Во вториот петок од Великиот Велигденски пост во прилепските црковни храмови, се отслужи Големо повечерие на кое се читаше акатистот посветен кон Пресвета Богородица и се освети петтолебие за здравје и спасение на верниот народ.

Прилепчани до последно место ги исполнија црквите и принесоа петтолебија за здравје и спасение на себе си и своите ближни.

Мајката Црква, премудро одредила, за време на Четириесетницата (Великиот пост), која е време кога ние христијаните треба да вложиме дополнителен труд за духовно усовршување, преку особена служба, која се нарекува Акатист, ние верните да упатуваме молитви и кон Пресветата Богородица.

Црквата од векови не почучувала дека за време на нашиот краток животен век, кој е обременет со многу животни искушенија, за нас е дужеполезно да ја повикуваме за помош Мајката на нашиот Господ Исус Христос, Пресветата Богородица и да ја молиме да го моли својот Син и наш Бог, Исус Христос, да не’ запази од животните бури.

Во деновите, кога се служи овој посебен чин, Акатистот кон Пресвета Богородица (петоците), според православната традиција, верните принесуваат петтолебие од благодарност кон Бога и за здравје на нивните семејства. Меѓу народот, вообичаено се вели: „Испеј си едно петолебие за здравје“

Петолебието е кратка служба на Благодарност, преку која ја изразуваме нашата благодарност кон Бога за сите благослови во животот. Маслото, виното, пченицата и лебовите што се употребуваат во службата ги претставуваат најосновните елементи неопходни за живот. Ова благословување не’ потсетува на чудото на умножување на лебовите и рибите од страна на Христа, со кои нахранил мноштво луѓе.

Ова благословување обично се извршува за време на празнично вечерно богослужение и особено во петоците од Великиот пост.

По службата, лебовите се разделуваат меѓу присутните верници. Овој благословен леб помага против секакво зло, доколку се прима со вера.

Денеска прилепските борачи и борачки зедоја учество на училишниот натпревар во борење, кој се одржа во Кочани. Учествуваа 11 борачи и борачки од Прилеп, а екипата беше предводена од тренерите Теодора Димеска и Леона Настоска.

Втората екипа со 4 борачки отпатува на силен Меѓународен турнир во Стара Загора, Бугарија, каде боите на БК “7-ми Mај” ќе ги бранат: Анабела Стојаноска, Ангела Трајкоска, Јована Тодороска и Тамара Цветкоска, а девојките се предводени од тренерите Стојанче Тушески и Филип Јованоски.

Од прилепските клуб очекуваат нови медали и веруваат дека одново ќе ја израдуваат прилепската спортска јавност.

Новинарот Зоран Момироски ја објави својата најнова колумна од серијалот ,,Во Прилеп нема проблем, а се е проблем”, каде во најголем дел се осврна на кандидатските листи за пратеници на партиите за четвртата изборна единица.

Во колумната Момироски пишува:

,,Невестите и зетовите се познати,,!!! Мајската свадба може да почне!!! Она што не е познато е колку гости ќе има на оваа заедничка веселба ?! Оти секој ќе си кани според своите можности. Деновиве ќе бидат посетени и ќе бидат поделени покани безмалку во сите домови на заедничката веселба.Затоа во изборните штабови се формирани тимови кои ќе ги делат поканите односно изборните програми а ќе има и дополнителни обврски поединци со себе да кандисаат од 10 до 20 луѓе за да присуствуваат на оваа заедничка мајска веселба. СДСМ реши во четвртата прилепско-струмичка изборна единица од Прилеп да бидат на трето место, добитно место да биде Миле Талески.

На тринаесетто место Кети Стевананџија и на дваесеттото Илија Зероски. На чело орото ќе го води доктор Венко Филипче. Човек од И.Е еден. И, ВМРО-ДПМНЕ конечно одлучи во оваа И.Е. на четврто и седмото добитно место од градов да биде Дејан Проданоски и Петар Ристески ама амбициите се ако може во парламентот место да обезбеди и Билјана Кузманоска. И на дваесетото место е Никола Златески.

Ороводецот од поодамна се знае потпредседателот на партијата Александар Николоски. Ама изненадување е што на второ место е кичевчанецот Антонио Милишески кој исто како Николоски природно припаѓаат во петтата И.Е. Што би значело дека ниту СДСМ ниту ВМРО – ДПМНЕ не создале ,,бренд- политичари,,во оваа И.Е. Битката меѓу прилепските и струмичките активисти за листата на пратеници во ЗНАМ заврши. Миле Цеков од Струмица ќе биде носител на листата. Емил Јанески од Прилеп ќе биде на второто а за градов Максим резервирал уште еден можен кандидат и тоа на четвртата позија. ЗНАМ и Левица во оваа изборна единица би можеле да освојат по едно место во Парламентот. НО,СЕ ЗАВИСИ КОЈ ЌЕ ЈА ФОРМИРА НОВАТА ВЛАДА .

И по овие почетни политички игри и комбинаторики сосема е јасно дека некој во СДСМ го маргинализира Прилеп. Дали тоа е односот на Централата кон градот или желбата на поединци од градот да акумулираат моќ е прашање на кое треба сепак некој е должен да даде одговор. Познавајќи ги политичките состојби и турбиленции во ОО на СДСМ-Прилеп ми даваат за право да се сомневам дека ова е одраз на поединци кои сакаат да го држат градот во заложништво, за да остваруваат исклучиво сопствени желби и потреби. И во сегашниот состав иако партијата е носител на централната власт сепак има еден пратенк. Систем разработен уште пред и за времето кога ВМРО-ДПМНЕ ја имаше централната власт. А тогаш како претеник од опозицијата си ,,царуваше,, Горан Сугарески, кој од позција на опозиција си го помина мандатот лефтерно. Си се шеташе како ,,паун,, низ градот, по прилепските улици ама се шеташе со мобилниот на уво па дури и тогаш кога со никого не зборуваше. И тоа наменски да не го запре некој и да не го вознемири со личен проблем.

Имаше многу мал временски интервал во овие дваесеттина години кога во ,,тајфава,, беа вклучени како пратеници и Хари Локвенеци и Кети Смилеска. Одраз на ваквите долгогодишни состојби се под ,,диригентска палка,, на поединци, јас ги нарекувам Г.Г ( група граѓани ) кои и сега се ,,природна непогода,, која серозно ќе се рефлектира и на овие избори.

Во рамките на шестото коло од плеј-аут разигрувањето во ракометната Супер лига, екипата на РК Прилеп, утре со почеток од 18:30ч. го дочекува Вардар од Неготино.

И двете екипи се одлични во досегашниот дел од разигрувањето. Прилеп има 4 победи и еден нерешен резултат, а Вардар 4 победи и еден пораз.

Екипата на тренерот Божидар Мојсов и капитенот Филип Велески, сигурно ќе атакува на нов триумф, а тоа го очекуваат и ракометните вљубеници во Прилеп.

Бидете во спортската сала во СОУ “Ристе Ристески-Ричко” и поддржете ги нашите момци.

Во сабота, на 30 март од 10:00 до 17:00 часот, на платото кај градскиот Саат, неколку издавачки куќи, ќе ги претстават своите изданија, со што читателската публика ќе има можност за увид во најновите текови на светската и македонската книжевност.

Културниот настан “Книги во Прилеп” кој го организира Здружението за културна размена Логос, со поддршка на Општина Прилеп, има за цел да ја разбуди книжевната пролет кај прилепчани!

Ќе бидат претставени класични дела, детски изданија како и дела од современи странски и македонски автори.

Продуцентот на „Пиратите од Карибите“ Џери Брукхајмер планира да ја рестартира популарната франшиза, но не планира враќање на Џони Деп.

Како што пренесуваат странските медиуми, продуцентот Брукхајмер во интервју изјавил дека нема да се потпира на враќањето на Деп. Откри дека е полесно да се најдат нови луѓе отколку да се чекаат одредени актери.

Брукхајмер претходно изјави дека Деп нема да има поддршка да се врати за шестиот дел од филмот.

По петтиот дел од „Dead Men Tell No Tales“ во 2017 година, Деп беше дел од судење за клевета со неговата поранешна сопруга, актерката Амбер Херд. Судењето во 2022 година беше голема медиумска приказна, бидејќи Деп успешно го доби случајот против Херд поради објавувањето на извештајот на Вашингтон пост во кој се тврди дека маж сексуално ја нападнал.

И покрај тоа што победи на судењето во САД, Деп загуби слична тужба за клевета против Амбер Херд во Велика Британија.

Не е некоја нова вест дека во пресрет на Велигденските празници цената на свежата салата достигнува неверојатни вредности. Ако ги гледаме цените сега, на нешто повеќе од месец дена пред Велигден, не треба да очекуваме некоја различна ситуација.

Во моментов килограм домат во еден од поголемите ланци на маркети чини 135 денари. Краставиците се 84 денари за килограм а една марула 25 денари. Еден врзоп млад кромид чини 29 денари.

Цените варираат од место на место но разликите не се многу големи.

Тоа што може да не спаси е фактот дека Велигден оваа година се паѓа прилично доцна, на 5 мај а тогаш и домашното раноградинарство има поголемо производство.

Граѓаните се веќе навикнати за најголемиот верски празник кога царуваат свежите салати за нив да плаќаат мало богатство.

Извор: “Пресс24”

Неодамна во Прилеп со работа започна најголемата продавница за пијалоци.

Лоцирана во дуќанот на домот “Спиро Забрчанец” Liquor Store Prilep , е прва премиум дестинација за секаков тип на пијалоци во Прилеп.

Конечно градот под Марковите Кули доби еден современ продажен салон за пијалоци, каде на едно место може да се најде се’ и сешто и за сечиј вкус.

А кога велиме се’ и сешто, навистина мислиме така. ВО Liquor Store има 100 различни видови на пиво, буквално се’ од жестоки и безалкохолни пијалоци, а љубителите на квалитетни тутунски производи, тука можат да си набават кубански и италијански пури.

За оние кои се’ уште не го посетиле Liquor Store, дел од понудата можат да погледнат на Фејсбук страната: https://www.facebook.com/profile.php?id=61555827827769.

Следете ги, затоа што речиси секој ден имаат разни промоции и намаленија.

Извршниот комитет на ВМРО-ДПМНЕ одржа седница, а во овие моменти привршува и седницата на Централниот комитет на ВМРО-ДПМНЕ каде се усвоени пратеничките листи на ВМРО-ДПМНЕ и Коалицијата за наредните парламентарни избори. Ова се победнички листи и се надеваме на мнозинската поддршка од граѓаните на Република Македонија, изјави Тимчо Муцунски, потпретседател на ВМРО-ДПМНЕ.

– Овие избори се всушност одлука за тоа каква Македонија сакаме. Нивната, таа на власта, затворена, омаловажена, криминализирана, или онаа Македонија каква народот ја сака, и за каква се бориме. Македонија со надеж, иднина и сигурност. Македонија која ќе биде повторно на народот, институциите ќе бидат функционални, системот ќе биде нормализиран.

Народот бара и очекува одговорност, бара и очекува принципи и враќање на вредностите во политиката. Ова се победнички пратенички листи, а при нивното составување се водеше сметка за гласот на народот, нивните барања и потреби. Носителите на овие победнички листи се: Во првата изборна единица е лидерот на ВМРО-ДПМНЕ Христијан Мицкоски каде очекуваме огромна поддршка и огромна победа. Втората изборна е мојот колега и пријател Владо Мисајловски. Третата изборна единица е Драган Ковачки. Четвртата изборна единица е потпретседателот Александар Николоски. Петата изборна единица генералниот секретар на ВМРО-ДПМНЕ Ѓорѓија Сајкоски. И шестата изборна единица каде очекуваме исто така убедлива доминација во однос на СДС е Дафина Стојановска – рече Муцунски.

ИЕ 1
1. Христијан Мицкоски
2. Гордана Кочовска Димитриевска
3. Коалиција
4. Синиша Стојановски
5. Бети Стаменковска
6. Тони Јаревски
7. Иван Живковски
8. Љупчо Пренџов
9. Марија Митева
10. Иванка Василевска
11. Коалиција
12. Велика Стојкова Серафимовска
13. Сергеј Попов
14. Јане Мицески
15. Бисера Златеска
16. Катерина Димитровска
17. Игор Никовски
18. Мартин Стојановски
19. Александра Николовска
20. Тодор Коневски

ИЕ 2
1. Владо Мисајловски
2. Жаклина Пешевска
3. Коалиција
4. Бобан Николовски
5. Бојан Стојановски
6. Каролина Насковска
7. Зоран Коцевски
8. Бране Петрушевски
9. Дијана Илиевска
10. Емилија Ангелова
11. Коалиција
12. Ерџан Демири
13. Весна Додевска
14. Зоран Бајовски
15. Ивица Димковски
16. Дени Милевски
17. Габи Калкова
18. Никола Стојковски
19. Мартина Ристовска
20. Валентина Петровска

ИЕ 3
1. Драган Ковачки
2. Никола Мицевски
3. Рашела Мизрахи
4. Игор Здравковски
5. Коалиција
6. Благица Ласовска
7. Миле Лефков
8. Даниела Христова
9. Марија Петрушевска
10. Душко Иванов
11. Александар Јамалов
12. Драгана Бојковска
13. Емил Спасовски
14. Драгана Арсова
15. Столе Кракутовски
16. Љупчо Спиров
17. Гордана Барбашка
18. Јорданчо Костадинов
19. Мартин Ефремовски
20. Анкица Анакиева

ИЕ 4
1. Александар Николоски
2. Антонијо Милошоски
3. Ели Панова
4. Дејан Проданоски
5. Зоран Јованчев
6. Ангелинка Петкова
7. Петар Ристески
8. Златко Пенков
9. Моника Ристеска
10. Јулија Тушева
11. Жан Дрвошанов
12. Петар Марков
13. Билјана Кузмановска
14. Весна Ѓорѓиева
15. Мито Андонов
16. Јадранка Поцкова
17. Наталија Димитриева
18. Гоце Дединец
19. Сашо Граороски
20. Никола Златески

ИЕ5
1. Ѓорѓија Сајкоски
2.Олга Лозановска
3.Сашо Донев
4. Пеце Милевски
5. Јован Јаулески
6. Лидија Петковска
7. Мевмед Џафери
8.Кире Божиновски
9. Силвана Ангелевска
10. Грација Бакрачевска
11. Лазе Јакимовски
12. Ѓорѓи Влајкиновски
13. Благица Крстеска
14. Никола Дранговски
15. Леон Мерсовски
16. Менче Марковска Андреева
17. Билјана Стефановска
18. Жанета Петреска
19. Мартин Иваноски
20. Ѓорѓи Шопоски

ИЕ 6
1. Дафина Стојаноска
2. Александар Велјановски
3. Валентина Марчевска
4. Коалиција
5. Верица Апостоловска
6. Ванчо Милевски
7. Алишериф Синани
8. Анета Ќироска
9. Анита Бошкоска Јованоска
10. Мишо Маринковски
11. Бране Стојчевски
12. Верица Тофиловска
13. Ивана Савеска
14. Даниела Апостоловска
15. Деан Трпески
16. Марина Петровска
17. Горан Зафировски
18. Тања Сибиновска
19. Лилјана Спиревска
20. Александра Спироска