дома блог страница 596

Николоски: Започнуваме со изградба на нова терминална зграда на аеродромот во Охрид, проектот ќе чини 2,7 милиони евра

Со 2,7 милиони евра започнуваме модернизација на аеродромот Св.Апостол Павле во Охрид. Ќе градиме нова терминална зграда и ќе ги прошириме капацитетите за патниците и вработените, истакна на денешната пресконференција вицепремиерот и министер за транспорт Александар Николоски.

Како што најави, проектот ќе приднесе за подобрување на условите за патниците како и подобрување на работата на вработените на аеродромот. Севкупно ќе значи зголемување на бројот на патници.

-Проектот опфаќа изградба на нова административна зграда со површина од 250м2, нов канцелариски простор од 120 м2, помошни простории од 130 м2, нов простор за обезбедување од 40 м2, целосна реконструкција и адаптација на постојната терминална зграда на површина од 2000 м2 на двете нивоа. И сето ова ќе значи прво реконструирање на аеродромот од неговата изградба. Ова ќе значи подобри услови за патниците и секако многу повеќе патници и до март 2026 година очекувам да се заврши овој проект, истакна вицепремиерот Николоски.

Tројца малолетници во Прилеп со закана со пиштол ограбиле друг малолетник

-СВР Битола поднесе известување против двајца малолетници од Прилеп и еден малолетник од општина Кривогаштани поради постоење основи на сомнение за сторено кривично дело ,,разбојништво’’.

На 31.01.2025 во Прилеп, пријавените физички нападнале друг малолетник и со закана со пиштол му одзеле личен накит – информираат од ОВР Прилеп.

Николоски објави видео: Еве како ќе изгледа Воената болница во Скопје – нови операциони сали и лаборатории…

Воената болница во Скопје ќе добие нови седум операциони сали, нови лаборатории, адаптирани нови простории во интерес на пациентите, информира министерот за транспорт Александар Николоски.

-Проектот за реконструкција и адаптација на болницата опфаќа реконструкција на простор од преку 3000 м2, рече министерот.

Тој објави и видео на кое можете да видите како ќе изгледа Воената болница во Скопје:

Учениците во ООУ “Д-р Трифун Пановски” во Битола ќе добијат квалитетни спортски терени (ФОТО)

Во рамките на планираните активности за реконструкција на девет спортски игралишта и терени во битолските училишта, секретарот на општина Битола Борче Димитровски и дел од општинската администрација денес го посетија основното училиште „Д-р Трифун Пановски“.

Секретарот Димитровски ги објасни идејните решенија и позициите на реконструкција на игралиштата во дворот на објектот, со кои е предвидено
фудбалско и ракометно игралиште, кошаркарско игралиште и фитнес зона, нагласувајќи дека локалната самоуправа преку овие проекти дава поддршка и поттикнување на спортскиот и натпреварувачкиот дух кај учениците и младите. Покрај реконструкцијата со нова асфалтна површина, предвидено е поставување на нова соодветна комплетна спортска опрема (кошеви со конструкција, табла, обрач и мрежа за кош, стативи за голови, нови мрежи за голови), со соодветно бележење.

Директорката на училиштето Лилјана Николовска посочи дека оваа реконструкција е многу значајна за учениците, за изведувањето на
наставата по физичко образование, како и за севкупното спортско рекреирање на децата. Спортските терени ќе бидат надополнети со соодветна урбана опрема и осветлување.

Детали за сообраќајката на патот Битола – Прилеп: Повредени се четири лица, меѓу кои еден малолетник

-На 23.02.2025 во 17.00 часот во СВР Битола било пријавено дека на патот Битола – Прилеп, кај с.Лознани, битолско, се случила сообраќајна несреќа помеѓу патничко возило ,„фолксваген голф“ со битолски регистарски ознаки, управувано од А.М.(50) од Битола и патничко возило „фолксваген пасат“ со кичевски регистарски ознаки, управуванo од И.С.(26) од Кичево.

Во несреќата со тешки телесни повреди се здобил возачот И.С., констатирани во Клиничка болница Битола, додека возачот А.М, сопатниците во возилото „голф“ – Џ.М. и малолетник од Битола, како и Х.Т.(25) од с.Староец, кичевско, се здобиле со телесни повреди.

Увид на местото извршила увидна екипа на СВР Битола – информираат од СВР Битола.

Горивата поевтинуваат од полноќ – oва се новите цени

Регулаторната комисија за енергетика, водни услуги и услуги за управување со комунален отпад (РКЕ) донесе Одлука со која се врши намалување на малопродажните цени на нафтените деривати во просек за 0,77 % во однос на одлуката од 20.02.2025 година.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,00 ден/лит. Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 0,50 ден/лит. Малопродажната цена на Мазутот М-1 НС се намалува за 0,012 ден/кг и сега ќе изнесува 46,178 ден/кг.

Од 25.2.2025 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 79,00 (денари/литар)
Моторен бензин ЕУРОСУПЕР БС – 98 81,00 (денари/литар)
Дизел гориво ЕУРОДИЗЕЛ БС (Д-Е V) 73,50 (денари/литар)
Масло за горење Екстра лесно 1 (ЕЛ-1) 73,00 (денари/литар)
Мазут М-1 НС 46,178 (денари/килограм)

Тимот на Витаминка на најважниот настан во светот на човечките ресурси во Србија

Шестиот конгрес за човечки ресурси што се одржува во Белград, Србија ги привлече директорите за човечки ресурси од целиот регион, со цел заедно да ја редефинираат улогата на човечки ресурси во современиот бизнис и да ги истражат иновациите што ја обликуваат иднината на работата.

Витаминка како македонска компанија присутна на соседните пазари со локално базирани тимови преку своите претставници Орде Ѓорѓиоски, директор на Сектор за правни и општи работи, Верица Исајловска, Администратор за Човечки ресурси и Драгана Прешеска, Соработник за ошти работи, ќе придонесе во унапредувањето на човечките ресурси.

Со инспиративни дискусии, мотивирачки практични совети и можност за поврзување во индустријата, се истражуваше како човечките ресурси стануваат клучен стратешки партнер на бизнисот. Се разговараше за важноста на развивање на лидерски вештини, подобрување на процесите на вградување и создавање култури кои негуваат таленти и поттикнуваат задржување на вработените.

На конгресот посебен акцент беше ставен на примената на вештачката интелигенција во HR, автоматизацијата на процесите и употребата на аналитика на податоци за донесување попаметни одлуки. Ќе отвориме теми поврзани со емоционалната интелигенција, културата на тренерот и предизвиците што ги носат генерациските разлики, обезбедувајќи сеопфатен увид во алатките и стратегиите за иднината на работата.

Подгответе се за најдобара забава под маски досега во Прилеп – Се гледаме зад маските… ако имате храброст да излезете од затворот!

Вашиот омилен локал за ноќни излегувања, Club Déjà Vu, ве поканува на една поинаква забава под маски.

Подгответе се ноќ полна со изненадувања, за тематска забава каква досега немало во Прилеп!

02.03.2025, почеток 21 часот, ПРОЧКА 2025-JAIL BREAK PARTY

Што ве очекува?

-Фантастична музичка забава со DJ ЈАКОВ & DJ ЉУБИША

-Кореографски содржини кои ќе ја подгреат атмосферата до максимум

-Избор на најдобра маска и изненадување за најкреативните

-За овековечување на моментите и маските ќе се погрижи професионален фотограф

Ваше е само да ја искористите целата имагинација и креативност, да дојдете убаво маскирани и да уживате од прв до последен момент!

Не пропуштајте ја најдобрата досега маскембалска забава во Прилеп!

Тимот на Club Déjà Vu ве очекува!

Важно известување: Утре од 08:30-15:00 часот забрането движење во овој регион во Прилеп

Регионалниот центар за управување со кризи известува за боево гаѓање на стрелиштето Леково:

-Од МО – ВП 7925/40 не известија дека на ден 25.02.2025 година (вторник), во времето од 08.30 – 15.00 ч. ќе биде реализирано боево гаѓање на стрелиштето „Леково“.

За таа цел се забранува секакво движење на лица и стока во реонот на стрелиштето.

Се предупредуваат сите лица кои ќе најдат неексплодирани зрна односно проектили, да не ги допираат и за истото да ги известат органите на МВР и командата на касарна Прилеп.

Бреинобреин пристигна во Прилеп! Еве зошто оваа програма обезбедува револуционерен пристап кон образованието во 40 земји во светот

Со задоволство го најавуваме отворањето на новиот Бреинобреин центар во Прилеп – дел од светски познатата програма која е револуција во образованието и личниот развој на децата! Бреинобреин е програма која е присутна 21 година во над 40 земји и е призната за својот револуционерен пристап кон образованието. Со повеќе од 2 милиони ученици ширум светот, оваа програма ги менува животите на децата, правејќи ги посамоуверени, пофокусирани и креативни.

Зошто БРЕИНОБРЕИН е уникатена програма?

Бреинобреин е специјално дизајнирана програма за деца на возраст од 4 до 14 години која комбинира:

Ментална аритметика со абакус – развива брзо пресметување, концентрација и меморија.
Невролингвистичко програмирање (НЛП) – техники кои ја зајакнуваат самодовербата, позитивниот став и комуникациските вештини.
Програми за личен и интелектуален развој – поттикнување на креативност, лидерство и критичко размислување.

Награди и признанија – БРЕИНОБРЕИН е глобално водечка програма

Гинисови рекорди: Бреинобреин ги држи Гинисовите рекорди за најголем број ученици кои истовремено решаваат ментална аритметика, што ја покажува силата и ефикасноста на програмата.

Best Kids Academy Award: Бреинобреин е прогласена за најдобра академија за деца благодарение на иновативниот пристап и резултатите што ги постигнуваат учениците.

Меѓународни натпревари: Нашите ученици редовно освојуваат врвни места на светските натпревари, покажувајќи супериорни способности во математика, лидерство и креативно размислување.

Што добиваат вашите деца?

-Подобрена концентрација, меморија и аналитички способности
-Зголемена самодоверба и позитивен став
-Развиени лидерски и комуникациски вештини
-Основи за академски успех и животни предизвици
-Самодоверба за јавно изразување
-Способност за брзо носење одлуки
-Баланс помеѓу когнитивните и емоционалните вештини

Достигнувања и квалитет на програмата

Интернационални награди: Нашите ученици редовно освојуваат награди на меѓународни натпревари, покажувајќи ги своите извонредни математички и когнитивни способности.
Квалитет на програмата: Бреинобреин ги следи највисоките стандарди за едукација, што ја прави една од најдоверливите програми за детски развој. Нашите ментори се специјално обучени да работат со деца, креирајќи пријатна и поддржувачка средина за учење.
Резултати: Децата кои посетуваат Бреинобреин стануваат подобри ученици, ја подобруваат својата концентрација, креативност и лидерски способности, а со тоа добиваат основа за успех во сите животни аспекти.

Специјална понуда за отворањето – 50% попуст на уписите!

Во чест на отворањето на центарот во Прилеп, за сите уписи до крајот на месецот овозможуваме 50% попуст на првата членарина! Не ја пропуштајте можноста вашето дете да биде дел од оваа уникатна програма.

Дозволете им на вашите деца да бидат дел од глобално признатата Бреинобреин програма, која го обликува идниот успех со секој поминат час!

Koнтактирајте на социјалните мрежи:

ФЕЈСБУК: https://www.facebook.com/brainobrainprilep

ИНСТАГРАМ: https://www.instagram.com/brainobrainprilep/

или на телефонскиот број: 075 504 509

Бреинобреин центарот во Прилеп се наоѓа на улица “Сотка Џигиџик” бр.38.