Ако до 30 март сопствениците не ги отстранат возилата, тоа ќе го стори пајак службата, но на сметка на сопственикот, а против него ќе биде изречена глоба.
Општина Кисела Вода од вторник (15.03.2022) ќе почне да изрекува опомени до сопствениците на хаварисани возила да ги отстранат од местата каде што се оставени.
„Доколку возилото и покрај опомената, не биде отстрането во рок од 15 дена или најдоцна до 30. 03. 2022 година, тоа ќе го стори пајак службата, но на сметка на сопственикот на возилото. Исто така, против него ќе биде изречена глоба во мандатна постапка во врска со член 63 во согласност со Законот за безбедност и сообраќај на патиштата“, нагласуваат од Општината.
Акцијата на Општината е во соработка со полицијата и со Републичкиот совет за безбедност на сообраќајот на патиштата (РСБСП).
Оставените моторни возило го попречуваат одвивањето на сообраќајот и ја загрозуваат човековата околина.
Во време на засилени санкции против Русија и анти-руска масовна хистерија цените на горивата во државата се драстично пониски од било кое друго место на планетата земја.
Ководителот на eмисијата “Тешки Муабети” на “Инфомакс”, Јанко Илковски објави фотографија на која се гледа дека дизелот кој во Македонија стана поскап и од бензинот, во Русија се продава по цена од 28 денари, односно 60 Рубљи.
-Дизелот и бензинот во Русија се 60 рубљи, што би дошло некаде околу 28 денари литар. Се прашувам, кој е под санкции, они или ние?
Доц. д-р Добринка Раичинова открива дека рускиот претседател Владимир Путин има бугарски корени.
Неговото потекло е од градот Чипровци. Таа ја проучувала генеалогијата на лидерот Русиј. Иречек во Историја на Бугарија споменува дека за време на востанието Чипровци (во 1688 година) едно момче од семејството Путин го преживеа масакрот во кој беа убиени сите благороднички семејства и нивните потомци, учесници и побегнал во Русија.
И ова момче се населило во Санкт Петербург.
Претпоставувам дека со тоа што се омажил за Русинка, се создава семејството Путин, бидејќи јас не познавам друго семејство освен семејството од Санкт Петербург. Претпоставувам дека корените на ова семејство потекнуваат од овој прадедо, кој избегал од Чипровци, открива вонреден професор д-р Добринка Раичинова.
Затоа Владимир Путин е толку силно врзан за Бугарија, вели Раичиова.
Силен тресок ноќеска малку по 23 часот се слушнал во дел од Загреб. Полицијата и пожарникарите се на Јарунски пат каде што се случил инцидентот. На земјата е останата голема дупка, икако што пишува Индекс.хр, очигледно нешто удрило во земјата и експлодирало.
Очевидци за порталот велат дека нешто паднало од небото на земја, а извештаите биле потврдени од полицијата околу 3 часот по полноќ.
Полицијата потврдила и дека пронашла два падобрани.
Полициската управа на Загреб по 23 часот добила повеќе пријави од граѓани дека почувствувале детонација на поширокото подрачје на Јарун, на која ѝ претходело паѓање од воздух. На местото на пријавата итно биле испратени полициски патроли кои пронашле два падобрани на поширокото подрачје, за што исто така претходно од порталот велат дека добивле пријави од граѓани.
„Полициските службеници го обезбедиле потесниот и поширокиот простор на местото на настанот каде што се води увидот, со учество на сите надлежни служби. Полицијата засега нема пријави за повредени на поширокото подрачје на местото на настанот. Оштетени се неколку паркирани возила. Исто така, на терен полициски екипи се специјализирани за справување и реагирање на ваков тип на настани и во моментов нема причина граѓаните да бидат вознемирени“, велат од полицијата.
Се шпекулира дека станува збор за беспилотно летало, но не е извесно неговото потекло и намена.
Добро упатени извори за порталот велат дека двата падобрани што се пронајдени на двете локации на Јарун, на повеќе од еден километар од местото на големиот кратер, не спуштиле луѓе, туку веројатно делови од леталото каде што се складирани податоците.
Падобраните се портокалови, веројатно за полесно да се најдат. Но, она што инспекторите се уште не го утврдиле или барем во текот на ноќта не можеле да се добијат информации за тоа, е поточно за каков дрон се работи.
Се појавија само неофицијални информации дека во текот на истрагата било утврдено дека на делови од авионот има петкраки ѕвезди и натписи на руска кирилица, но официјална потврда за тоа нема.
инистерката за одбрана Славјанка Петровска вечерва во дебатниот магазин „Click Plus“ на ТВ21 посочи дека тие не го оставиле украинскиот претседател Володимир Зеленски сам.
„Не би рекла дека го оставивме сам заради тоа што со сите механизми, кои во изминатиов период ги видовме, ги преземаме сите мерки и активности за спротиставувањето на агресорот во Украина. Мислам дека покажавме прилично голема солидарност“, вели Петровска.
Вечерва во дебатниот магазин „Click Plus“ гостува министерката за одбрана Славјанка Петровска, која зборуваше околу нејзината посета во Обединетото Кралство каде беше пречекана со поздрав на македонски јазик и изведба на песната „Јовано, Јованке“ од страна на британскиот воен оркестар.
Министерката вели дека ова е нејзина омилена песна, а настанот го оцени како добар гест на домаќините.
„Не знаев дека на толку добар начин и со ваков пријатен гест ќе бидам изненадена“, вели Петровска.
Инаку, Петровска подоцна истакна дека неколку дена претходно му соопштила на британскиот колега за омилената песна, а потоа тој се погрижил оркестарот да ја научи и интонира.
Регулаторната комисија за енергетика и водни услуги ја информира јавноста дека се исполнети предусловите за корекција на цената на поголем дел од нафтените деривати поради тоа што продолжува трендот на раст на цените на нафтените деривати на светските берзи и во исто време курсот на доларот во однос на денарот е зголемен за 0,49%. Во споредба со претходната пресметка се бележи зголемување кај следните нафтен деривати и тоа во просек : кај дизелот за 3,616%, кај екстра лесното масло за 2,984% и кај мазутот зголемување за 2,265%. Согласно овие податоци, РКЕ донесе одлука со која се врши зголемување на малопродажните цени на нафтените деривати во просек за 1,67 % во однос на Одлуката од 9.3.2022 година.
Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат, додека малопродажната цена на ЕУРОДИЗЕЛ (Д-Е V) се зголемува за 3,00 денари/литар.
Малопродажната цена на Екстра лесното масло за домаќинство (ЕЛ-1) се зголемува за 2,50 денари/литар.
Малопродажната цена на Мазутот М-1 НС се зголемува за 1,404 денар/килограм и сега ќе изнесува 60,569 ден/кг.
Од 11.3.2022 година од 00:01 часот максималните цени на нафтените деривати ќе изнесуваат:
Напоменуваме дека ова се максималните цени на нафтените деривати од 00:01 часот на 11.3.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.
Професорот по хемија при гимназијата “Мирче Ацев” од Прилеп, Блаже Димески, го направи неговиот предмет интересен за сите ученци.
Димески вложил над 17.000 работни часови за да го креира сајтот ehemija.mk, каде се содржани над 800 презентации, користени во наставата по хемија ширум Македонија.
Професорот Блаже Димески, со 24 годишно искуство во наставата по хемија е еден од најтрофејните професори по хемија во Македонија, со многу освоени награди на неговите ученици на различни државни или меѓународни натпревари по хемија.
Проектот кој ја добилижи хемијата до учениците го започнал во 2013 година, па денеска тоа што го започнал пионерски е најголема енциклопедија по хемија кај нас и ги заслужува сите пофалби.
Презентациите се професионално изработени, современо обликувани, со многу визуелни и звучни ефекти, на разбирлив начин прифатливи за сите, со доза на хумор и со интересни факти.
Во презентациите опфатени се сите наставни содржини по предметот хемија од основно одделение, до високо образование.
Еден навистина интересен проект кој со сигурност ќе ги заинтересира и оние на кои некогаш хемијата им била слаба страна.
СЕКОЈА ЧЕСТ! КОЛКУ ПОВЕЌЕ ВАКВИ ПРОФЕСОРИ, ТОЛКУ ПОВЕЌЕ ПИСМЕНИ ГЕНЕРАЦИИ! Се надеваме дека трудот на Професорот Димески ќе мотивира и други професори по други предмети да се посветат и да креираат нешто слично.
За крај само ќе потсетиме дека Проф. Димески за постигањата и придонесот во образованието во Прилеп, во 2014 година ја доби престижната градска награда „Трети ноември“
Министерот за надворешни работи Бујар Османи тврди дека не го знае името на Бесмира Ејупи, дека никогаш нема запознаено човек со тоа име и презиме, во интервју за Макфакс.
„Ова го сметам повеќе како шпекулација и врз основи на разговори во Влада, иако никогаш немало одобрена одлука за тоа прашање во Влада. Јас не ја познавам, не сум ја сретнал во животот. И да постоело, зошто е реакцијата? Затоа што е жена, затоа што е млада, затоа што е Албанка? Таа госпоѓа јас не ја знам и немало одлука. Сега повеќе го коментирам ефектот на оваа дебата во јавноста кој се создаде и создаде недобар вкус, рече Османи.
Прашува зошто се прејудицирало и вели дека не можеме да ги отфрлиме младите. Додава дека Македонија имала премиер на тие години, а тој бил министер за здравство на 28 години.
„Таа беше чудна дебата, беше затворена седницата, но немаше таква одлука. Сепак дебатата беше чудна и треба да се анализира од каде таа хистерија. Јас освен на телевизија таа госпоѓа не сум ја видел. Вчера и премиерот Димитар Ковачевски тврдеше дека за Бесмира Ејупи слушнал на вести.