Денес продолжуваме да ги обелоденуваме раскошните трошења на Бисера Антоанета со народни пари во Виена. Покрај лускузниот трособен стан за 4 ноќи, платен 1200 евра, Антоанета јадела луксузно, обелоденува Миле Лефков,пратеник на ВМРО-ДПМНЕ.

-На една од сметките кои Бисера Антоанета ги доставила до Министерството за култура и за која земала државни пари се гледа дека истата за една вечера потрошила 403 евра, таа вечера ја платиле граѓаните. Антоанета вечерала во луксузниот виенски ресторан Дистрикт, а на нејзината маса се нашле школки, бизонско филе, телешко карпачо, сето тоа платено од народот. Бисера Антоанета не штедела ниту во ресторанот Соле, каде за еден ручек платила 249 евра, а за вечера во истиот ресторан 212 евра. Овде на менито на Антоанета била италијанска храна, вели тој.

Само за овие три ресторански посети, според податоците, екс министерката за култура платила 846 евра или 53.136 илјади денари.

-Да добро слушате, Бисера Антоанета за еден ручек и две вечери со народни пари платила колку што изнесува месечна потрошувачка кошничка за цело семејство. Ја прашуваме Бисера Антоанета дали овие трошоци биле нужни? Дали можело поевтино? Зошто ги одбрала овие ресторани? Како правда 3000 евра трошок за 4 дневно патување во Виена? – посоли Лефков.

Македонскиот фудбалер Илија Несторовски е во Копривница каде треба да стави потпис на договор со хрватскиот прволигаш Славен Белупо – пишува “ГОЛ.МК”

Центарфорот подолго време беше слободен по разделбата со Асколи и конечно наоѓа нов ангажман. Медиумите од Хрватска велат дека Несторовски е веќе во градот каде треба наскоро да стави потпис на договор со Славен со кого го чека битка за опстанок.

Прилепчанецот кој сега има 34 години, за Асколи потпиша на почетокот од минатата сезона, откако во Удинезе му истече договорот. На 20 настапи за второлигашот, Несторовски постигна 2 погодоци.

Сега популарниот “Нестор-гол”, се враќа во Хрватска, земјата каде во Интер Запрешиќ го започна својот фудбалски раст и го привлече вниманието на европските клубови.

Долгогодишниот македонски ракометен репрезентативец со 155 настапи во националниот дрес, голманот со богата интернационална кариера Борко Ристовски, од пред два месеци, е во комплетно нова професионална улога. Тој е на чело на новото Министерство за спорт. Ќе го вратиме спортот каде што му е местото во македонското општество, обезбедени се пари за ваучерите, со Даниел Димевски немам намера да комуницирам, спортисти и спортски работници не смее да ја рекламираат индустријата за игри на среќа, а оние што го прават тоа ќе ја загубат државната помош, вели во интервју за Рес Публика.

Прашање: Повеќепати од доаѓањето на функцијата зборувате за воведување ред, односно за систем на вредност и начин на однесување на спортските функционери и на спортистите. Дали мислите на рекламирањето обложувалници и казина, бидејќи појавувањето на дел од нашите спортски легенди во ваквите реклами предизвика жестоки реакции во јавноста?

Одговор: Се однесува и на рекламирањето на обложувалници, се однесува и на недостојно однесување, генерално, на сите претседатели коишто се однесуваат така, на нивното работно место и надвор од него. Мора да создадеме градација, да кажеме дека дотука е доволно, а на сите оние коишто добиваат државна помош и притоа рекламираат казина и обложувалници да им биде прекината помошта што ја земаат од државата, затоа што мислам дека е недостојно за кој било спортист да рекламира спортски обложувалници.

Министерот за спорт, Борко Ристовски, денеска оствари средба со претседателот на Македонската џудо федерација, Владимир Трпаноски.

-Во текот на разговорот се фокусиравме на важноста на џудото и како да го унапредиме овој спорт во Македонија. Зборувавме за потребата од инвестирање во младите таленти и организирање повеќе тренинг кампови и натпревари, со цел да ги мотивираме младите генерации да се вклучат и активно да се занимаваат со џудо. Со заеднички напори, веруваме дека ќе успееме да ја подигнеме свеста за важноста на џудото и да создадеме успешни џудисти кои ќе ја претставуваат Македонија на највисоко ниво – напиша министерот Ристовски на социјалните мрежи.

Со положување на цвеќе и оддавање на почит на прерано починатиот Миле Нешкоски, пред неговото спомен обележје кај Универзалната сала, во Прилеп започна деветтото издание на меморијалниот ракометен турнир, кој го носи името на прилепската ракометна легенда.

Делегации од РК Прилеп, општината, спортски работници и претставници од бизнис секторот, одадоа почит и се потсетија на Нешкоски чиј живот ненадејно згасна во 2011година.

Во наредните три дена љубителите на ракометот ќе уживаат во одлични натпревари, а за тоа веќе се погрижија екипите на РК Охрид – РК Куманово и РК Прилеп и Еурофарм Пелистер 2.

Охриѓани беа подобри во првиот натпревар, кој го добија убедливо со 32:21. Најдобар стрелец кај Охрид беше Гал Цирар со 5 голови, а за кумановчани, Чиао Винисиус стрелаше прецизно 10 пати.

Во вториот дуел домаќините од РК Прилеп играа против втората екипа на Еурофарм Пелистер, дуел кој им припадна на битолчани со 28:31.

Иако публиката очекуваше многу повеќе од своите ракометни миленици, сепак прилепчани турнирот го започнаа со пораз.

Можност за поправен избраниците на Божидар Мојсов ќе имаат утре, кога повторно во вечерниот термин од 20часот играат против ГРК Тиквеш.

-На 28.08.2024 во ОВР Прилеп било пријавено дека на ул.„Леце Котески” во Прилеп , во куќа сопственост на Д.А.(48) од Прилеп настанал пожар, при што со телесни повреди- изгореници се здобиле две деца, кои биле сами во една од просториите.

Пожарот бил изгаснат од страна на Територијалната против пожарна единица Прилеп, а увидот го извршила увидната екипа на ОВР Прилеп – информираат од МВР.

Компанијата “ИЗОФАС” започна со изведбата на уште еден капитален проект во Прилеп. Станува збор за изградба на улици во индустриската зона отспротива на “Жито Прилеп”, проект кој значително ќе ги подобри условите во зоната.

Изведбата на овие улици ќе ја чини општината нешто над 20 милиони денари. Ова е уште една валоризација за ефикасноста и квалитетот на изведба со кој располага “ИЗОФАС”, компанија која во изминативе години заврши повеќе инфраструктурни капитални проекти во општината.

Увид во градежните работи денеска извршија градоначалникот на општина Прилеп, Борче Јовчески и претседателката на Советот, Ирена Стерјовска.

Во чест на големиот христијански празник – Успението на Пресвета Богородица, вчера во прилепското село Тополчани се одржа литија со акатистната икона на Пресвета Богородица.

Литијата која тргна од храмот Христово Вознесение и продолжи низ улиците на ова населено место. Еден убав празничен чин кој зрачеше со љубов и топлина.

Нека е за многу години и напомош!

Аеродромите низ Европската унија од 1 септември ги променија правилата за рачен багаж, а тие се однесуваат на течности и електронски уреди што ги носат патниците. Причината се новите скенери, за кои Европската комисија тврди дека не се доверливи, а аеродромите кои користат ваков тип на скенери ќе мора да се вратат на „стариот модел“, поради што се очекуваат гужви бидејќи самата проверка ќе трае подолго.

Европската комисија ги повика сите аеродроми привремено да ги користат старите модели, пишува „Irish Examiner“.

Ова значи дека аеродромите што ги користат новите C3 скенери – кои обично им дозволуваат на патниците да оставаат течности и електронски предмети во нивните торби додека се скенираат и кои ја отстранија потребата од ограничување од 100 милоилитри за секоја течност, аеросол или гел – ќе се вратат на постарите методи на преработка пренесува Тпортал.

Ефективноста на новите скенери беше доведена во прашање со техничкиот извештај испратен од Комисијата до Европската конференција за цивилно воздухопловство минатиот мај, во кој беше наведено дека тие не можат да ја гарантираат доверливоста на скенерот за контејнери со капацитет поголем од 330 милилитри.

Така, почнувајќи од оваа недела, аеродромите во ЕУ кои го користат скенерот C3 ќе се вратат на традиционалните уреди за рендген.

Кои се сега правилата за течности и електронски уреди што ги носиме во авионот?

За жал, се вративме на шишињата од 100 милилитри во затворени пластични кеси и ги вадиме електронските уреди за скенирање.

Ако патувате низ аеродром кој има скенери C3, сепак треба да го спакувате рачниот багаж на ист начин како пред неколку години – за да нема големи шишиња крема за сончање и да оставите големо шише парфем дома или да го спакувате во куферот поминува низ „чек-ин“.

Максималната дозволена тежина на рачниот багаж ќе биде 10 килограми, а секој патник ќе може да земе еден рачен багаж и еден мал личен предмет.

Димензиите на рачниот багаж, вклучувајќи ги рачките и тркалата, не смеат да надминуваат 55 x 40 x 20 сантиметри, додека личниот предмет, како што е чанта, ранец или торбичка за лаптоп, мора да биде помал од 40 x 30 x 15 сантиметри и да одговара под седиште пред патникот.

Без вода за пиење утрово остана цела Битола и околните населби поради голем дефект на главниот цевковод на пумпната станица на ЈП Водовод. Директорот на претпријатието Андреј Гинов, потврди дека станува збор за сериозен проблем и вели дека екипите на јавното претпријатие од ноќеска се на терен за санација на дефектот, но неизвесно е кога во градот ќе се нормализира водоснабдувањето.

Имаше испад од електричната мрежа на затворач од потисниот цевковод на пумпната станица. Дојде до хидрауличен удар, кој поради старост на материјалот предизвика голема пукнатина на цевководот. Во овој период испумпуваме вода од акумулацијата „Стрежево“ до филтерница и така ги снабдуваме домаќинствата. Цела ноќ работиме на санирање на дефектот на цевководот, вели Андреј Гинов, директор на ЈП Водовод Битола.

-Ве информираме дека поради настанатиот голем дефект на потисниот цевковод на пумпна станица, без вода за пиење ке остани поголем дел од градот во текот на денот. Екипите на ЈКП Водовод Битола цела ноќ го санираат настанатиот дефект и ќе продолжат во текот на денешниот ден – стои во соопштението од јавното претпријатие.