-Денеска (07.12.2024) во 05.11 часот во СВР Битола било пријавено дека на ул.„Прилепска“ во Битола патничко возило „ауди“ со битолски регистарски ознаки управувано од Т.Б.(19) од с.Крклино,битолско удрило во Б.В.(39) од Битола.
Во несреќата со тешки телесни повреди се здобила Б.В., констатирани во Клиничката болница Битола.
Извршен бил увид од увидна екипа од СВР Битола – информираат од СВР Битола.
Премиерот Христијан Мицкоски денеска на прес-конференција најави две реформи во сферата на социјалната заштита. Едната, рече, ќе биде изготвување софтверско решение кое јасно ќе детектира кои корисници на социјална помош го злоупотребуваат системот, а втората е издавање платежна картичка со која 50 отсто од сумата приматели на социјална помош ќе ја користат за купување македонски производи.
Како што истакна Мицкоски, досега се евидентирани голем број злоупотреби. Некои лица примале социјална помош и до 60 000 денари месечно.
– Некои корисници примале помош до 60 000 денари, некои се починати, некои долго се отсутни од државата. Има големи злоупотреби во центрите и од службеници. Дел се веќе и санкционирани, против дел се покренати кривични постапки, истакна Мицкоски, додавајќи дека на софверското решение се работи со Светска банка.
Дополни дека и во однос на здравството се работи на реформи.
– Мора да сме свесни дека здравствениот систем бил многу злоупотребуван и затоа сега некои се милионери, а некои милијардери додека граѓаните не ги добиваат услугите. Се преговара со две европски земји за изградба на две здравствени установи, клиничката болница во Штип и Кичево. Работиме и на набавка на апарати неопходни за добивање здравствени услуги. Размислуваме и за структурна реформа во здравството, за регионализација. Некои објекти може од болници ќе станат поликлиники или други од поликлиники амбуманти, објасни премиерот.
Денеска ја славиме Св. Великомаченица Екатерина, а именден празнуваат: Катерина, Ката, Катица…
Житието раскажува дека светата великомаченица Катерина потекнува од царско семејство од градот Александрија.
Живеела кон крајот на третиот и почетокот на четвртиот век. Мајка ѝ била христијанка, но поради тоа што христијаните биле прогонувани, таа тоа свое верување не го кажувала јавно. На 18-годишна возраст Катерина била ретко убава, паметна и образована девојка со познавање на филозофијата, литературата, а особено ги совладала медицинските науки.
Многу богати кнезови сакале да се оженат со неа, но на сите што ја убедувале да се омажи им одговарала дека ќе се омажи тогаш кога ќе ѝ најдат момче што ќе биде рамно на неа со богатство, убавина и образование. Но такво момче немало. Имало и богати и образовани, но убави и мудри како неа немало.
Во близината на градот живеел еден праведен човек кој Катерина ја упатил во тајните на христијанството. Тој ѝ зборувал за чудесното раѓање на Исус од Пресвета и пречиста Дева Марија, која поради својата светост и чистота станала мајка на Спасителот, а подоцна била однесена на небото каде што ангелите ја служеле и ѝ се поклонувале како на царица. Подоцна Катерина ја сонувала Божјата мајка со својот син и го прифатила христијанството со сета своја душа и разум.
Еднаш кога царот и останатите пагани принесувале жртви и се молеле на паганските идоли Катерина му се обратила со зборовите. „Царе, нели ти е срам што се молиш пред гнасните идоли. Зошто не го запознаете вистинскиот Бог, кој слегол на земјата и зел човечка форма поради нашето спасение. Тој не сака жртви, туку само да живееме според неговите заповеди“. За ова Катерина требало да биде жестоко казнета, но поради нејзината убавина царот посакал да ја придобие за жена, ветувајќи ѝ раскошен живот и богатство, но и да ја оттргне од христијанството.
Но, Катерина сето тоа го одбила со гнасење. Кога царот помислил дека е недостојно за еден цар да се расправа со една жена, повикал педесетина мудреци кои требало да ја разубедат убавата девојка. Но, мудрата Катерина сите нив и многу народ убедила во вистинската Христова вера и ги придобила за христијанството. Поради тоа била осудена на смрт и пратена на губилиште. Главата ѝ била отсечена со меч на 18-годишна возраст на 7 XII/24 XI 305 (според други 310) година.
Преданието раскажува дека подоцна ангелите ѝ го однесле телото на Синајската планина.
Кога царот Декиј еднаш војуваше против варварите, во неговата војска имаше еден војвода над ерменскиот полк наречен Мартензес.
Тој војвода се викаше Меркуриј. Во борбата на Меркуриј му се јави Ангел Божји, му даде меч во рацете и му рече дека тој ќе ги победи непријателите. И навистина, Меркуриј покажа чудо од храброст косејќи ги непријателите како трева.
По оваа славна победа царот Декиј го произведе за прв војвода во својата војска. Но, некои завидливи луѓе го обвинија Меркуриј дека е христијанин, а тој ова пред царот не го скри тоа, туку го објави. Беше мачен долго и тешко: од него со ножеви сечеа каиши, го гореа со оган. Во затворот му се јави Ангел Божји и го исцели.
Најпосле царот изрече пресуда војводата Меркуриј да се убие со меч во Кападокија. Кога го убија телото му стана бело како снег и од него излегуваше мирис на темјан. Од неговите чудотворни мошти се исцелија многумина болни. Овој прекрасен Христов војник пострада меѓу 251 и 259 година.
Пивара Скопје во 2023 година, креираше 139 милиони евра додадена вредност во македонската економија, што претставува 1% од БДП, од кои 71 милиони евра се даноци исплатени во државниот буџет. Над 8700 работни места во земјава на директен или индиректен начин се одржуваат од остварените приходи на Пивара Скопје, за кои годишно се обезбедуваат плати во износ од 37 милион евра. Секое 1 отворено место во Пивара поддржува уште 21 работно место во земјата. На секое потрошено евро од купувачите назад во општеството се враќаат 68%.
Ова се само дел од наодите содржани во новата Студија за социо-економско влијание на Пивара Скопје во Македонија која беше промовирана синоќа во , изработена од независната консултантска куќа „Стјуард Редквин“, преку анализа на податоците на работењето на компанијата во 2023 година. Целта на оваа Студија е на објективен и транспарентен начин, со помош на научен пристап, да се квантифицира и оцени придонесот и значењето на Пивара Скопје за развојот на македонската економија и просперитетот на заедницата.
На промоцијата присутен беше и заменик министерот за економија и труд, Марјан Ристески, кој имаше и свое обраќање на настанот.
-Честитки на Скопска Пивара за одличниот настан каде ја презентираа Студијата за социо-економско влијание на компанијата во македонското општество. Студијата покажува дека Пивара Скопје има голем придонес и влијание на развојот на македонската економија, заедницата и животната средина. Оваа компанија е одличен пример за општествено одговорна компнија која инвестира во локалната заедница – напиша Ристески на социјалните мрежи.
На 06.12.2024 во 03.40 часот во ОВР Прилеп било пријавено дека на ул.„Октомвриска“ во Прилеп било опожарено патничко возило „мазда“ со прилепски регистарски ознаки, сопственост на Б.T.(32) од Прилеп.
Пожарот бил изгаснат од екипа на Територијалната противпожарна единица Прилеп, а повредени лица нема.
Увид бил извршен – информираат од МВР.
По повод празникот посветен на Св. Климент Охридски, македонскиот просветител, Здружението „Платформа за КРЕАТИВНИ КОНЦЕПТИ – Прилеп“ во соработка со Општина Прилеп, Преспанско – пелагониската епархија и Институтот за старословенска култура – Прилеп има чест да Ве покани на завршниот настан од проектот „Денови на Св. Климент Охридски“.
Настанот ќе се одржи на 08.12.2024 година во собраниската сала на Општина Прилеп со почеток од 13:00 часот.
-На настанот ќе бидат презентирани делата изработени од учениците од основните училишта од Прилеп и од основното училиште од с. Долнени, кои во текот на претходниот месец активно учествуваа во различни работилници посветени на Св.Климент Охриски, нашиот најголем просветител и културен деец и неговото влијание во Македонија и пошироко. Со задоволство ја очекуваме Вашата поддршка и присуство на овој значаен настан. – стои во поканата од општина Прилеп.
На 6 декември во 2011 година, на 52-годишна возраст почина Гоце Арнаудов, познат македонски пејач на народна музика.
Во 1994 година на Фолк фест – Валандово ги освоил сите награди со песната „Дали чекаш стара мајчице“. Пет години бил прогласуван за најпопуларна личност на Македонија, а учествата на Фолк-фест Валандово му донесле 22 награди.
Неколку пати ја добил наградата за интерпретација „Никола Бадев“ на фестивалот „Гоце Фест“. Редовно учествувал на турнеи во Европа, Америка и Австралија.
Ќе остане запаметен по песните „Ех да беше стрела песната”, “Дали чекаш стара мајчице”, “Ќе пијам ќе лумпувам”, “Свири мајсторе”, “Полни бре меанџијо”… Арнаудов е роден во Струмица на 19 август 1959 година.
-Иако последниот законски рок од 15-ти декември се уште не е на прагот, меѓутоа гледаме дека делот од тутунарите го имаат предадено својот род“ истакна министерот за земјоделство, шумарство и водостопанство, Цветан Трипуновски кој во текот на вчерашниот ден го посети Тутунскиот Комбинат во Прилеп
„Согласно податоците кои што се водат во системот до вчерашниот ден се откупени 1.400.000,00 килограми со просечна цена од 374,30 денари. И истиот е исплатен некаде околу 45% на земјоделците“, појасни министерот.
Министерот Трипуновски додаде дека Земјоделскиот инспекторат го следи овој процес.
„Ние како Министерство сме во комуникација со сите здруженија. Го следиме целиот процес, и веќе од идната недела очекувам да имаме зголемено предавење на тутунот од оваа реколта“, истакна министерот.
„Тутунарите не треба да бидат загрижени, бидејќи оваа година ќе имаме поголем просек на откупна цена во однос на претходната година“, порача министерот Трипуновски.
Тој посочи дека како Влада, како Министерство постојано се во комуникација со откупувачите, со тутунопроизводителите, со сите здруженија кои што гравитираат во овој сектор. И во текот на изјавата министерот истакна дека нема да има незадоволен тутунопроизводител оваа година. Министерството нема да дозволи разочарувања како што имаше во минатото.
Еден од најдобрите ресторани во Прилеп, ресторанот “Деспина” подготви фантастична музичка понуда за предновогодишни забави. Атрактивни музички имиња, мени по мерка дури и за најпребирливите и најважно цена која ќе одговара за сечиј џеб.
Од ресторанот најавија одлична забава и за Новогодишната ноќ, кога гостите ќе ги забавува “Класико Бенд”.
-Нека оваа Нова Година започне со стил! Придружете ни се на најсветлата ноќ од годината и уживајте во спектакуларен амбиент, вкусна храна и музика која ќе ви го загрее срцето. Прекрасен вечерен мени, пијалоци по избор и незаборавен дочек со пријатели и сакани… Започнете ја 2025та со нас и нека оваа година биде полна со среќа и нови почетоци! Бројките се ограничени – резервацијата е задолжителна. Побрзајте и обезбедете го своето место за најголемата ноќ! Среќна Нова Година од целиот тим на Ресторан Деспина – велат во поканата од ресторанот.
Резервирајте навреме на телефонските броеви: 072 209 996 и 048 403 343
