Во полн ек се подготовките на дечињата за веќе традиционалните бадникови поворки, а на две недели до Божик од Здружението ,,Бадникови поворки” информираат дека оваа година поворките ќе се одржат под мотото ,,Почувствувај радост”.

Катерина Левкоска која е координаторката за Прилеп од здружението “Бадникови поворки”, вели дека оваа година пријавени се околу 200 дечиња, но очекуваат нивниот број да се зголеми на последната проба.

-Поворката започнува од Камената бина во 10:00 часот на 06.01.2024 каде што децата ќе ги отпеат песничките ,,Вечниот Бог”, ,,Тропар на Рожденство Христово” и ,,Кондак на Рожденство Христово”. Тука дечињата ќе бидат пречекани од градоначалникот на Прилеп, г-динот Борче Јовчески кој симболично ќе ги дарува. Пеејќи ја ,,Вечниот Бог”, поворката продолжува кон уличките низ старата чаршија, потоа се враќаме до божиќната пештера во центарот на градот и се упатуваме кон најблискиот храм, црквата Св. Кирил и Методиј (Параклис). Децата во поворките ги симболизираат ангелите што го најавуваат Христовото Раѓање, а ѕвездичките што радосно ги веат над своите озарени лица се водилка кон местото каде што се раѓа Богомладенецот. Симболично прикажано, кај нас тоа е патот до божиќната пештера во која е претставен целиот настан на Христовото Раѓање – Божиќ. – истакна Левкоска

Со одговорно и чесно работење, после две години Локална власт, успеавме вкупно преземените обврски од 292.562.164 денари, од крајот на 2021година, да ги намалиме на само 47.085.000 денари во овој момент – пишува на ФБ градоначалникот на општина Прилеп, Борче Јовчески.

-Едноставно кажано, нашата Општина Прилеп која што со моето преземање на функцијата градоначалник имаше скоро 5 милиони евра долгови, истите сега изнесуваат нешто помалку од 800 илјади евра. Во меѓувреме реализиравме огоромен број на проекти а сигурен сум дека во иднина ќе имаме можност да реализираме уште повеќе и со тоа да ги подобриме условите за живот на сите прилепчани.

Вие почитувани сограѓани верувам дека знаете кој работи во ваш интерес, и ве уверувам дека и во наредниот период заедно со претседателот на Советот на Општина Прилеп, советничката група и директорите на јавните претпријатија и нашите општински училишта ќе продолжиме да работиме посветено за нашиот Прилеп – пишува Јовчески.

Цената на струјата за домаќинствата од 1 јануари се намалува за 5, 16 отсто за прв блок, за втор блок и за евтината тарифа останува иста, за трет блок поскапува за 2,88 а за четврт блок за 1,86 отсто.

Како што истакна претседателот на Регулаторната комисија за енерегетика, Марко Бислимоски, тоа го овозможи воведувањето на Надоместот за пристап до мрежа од 200 денари месечно.

Во спротивно ќе имало поскапување за 3,4 отсто во прв блок, за 8,62 во втор, за 9,46 во трет и за 4,92 во четврт блок, додека евтината тарифа ќе се зголемела за 15,42 отсто. Дополнително, како што рече, овозможиле намалување на мрежарината за речиси 23 отсто.

-Со новиот концепт пристап кон мрежа, се направи фер распределба на трошокот за мрежа меѓу редовните корисници и оние потрошувачи кои повремено ги користат објектите, рече Бислимоски, истакнувајќи дека одлуката е во насока на заштити стандардот на граѓаните.

Изминаа речиси два месеци откако Државниот завод за ревизија го објави извештајот за работата на Општина Прилеп во изминатите години, а најголем бум кај јавноста предизвика информацијата за “новото мовче” на Градската река во населбата “Сточен пазар”, за кое општината патем како инвеститор исплати 554.846 евра, е пуштено во употреба без обезбедена комплетната изведбена документација, што пак претставува ризик за безбедноста на корисниците на сообраќајниците кој ги поврзува мостот.

Ова значи дека над половина милион евра пари на граѓаните се дадени за објект кој ниту ги исполни очекувањата за олеснување на сообраќајот, ниту пак ги исполнува законските критериуми за безбедност.

Проектот беше еден од малкуте кои ги сработи претходната локална самоуправа предводена од градоначалникот Илија Јованоски. Беше најавуван со музики, беше сниман со дронови, идеа министри, пратеници, разно разни функционери…

И додека тогашната локална власт се расфрлаше со фанфари како успешно решиле децениски проблем во Прилеп, тогашната опозиција на ВМРО-ДПМНЕ секојдневно редеше пресови на оваа локација – едно 20-тина најмалку, а изминатите два месеци некако немо и без малку ентузијазам ја примија оваа информација од ДЗР, ако воопшто детално го прочитале извештајот.

Граѓаните речиси секојдневно ги разговараат овие теми и бараат одговорност. Бараат од раководството на Општинскиот комитет на ВМРО-ДПМНЕ да го кренат гласот, исто како што беа гласни пред изборите. Имаше дури и најава дека правен тим работи на изготвување кривични пријави, но засега овие муабети се покажаа како чисти шпекулации.

Единственото логично објаснување е дека новогодишните забави и коктели си го направија своето, па за кривичните пријави веројатно ќе почекаме после празниците. Дотогаш наздравете, расположете се со добра песна, со убаво друштво, победата сама ќе си дојде….

Велес блесна во новогодишно руво. Со прекрасни новогодишни креации се украсени главниот градски булевар и “Младинскиот парк”, каде се наоѓа и блескава новогодишна елка.

Посетете го Велес за празниците и уживајте во новогодишната еуфорија:

Во убава и свечена атмосфера доделени наградите и признанијата на учениците и менторите, учесници на Традиционалниот конкурс „Свети Никола 2023“.

Овој конкурс го распишува и организира Клубот на литературни творци Прилеп со една единствена цел, а тоа е поттикнување и развој на книжевниот творечки потенцијал на младите, промоција на нивната дарба за пишување и творење и негување на Македонскиот литературен јазик и литературата воопшто.

Конкурсот се распишува за две категории на литературно творештво, поезија и проза.

Во продолжение е изборот на двете комисии за најдобри лични творби:

1. КАТЕГОРИЈА ПОЕЗИЈА
– Прво место:
Ана Марија Димитриоска
наслов: Купидон
СОУ „Ристе Ристески Ричко“
Ментор: Андриана Челебитова
– Второ место:
Лаура Кајџаноска
наслов: Изгубени мугри
СОУ Гимназија „Мирче Ацев“
Ментор: Филип Ристески
– Трето место:
Христина Талеска
наслов: Божиќна желба-правда
СОУ „Ѓорче Петров“
ментор: Лидија Ристеска
– Комисија:
Сузана Рулеска
Марија Симоноска
Филип Димкоски

2. КАТЕГОРИЈА ПРОЗА
– Прво место
Исидора Николоска
Наслов ,,Монолог”
2-1 клас – СОУ ,,Ѓорче Петров”
Ментор Билјана Тинтоска
– Второ место
Андреј Вршкоски
Наслов: ,,Писмото од Треблинка”
1-7 клас – СОУ Гимназија ,,Мирче Ацев”
Ментор: Филип Ристески
– Трето место –
Јована Шаркоска
Наслов ,,Живот”
2-1кл. СОУ„Ѓорче Петров” Прилеп
Ментор: Билјана Тинтоска
– Комисија:
Лина Димоска
Снежана Паноска
Насевска Тамара

-Од името на Клубот на литературни творци Прилеп и од мое лично име, честитки за наградените! Нијанси одлучија за изборот, со оглед на тоа што според мислењето на комисиите, поголемиот број на испратени поетски и прозни текстови беа со респективен книжевен квалитет. Затоа, ја користам можноста да им порачам на сите млади творци: – Читајте многу, пишувајте, творете, надоградувајте ја својата дарба и оставете трајни вредности зад себе преку издадените книги! Голема благодарност до сите присутни ученици и ментори кои го збогатија овој свечен чин со своето присуство! Се гледаме наредната година во уште поголем број – порача Андриана Ристеска, Претседател на Клубот на литературни творци.

Денес ќе се знае цената на струјата од Нова година. Регулаторната комисија за енергетика ќе објави и колкав ќе биде надоместокот за пренос и дистрибуција на електрична енергија.

Надлежните тврдат дека нема да има ценовен шок. Енергетските компании бараат зголемување од 27 проценти, но првиот човек на Регулаторна, Марко Бислимовски уверува дека компаниите нема да добијат толку висок процент. Новата ставка, надомест за пренос и дистрибуција ќе ја плаќаат сите, без разлика дали трошат или не струја. Сумата би се движела од 50 до 250 денари.

Поевтинување ќе има кај ставката мрежарина, за која корисниците реагираат дека некогаш ја надминува и сумата за самата потрошена енергија. Според регулаторна, овде намалување би било за 20%.

Привршува и сотирањето на броилата за дневната евтина тарифа од 13 до 15 часот.

Според одлуките на комисијата цената на услугата на Електродистрибуција се зголемува за 13,37 отсто, на МЕПСО за 13, 37 проценти и на МЕМО за речиси 36 отсто, но ова енергетско тело има незначително учество во крајната цена за домаќинствата и малите потрошувачи.

Гест за почит и за секаква пофалба! Девојка од Прилеп си го заборавила новчаникот во бутик “ДАК”, кој се наоѓа во Старата прилепска чаршија, а сопствениците јавно ја побараа на ФБ за да и’ го вратат.

За среќа сопственичката на новчаникот брзо беше пронајдена, а за уште поголема среќа на ова општество во кое живееме, се уште има луѓе кои во себе имаат “човечлук”.

Агенцијата за храна и ветеринарство ги информира потрошувачите дека се отповикува следниот производ – Кооп песто босилек 190 гр поради детектирана опасност – туѓо тело во производ.

Сериски број/лот: LM278.

Рок на употреба: до 05.10.2025

Потекло: Произведено од CLAS Во фабриката на Чиусанико (ИМ)

Крајните потрошувачи кои гo имаат купено горенаведениoт производ со посочениот рок на употреба, истиот да нe гo консумираат и да гo вратат на местото од каде гo купиле.

Денеска (25.12.2023) околу 18 часот полициски службеници од СВР Битола го пронајдоа шестгодишниот малолетник, кој еден час пред тоа беше пријавен од неговиот татко дека се изгубил во населба Горно Оризари во Битола.

Веднаш по добиената пријава, преземени се мерки и активности од полициски службеници од СВР Битола за пронаоѓање на детето и тоа е пронајдено околу 18 часот – информираат од СВР Битола.