Лоши сме во битката против корупцијата, а немаме капацитет за ветинг, оцени претседателот Стево Пендаровски, во синоќешното гостување во емисијата „Патот кон“ Алсат М, прашан за процесот на ветинг.

Според него, правосудниот систем во земјава испорачува слаби резултати, но, како што укажува, не е само тој надлежен за борбата против корупцијата.

-Нашето однесување, на политичарите на локално и централно ниво во однос на непотизам, тендери, наддавање, е примарен генератор за корупцијата да биде на вакви размери. За волја на вистината, перцепцијата за корупцијата е прилично поправена како оценка, но не е доволно и во западно-балкански рамки. Треба да бидеме најдобри на Западен Балкан и да почнеме да се мериме со европскиот просек. Далеку сме од просекот, посочи претседателот.

Тој е за ветинг, но прашува кој ќе го спроведува.

-Околу ветингот, секој од нас од политичарите особено после изјавата на американската амбасадорка дека дошол некој посебен тим кој ќе прибира информации, дава некави изјави, но еве прашувам кој ќе го спроведува? Кој орган? Дали е тоа истиот човечки материјал кој доведе до овие осум проценти доверба во правосудството? Подобро е со личен пример да покажеме дека сме насочени кон тоа да имаме нула толеранција кон корупцијата, први кај нас и во нашето непосредно опкружување, рече Пендаровски.

Пендаровски најави дека е можно да се кандидира за втор мандат на наредните претседателски избори.

-Ако граѓаните се задоволни од мојот мандат, здравје Боже до 2024 година, и се разбира ако добијам политичка поддршка од коалицијата што ме поддржуваше во претходните два пати, ќе размислам на таа тема, рече Пендаровски.

Во средата пред преполна “Маракана” во Скопје, најпознатите македонски блузери од Прилеп Crossroad Blues Band прославија 25 години постоење, јубилеј со каков ретко кој може да се пофали.

На јубилејниот роденден им дојдоа над 400 гости, а нивниот репертоар беше збогатен со заеднички изведби со Игор Атанасовски – Харе, Петар Ренџов и голем број други пријатели и гости.

Настанот беше во организација на Cotton Blues Festival, од каде направија се’ за публиката да ужива во еден прекрасен концерт.

25 години постоење на македонската музичка сцена, стотици и стотици настапи низ државата и странство, огромен број пријатели, голема почит од сите екс ЈУ републики, три студиски албуми… тоа е Crossroad Blues Band – светско, а наше!

Секоја чест и да се множат јубилеите! Во продолжение погледнете дел од атмосферата на концертот:

Бендот го сочинуваат фронтменот и гитарист Давид Нешкоски, Бранко Нешкоски гитара, Љупчо Шилоски бас гитара,Зоран Насески тапани и бек вокалите Викторија Георгиоска и Александра Трајческа.

Повеќе фотографии од концертот погледнете ТУКА

ФОТО/Cotton Blues Festival/Facebook

Православните верници денеска го празнуваат посен свети Ѓорѓија. Овој ден, освен како семејна слава, се празнува и како именден и како слава на цели села и градови.

Свети Великомаченик Георгиј Победоносец ( во народот познат како Свети Ѓорѓија) живеел и пострадал за време на безбожниот римски цар и идолопоклоник Диоклецијан (284 – 305 година), во чие време се вршело прогонство и убивање на христијаните.

Свети Георгиј, син на набожни родители и добар Христов војник завршил воена школа и бил на служба кај овој цар.

Во својата 20-та година го добил чинот трибун, воен старешина и царски пратеник. Знаејќи дека заради верата во Христа набргу ќе настрада, по смртта на својата мајка го раздал имотот на сиромашни, а робовите ги ослободил. Тој не можел да ја поднесе неправдата. Храбро застанал пред царот, кнезовите и сенаторите и изјавил: “Слуга сум на Христос, мојот Бог… До кога ќе ги гоните и мачите тие невини луѓе и ќе ги принудувате на вашето безумно безбожје. Идолите ваши не се богови, не се! Христос е единствениот Бог!”.

Царот наредил Св. Георгиј да биде фрлен во затвор и бил изложен на најтешки мачења.

Во жестоката борба меѓу доброто и злото – победа му подари, издржа надчовечки мачења и стана Победоносец, за да сведочи пред светот дека љубовта, побожноста и верата се посилни од се. На иконата Св. Ѓорѓија е претставен како војвода на коњ како со копје убива ламја која е под копитата на коњот. Приказот на свети Ѓорѓија како ја убива ламјата е заснован на попууларна легенда во христијанската митологија. според легендата Св. Ѓорѓија ја убил ламјата што на народот му правела голема штета.

494. тој е прогласен за светец, од страна на Гелазиј I (492—496).

На 07.12.2022 во 16.00 часот во Полициската станица Прилеп Е.А.(40) од с.Лажани, прилепско, пријавил дека од домот се оддалечила неговата ќерка Е.А.(17).

По кажување на пријавителот, таа заминала со Д.С. во с.Црквино, велешко, со кого била во љубовна врска. Се преземаат мерки за пронаоѓање на лицето – стои во соопштението од МВР.

Популарното музичко дуо ДНК кое во Арената Борис Трајковски направи спектакуларен славенички концерт по повод 20 години на сцената, a деновиве на социјалните мрежи споделуваат фотографии и видеа од атмосферата на концертот.

Последното видео е доказ дека македонската поп музика дефинитивно е жива. Ѕвездено небо какво ретко кој македонски изведувач успеал да добие од публиката на свој концерт.

Погледнете:

На 07.12.2022 во 23.45 часот во Прилеп од полициски службеници од Полициската станица Прилеп биле лишени од слобода Е.А.(42), А.А.(18) и А.А.(20), сите од Прилеп, поради тоа што околу 20.00 часот, по претходно недоразбирање, физички ги нападнале Н.А.(42) од Прилеп, неговата сопруга и неговиот син, при што употребиле тврди и остри предмети и му го оштетиле и неговото патничко возило – информираат од СВР Битола.

По повод 8-ми Декември големиот христијански, како и патрон празник на ООУ „Климент Охридски“ се одржа свечeна програма во организација на основното училиште Климент Охридски во театарот „Војдан Чернодрински“, каде учениците заедно со наставниците и голем број на гости на сцената пред присутните, преку разни креативни музички, поетски и драмски изведби, говореа за ликот и делото на нивниот патрон.

На свеченоста, по повод одбележувањето на патрониот празник на училиштето присутни беа градоначалникот на општина Прилеп Борче Јовчески. Градоначалникот се обрати пред присутните гости: „Вечерва, во чест на сесловенскиот просветител Климент Охридски, основоположникот на Охридската книжевна школа, должност на сите ни е да му оддaдеме огромна почит, на неговиот лик и на неговото дело.

ООУ „Климент Охридски“ е колектив со голем ентузијазам, со постојани професионални усовршувања, што се потврди и со доделување на Трето Ноемвриската награда на ваш ученик и наставник, со голем број наградени ученици и наставници преку разни училишни државни и меѓународни натпреварувања од секое поле, училиште, кое ни’ е посебно драго, бидејќи се грижи за инклузивност на сите ученици, со посебната паралелка за децата со попреченост во нивниот состав. И со право, ова училиште го носи и името на сесловенскиот правосветител, воспитувач, учител и народен просветител. Почитувани, ви посакувам во иднина дa имате уште повеќе успеси во работата и учењето и успешна реализација во воспитно-образовниот процес.“– истакна Јовчески.

„Одбележувањето на јубилејното, шеесетгодишно постоење на нашиот патрон Климент Охридски, е симбол на опстојувањето и пребродувањето на сите предизвици што биле и постоеле во сите овие минати години. Нека јубилејот ни биде поттик да кажеме кои сме и каде сме како кадар и ученици.“- истакна директорот на ООУ „Климент Охридски“, Ахил Јаков.

По повод патрониот празник на ООУ „Климент Охридски“, 8-ми Декември, градоначалникот на Прилеп Борче Јовчески, делегации од колективот на училиштето предводена од директорот, претставници од останатите училишта од општина Прилеп и ученици положија цвеќе и се поклонија пред споменикот на Климент Охридски, кој се наоѓа во дворот на училиштето, оддавајќи му на тој начин почит на сесловенскиот учител и просветител.

Во продолжение слушнете ја заедничката изведба на училишната химна од наставниците заедно со учениците:

Генералниот директор на „Пивара” Скопје, Горан Сладиќ, истакна дека проектот целосно ги поддржува заложбите на „Пивара” Скопје за одржливост согласно платформата „Свет без отпад до 2030 година”, како и намалување на нето јаглеродните емисии на компанијата до 2040 година.

Нова долгорочна платформа за општествена одговорност „Наша гордост. Наша одговорност.”, чија главна цел е заштита на животната средина со фокус на чистењето од отпад на националните обележја и заштита од загадување, промовираа денеска „Скопско”, во партнерство со Министерството за животна средина и просторно планирање и компанијата „Пакомак”.

Министерот за животна средина и просторно планирање Насер Нуредини на прес-конференцијата во „Пивара” Скопје посочи дека една од клучните мисии во заштитата на животната средина на МЖСПП е воспоставување на регионалниот систем за управување со отпад со што еднаш за секогаш ќе се реши проблемот со расфрланиот смет низ државата и безбројните диви депонии што даваат грда слика на големото природно и културно богатство со кое оваа држава изобилува.

– Од таа причина ние како Министерство сме отворени за соработка и за поддршка на сите оние што сакаат да се вклучат во тој процес, било со конкретни активности, било со акции за подигнување и градење на свеста дека отпадот има свое место, дека секоj отпад не е ѓубре и најголемиот дел има употребна вредност, а дека со градење на добри навики за постапување со отпадот придонесуваме за чиста животна средина, за зајакнување на економијата и најпосле и за заштита на сопственото здравје – изјави Нуредини.

Генералниот директор на „Пивара” Скопје, Горан Сладиќ, истакна дека проектот целосно ги поддржува заложбите на „Пивара” Скопје за одржливост согласно платформата „Свет без отпад до 2030 година”, како и намалување на нето јаглеродните емисии на компанијата до 2040 година.

– „Пивара” Скопје е компанија со стогодишна традиција, но целосно посветена на иднината и на одржливиот развој. Преку силата на нашиот најпознат македонски бренд скопско, ја започнуваме долгорочната платформа, Наша гордост. Наша одговорност.”, која се фокусира на животната средина и повисоката цел која „Скопско” како бренд ја има – да ја поддржи заедницата, да ги обедини и инспирира луѓето да делуваат за да го направиме светот подобар, сите заедно. Заедно ја делиме одговорноста за да го исчистиме и да го заштитиме од загадување она што е наша гордост – природните и културни обележја на нашата земја – потенцираше Сладиќ.

Извршниот директор на „Пакомак” Филип Ивановски потенцираше дека рециклирањето е еден од најлесно применливите модели од циркуларната економија кон која стремиме, а со селекцијата и рециклирањето на отпадот најбрзо и најлесно може да придонесеме како индивидуи кон спас на нашата земја и планетата.

– Навистина сме горди што „Пакомак” е дел од овој проект, прв од многуте проекти кои ќе бидат инспирирани од визијата за позелена иднина. И како што вели нашиот слоган, би ги повикал граѓаните и компаниите да „селектираат иднина” и да не поддржат во оваа наша заложба – порача Ивановски.

„Наша гордост. Наша одговорност”, опфаќа повеке активности за чистење и заштита на Охридското Езеро, со целосна поддршка на Министерството за животна средина и просторно планирање, „Пакомак”, општините Охрид, Струга и Дебрца, нуркачките клубови Амфора и Акватек, волонтерите од „Пивара” Скопје и „Мен анд Маунтаин”.

Во акцијата за најава на платформата беа исчистени над 100.000 метри квадратни површина од отпад од дното и крајбрежјето на Охридското Езеро.

За наредната година планирани се уште неколку акции за чистење, како и активности за пошироко вклучување на заедницата, за јакнење на свесноста и заштита на националната гордост Охридското Езеро. Во годините кои следат „Скопско” ќе опфати и други национални обележја во нашата земја.