение од нашиот град може да се пофали со 56 години континуитет, ентузијазам, љубов и посветеност.

Од 1967 година како “Канарија” до 1998, а потоа како “Кардинал”, па се до денешен ден, друштвото за заштита и одгледување на птици од Прилеп опстојува континуирано како непрофитно и аполитичко здружение на граѓани – вљубеници во природата и птиците.

Низ годините во друштвото членуваат бројни активисти и ентузијасти од сите социјални слоеви, кои на свој начин дале несебичен придонес во развојот и работата на друштвото.

Петар Настески, Блаже Тодороски,Слободан Данче Михајлоски, Кире Илиески, Боро Рикалоски, Милан Мимичкоски, се само дел од плејадата на активисти кои поминале низ друштвото и добар дел од своето слободно време го посветиле во практикување активности кои произлегуваат од статутот на друштвото.

Главните приоритети на друштвото секако се активности од еколошки карактер, како: пошумување на месноста Шаторов камен, вештачкото езеро и други локации во околината на Прилеп, прихрана на птиците во природата за време на екстремни временски услови, и особено организација на изложби од натпреварувачки и ревијален карактер (градски ревијални изложби и организација на Државен шампионат на Македонија).

Покрај многуте ревијални изложби, друштвото беше организатор на Државниот шампионат во 2000-та година, а ќе го организира и 28-от Државен шампионат на Македонија, кој ќе се одржи во Прилеп од 14-17декември 2023 година, во просториите на Домот на културата “Марко Цепенков”.

Дојдете, погледнете ја изложбата и уживајте во убавината и разноликоста на птиците.

TEKСТОТ Е ПРЕЗЕМЕН ОД “ГЛАДИАТОР.МК”

Добредојдовте во срцето на македонската слатка традиција, каде што уметноста на производство на локум напредува повеќе од еден век. Денес ја имаме привилегијата да навлеземе во слаткиот свет на најреномираната македонска компанија „Тагас Балкан“, која го носи факелот на традицијата и иновативноста повеќе од 100 години.

Арома на шеќер и вековни рецепти нè поттикнаа да влеземе и истражиме во светот на локумите, каде што секое парче шепоти приказни за минатото и соништа за иднината. Придружете ни се на ова вкусно патување додека ги откриваме тајните зад производството на ова негувано слатко македонско задоволство.

Како вековната традиција на производство на локум влијае врз суштината на производите на оваа компанија?

– Ова е навистина долг занает. Познатиот крушевски локум, чија тајна на подготвување е од Солун, ја донел слаткарот Ѓорѓи Тагас и денес се произведува како посебен производ на кој не може да одолее ниту еден посетител на градот Крушево. Овие слатки сувенири се произведуваат повеќе од еден век по ист рецепт.

Можете ли да споделите некои сознанија за историското значење на локумите во македонската култура и неговата еволуција низ годините?

– Традицијата продолжува и понатаму. Секој кој ќе дојде да го посети градот, не заминува без кутија локум и целувки. Имаме и нови продукти кои се воведени, а меѓу нив се локум со кокос и лешник, но и шарени целувки со различни вкусови за сите љубители кои сакаат да ги пробаат заедно со кафето.

Во духот на „Тагас Балкан“ кој ја прославува својата 100-годишнина, кои карактеристични елементи ги издвојуваат вашите локуми од другите на пазарот?

– Тоа што е спeцифично и го разликува крушевскиот локум на „Тагас Балкан“ од останатите е вкусот. Секаде може да пробате локум, но овој е навистина специфичен. При подготовка на локумот се става нешто што е останато како тајна со децении и се пренесува само во семејството Тагас од генерација на генерација. Разликата е во создавањето на локумот, за истиот да има специфичен мирис, вкус, арома и никој да не може да му одолее.

Како минатото влијаело на рецептите и кои иновации се воведени за да се обезбеди локумите да останат релевантни во модерната ера?

– „Тагас Балкан“ ја зачувува традицијата и создава локум со ореви, но воедно се додаваат и нови производи како пирамида, бомбоњера, локум со кокос и лешник и други производи кои се иновации за да се оди чекор напред, да се додаде нешто ново при проширување на бизнисот и понудата, а притоа да се запази и зачува традицијата.

Па така додека го завршуваме нашето патување низ слатките сфери на македонската традиција, ни останува вкусот на минатото и погледот во иднината. А македонската слаткарница „Тагас“ стои не само како доказ за трајните вкусови на локумите, туку и како чувар на културното наследство кое опфаќа генерации. Во секој залак, може да се вкуси суштината на вековната традиција, врската со раздвижените чаршии од минатото и ветувањето за сладост за генерациите што доаѓаат.

А вам ви благодариме што заедно со нас влеговте во овој свет на македонските локуми, каде минатото, сегашноста и иднината беспрекорно се спојуваат во секој вкусен залак.

За крај една скромна порака од нас: Немој да си заминете од Крушево без да пробате од ова парче традиција со богат вкус на македонска историја.

Да се допре до нечие срце и да се изнудат воздишки не е лесно, но ним и тоа како им успева во изминатите години. Омиленото гастрономско место на прилепчани сега зрачи со нов маестрален изглед.

Од денеска одново се отворени вратите на “PIZZA BAR ACADEMY”, каде сега ќе ве дочека нов аристократски амбиент, нешто што е реткост за градот под Марковите Кули.

Благодарение на “Академи”, Прилеп освен со највкусната скара, во изминатите години може да се пофали и со одлична понуда на пици, чиј вкус и мајсторија го доближија нашиот град до светскиот дом на пицата – Неапол.

Работењето со многу љубов, посветеност и огромна енергија, ја освои довербата на прилепчани, но и на секој гостин во нашиот град, па токму затоа сопствениците не застануваат тука и оваа успешна гастрономска приказна ја “облекоа во ново руво”.

За нив задоволство е насмевката на вашето лице и спокојот во вашата душа, кои со сигурност ќе ги понесете со себе, знаејќи дека сте вкусиле нешто што е единствено во градот.

Фотографиите кажуваат се’, а вие побрзајте и искористете го викендот за вкусен ручек со вашите најблиски. А, и за малку ќе заборавевме, резервирајте навреме, затоа што новиот амбиент доаѓа и со многу новитети во менито, кои секако ќе ви го зголемат апетитот.

Тимот на “PIZZA BAR ACADEMY” ве очекува! Наздравје!

Во рамките на последното коло од есенскиот дел од суперлигашката ракометна сезона, РК Прилеп во понеделник ќе биде домаќин на минатогодишниот шампион – екипата на Еурофарм Пелистер.

Битолчани во градот под Марковите Кули доаѓаат како првопласирани со 36 бода, колку што има и Вардар на второто место на табелата. Од друга страна прилепчани потфрлија во очекувањата, па после 13 одиграни натпревари имаат само 3 победи и еден нерешен резултат, и со само 10 освоени бода напролет повторно ќе се борат за опстанок.

За Еурофарм не постои простор за грешка и се очекува во Прилеп да дојдат по нови 3 бода, па ракометарите на РК Прилеп ќе треба да најдат доволно мотивација и сила, за да се обидат да им го закомплицираат овој натпревар.

Натпреварот се игра во спортската сала на СОУ “Ристе Ристески-Ричко” и е со почеток од 19:00ч.

Унгарскиот премиер Виктор Орбан останува жестоко против преговорите со Украина за пристапување во Европската унија (ЕУ), тврдејќи дека во земјата има премногу корупција и претставува закана за европското семејство.

„Украина е позната како една од најкорумпираните земји во светот. Не можеме да донесеме одлука за почеток на процесот за пристапни преговори (со таа земја)“, рече Орбан во Париз во интервју за неделникот Ле Поинт.

На средбата со францускиот претседател Емануел Макрон, Орбан рече дека наместо пристапни преговори, ЕУ треба да влезе во стратешко партнерство со Украина.

„Секоја година ќе треба да плаќате повеќе од 3,5 милијарди евра дополнителни средства во заедничкиот буџет на Унијата“, рече Орбан во интервјуто за Поен.

Факултетот за земјоделски науки и храна – Скопје, Универзитет “Св. Кирил и Методиј” во Скопје, на денешната седница на Наставно-научниот совет, го избра новиот Декан на факултетот.

Проф. д-р Миле Маркоски, ја доби довербата од Наставно-научниот совет на факултетот, да биде Декан во мандатниот период 2024 – 2027 година. Проф. д-р Миле Маркоски моментално ја извршува функцијата Продекан за наука, соработка со стопанство и развој.

Факултетот за земјоделски науки и храна – Скопје е еден од најстарите факултети во државата и е еден од основоположниците на Универзитетот “Св. Кирил и Методиј” во Скопје. Факултетот како водечка институција во областа на земјоделските науки и храната, оваа година одбележува 76 години од своето основање.

Израелската армија денеска соопшти дека пронашла оружје и тунел под Универзитетот Ал Азар во Газа. Наведено е дека тунелот, кој се протега од зградата на универзитетот до блиското училиште, е долг еден километар, пренесува АП.

Армијата тврди дека пронашла контролна соба на палестинската организација Хамас, со камери, телефони и оружје, во близина на болница во северниот дел на Газа.

На состанокот на Централното претседателство на Демократската унија за интеграција денеска во Тетово е донесена одлука премиер на Владата на од 28 јануари, за периодот до изборите ќе биде актуелниот претседател на Собранието, Талат Џафери, објави на социјалните мрежи Бујар Османи.

За шеф на Централниот изборен штаб за изборите 2024 година е избран Фатмир Бесими.Централното претседателство на ДУИ го овласт претседателот на Партијата Ало Ахмети да ги продолжи разговорите со политичките партии и да одлучува за евентуални коалиции за претседателските и парламентарните избори.

Основното јавно обвинителство Прилеп поведе постапка против едно лице за кое постои основано сомнение дека сторило кривични дела – Полово вознемирување од член 190-а, Загрозување на сигурноста од член 144 став 5 и Демнење од член 144-а став 1 од Кривичниот законик, соопштија од ПР службата на Јавно обвинителство.

Основното јавно обвинителство Прилеп поведе постапка против едно лице за кое постои основано сомнение дека сторило кривични дела – Полово вознемирување од член 190-а, Загрозување на сигурноста од член 144 став 5 и Демнење од член 144-а став 1 од Кривичниот законик, соопштија од ПР службата на Јавно обвинителство.

-Во текот на ноември, осомничениот на својот Фејсбук профил во повеќе наврати поставувал текстуални објави и вклучувања во живо со кои се заканувал дека ќе нападне врз животот на основната јавна обвинителка на ОЈО Прилеп и членови на нејзиното најблиско семејство. Намерата му била да ја вознемири и да ја исплаши, а врз основа на пол, личен, семеен и општествен статус на оштетената како Јавен обвинител. Во објавите осомничениот неовластено користел приватни и семејни фотографии на оштетената. Преку социјалните мрежи тој директно праќал пораки со вознемирувачка содржина до ќерката на јавната обвинителка, предизвикувајќи кај неа непријатност, навреденост и страв. Осомничениот е претходно осудувано лице за кривично дело – Загрозување на сигурноста, а против него во последниот период се поднесени и повеќе други кривични пријави, што укажува на опасноста тој да повторува вакви кривични дела, истакнуваат од ЈОРСМ

Поради тоа, како и фактот дека постојат околности кои укажуваат на опасноста осомничениот да се даде во бегство доколку се брани од слобода, јавниот обвинител до судијата на претходна постапка од Основниот суд во Прилеп достави предлог за определување мерка притвор. Предлогот е прифатен и Судот со решение му определи притвор во траење од 8 дена, додаваат од ЈОРСМ