дома блог страница 1699

Уапceн 34-годишен прилепчанец: Полицијата му пронашла две пакувања со бела грутчеста материја

Уапceн 34-годишен прилепчанец- полицијата му пронашла две пакувања со бела грутчеста материја.

На 09.03.2022 на ул.„11 Октомври“ во Прилеп од полициски службеници на ОВР Прилеп лишен е од слобода Д.С.(34) од Прилеп, бидејќи кај него биле пронајдени две пакувања со бела грутчеста материја – aмфeтaмин.

По документирање на случајот против него ќе биде поднесена пријава поради сомнение за сторено кривично дело по чл.215 од Кривичниот законик.

Сообраќајна нecpeќа на патот Прилеп-Битола: Со автомобил удриле во животно и излетале од патот

Увид на местото на несреќата извршила екипа од СВР Битола.

На 09.03.2022 во 22.18 часот во СВР Битола било пријавено дека на патот А3 Битола-Прилеп, патничко возило „опел“, со битолски регистарски ознаки, управувано од Н.П.(41) од Демир Хисар удрило во животно и излетало од коловозот.

Во несреќата со тешки телесни повpeди се здобила 17-годишна сопатничка, а со телесни повpeди М.П.(65), и двете од Демир Хисар, констатирани во Клиничката болница во Битола.

Нема простор за паника! Регулаторна најавува ново поскапување на горивата вечерва

Претседателот на Регулаторната комисија за енергетика Марко Бислимовски бара од трговците да имаат разбирање во однос на намалувањето на маржата на 33%.

„Тоа е што ние можевме како Регулаторна да го направиме. Ќе дојдат мерките од Влада, барам разбирање од страна на трговците“, велат од РКЕ.

Речиси сите трговци реагирале на последните измени кои ги воведе РКЕ, но во овој момент никој не информирал дека ќе прекине да точи гориво во знак на протест.

Инаку малопродажната цена се утврдува со просек од последните 5 дена на цените на светските берзи.

Според берзата, денеска се очекува ново зголемување на цените на малопродажба кај нас, тоа официјално ќе го објави вечерва регулаторната комисија.

Регулаторна објавува нови цени само ако поскапувањето или поевтинување е поголемо или еднакво од 2 денари.

Taлент: Kpaдел, па работите ги продавал преку „Фејсбук“

Полициски службеници од Одделението за криминалистички работи Гази Баба при Секторот за внатрешни работи Скопје денеска го лишиле од слобода М.Б.(33) од Скопје.

При претрес на неговиот дом на подрачјето на Лисиче, извршен по добиена наредба од Кривичен суд Скопје, пронајдени се поголем број предмети кои потекнуваат од кривично дело кражба, извршена во периодот од 5 до 28 февруари 2022 во деловен субјект лоциран на подрачјето на Илинден, соопштија од Министерството за внатрешни работи.

Од МВР информиарат дека М:Б е приведен во полициска станица и при извршениот службен разговор го признал делото и појаснил дека украдените производи ги нудел на продажба преку социјалните мрежи.

По комплетирање на службениот материјал против него ќе биде поднесена соодветна кривична пријава, наведоа од МВР.

Уште еден кој почна да слуша од телевизија: Ковачевски за несудената конзулка Бесмира Ејупи прв пат слушнал на вести

Јас немам потпишано одлука Бесмира Ејупи да биде генерален конзул во Њу Џерси, истакна премиерот Димитар Ковачевски.

-Ние таму имаме конзул кој е дипломат од кариера и таму ќе остане веројатно до крај на мандатот – рече Ковачевски на ТВ 24.

Во однос на прашањето дали одлука за Ејупи била донесена на затворена владина седница, тој рече дека за одлуките на вакви седница не може да коментира, бидејќи информациите со класифицирани.

-Јас не ја познавам Ејупи, ниту станала конзул – посочи Ковачевски, додавајќи дека за нејзиното име првпат слушнал на вести.

Советник од Битола по трет пат по костум се спушти со сноуборд по Пелистер – еве која е причината (Видео)

Советниците од граѓанската иницијатива „Поинаку“ побараа Детското одморалиште „Пелистер“ да биде отстапено на користење на Општина Битола.

-Да ги вратиме децата на Пелистер, на зимување, летување, настава во природа, екскурзии, семинари, излети, апелираат тие.

Спуштајќи се по костум на Пелистер, иницијативата ја најави советникот од „Поинаку“ Иван Чулакоски, кој трета година по ред се спушта по костум од врвот на Баба планина со една цел – Пелистер да прерасне во врвен туристички центар.

-Како „Поинаку“ доставивме иницијатива за поднесување на барање до Владата за отстапување на Детско одморалиште Пелистер на Општина Битола, со цел негово рестартирање како јавно детско одморалиште со намена за одмор и рекреација. На следната седница на Советот на Општина Битола, која ќе се одржи на 15.03.2022 година ќе се расправа за оваа точка на дневен ред, но со оглед на тоа што станува збор за објект со огромно значење кој долг период е затворен и оставен да пропаѓа, очекуваме поддршка од сите колеги, порачаа од „Поинаку“.

Бензинот и нафтата ќе стигнат до стотка, а од СДСМ велат дека го штителе стандардот на граѓаните

Донесен е нов пакет со 26 економски мерки, во вредност од 400 милиони евра кои ќе обезбедат заштита на животниот стандард на граѓаните и финансиска поддршка за компаниите и одржување на нивната ликвидност.

Една од клучните мерки е укинување на повластената стапка на ДДВ за основните прехранбени производи. Лебот, шеќерот, брашното – тип 400, сончогледовото масло за јадење, трајното млеко, свежото месо, оризот и јајцата ќе бидат со нула отсто ДДВ, а маржата за овие артикли ќе биде замрзната во периодот април – јуни.

Повластената даночна стапка од 5% за прометот со електричната енергија кон домаќинствата ќе важи до крајот на годината.

За најранливите категории воведуваме ваучер во вредност од 1000 денари месечно, за период од три месеци за околу 35.000 граѓани, и истите би се користеле за купување на основни производи. Иста таква субвенција субвенции ќе добијат и околу 330.000 пензионери.

Дополнително, ја намалуваме стапката на ДДВ од 18% на 10% при промет на енергенсите: дизел, безоловен бензин, гасно масло, течен нафтен гас и метан.

Ќе се намали и акцизата на горивата врз основа на берзанските цени, а со тоа се намалува и малопродажната цена на горивата, за дизел за 10,5 денари и за бензин 11,5 денари.

Поддршка ќе добијат и домашните компании преку финансиска поддршка преку директно кредитирање од Развојна банка, финансиска поддршка преку комерцијалните банки со бескаматни кредити за обртни средства кредити за инвестирање во проекти за енергетска ефикасност и обновливи извори на енергија, нова линија за поддршка на стопанството преку Европската инвестициска банка за зелена транзиција.

И во време на криза СДСМ го штити стандардот на граѓаните, минималната плата порасна на 18.000 денари, следува рекорден раст на пензиите, а стапката на невработеност е на историски најниски 15,2 отсто.

За два дена бензините поскапеа за 9, дизелот за 18,5 денари

Цената на горивата за два дена двапати се зголеми. Во понеделникот согласно новата одлука на РКЕ, бензините поскапеа за 5,5 денари, а дизелот за десет денари. Со новата одлука на Регулаторна донесена вчеравечер, горивата од полноќ повторно се продаваат по повисока цена, цените на бензините се зголемија за 3,5 денари, а дизел горивото поскапе за 8,5 денари.

За два дена, цената на бензините поскапе за 9 денари, а дизелот се продава по повисока цена од 18,5 денари.

Ова се актуелните цени на горивата во Македонија:

Моторен бензин ЕУРОСУПЕР БС – 95- 93,00 (денари/литар)
Моторен бензин ЕУРОСУПЕР БС – 98- 95,00 (денари/литар)
Дизел гориво ЕУРОДИЗЕЛ БС (Д-Е V)- 94,00 (денари/литар)
Масло за горење Екстра лесно 1 (ЕЛ-1) 90,00 (денари/литар)
Мазут М-1 НС 59,165 (денари/килограм)

Од РКЕ велат дека ваквото зголемување се должи на зголемувањето на цените на светските берзи кај нафтените деривати, но и зголемување на курсот на доларот во однос на денарот.

Како дел од пакетот мерки кој го донесе вчера Владата, се намалува и стапката на ДДВ на 10 проценти за дизел, безоловен бензин, гасно масло, течен нафтен гас (ТНГ) и метан, како и акцизата врз основа на берзанските цени.

За да се применат дел од мерките ќе се менуваат законите за акцизата и за ДДВ, а како што порача премиерот Димитар Ковачевски, сите пратеници имаат одговорност и обврска пред граѓаните за да бидат изгласани. Измените на законите, според најавите од премиерот, уште денеска ќе се најдат пред пратениците.

Според ВМРО-ДПМНЕ, Владата предложила комплициран модел кој не гарантира намалување на цените на горивата.

-Наместо да го прифати предлогот за намалување на акцизата кај нафтените деривати, како што предлага ВМРО-ДПМНЕ, со што цената на бензинот од утре би се намалила за 13 денари, а на дизелот за девет денари, премиерот Ковачевски денеска предложи комплициран модел за намалување на акцизата кој не само што не го разбра јавноста, туку и не гарантира дека ќе придонесе за намалување на малопродажната цена на горивата, рече на прес-конференција Трајко Славески, член на ИК на ВМРО-ДПМНЕ.

Ако мерката за намалување на акцизата е премалку, дополни, намалувањето на ДДВ сигурно доаѓа предоцна. Некои мерки кои одамна се во сила, беа промовирани како нови, како што е на пример додатокот за енергетска сиромаштија кај примателите на социјална помош и слично, посочи Славевски, коментирајќи ги владините мерки.

Претседател на Регулаторна комисија за енергетика и водни услуги, Марко Бислимовски истакна дека сите мора да покажат солидарност.

-На овој начин, во крајната цена влијаеме делумно да се амортизира огромниот пораст. Дополнително олеснување врз притисокот на крајната цена ќе бидат и најавените измени во делот на ДДВ и акциза, кои апелираме побрзо да се донесат, изјави Бислимоски.

Поради рекордниот раст на сите нафтени деривати на светските берзи од РКЕ завчера најавија дека ќе носат одлуки на дневно ниво доколку има потреба.

Следните две недели се клучни

Премиерот најави намалување, Регулаторнa најави зголемување, а граѓаните најавија банкротирање.

Новите цени на гopивата не би требало да ви вознемируваат граѓаните, бидејќи се најниски во регионот. Нема простор за паника. Повторуваме, нема простор за паника!!!

Нема простор за паника доколку сте премиер или министер. Нема простор за паника и доколку сте сопственик на бензиска пумпа. Нема ниту простор за паника ако вашите фирми често “на регуларен начин” добиваат тендери. Но, доколку сте обичен граѓанин со просечна македонска плата, е тогаш, тогаш може малце да паничите.

Од вечерва малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 3,50 денари/литар, додека малопродажната цена на ЕУРОДИЗЕЛ (Д-Е V) се зголемува за 8,50 денари/литар. Малопродажната цена на Екстра лесното масло за домаќинство (ЕЛ-1) се зголемува за 6,50 денари/литар.

Следните две недели се клучни!

Нов yдap: Горивата повторно поскапуваат – ова се новите цени

Регулаторната комисија за енергетика и водни услуги ја информира јавноста дека цените на сите нафтени деривати на светските берзи во споредба со претходната пресметка бележат зголемување кај сите нафтени деривати и тоа : кај бензинот за 8,971 %, кај дизелот за 16,811%, кај екстра лесното масло за 14,445% и кај мазутот зголемување за 9,336%. Во исто време, курсот на доларот во однос на денарот е зголемен за 1,078%. Согласно овие податоци, РКЕ донесе одлука со која се врши зголемување на малопродажните цени на нафтените деривати во просек за 6,88 % во однос на Одлуката од 7.3.2022 година.

“Донесовме одлука со која ја намаливме трговската маржа за 33% на сите трговците со нафтени деривати. Ова е единствен механизам кој на РКЕ му стои на располагање. И сега го активираме затоа што ова се вонредни услови, и мора сите да покажат солидарност. На овој начин, во крајната цена влијаеме делумно да се амортизира огромниот пораст. Дополнително олеснување врз притисокот на крајната цена ќе бидат и најавените измени во делот на ДДВ и акциза, кои апелираме побрзо да се донесат,“ изјави Марко Бислимоски, претседател на Регулаторна комисија за енергетика и водни услуги.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 3,50 денари/литар, додека малопродажната цена на ЕУРОДИЗЕЛ (Д-Е V) се зголемува за 8,50 денари/литар.

Малопродажната цена на Екстра лесното масло за домаќинство (ЕЛ-1) се зголемува за 6,50 денари/литар.

Малопродажната цена на Мазутот М-1 НС се зголемува за 4,846 денар/килограм и сега ќе изнесува 59,165 ден/кг.

Од 10.3.2022 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95- 93,00 (денари/литар)

Моторен бензин ЕУРОСУПЕР БС – 98- 95,00 (денари/литар)

Дизел гориво ЕУРОДИЗЕЛ БС (Д-Е V)- 94,00 (денари/литар)

Масло за горење Екстра лесно 1 (ЕЛ-1) 90,00 (денари/литар)

Мазут М-1 НС 59,165 (денари/килограм)

-Напоменуваме дека ова се максималните цени на нафтените деривати од 00:01 часот на 10.3.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, велат од Регулаторна.