Фејсбук статус на новинарот од Прилеп, Зоран МомироскИ:

-13 БИЗНИС АРАМИИ ОД ПРИЛЕП СЕ НА СПИСОКОТ ЗА АПС?!?
33 НОЌЕСКА СЕ ,,ЗАЧИСТЕНИ,, ОД СКОПЈЕ,БИТОЛА, ВЕЛЕС,НЕГОТИНО И КИЧЕВО!
33 осомничени бизнис криминалци со ,,метла се зачистени ,,ноќеска и утрово од Скопје , Битола , Кичево Велес и Неготино.Меѓу нив и мајсторот,би рекол ,,убавецот,, од РЕК БИТОЛА, Васко Ковачески, неговиот послушник Пеце Матевски и други.Ама метлата зафати и луѓе од ТЕЦ ОСЛОМЕЈ и ТЕЦ НЕГОТИНО.Како и екс генерлниот на ЕСМ Васко Стефанов.Вакви ,,еко,, акции за зачистување на загадената околина ќе има и до крајот на годинава.Следен е Прилеп на списокот се 13 ,,чесни апостоли,,. Бизнис арамии со скорни!!!

СДСМ продолжува со ширење невистини и лаги за работата на Градоначалникот на Општина Прилеп заедно со директорите на средните училишта – истакна на денешната прес конференција, Христијан Тунески, портпарол на општина Прилеп, за обвинувањата од претседателката на ОО СДСМ Прилеп, Петра Лукареска, дека Градоначалникот на општината и директорите на пет средни училишта биле фатени во криминал со превозот на ученици.

Реакцијата на Тунески во целост ја пренесуваме во продолжение:

-Најодговорно тврдиме дека јавната набавка за организиран превоз на учениците од населените места до средните училишта во општина Прилеп за 2023 година, е законски спроведена согласно со член 119 од Законот за јавни набавки и се запазени сите процедури. За оваа јавна набавка и за сите договори постои уредна документација во училиштата која може слободно да се провери. Потенцираме дека е апсолутно неточно тврдењето дека е зголемена цената на услугата и дека се исплаќани фактури без договор.

Иронично е што ваквите лажни обвинувања за овие спроведени јавни набавки доаѓаат од тие коишто правеа криминали во минатото и нивната желбата да се прикрие незаконското работење на сегашната претседателка на ОО на СДСМ Прилеп, Петра Лукароска, којашто беше директор на СОУ „Ѓорче Петров“ и цело прво полугодие на учебната 2021/2022 сите средни училишта немаа договори за превоз и незаконски ги превезуваа учениците. Доказ за тоа е и судскиот спор којшто го поведоа превозниците против тогашните 5 директори на средните училишта поставени од претходната локална власт на СДСМ.

Поради тоа бараме од Јавното обвинителство да испита како се превезуваа учениците 4 месеци од првото полугодие на учебната 2021/2022 година.

Исто така, бараме од Јавното обвинителство да ги провери стенограмите од седницата на Советот на Општина Прилеп каде што двајца од тогашните директори на средните училишта поставени од СДСМ јавно изјавија дека учениците во првото полугодие од учебната 2021/2022 се превезувале без договор односно со устен договор помеѓу нив и превозниците.

Почитувани сограѓани и медиуми, времето на незаконско работење и сомнежите за криминал завршија, а со сторените кривични дела и со одговорноста оставаме да се занимаваат истражните органи.

Локалната самоуправа на Општина Прилеп предводена од ВМРО-ДПМНЕ и градоначалникот Борче Јовчески работи одговорно, законски, чесно и исклучиво во корист на граѓаните на општина Прилеп.

Во екот на предновогодишното славје, еден од најдобрите ресторани во Прилеп – Ресторан “Деспина”, ќе го прослави и својот трет роденден.

Во изминатите три години прераснаа во угостителски бренд на градот под Марковите Кули, ресторан кој располага со богата гастрономска понуда и одлична музичка понуда.

Кај нив нема викенд, а да нема жива свирка. Гостите досега ги забавуваа голем број домашни и изведувачи од соседството, а така е и во овие претпразнични денови.

На 17. декември (вторник) “Деспина” ќе слави трет роденден со маестралната Елена Јовческа, Оливер Лозаноски, Тренд Бенд, Христијан Крстески, Шаљо и Џоџо, како и Форум Бенд.

Забавата започнува во 17часот, а за своите ценети гости ресторанот ги намали цените во менито за 30%.

Ваше е само да изберете убаво друштво и да резервирате навреме на телефонскиот број: 072 209 996 и во порака на Фејсбук страната на ресторанот.

Тимот на ресторан “Деспина” ве очекува!

Наздравје!

Најмалку седум милиони евра и 200 нови работни места, предвидува инвестицијата на швајцарската „ДМ Бау АГ“ за која денеска во Владата Договор потпишаа премиерот Христијан Мицкоски и менаџерскиот тим на компанијата.

Како што информира Мицкоски по потпишувањето, инвестицискиот план ќе се реализира во индустриската зона близу Куманово, а вклучува вложување во купување земјиште, целосна изградба на погони и нивно опремување со машини за производство на модуларни објекти со различна намена.

Изградбата на планираните објекти треба да почне кон крајот на првата половина од 2025 година.

Според премиерот, планираната инвестиција ќе ја надмине првичната сума од најмалку седум милиони евра наведена во Договорот.

„ДМ Бау Интернешнал“ е дел од Групацијата „ДМ Бау“, швајцарски производител на модуларни објекти со преку 100 години традиција.

-Покрај производсто на вакви објекти, компанијата е и нивен изведувач. Обртот е неколку десетици милиони швајцарски франци, има повеќе од седумдесетина вработени и 30-на проекти годишно. „ДМ Бау“ е еден од најголемите европски производители во овој сегмент. Моментното производство се одвива на две локации во Швајцарија, а плановите за интернационализација и зголемување на капацитетите, „ДМ Бау“ одлучи да ги реализира преку Македонија, истакна Мицкоски на прес-конференција по потпишувањето на договорот.

„ДМ Бау“ ќе изгради голем комплекс составен од повеќе објекти за производство, монтажа и складирање со вкупна површина 35 000 метри квадратни. За оваа цел компанијата годинава купила 72 000 метри квадратни земјиште каде веќе се во тек подготвителни активности за инвестицијата.

-Ние сме швајцарска компанија која се фокусира на префабрикувани дрвени конструкции и мошне внимателно размислувавме за нашето проширување. Внимателно проверувавме неколку различни места и можности за тоа каде може да ја прошириме компанијата и конечно навистина сме среќни што Северна Македонија се појави како место што го избравме и мислам дека досега се течеше добро – дијалогот, отвореноста, пронаоѓањето решение. Тоа ни покажа дека нашата одлука беше вистинска. Затоа, навистина со нетрпение очекуваме да почнеме со нашиот процес тука и сигурни сме дека заедно со вас можеме да изградиме успешна компанија во Северна Македонија. Исто така сме и мошне горди што нашиот проект е во тек. Со нетрпение очекуваме да можеме да создадеме нови работни места, нови можности тука, во овој регион, како и да додадеме вредност кога станува збор за образованието и едуцирањето за префабрикувани конструкции, истакнаа од менаџерскиот тим.

„ДМ Бау Интернешнал“ е сопственост на лице со потекло од Македонија кое работи во Швајцарија.

Васко Ковачевски, екс директор на ЕСМ, како и други тројца осомничени за тежок криминал во РЕК Битолa се недостапни за власта, дознава Курир. Меѓу нив е и екс директорот Стефанов. Според изворите, Ковачевски уште од септември ја напуштил Македонија.

Од Министерството за внатрешни работи потврдија само дека во тек е акција, но повеќе детали најавуваат за подоцна.

-Во тек е полициска акција во координација со ОЈО ГОКК. По завршувањето на истата ќе ја известиме јавноста, велат од МВР.

Според првичните информации уапсени се голем број на физички лица, а опфатени се и неколку правни лица од повеќе градови. Покрај Ковачевски, осомничен за кривичното дело Несовесно работење во службата, е и Васко Стефанов, кој го наследи Ковачевски на позицијата генерелен директор на ЕСМ.

Со акцијата е опфатен и Пеце Матевски од Битола, поранешен директор на РЕК Битола. Стефанов и Матевски се осомничени дека помогнале да се злоупотреби постапка за јавен повик, како членови на злосторничко здружение.

Комерцијалниот директор на ЕСМ, Ардијан Муча, пак, е осомничен за кривичното дело Злоупотреба на службена положба.

Извор: KУРИР.МК

„На денешниот Меѓународен ден за борба против корупцијата, Социјалдемократскиот сојуз на Македонија обелоденува нов случај за незаконско работење на избрани и именувани функционери на ВМРО-ДПМНЕ. Постои основано сомнение дека градоначалникот од Прилеп и 5 директори од средни училишта го прекршиле законот со незаконски јавни набавки“, обвини Петра Лукароска, претседателка на ОО СДСМ Прилеп и додаде:

Бараме итна реакција на надлежното Јавно обвинителство и соодветни кривични пријави. Имено, на 6-ти март 2023 година, директорите на 5-те средни училишта од Општина Прилеп: „Ѓорче Петров”, „Кузман Јосифоски – Питу“, „Орде Чопела“, „Ристе Ристески – Ричко“ и Гимназијата „Мирче Ацев“, во својство на застапници на договорни органи и правни лица, склучиле Договори за јавна набавка на услуги за превоз на ученици.

Договорите биле со важност до 31.12.2023 година и освен времетраењето, со нивното потпишување двете страни ја прецизирале и вредноста на Договорите. Две недели пред истекот на времетраењето на Договорите, директорите на 5-те училишта и превозниците склучиле анекси со кои важноста на Договорите ја продолжиле до 29.02.2024 година.

Како што вели, после првиот, следувало потпишување нов, втор по ред анекс на Договорот.

„Меѓутоа, освен што неговата важност ја продолжиле за нови 50 дена, овој пат директорите направиле измена и во вредноста на Договорот, поточно ја зголемиле цената на услугата, што е спротивно на Законот за јавни набавки. За целото тоа време превозниците вршеле превоз на ученици без важечки договори, а за извршената услуга доставувале фактури кои директорите ги исплаќале без претходно спроведена јавна набавка. Со склучените анекси на Договорот за јавна набавка на услуги за превоз на ученици, сметаме дека постојат основи за сомневање дека директорите на 5-те средни училишта и градоначалникот на општина Прилеп направиле неколку кривични дела, меѓу кои и „Злоупотреба на службената положба и овластување“ и „Несовесно работење во службата“. Од тие причини, доколку Обвинителство не отвори предмет по допрен глас, тогаш Социјалдемократскиот сојуз на Македонија до Основното јавно обвинителство Прилеп ќе поднесе кривична пријава против петтемина директори и градоначалникот на Општина Прилеп“, посочи Лукароска.

Во врска за овие обвинувања од општина Прилеп најавија прес конференција за денеска со почеток од 12 часот.

Излезе најновиот јубилеен двоброј на списанието за литература, уметност и култура „Стремеж“ кое оваа 2024 година одбележува значаен јубилеј – 70 ГОДИНИ ПЕЧАТЕЊЕ И ОБЈАВУВАЊЕ НА ВНИМАТЕЛНО ИЗБРАНИ ТЕКСТОВИ ОД МАКЕДОНСКАТА И СВЕТСКАТА ЛИТЕРАТУРА.

Првиот дел од јубилејниот двоброј под насловот:

70 ПЕСНИ – СТРЕМЕЖПЛОВ НИЗ 70 ГОДИНИ „СТРЕМЕЖ” носи реобјави на 70 песни избрани од различните броеви кои излегле во текот на седумдесетте години постоење. Некои од тие песни се книжевните првини на денес етаблирани македонски книжевници, некои го имаат веќе статусот на уникатни книжевни артефакти кои биле поттик за следните писателски генерации, а некои се проблесоци на новите поетски ѕвезди на македонскиот книжевен хоризонт. Тоа игриво пловење низ децениите поетско творештво на ова тло е неодоллива книжевна авантура и возбудливо читателско искуство за старо-новата публика читатели и состремежници.

Во вториот дел од двобројот кој ги содржи редовните рубрики, во рубриката ПРОЗА читателите ќе можат да прочитаат најнови раскази од Петре Димовски и од Блаже Миневски, како и извадоци од необјавените романи на Оливера Ќорвезироска („Три Марии“), Мирче Нешовски („Воскресение, experience, патот на духот“) и Михајло Свидерски („Арагон“). Рубриката ТЕАТАР*ФИЛМ ги донесува драмолетот на Ацо Гогов „Ноќни разговори“ и филмската рецензија на Никола Гелевски „Три филма на Ларс Вон Трир, за попреченост“.

Рубриката КРИТИКИ *ЕСЕИ*СТУДИИ ги содржи есејот на Елизабета Шелева по повод 90 години од раѓањето на Петре М. Андреевски, рецензијата на Лидија Капушевска-Дракулевска за романот „Заборав“ на Томислав Османли, есејот на Марина Мијаковска „Поетските микросветови на Раде Силјан“ и студијата на Давид Стојаноски „Црн овен на Блаже Конески како збирка за животот, смртта и поезијата“ – вели главната и одговорна уредничка на списанието Габриела Стојаноска – Станоеска.

Ова долго опстојување на книжевната сцена, како едно од најстарите списанија во земјава, го прави „Стремеж“ стамен светилник кој низ децениите општествени промени го осветлува и чува патот и растот на македонската литература. Незаменлива е неговата улога во афирмирањето, развојот и промоцијата на македонската книжевност, уметност и култура. Од редовите на соработниците на „Стремеж“ се излезени голем број еминентни македонски писатели, врвни научници и академици. Речиси нема автор во земјава кој во одреден период од сопствената книжевна кариера не објавил свои текстови на страниците на списанието. Преку „Стремеж“ во континуитет се афирмираат и нови гласови, млади писатели, литературни критичари, есеисти, историографи и историчари на уметноста, а исто така, преку застапувањето на препевите и преводите, списанието врши функција и на едукатор на нашата јавност со актуелните книжевно-уметничките достигнувања, не само во Европа, туку ширум светот.

Списанието „Стремеж“ го издава Центарот за култура „Марко Цепенков“ од Прилеп со поддршка на Министерството за култура и туризам.

Поранешениот директор на ЕСМ, Васко Ковачевски е меѓу уапсените лица осомничени за криминал во работењето на РЕК Битола, според неофицијални информации – објави КУРИР.

Од Министерството за внатрешни работи потврдија дека во тек е акција, но повеќе детали најавуваат за подоцна.

-Во тек е полициска акција во координација со ОЈО ГОКК. По завршувањето на истата ќе ја известиме јавноста, велат од МВР.

Според првичните информации уапсени се голем број на физички лица, а опфатени се и неколку правни лица од повеќе градови. Покрај Ковачевски, осомничен за кривичното дело Несовесно работење во службата, е и Васко Стефанов, кој го наследи Ковачевски на позицијата генерелен директор на ЕСМ.

Со акцијата е опфатен и Пеце Матевски од Битола, поранешен директор на РЕК Битола. Стефанов и Матевски се осомничени дека помогнале да се злоупотреби постапка за јавен повик, како членови на злосторничко здружение.

Комерцијалниот директор на ЕСМ, Ардијан Муча, пак, е осомничен за кривичното дело Злоупотреба на службена положба.

Поранешниот прв вицепремиер во владата на Ковачевски, Артан Груби и судијата Енвер Беџети се новите две имиња на американската црна листа. Во своето соопштение, американскиот Стејт департмент посочува дека Груби и Беџети биле вмешани во значителна корупција преку примање мито за предмети поврзани со поранешниот директор на УБК Сашо Мијалков.

View this post on Instagram

A post shared by U.S. Embassy North Macedonia (@usembassyskopje)

-Согласно членот 7031(в), Стејт департментот јавно ги назначува Артан Груби и Енвер Беџети за нивна вмешаност во значителна корупција преку примање мито за поткопување на судските процеси поврзани со кривичната пресуда на Сашо Мијалков, директор на Управата за безбедност на Македонија и Контраразузнавање (УБК). Мијалков беше назначен во 2022 година за значителна корупција според член 7031(в), а ОФАЦ го санкционираше според Е.О. 14033. Како дел од оваа акција се назначени и членовите на потесното семејство на Груби.

Тоа значи дека на нив и нивните потесни семејства им се забранува влез во САД, додека пак на американските државјани кои имаат и компании им се забранува да соработуваат со нив.

-Денешното назначување на Артан Груби и Енвер Беџети е доказ дека политичкото мешање во судството не може – и нема – да се толерира. САД ќе продолжат да ги именуваат оние кои се вклучуваат во значителна корупција која ги поткопува демократските институции. Никој не е над законот, а одговорноста е суштинска за напредок, истакна aмериканската амбасадорка во земјава Агелер.

На 07.12.2024 во 01:55 часот во ОВР Крушево било пријавено дека во угостителски објект во Крушево настанала физичка пресметка помеѓу С.З.(52) и К.Т.(28), двајцата од Крушево, при што С.З. со остар предмет му нанел повреди на К.Т..

Се преземаат мерки за расчистување на настанот.