Мало градче на североисточниот дел од Македонија, но гратче кое блеска од убавина во пресрет на Новогодишните и Божиќните празници и може да им држи лекција на сите останати општини во државата.

Крива Паланка и оваа година ја има најраскошната новогодишна бајка. Илјадници светулки го осветлија централниот плоштад, парковите, улиците…

Сето тоа е убаво подредено, убаво накитено, чиниш се наоѓаш во некоја европска метропола. Секоја чест паланчани, а сите останати уживајте во фотогалеријата во продолжение:

Вчеравечер, 8 декември 2024 година, во храмот „Св. Петка“ во Прилеп, во организација на храмот и СОУ Гимназија „Мирче Ацев“, се одржа првата Духовна академија во чест на патронот на Македонската православна црква – Охридска Архиепископија и закрилникот на Македонија, св. Климент Охридски.

Во величествена духовна атмосфера, храмот беше исполнет до последното место со верници и гости, меѓу кои беа заменик-градоначалникот на Општина Прилеп Диме Бозоски, претседателот на Советот на Општина Прилеп Ирена Стерјовска Локвенец, советници при Советот на Општина Прилеп, професори, ученици и бројни посетители.

Учениците од гимназијата, под менторство на професорите Дарко Ристески и Татјана Иваноска, преку хорски изведби, рецитации и драматизации на сцени од животот на св. Климент, успеаја да создадат незаборавно духовно искуство, ретко видено во било кој храм. Нивниот труд, уметничка изведба и посветеност беа поздравени со бурни аплаузи од публиката.

На крајот на академијата, старешината на храмот, протоереј Љупче Петрески, додели благодарници на СОУ Гимназија „Мирче Ацев“, на професорите ментори и пофалници и скромни подароци на сите учесници. Тој изрази голема благодарност за соработката и ја повика образовната заедница на Прилеп на заеднички труд за зачувување и негување на духовното и културното наследство.

„Нека оваа академија биде почеток на долгогодишна соработка. Очекуваме идеи и предлози за идни заеднички настани кои ќе ги поврзат духовното и образовното“, изјави протоерејот Петрески.

Професорот Дарко Ристески „од името на професорите, учениците и од гимназијата се заблагодари за поканата за овој прекрасен настан и вети дека ќе прерасне во традиција за овој ден или, пак, во спомен на друг светител или македонски преродбеник да се одржува ваква духовна академија“.

Тој, исто така, се заблагодари до присутните што во толкав број дојдоа да ги подржат учениците напоменувајќи дека „образованието потекнува од храмовите и дека ние сме едно“.

Директорката на СОУ Гимназија „Мирче Ацев“ Весна Михајлоска, исто така се заблагодари на поканата од храм св. Петка, до присутните за подршката како и до г-нот Кирил Јандреовски и пекара „Маја“ кој го подржа овој настан и порача:

„Како што учениците вечерва порачаа да се радуваме на овој ден во чест на св. Климент, јас ви порачувам радувајте се што имаме вакви деца и ученици за што ние особено се гордееме што ги имаме“.

Овој настан претставува значаен чекор кон заедничка мисија за духовно и културно збогатување на младите генерации.

ФОТО/ВИДЕО: КL Produkcija

Најпознатата прилепска група “Тајфата” има нова песна и видео спот. Проектот е насловен како “Девојче калешо”, каде музиката и текстот се дело на вокалот на групата Владимир Богески, додека аражманот е заеднички сработен од Богески и Рубин Димкоски.

Едно прекрасно музичко дело, каде покрај членовите на групата, како пратечки вокал учество зеде Викторија Георгиоска, виолината ја свири Горјан Стојановски, гитарата Рубин Димкоски, а видео спотот е дело на “Фан продукција-Зоран Пилата”.

Уживајте во продолжение:

Сириските бунтовници рано утринава влегле во претседателската палата во Дамаск, извикувајќи „Господ е најголем!“, изјавија очевидци за ДПА.

Еден жител на областа рече: „Видовме како вооружени борци влегуваат низ портите на палатата Палатата се нарекува Народна палата и се наоѓа во областа Мезех во западниот дел на Дамаск“.

Видеата на социјалните мрежи ги покажаа и бунтовниците во дворот на палатата и пред нејзините порти.

Непосредно пред тоа сирискиот претседател Башар ал Асад побегна од Дамаск. Бунтовниците влегле во палатата очигледно без отпор.

ВИДЕО од упадот во палатата

Прилеп конечно доби репрезентативна продавница за шопинг, нешто што им недостасуваше како на прилепчани, така и на секој гостин во нашиот град.

Во центарот на градот, во просторот на вториот кат на трговскиот центар “Тинекс”, Sinsay ја отвори својата прва продавница во Прилеп, а осумнаесета во Македонија. Евтина и квалитетна роба, за секого по нешто, за деца, тинејџери, возрасни…

View this post on Instagram

A post shared by LPP Macedonia People (@lppmacedoniapeople)

Дека прилепчани со нетрпение очекуваа нешто вакво, доказ е тоа дека во изминатите денови немаше кој не ја посети продавницата на Sinsay, а оние кои поради работните обврски не можеа да го сторат тоа, убаво е да се знае дека Sinsay ќе работи и во недела.

Па нека ова биде отворена покана до сите, како од Прилеп, така и од околните населени места и општини, да го искористат продолжениот викенд за шопинг во Sinsay.

Купувањето облека за целото семејство никогаш не било позабавно!

Компаниите и јавниот сектор до крајот на месецов имаат обврска да им исплатат регрес за годишен одмор на своите вработени. Вработените во администрацијата ќе добијат по најмалку 11.000 денари, додека за приватниот сектор, износот ќе биде околу 16.800 денари, што е 40% од просечната плата исплатена во последните три месеци.

Исплатата на К-15 треба да се заврши до крајот на годината. Услов за исплата на регресот е работникот да работи најмалку шест месеци во календарската година кај ист работодавец. Регрес им следува и на оние работници што ја смениле работата, ако претходно непрекинато работеле половина година во иста компанија.

За работодавците што нема да им исплатат регрес за годишен одмор на своите вработени, Законот предвидува казна до 4.000 евра, од кои од 2.000 до 3.000 евра за компанијата и од 500 до 1.000 евра за одговорното лице во неа.

За работодавачите, пак, кои бараат да им се вратат исплатените пари, предвидена е и затворска казна од три месеци до една година.

Градоначалникот Орце Ѓорѓиевски го користел саботниот ден од продолжениот викенд за комуникација со граѓаните.

Од општината информираа дека жителите во изминатиот период изразиле желба да контактираат со него, да го информираат за некаков проблем или да споделат некоја своја идеја, а дел дошле и на средба во општината.

„Денес, сабота, од рано наутро сум во мојот кабинет каде што досега остварив телефонски разговор со повеќе од 80 мои сограѓани, кои имале потреба или оставиле свој контакт на службите во општината. Со оние кои имаа потреба од лична средба, веќе ја остваривме или ќе ја остваривме во текот на денешниот ден. Мојот тим ги запишува барањата и веднаш пристапуваме кон нивно решавање. Она што особено ме радува е тоа што некои граѓани немаат никаков проблем, туку им треба само пријателски разговор во кој ќе споделат и некоја идеја од која ќе произлезе проект во иднина. Пријателски разговор, чисто да се видиме и да дадат поддршка за она што досега е сработено. Некои се дури и пријатно изненадени, велат дека во минатото немале шанса да стигнат до градоначалникот, а не пак да ги побара телефонски. Приемот е многу позитивен и тоа е уште еден показател дека сме на вистинскиот пат. Ќе останам тука цел ден, а ако треба ќе продолжиме и утре. Ќе разговарам или остварам лична средба со секој оној кој има потреба, во мојот кабинет или надвор, на пријателско кафе. На проблемите ќе им погледнеме во очи и директно ќе ги решаваме. Мојот народ мора да е задоволен“, изјави градоначалникот Орце Ѓорѓиевски.

Синоќа во Ликовната галерија на ЦК”Марко Цепенков”Прилеп, беше отворена изложбата “Сеќавање” од Васил Костов. Изложени се 27 дела со кои се заокружува и се остварува замислата на Васил Костов – комплетна презентација на уметничкото достигување, најголем успех во ликовната дејност кој остава печат на уметник на прилепската, македонската ликовна сцена и пошироко.

Изложбата ја отвори Елена Чагороска, историчар на уметност, која рече дека се презентирани дела со разновидна техника и материјали: масло на платно, акварел, гваш, графика, обиди на работење во дрво и други материјали.

– Последните години од животот ги посветува на непополнети моменти, сеќавања од детството, како бегалец од Егејска Македонија, со многу страдања и слики од доживеани настани. Полн со емотивни чувства, уметникот започнува секоја слика, сеќавања и доживувања да ги сублимира, со идеја да започне серијал на слики насловени како „Сеќавање“ – бегалски сеќавања од 1945 – 1952 година….Костов претпочита посредно да ја вознемири нашата индолентност, нашата духовна пасивност, да го поттикне нашиот интелект на размислување, акција, определување. Творбите на Костов во богатството на своите потенции, содржат извонредно доследен, естетски, сублимиран вид создавање, на едно колористички и обликувано, диференцирано и специфицирано ликовно творештво…..Делата предизвикуваат естетско доживување, ја покренуваат фантазијата кај гледачите, а уметникот умее да си поигра со колоритот на боите, хармоничност и потези кои го напојуваат окото на гледачот, посочи на отворањето Елена Чагороска.

Васил Костов реализирал бројни самостојни изложби во земјата и во странство, бил дел од групни изложби, а добитник е на бројни награди.

Eкипата на РК Прилеп вечерва со почеток од 18:30ч, а во рамки на 14-то коло од Супер лигата, гостува кај одлилниот Охрид.

Охриѓани кои сезонава имаат 10 победи и само 3 порази, котираат зад водечката тројка Еурофарм Пелистер, Алкалоид и Вардар. На своето конто имаат 20 бодови, а ветер во грб им е македонската ракометна икона, тренерот Стевче Алушовски, како и одличната публика.

Прилеп треба да направи чудо за да освои бодови на овој натпревар, особено ако се земе во предвид дека одбраната не им е најјака страна сезонава.

Целата спортска јавност знае дека во тој дел се чувствува празнината која ја остави Филип Велески, па не случајно тимот речиси редовно прима над 30 гола во утакмица.

Како и да е, доколку прилепчани прикажат добра игра на сите полиња, ќе имаат шанса да ја продолжат добрата серија од три победи, еден нерешен резултат и еден пораз во последните пет натпревари.

Секојдневно расте бројот на производите кои ќе бидат опфатени со новогодишната кошничка. Досега се 713, а се очекува да надмине 800 производи кои ќе добијат пониски цени за 10 проценти, изјави во Прилеп заменик министерот за економија и труд Марјан Ристески. Додаде дека на една недела пред примената на мерката се пријавени 63 компании.

-Оваа новогодишна кошничка е поразлична од другите зашто, прво , е креирана од бизнис секторот и влегувата производителите, увозниците, дистрибутерите и трговците на големо и мало. Интересот е многу голем и секојдневно се пријавувата компании. Почетно беа околу 650 производи, сега бројката надминува 700, односно, досега се вклучени 713 производи или 63 компании кои учествуваат во оваа мерка, изјави Ристески.

Тој има поголеми очекувања од оваа новогодишна кошничка и опфатот на производи да стигне над 800.

-Очекувам заштедата да биде многу поголема од претходните кошнички. Тогаш беа опфатени окоу 520, а сега бројката сигурно ќе оди над 800 производи. Секако анализите и на Министерството и на Заводот за статистика допрва ќе се прават од ефектите на кошничката, рече Ристески.

Примената на мерката за новогодишната кошничка ќе почне на 15 декември и ќе трае до 15 јануари со сите производи кои му се потребни и ќе ги користи семејството за празниците, а опфатот се зголемува. До секој производ ќе стои назнаката „Помалку трошоци, повеќе за тебе“, но и претходната и цената опфатена со намалувањето. Граѓаните не им веруваат на трговците и сметаат дека тие манипулираат со цените. Ристески уверува дека Инспекторатот на терен будно ќе ја следи примената на мерката.

-Мониторингот ќе го врши пазарната инспекција која ќе биде на терен, во маркетите. Инаку, според Законот за заштита на потрошувачите, кога има одредени акции, треба да биде земена најниската цена од претходниот месец, значи од 15 ноември до 15 декември и на таа цена да има најмалку 10 проценти намалување, објаснува Ристески.

Министерството за економија и труд ги повикува другите компании да се вклучат во мерката која стартува на 15 декември.