На источната страна од селото Лениште, на шест-седум километри од Прилеп, народот го издигнал новиот грандиозен божји храм Света Петка. Храмот е граден 12 години и е фрескоживописан.

Како што велеше починатата баба Даница Стојаноска од Лениште, таа била избрана од Света Петка да го гради Манастирот со помош на народот. Првото црквиче било градено 1986 година. И за новиот храм и’ кажале каде и колкав да биде, кој да помогне.

Баба Даница, луѓето од Одборот, МПЦ, верниците и нашите од дијаспората, помагајќи се трудат да му вдахнат духовност на ова божјо здание. Уште има работа овде. Само со упорност и добра волја од помагателите може да и’ се даде “живот” на црквата.

Стојаноска сонила тажна висока жена која, и’ рекла да собира денар по денар од народот и да направи црквиче. За новиот манастир и’ рекла да биде 18 метри должина, 9 метри ширина. На сонот и’ порачале да мери со старото метро, со чекори од старото црквиче. Дури и’ се претскажал бројот на ќерамидите, да бил 240.

Брат и’ не ја послушал и ја покрил со табли. Но биле откриени од времето. После никогаш братот не и’ коригирал ништо и не и’ преправал. Бабата сонила кој да го копа прв темелот, кој да земе и да плати за 6 летви, кој да малтари внатре.

Даница Стојаноска била болна на младост. Сонувала гласови кои барале од неа да оздрави и да гради црква. Како ниту жива, ниту умрена, слушала гласови. Лек барала по доктори и по бајачи. Сонувала дека била роб на Света Петка. А светицата и’ велела дека таа да дава лек, а не да бара илач. Ориентирајќи се по соништата, првин ја нашла петочната вода. Копнала со мајка и’ меѓу двете карпи и “засолзи” карпата. Водата течела само еден чекор од карпата и се загубувала. Не била брза, ама не пресушувала. Тоа е петочната вода.

Кога се разболела вторпат шест години бел ден не видела. Некоја невидлива сила ме туркаше. На сон пак í дошла убава жена, Света Петка, облечена во црно и и’ заповедала да гради манастир – вели Стојаноска.

Конаците се градени како што сонувала Даница. Има четири соби со по четири кревети, кујна со ѕидано шпоре и трпезарија. Многу посетители доаѓаат за славата, летната Света Петка и на Петковден 27.10 и Иванден на 7.7.

Во близина на старата црква некој човек видел арно од лековитата Петочна вода. Ја изградил со црвени цигли да привлекува. Водата да лекува требало да се зема само во посно. Тука е и Неделската вода и Средочната вода. Овие чешми често се посетени од луѓе кои бараат лек за некоја болест, кои ги бараат за здравје. Парализиран човек се измил со Петочната вода и оздравел.

Патот е направен пред неколку години, по погибијата на бранителите кај Карпалак. Манастирот има два резервоара за вода.. Околу нема многу дрвца, но на Ленишката планина свој дом нашле багремови, јасенови дрвца, борчиња и по некој орев. Планинската рекичка со мал водотек дава живот.

ТЕКСТ ПРЕЗЕМЕН ОД “НЕДЕЛНИК ЗЕНИТ”

Ракометарите на РК Прилеп стигнаа до седмата победа во плеј-аут разигрувањето од Супер лигата. Во салата “Ричко”, прилепчани денеска беа подобри од Голден Арт со 26:23, противник кој се покажа како тврд орев во сите 60 минути од натпреварот.

Прилепчани натпреварот го почнаа во своја корист и поведоа со 4:1, но гостите направија целосен пресврт и го презедоа водството со 6:7. На паузата Голден Арт водеше со 11:13.

Вториот дел се одвиваше со ист ритам, Голден Арт ќе заводеше, Прилеп ќе израмнеше, но клучни беа двете одбрани на голманот Ангелески во самиот финиш на натпреварот, кога Прилеп конечно го презеде водството и се радуваше на нови три бода.

Шабановиќ со седум и Рајатовски со шест погодоци беа најдобри стрелци во победничкиот состав на Прилеп.

Со овој нов триумф, опстанокот во елитата за прилепчани е се поблиску, но потребен е фокус до самиот крај на разигрувањето.

Израелскиот премиер Бенјамин Нетанјаху изјави дека Израел со години се подготвува за директен напад од страна на Иран и е целосно подготвен, како во одбраната, така и во нападот „Во последните години, а особено во последните недели, Израел активно се подготвува за директен напад напад од Иран“.

Нашите одбранбени системи се распоредени, подготвени сме на секое сценарио и во одбрана и во напад. Израел е силен, армијата е силна, општеството е силно“, рече тој. Нетанјаху додаде дека Израел ја цени поддршката на САД, Велика Британија, Франција и многу други земји во светот. „Поставив јасен принцип – ние ќе удри по секој што нè удри . Ќе се заштитиме од секаква закана и тоа ќе го направиме ладнокрвно и одлучно“, нагласи тој.

Концертот почна со настапот на Жаре Бербер и неговиот бенд, кои ја загреаја атмосферата.

Изведувајќи ги „Елено ќерко“ и „Бисер Балкански“, миленикот на македонската публика пред публиката призна дека секојдневно зборува по малку македонски и на сите свои концерти изведува по некоја песна од Тоше Проески.

„На секој концерт пеам по една песна за Тоше. Тоше, ако нè гледаш, ова е за тебе“, рече Самарџиќ.

Едноставноста, спонтаноста и ставот на џентлмен се најверојатно особините поради кои го стекнал вниманието и почитта кај жените, а љубовните рефрени само го потврдуваат истото.

Во нив вчера уживаше скопската публика, сите оние кои беа во „Борис Трајковски“ танцуваа и пееја во еден глас.

Помеѓу големите концерти, важните успеси, болните сеќавања, носталгијата, помеѓу песните се провлече една животна приказна преполна со искушенија и музика, преполна со емоции.

Пред крајот, македонската публика ja изненади и со микс од македонски песни, па испеа и делови од: „Како што е оваа чаша полна со вино“, „Ако умрам ил’ загинам“, „Македонско девојче“.

Вчера, 13 април, се одржа првото коло од бокс лигата на Македонија во организација на Националната Боксерска Федерација.

Од Боксерскиот Клуб “АС” од Прилеп пријавени беа четворица боксери.

Категорија кадети:
– 60 кг. Димитар Талимче
Категорија јуниори :
– 54 кг. Џастин Демироски
– 63 кг. Влатко Димески
Категорија сениори :
– 75 кг. Николче Жигошански

Талимче на ова коло немаше борба. Дебитантот Демироски загуби од Ајрушов од БК “Фам Демирови” Штип. Влатко Димески победи со технички нокаут во првата рунда против Андреј Јанески од БК. “Пелистерски Јунак” Битола, а Николче Житошански победи со технички нокаут во првата рунда против Стефан Цингаровски од БК “Иниверзаци” Скопје.

-Од нашиот тим сме задоволни од настапот на нашите боксери. Докажавме дека сме клуб на боксерски град а нашите спортисти да прават успеси. Одиме на првото место во бокс лигата на Македонија – велат од БК “АС” Прилеп.

Синоќа кандидатот за Претседател на државата од Движењето ЗНАМ – За наша Македонија, Максим Димитриевски, се обрати до граѓаните на Прилеп.

„Тоа што ќе го напишеме го остваруваме, тоа што ќе го кажеме го реализираме. За разлика од оние за кои се боревме да дојдат таму кадешто се сега, и за време на шарената револуција, а и пред шарената револуција и подоцна, за мене сеуште зборот е збор и сеуште сметам дека нема правда и нема мир, а ќе ја има“, рече Димитриевски.

Тој потенцира дека во Македонија во последните 30 години само се уништува она што е создадено претходно и додаде:

„Младите си заминуваат, Македонија старее и остануваме без можност за натамошен развој. Затоа сметам дека беше потребно да се формира од граѓаните едно ново движење како што е Движење ЗНАМ –За наша Македонија. Сметам дека ова Движење произлегува од граѓаните и на следните избори, заедно со граѓаните, ќе покаже како тоа се дава црвен картон на власта и се освестува и опозицијата. На Македонија и е потребна трета опција.Таа трета опција е Движењето ЗНАМ – За наша Македонија“.

Тој рече дека Македонија заслужува многу повеќе од ова што го има и продолжи:

„На Македонија и треба Претседател кој произлегува од граѓаните, ќе работи и ќе им служи на граѓаните. Нема да дозволам од позиција на
Претседател на државата, татко на нацијата, Македонецот да биде граѓанин од втор ред во својата држава. Ние Македонците ќе се обединиме и ќе се самоорганизираме“, рече Димитриевски.

Инаку, тој денеска се обрати и пред граѓаните на Демир Хисар, каде што рече дека тој зборува како патриот, а не зборува како националист и додаде:

„Кога тие зборуваат за нивните национални стратегии и националните планови, тие не шират национализам, тие се секогаш патриоти. Ние не треба да се лутиме на никого, треба да си ја бараме грешката во сопствените редови, бидејќи ниту еден политчки субјект во оваа држава до ден денеска, по 32 години независна држава не изгради национален конзенсус за државата и наша обврска е да го изградиме тој национален консензус со тоа што посветено ќе работиме и за сегашните и за идните генерации“.

Димитриевски во текот на денот се обрати и пред граѓаните на Кичево, а имаше и средби со жителите на Кривогаштани.

Во текот на денешниот ден (13.04.2024) во времето од 11.00-16.00 часот, Секторот за внатрешни работи Битола спроведе зајакната акциска контрола на територијата на СВР Битола за санкционирање на прекршоци што ги прават возачи на мотоцикли, при што се санкционирани вкупно 35 мотоциклисти.

Од нив, седум возачи управувале мотоцикл без да поседуваат возачка дозвола, односно потврда за положен возачки испит, три мотоцикли биле нерегистрирани, 23 мерки се преземени за неносење заштитна кацига. Најголем број од санкциите се изречени на територија на Битола и Прилеп. При контролата откриени се и 20 останати прекршоци.

Засилените акциски контроли продолжуваат. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта – велат од СВР Битола.

Македонската женска јуниорска репрезентација ќе игра во Х-групата заедно со националните тимови на Ангола, Исланд и САД на претстојното Светско првенство.

Мундијалот во втората половина на јуни оваа година ќе се игра во Македонија која како домаќин одбра да игра во групата Х.

Другите групи се:

А-група: Романија, Холандија, Бразил, Иран

Б-група: Швајцарија, Египет, Тунис, Чиле

Ц-група: Унгарија, Кореја, Аргентина, Мексико

Д-група: Данска, Норвешка, Јапонија, Тајван,

Е-група: Шведска, Чешка, Кина, Алжир

Ф-група: Франција, Германија, Шпанија, репрезентација која ќе добие валјд карта

Г-група: Португалија, Црна Гора, Гвинеја, Узбекистан.

Кампањата за првиот круг на претседателските избори е во полн ек, а партиите се постојано на терен, но еден општински комитет на ВМРО ДПМНЕ особено се истакнува во Четвртата изборна единица.

Станува збор за ОК Кавадарци, каде се чини дека победата за ВМРО ДПМНЕ ќе биде најголема во оваа изборна единица.

Кавадарчани безрезервно нагазија на терен и се убедени дека Гордана Силјановска Давкова ќе биде иден Претседател на државата.

Ако се погледнат фотографиите на Фејсбук страната од општинскиот комитет, ќе забележите за каква масовна мобилизација станува збор, нешто со кое ретко кој друг комитет на партијата може да се пофали.

Токму затоа кавадарчани веруваат дека разликата во гласови тука ќе биде петцифрена.

Во Бања Лука, пред неколку дена беше прогласена шестата генерација на најдобри наставници од земјите на екс Југославија. Од повеќе од неколку стотици пријавени просветни работници, со тутилата „Најдобар наставник на просторите на поранешна Југославија“ се стекнаа вкупно 28 наставници избрани според строги критериуми, од кои дури 12 се од нашата држава.

Прогласувањето се одржа во рамки на шестата регионална конференција насловена како „Светот на образованието ги брише границите“, во организација на Асоцијацијата на наставници.

Признанија добија наставниците Марија Богатиновска, Александра Митровска, Билјана Лазареска, Дивна Карапанчева, Јелена Мандиќ, Ксенија Николова, Марина Станиславова, Олгица Бајалџиева, Раде Илијевски, Валентина Клопчевска, Весна Бошковска и Весна Недановска.

Целта на конференцијата е да поттикне регионално вмрежување на најдобрите едукатори, наставници, професори, стручни соработници.

„Иновативната работа на овие наставници е двигател и иницијатор на формални образовни реформи, на кои се повикуваат сите земји во регионот.

На конференцијата присуствуваа повеќе од 200 наставници од Босна и Херцеговина, Република Србија, Македонија, Хрватска, Црна Гора и Словенија. За време на доделувањето на наградите на најдобрите наставници и директори од регионот, во Асоцијацијата беа примени нови полноправни членови од сите 6 земји, а од нашата земја член на Асоцијацијата стана наставничката Роза Николова од ООУ „Св. Кирил и Методиј“, Кочани.