Јапонските навивачи на Светското првенство во Катар:

Ние – турнир во мал фудбал “Св. Никола 2022” Прилеп:

Иако работите беа познати уште по завршувањето на петтото коло, вчера и официјално боксерскиот клуб “АС” oд Прилеп ја освои шампионска титула во младинската бокс лига.

Со една победа и еден пораз во последното коло, прилепските “AСОВИ” ставија печат на првата шампионска титула за нив, но и за Прилеп.

И тоа не било каква титула, туку убедливо пред конкурентите. Со огромна бодовна разлика, прилепчани зад себе ги оставија “Хасан Бег” и “Фамилија Демирови”.

Оваа титула е шлаг на тортата, откако неодамна еден од најдобрите поединци во клубот, Матеј Чатлески, стигна и до титулата Државен првак во својата категорија.

Во изминатите години БК “АС” во два наврати го освојуваше второто место во ова натпреварување, за сега да донесат голема радост за целата спортска јавност во Прилеп.

Ова е валоризација на трудот и макотрпната работа на тренерот на клубот, Дарко Чатлески, кој е горд на своите ученици и верува дека во иднина ќе израснат во врвни спортисти и шампиони.

-Оваа титула ќе биде поттик за младите боксери да тренираат повеќе за следните натпреварувања на кои ќе учествуваат. Многу млади боксери од оваа Младинска лига во следната сезона влегуваат во сениорска конкуренција, а ако продолжат со вакви настапи во следната сезона Боксерскиот клуб АС ќе биде закана и во ова натпреварување, истакна Чатлески кој не го криеше задоволството за освоената титула.

Учесници од БК АС ПРИЛЕП на младинската лига во бокс на Македонија: Матеј Чатлески, Марко Петрески, Максим Стојановски, Стефан Иваноски, Демир Демиров, Теодор Тошески, Николче Соколоски, Илче Малиноски и Давид Наумоски

Во сениорската лига на Македонија настапија: Дамјан Талимче и Мануел Абдуловски.

Медали од Државното првенство во бокс на Македонија за 2022 год. освоија:

Златен медал: Матеј Чатлески

Сребрени медали: Максим Стојаноски, Марко Петрески, Теодор Тошески и Демир Демиров

Бронзени медали: Стефан Иваноски, Николче Соколески и Мануел Абдуловски

Пишува: Филип Георгиески

Нуклеинска киселина застапена во јадрото на клетката – одговорна за наследување т.е. пренесување на наследните особини на организмите, одржување на видовите низ генерации и нивна евентуална менливост. Ова е првата дефиниција што ќе ја добиете доколку “изгуглате” ДНК. На таков начин одредени карактеристики и особини од родителите се пренесуваат врз потомците. Но од неодамна, според последното научно истражување во Македонија, се докажало дека наследно се пренесува и професијата – особено во правосудните органи.

Престижни медицински институти извршиле истражување и анкета врз 2000 испитаници, вработени во правосудните органи и нивните потомци. Резултатот на научното истражување покажува дека 4 од 5 испитаници (потомци) на судии и обвинтели, покажале поголеми предиспозиции да ги заменат своите родители, споредено со останатите правници.

Научниците заклучиле дека професијата се пренесува дури и во крвната групата на потомците. Резулатот на истражувањето покажал дека “младенчињата” со крвна група Rh-фактор СДСМ-позитив имаат поголеми предиспозиции да се носат со високи правосудни функции. Истражувањето е изработено во последните 5 години и ги руши сите закони на природата.

…

Текстот претставува хумористичен приказ на моменталната состојба во правосудсвото. Информациите се целосно измислени, но резултатот е веројатно точен.

44-годишна жена од Прилеп била тешко повредена на улица, откако врз неа паднал метален предмет од скеле на објект во изградба, соопшти МВР.

„На 10.12.2022 во 17.30 часот во Полициска станица Прилеп С.Н.(44) од Прилеп пријавила дека околу 12.00 часот додека се движела по ул. Борка Талески во Прилеп метален предмет од скеле на објект во изградба паднал врз неа, по што била пренесена во Општата болница Прилеп, каде од лекap и се конcтатиpaни тешки телecни повpeди“, велат од полицијата.

68-годишниот прилепчанец Петре Козароски се води како исчезнат. Тој последен пат бил виден вчера во 09:00часот на улицата “Кузамн Јосифоски” кај авто школа Цвејо.

На себе носел црна бунда и тренерки, а ова е прв пат човекот за исчезне.

Најблиските замолуваат секој кој има некаква информација да се јави на телефонскиот број: 077/958-187.

Најдоцна до крајот на месецов на вработените задолжително мора да им се исплати регрес за годишен одмор, односно К-15, кој изнесува од 12.740 до 35.000 денари. Фирмите кои нема да го исплатат ќе се соочат со високи казни, алармира Сојузот на синдикатите на Македонија. Од таму велат дека новина е тоа што и а административците ќе добијат К-15 за 2020 и 2022 година.

Досегашните искуства покажуваат дека исплатата на К-15 во многу сектори не оди мазно, зашто дел од газдите со грубо заобиколување на правилата, им исплаќале на работниците од 100 денари до без малку 13.000 денари. Најчестата злоупотреба се прави со префрлање на парите на трансакциската сметка, но со „тивко договорена“ обврска работникот да му ги врати парите на газдата во кеш.

Сетоа ова експресно било пријавено, а казните за злоупотреба изнесуваат од 2.000, 3.000 до 4.000 за компанијата, но и од 500 до 1.000 евра за одговорното лице. Во Одделот за работни односи на Граѓанскиот суд до сега биле поднесени близу 4.000 тужби, со основ надоместоци.

Законот за работни односи предвидува право на регрес за годишен одмор за сите вработени кои имаат остварено најмалку 6 месеци непрекинат работен стаж во тековната година, без разлика дали вработениот е пријавен на неопределено, или определено време.

К-15 се исплаќа до крајот на годината, односно до 31.12, а неговиот минимален износ треба да изнесува најмалку 40% од просечната нето плата по вработен исплатена во последните три месеци. Годинава таа сума треба да биде 12.740 денари.

Со головите на Мазари и Нигериецот Дадет во второто полувреме, Победа успеа да земе бод од тешкото гостување попладнево кај Брегалница во Штип.

Брегалница играше со играч помалку уште од 10-та минута на натпреварот, кога црвен картон доби играчот од Уганда во нивните редови, но и покрај тоа, штипјани стигнаа до високи 2:0 на полувремето со двата брзи погодоци на Додев во 17. и 21. минута.

Во вториот дел видовме една нова Победа на теренот, помотивирана и желна да освои бодови, па веќе на стартот од вториот дел прецизно стрелаше Мазари во 48-та минута, а на 2:2 изедначи Нигериецот Амос Дадет, за кого ова е прв погодок во 12 настапи за црвено-белите.

Победа сега избега од опасниот дел на табелата, има натпревар помалку и бод повеќе од Академија Пандев, која попладнево загуби на домашен терен од Тиквеш. До реми стигна фенерџијата Скопје, кој успеа да се избори за бод дома против лидерот Струга.

Прволигашкиот фудбал продолжува на 19.02. идната година, кога Победа ќе го дочека Работнички.

Извадок од полицискиот билтен на МВР

-На 11.12.2022 на ул. “Новачки пат” во Битола, полициски службеници од полициска станица Битола ги лишиле од слобода М.Н.(40) од с.Долно Оризари и А.Б.(30) од Битола затоа што при преглед кај нив е пронајдена и одземена прашкаста материја. Лицата се задржани и по документирање на настанот ќе следува соодветна пријава.

-На 10.12.2022 на паркинг во новиот пазар во Битола полициските службеници од полициска станица Битола го лишиле од слобода М.М.(18) од Битола затоа што при преглед кај него е пронајдена марихуана. По целосно документирање на случајот ќе биде поднесена соодветна пријава.

По пауза од 3 години во Прилеп се врати традиционалниот турнир во мал фудбал Св. Никола. Оваа година натпреварите ќе се одиграат во спортската сала на ООУ “Добре Јованоски”, а фудбалската забава ќе трае во наредните 15 дена.

Во конкуренција на сениори синоќа на програмата имаше 6 натпревари, а беа забележани следните резултати:

АСТРА КАЗИНО-ПРОЛЕТЕР 2:0
ВЛАВ ШПЕД- КОМФИ АНГЕЛ 4:0

ТЕРМИТИ АГРО БАГАШ-ПЕКАРА ЏУЛИЈАНО 3:2
СКВЕР КАФЕ РЕСЕН-КЕТЕРИНГ РУСТИКА 1:3

ТЕА АНДРЕА-ДЕКОР КОЛОР ХАЈВ КАФЕ 0:0 (2:1 пенали)
РЕСТОРАН ХРИЗАНТЕМА-АРМИЈА НА Р.М 5:1

Македонската CS:GO (Counter-Strike:Global Offensive) репрезентација го освои Светското првенство на Меѓународната еспорт федерација (МЕСФ), откако утрово ја победи репрезентацијата на Монголија со 3-1.

Репрезентација која ја претставува тимот „BLUEJAYS“, составен од играчите Јане „aidKiT“ Апостолоски, Александар „CacaNito“ Ќулукоски, Даниел „dan1“ Глигоров, Дамјан „kyxsan“ Стоилковски и Павле „stYleEeZ“ Стојановски издвојува победа на мапите „Mirage“ со 16-3, на „Inferno“ со 16-8 и „Dust2“ со 16-7.

Успехот на репрезентацијата доаѓа откако вчера ја победи Русија со 2-0 и така обезбеди влез во финалето на првенството. Претходно, македонските репрезентативци на првенството издвојуваа три победи, а изгубија еден натпревар.

Македонија сега е светски шампион втора година по ред, откако минатата година го освои истото Светско првенство кое се одржа во Израел. Исто така, македонската репрезентација е и европски шампион, втора година по ред.