дома блог страница 588

Постите?! Нема проблем, во “ПОРТА” имаат подготвено неодоливо и богато посно мени

Вашиот омилен локал во прилепската чаршија – “РЕСТОРАН ПОРТА” мисли на сите!

Со цел да излезе во пресрет на сите нивни ценети гости, тимот на ресторанот подготви неодоливо посно мени, кое ќе им се допадне на сите оние кои деновиве до Велигден ги поминуваат во пост.

А веруваме дека најголем дел од вас ќе се согласат и дека цените се пристапни за сечиј џеб. Одлична понуда на риба, тестенини, грилован зеленчук, посни додатоци, салати и популарното македонско ТАВЧЕ ГРАВЧЕ.

Кој рече дека вистински гурман и вљубеник во македонска храна, не може убаво да се нагости и со посна храна?

Уживајте во секој ден! “РЕСТОРАН ПОРТА” ве очекува!

Вака се прави! Kaj газда Мине во прилепско Десово, и оваа година лебот е бесплатен за месецот Рамазан

Празниците и кај христијаните и кај муслиманите не значат само да ја наполнете својата трпеза и да се нагостите со семејството. Религијата и кај едните и кај другите подучува да го споделуваме тоа што го имаме и да помагаме на оние на кои им е најпотребно.

Газда Мине Рамовиќ од село Десово го знае тоа, па затоа во месецот на Рамазан во неговиот маркет “Табако” и оваа година лебот ќе биде бесплатен за сите, и тоа во неограничени количини.

За таа цел сопствениците обезбедиле спонзори за секој ден до празникот Рамазан, па жителите од ова населено место можат бесплатно да ја подигнат оваа најнеопходна намирница.

Секоја чест и нека служи за пример за сите стопанственици, газди на маркети…од сите религии!

Николоски на средба со својот унгарски колега: “350 милиони евра од Унгарија ги насочивме кон општините за реализација на проекти”

Македонија и Унгарија се пријателски земји со одлични економски и политички односи и во духот на ова пријателство ја продолжуваме досeгашната соработка. Поддршката од Унгарија е значајна и за патот кон Европската Унија и верувам дека оваа наша соработка ќе биде добробит за македонскиот народ, истакна заменик претседателот на Владата и министер за транпорт, Александар Николоски придружуван од министерката за финансии Гордана Димитриеска – Кочоска, на денешната билатерална средба со својот колега, министерот за градежништво и инвестиции на Унгарија, Јанош Лазар како и со министерот за национална економија, Мартон Наѓ.

Средбата е дел од дводневната владина посета на Унгарија и одржување на македонско-унгарскиот самит. Во фокусот на средбата беа економските политики и инфраструктурниот развој на регионот.

-Македонија има силни инвестициони планови во модернизација на транспортната мрежа и во таа насока се реализираат крупни инфраструктурни проекти кои ќе ја зголемат конкурентноста на транспортот во регионот посебно на европските коридори – истакна вицепремиерот Николоски.

Тој потенцираше дека Македонија е силно посветена на изградба на брза пруга на Коридор 10 и квалитетно поврзување на Скопје со Будимпешта и затоа огромна е важноста на поддршката на земјите од Европската Унија за реализација на еден ваков проект.

Исто така на средбата министрите разговараа и за можноста за реализација на заеднички проекти од регионален интерес, зголемување на трговската соработка и инвестициите.

Министерот исто така информираше и за забрзаните активности за реализација на крупните капитални проекти во Македонија, потенцирајќи дека средствата од заемот веќе се насочени кон општините за реализација на инфраструктурни проекти.

На средбата беа разменети мислења и ставови во делот на зголемување на билатералните и мултилатерални односи и стабилностa во регионот. Вицепрмеиерот Николоски изрази огромна благодарност за несебичноста на унгарската влада во подршката што ја овозможуваат за економско зајакнување на Македонија и за процесот на евроинтегративните процеси на земјата.

Тој истакна дека Македонија е силно посветена на европерспективите преку реформирање на значајни сегменти во судството, борбата против криминалот и корупцијата.

-Овие средби со нашите унгарски пријатели ќе донесат големи придобивки за Македонија и регионот. И веќе македонските граѓани ги чувствуваат тие придобивки. Алоциравме 100 милиони евра кон општините за нивeн развој токму преку финансиската поддршка од Унгарија, а оваа година веќе 250 милиони евра се ставени на располагање исто така за проекти во општините. Имаме одлични економски и билатерални односи со Унгарија, оваа година бележиме три децении од тие односи и сметам дека тоа е плод на заедничките политики. Ова е време кога се потребни силни пријатели, а Унгарија е силен партнер на Македонија и голем поддржувач во реализација на стратешките цели на земјата – истакна вицепремиерот и министер за транспорт Александар Николоски.

На средбата двете страни изразија задоволство од досегашата соработка, потенцирајќи дека унапредувањето на односите меѓу двете земји е активност на која ќе работат и двете влади.

(Фото галерија) Во месецот посветен на жената, подарете нешто посебно и уникатно! Неодоливите Bonatti модели со дополнителни -15% попуст

Нежност, внимание, љубов… се нештата кои ги заслужува секоја жена…

Па затоа, во месецот посветен на жените, ДОПОЛНИТЕЛНИ -15% попуст на најстилските и секогаш уникатни Bonatti модели.

Од 04.03 – 09.03.2025

Посетете го продажниот салон на Bonatti во Прилеп кој се наоѓа на булевар “Гоце Делчев” бр. 6-3, наспроти “Ла Страда”. Направете ја неодоливата комбинација и подарете нешто посебно и удобно.

“ВИК” и “ГЕНТЕРМ” го направија своето! Ќе смогнат ли сили и другите странски гиганти за Прилеп? (Фото галерија)

Oткако во изминатиот период со донација од германската компанија WIK се реновираа неколку игралишта во Прилеп, и американската “ГЕНТЕРМ” се мотивираше и донираше реквизити за две детски игралишта во објектите на детските градинки “Наша иднина” во “Бончејца” и OOУ “Рампо Левката”.

-Денес официјално ги посетивме и пуштивме во употреба двете нови детски игралишта, донација од компанијата GENTHERM, за градинката „Наша Иднина“ во објектите Бончејца и Рампо Левката! Огромна благодарност до GENTHERM за нивната континуирана општествена одговорност и поддршка! Ова е уште еден значаен чекор во заедничките заложби за создавање подобри услови за нашите најмали, овозможувајќи им безбедно и креативно место за игра и развој. Создавањето квалитетни услови за раст и развој на децата е приоритет за сите нас. Токму затоа, оваа донација е повеќе од инвестиција – таа е дар за идните генерации, за нивна среќа, смеа и безгрижно детство – напиша на социјалните мрежи градоначалникот на општина Прилеп, Борче Јовчески.

Еден убав гест од странските компании кои функционираат во технолошко-индустриската зона “Алинци” кај Прилеп. Нека овие потези бидат мотив плус за останатите компании со странски капитал во нашиот град. Тука секако се компаниите кои раководат со концесиите за минерални суровини и рудни богатства.

Институциите се тука да ги вршат своите надлежности и да ги решаваат приоритетите на граѓаните, но поддршката од бизнис секторот и општествената одговорност е секогаш добредојдена.

Во живо од српскиот парламент: Три пратенички се повредени – Лекарите се борат за животот на пратеничка и нејзиното неродено дете!

Во Собранието на Србија почна првата седница на редовната пролетна сесија. По усвојувањето на дневниот ред, пратениците од опозицијата започнаа тепачка и запалија факели. Собирната сала е исполнета со чад. Претседателката на Собранието, Ана Брнабиќ изјави дека пратеничката Јасмина Обрадовиќ, на која ѝ била фрлена шок бомба, доживеала мозочен удар и се бори за живот. Повредена е и пратеничката Јасмина Каранац, која била испрскана со солзавец и удрена со шише во главата, неофицијално дознава РТС.

Претседателката на Собранието Ана Брнабиќ изјави дека меѓу повредените е и Соња Илиќ која е во осмиот месец од бременоста. Како што истакна, лекарите се борат за неа и за бебето.

Пратеникот на ПУПС Стефан Кркобабиќ изјави дека пратеничката на Социјалдемократската партија Јасмина Каранац била застрелана во главата на денешната седница.

Избра ли подарок за неа во пресрет на 8 март?

Месецот на жената е најдобриот повод да се избере подарок со подлабоко значење.

Подари ЉУБОВ, подари СИГУРНОСТ!

Избери осигурителна полиса со која на оние кои ти значат ќе им посакаш:

– Сигурност и спокојство во домот со Домаќинско осигурување.

– Прекрасни патувања со Патничко осигурување.

– Сигурност во сите фази од животот со Животно осигурување.

 

Информирај се за целата понуда на snbroker.mk.

Трибина во Прилеп: Се повеќе млади жени под 30 години се соочуваат со рак на дојка

Се зголемува бројот на млади жени под 30 години кои се соочуваат со рак на дојка, што ја нагласува важноста на едукацијата и подигнувањето на свеста за оваа болест. Ова беше истакнато на вчерашната трибина што се одржа во Градската библиотека „Борка Талески“ во Прилеп, прва од серијата настани што Здружението „Хема Онко“ ги организира за подигнување на свеста за ракот на дојката.

Од Здружението „Хема Онко“ истакнаа дека превенцијата и процесот на лекување се многу важни и повикаа на ран скрининг.

-Оваа кампања, која опфаќа подигнување на свеста за рак на дојка, од дијагноза, преку хируршки зафат, до реконструкција на дојка, е по иницијатива на Универзитетската клиника за пластична и реконструктивна хирургија од Скопје. Ние како здружение на пациенти „Хема онко“ сме посветени на пациентите со рак. Како нивни негуватели сме многу активни во подигнувањето на свеста за ракот на дојка. Една од основните работи што ги правиме како здружение е едукацијата на пациентите. За жал, сѐ повеќе имаме пациенти со рак на дојка. Сакаме скринингот да се превенира и затоа апелираме на ран скрининг, на рани прегледи, на самопрегледи на пациентите, но кога ќе се постави дијагнозата, патеката понатаму е покомплицирана и добро е да им се објасни на пациентите кои се вистинските чекори кои треба да ги преземат, изјави Милица Кузмановска, потпретседател на здружението „Хема Онко“.

Едукацијата за свесноста и за реконструктивна хирургија, како што дополнуваат, е исто така, многу важна.

-Како здружение, сметаме дека треба да се зборува и колкава е желбата на пациентките по преживувањето на канцерот, по поминувањето на терапиите да се почувствуваат како целосни, како жени, иако тоа е лична одлука. Не секоја од нас се одлучува за пластична реконструкција, но треба да им дадеме можност на пациентките да бидат информирани и секоја пациентка да знае кои се нејзините опции и во овој дел на третманот. Кога ќе осознаеме дека сѐ помлади заболуваат, па и под 30 годишна возраст, тогаш сфаќаме колку е битен и овој дел од третманот и колку е важна едукацијата, вели Ана Маријановиќ, онколошки пациент од Здружението „Хема Онко“.

По трибините во Прилеп и Гевгелија, настани се предвидени и во Кавадарци и Тетово. Последната трибина ќе биде на 5 март во Скопје.

И украинскиот парламент му сврти грб на Зеленски – Пратениците сметаат дека поддршката од Трамп е клучна

Украинскиот парламент соопшти дека безбедноста на земјата е загарантирана со поддршката на САД и ги опиша мировните напори на претседателот Доналд Трамп како „клучни“ за ставање крај на тригодишната војна со Русија.

Во синоќешното соопштение, објавено на англиски три дена по јавната расправија во Белата куќа меѓу Трамп и украинскиот претседател Володимир Зеленски, се вели дека поддршката на Вашингтон е „поважна од кога било за украинскиот народ“.

„Украинскиот народ сака мир повеќе од кој било друг во светот и верува дека личната улога на претседателот Доналд Трамп и неговите мировни напори ќе бидат клучни за брз прекин на непријателствата и постигнување мир за Украина, Европа и целиот свет“, се вели во соопштението.

„Врховната Рада на Украина ги поздравува иницијативите на претседателот Доналд Трамп за започнување на преговарачки процес насочен кон обезбедување мир“, се вели во соопштението.

Парламентот, исто така, ја изрази својата „длабока благодарност“ до Трамп, американскиот Конгрес и американскиот народ за нивната „цврста и доследна“ поддршка на независноста, суверенитетот и територијалниот интегритет на Украина.

„Врховната Рада на Украина ја нагласува потребата од понатамошен развој на стратешкото партнерство со САД, особено во истражувањето на критичните минерали“, се вели во соопштението.

Трамп вчера изјави дека не верува дека клучниот договор за минерали со Украина за заеднички развој на природните ресурси на нацијата е мртов поради жестоката расправија со Зеленски.

Сепак, Трамп во меѓувреме донесе одлука за привремено запирање на помошта за Украина, информираше претставник на Белата куќа.„Претседателот јасно стави до знаење дека е фокусиран на мирот. Неопходно е и нашите партнери да бидат посветени на оваа цел. Ја прекинуваме и ја разгледуваме нашата помош за да се увериме дека ќе придонесе за изнаоѓање решение“, рекол изворот. Истата изјава беше цитирана од сите други медиуми кои ја пренесоа информацијата, вклучително и украинската агенција Укринформ, која се повикува на Блумбер

Во петок во храмот Параклис, прв Акатист кон Пресвета Богородица во Велигденските пости и предавање на тема “Нееднаквоста и еднаквоста пред Бога”

Во првиот петок од Великиот Воскресенски пост со почеток од 16 часот, во храмот св. Кирил и Методиј – Параклис во Прилеп, ќе се служи Големо повечерие, на кое ќе се чита акатист посветен кон Пресвета Богородица и ќе се осветува петтолебие за здравје и спасение на верниот народ.

Потоа ќе се одржи и предавање во овогодишниот циклус од предавања на тема НЕЕДНАКВОСТА И ЕДНАКВОСТА ПРЕД БОГА, на кое ќе предава протоереј Живко Десподовски. Предавањето ќе се одржи во просториите на административната зграда.

Воедно упатуваме и ПОКАНА до верниот народ, свештеното братство за присуството на предавањето.

Храбра наша Војвотко победоносна,
ние, слугите Твои од зло избавени,
песни пофални Ти воспеваме, Богородице.
Но Ти, Која крепост имаш непобедлива,
од секоја беда ослободи не, да повикуваме:
Радувај се, Невесто Неневестна!