Во населбата “Точила” позади маркетот “Тобако”, веќе некое време вистинските гурмани во Прилеп ги пречекува едно ново гастрономско катче – место каде вкусот и традицијата се спојуваат во едно, ресторан кој за кратко време почна да го бие добар глас за одлична храна и услуга.
Ако не сте биле, редно е да ги посетите, ресторан “КАЛАБАЛАК” од рано наутро ве кани на вкусна чорба, подготвена со многу љубов, внимание и квалитетни состојки.
Причина плус да пробате ќе биде и оваа неодолива понуда, на која нема да одолее ниту еден “џорбаџија” во градот под Марковите Кули, а богами и сите гости кои доаѓаат од други градови.
Секој ден чорба + чашка ракија за само 200 денари.
Посетете ги и уживајте во есенските ладни утра со вкусна топла телешка, јагнешка, или мешана чорба.
Поголема безбедност на возачите и на пешаците, но и намалување на сообраќајните „тесни грла“ каде зачестеноста на незгоди беше голема, со поставување современа сигнализација и нови патокази, се само дел од мерките кои општина Кавадарци ги презема за решавање на сообраќајниот хаос во градот. Речиси сите поголеми крстосници се решени со кружни текови, досегашните двофазни семафори се заменети со трофазни, а поставени се и нови портали, како што е случајот и на Булеварот „Никола Минчев“, инвестиција вредна околу еден милион денари – објави “АЛФА ТВ”
„Со тоа се овозможува и протокот на сообраќајот да биде побрз, а со тоа и можноста за паркирање е ослободена и да не доаѓа до конфликт во делот на сообраќајот и застој во самиот сообраќај… Во идна фаза ќе работиме на сите пешачки зони каде што имаме премин на пешаци со побрзо движење на возила, да можеме да го успориме сообраќајот и пешачките зони да бидат што повидливи, особено навечер или при дожд и магла… А особено со изградбата на Обиколницата која што ќе ја започнеме наредната година и со отстранувањето на тешките товарни возила од самата градска средина, мислам дека ќе добиеме еден најбезбеден град во делот на сообраќајот и сообраќајните решенија“ – изјави Митко Јанчев, градоначалник на Кавадарци.
Во сите овие активности се вклучени и сите други надлежни чинители, полицијата, сообраќајниот општински инспекторат и други.
„Исто така, изготвени се сообраќајни проекти на сите локални патишта кои водат до нашите села, вкупно 15. Половина од нив имаат и сообраќајни знаци, а на дел од нив поставена е и заштитна еластична ограда, сè со цел зголемување на безбедноста на сообраќајот. Во самиот град, во поголем дел се докомплетира со сообраќајни знаци, така што слободно може да се каже дека нема оддалечена сообраќајна крстосница во градот каде што нема поставено сообраќајни знаци за регулирање на сообраќајот“ – кажа Драган Рамов, раководител на Одделението за инспекциски сообраќаен надзор при ЛС Кавадарци.
Инаку, општина Кавадарци е една од општините со најголем број современи кружни текови и прегледно означени булевари. Дел од нив се финансирани со општински средства, дел со донации од општествено-одговорни компании, а во последно време и како општински проекти финансирани од Владата со пари од унгарскиот кредит.
Младинската екипа на Мега Баскет загуби на домашен терен од Црн Дрим, во исклучително богат натпревар со поени. Крајниот резултат на семафорот беше 89-103, а на младите кошаркари од Прилеп ниту маскотата – мачорот Тото на паркетот не им помогна да стигнат до поволен резултат.
Сепак дечките се за честитање, играат пожртвувано на секој натпревар, се борат кошарката да стане престижен спорт во Прилеп, се борат да докажат дека Прилеп има млад потенцијал кој заслужува да биде поддржан, како од бизнис секторот, така и од надлежните.
Во конкуренција од 1.172 литературни творби, на меѓународниот натпревар, на најубавата манифестација Детски Рацинови средби, во срцето на Коста Солев Рацин, во Велес, поетската творба на тема ,,Кога денот од стих се раѓа” ученичката Лина Огненоска од 9В одделение од ООУ “Кочо Рацин” Прилеп, под менторство на наставничката Моника Трајкоска, беше одбрана во петте најдобри литературни творби и закитена со награда-пофалница на 58 издание на манифестацијата.
„Рацин се сака со зборови, но уште повеќе со дела. А кога делата зборуваат, тие се погласни и од сите зборови. Ова воедно е и поттик за сите ученици да веруваат во себе и да го следат својот глас кон успехот.“ велат од ООУ „Кочо Рацин“ – Прилеп.
И на својата ФБ страна напишаа:
„Прекрасно патување на креативност, соништа и уметност.
Рацин е жив!
Рацин сме ние!
Рацин е кратенка за сите нас!
Сите сме дел од песна која никогаш нема да замолчи!
…… И додека последниот збор не згасне, додека последниот работник не замолчи, поезијата ќе живее, Рацин ќе живее, а со нив и народот!“
СВР Штип во соработка со Одделот за криминалистичка полиција при БЈБ поднесе кривична пријава против Д.А (74) од Штип поради постоење основи на сомнение за сторени кривични дела „убиство” по член 123 и “противправно лишување од слобода” по член 140 од Кривичниот законик. Toj се сомничи дека во домот во кој живее во Штип без нејзина волја ја држел Б.Н.(79) од Штип, а потоа со остар предмет и нанел убодни рани од кои починала, по што телото го закопал во дворот.
Имено, на 24.10.2025 во СВР Штип, Д.О.(84) од Штип пријавила дека од домот се оддалечила нејзината сестра Б.Н. По преземени мерки, а поради сомнение дека противправно ja држел во неговиот дом, на 10.11.2025 со судска наредба бил извршен претрес во неговиот дом и биле пронајдени и одземени повеќе предмети и траги од крв. По претресот, тој бил лишен од слобода и му била изречена мерка притвор во траење од 96 часа и бил спроведен во Казнено-поправната установа Затвор Куманово.
По дополнително преземени мерки и добиено вештачење на одземените траги и предмети, во СВР Штип повторно е извршен разговор со Д.А. во кој тој детално го појаснил начинот на кој го извршил убиството.
Телото е пронајдено и по наредба на јавен обвинител било дадено на обдукција, а Д.А. бил изведен пред судија на претходна постапка, кој му определи мерка притвор во траење од 30 дена
Заменик претседателот на Владата, Александар Николоски е во работна посета на Виена, Австрија, каде учествува на Виенскиот економски форум. Во рамките на посетата тој ja имаше честа да го отвори Виенскиот економски форум, а исто така ќе оствари повеќе политички и економски средби.
-Ја имав честа да го отворам Виена економскиот форум. Виенскиот економски форум (VEF) ја поттикнува економската соработка меѓу земјите од регионот „од Јадран до Црно Море“ и ги обединува бизнис-заедницата, институциите и политичките чинители со фокус на развој на заеднички проекти во инфраструктурата, енергетиката, дигитализацијата и иновациите.VEF е значајна платформа за регионален економски дијалог и активно придонесува кон подобрување на деловната клима и привлекување инвестиции во регионот – напиша Николоски.
Словенечката влада одобри закон со кој ќе се воведе задолжителен божиќен бонус за сите вработени, објавија локалните медиуми.
Бонусот за зимски празници ќе биде половина од минималната плата, што значи дека оваа година ќе изнесува 639 евра.
Според вчера усвоената регулатива, рокот за исплата на бонусот е најдоцна 18 дена по истекот на рокот за исплата на плати во ноември. Доколку компанијата има тешкотии со ликвидноста, парите може да се исплатат до 31 март.
Изминативе денови, во речиси сите маркети и зелени пазари дојде до значително зголемување на цената на јајцата.
Тоа значи дека ако една табла со 30 јајца (Л класа) се продавала по цена од 280 денари, сега се продава по цена од 310 денари, односно мала табла од 10 јајца (М класа) која се продавала по цена од 90 денари, сега чини 105 денари.
Ова, важи за скоро сите маркети и скоро сите производители на јајца, а она што е дополнително загрижувачки е што цените нагло се смениле.
Но, освен јајцата, наскоро се очекува и зголемување на цената на месото, особено на свинското и јунешкото.
Залудни беа 10 погодоци на Димитар Димитриоски на гостувањето во Битола, затоа што прилепчани по втор пат сезонава беа поразени од втората екипа на Еурофарм Пелистер, овојпат со 31:28.
Овој триумф за битолчани ги отвара вратите за плеј-оф, кои сега имаат 12 бода, а Прилеп остана на 8 освоени и тешко дека ќе може да се надева на пласман во горниот дел од табелата.
До победата на битолчани најмногу се истакна Митревски со осум погодоци, а Мохамед Азиз и Баптист Одифед запишаа по шест гола. Голманот Јовановски забележа седум одбрани. Кај прилепчани најдобар беше Димитриоски со десет гола, додека голманската двојка Ангелески – Христоски заедно реализираше вкупно десет интервенции.
Во наредното коло прилепчани имаат ново гостување, овојпат кај Куманово.
Фудбалерите на Велс синоќа го победија Лихтенштајн минимално со 1:0 на гостувањето во Вадуз.
Велшаните се надеваа на триумф со најмалку шест голови разлика, но едвај стигнаа и до минимална победа.
По овој резултат, на македонската репрезентација во Кардиф во вторник доволно ќе и биде и реми за да го освои второто место во Ј-групата и да оди во бараж за СП 2026 преку квалификациите.
Во случај на чудо, односно Белгија да загуби од Лихтенштајн дома, тогаш нашата репрезентација со победа над Велс ќе избори директен пласман на Мундијалот 2026 што ќе се игра во САД, Мексико и Канада.
