СДСМ промени многу состојби во државата на подобро. После 17 години успеавме и ги започнавме преговорите со ЕУ. Ние сме тие кои се обврзавме државата да ја реформираме и да правиме промени за идните генерации. Граѓаните сакаат сигурен и спокоен живот по европски стандарди, а гарант на тоа е само политиките и визијата на СДСМ, порача вечерва од трибината „Силно и одлучно кон иднината“ што се одржа во општина Сопиште, секретарот за меѓународна соработка на СДСМ, Бојан Маричиќ.

Маричиќ рече дека никогаш ВМРО-ДПМНЕ немаше храброст да носи тешки одлуки за државата, бидејќи секогаш власта им била поважна од иднината на државата и нагласи дека СДСМ секогаш имал јасна цел кога носел државнички одлуки: Да ја помести државата од мртва точка, каде ВМРО-ДПМНЕ ја остави и во тоа успеа.

– За СДСМ секогаш најважен бил интересот на граѓаните и државата. Затоа денес сме земја која има европски партнери и пријатели. Земја која за ЕУ е кредибилен партнер и сојузник. Ние секогаш сме избираме пат кој води до стабилност, безбедност, просперитет и економски развој на државата, во тоа граѓаните да се сигурни, истакна Маричиќ.

Претседателката на Форумот на жени на СДСМ, Јована Тренчевска, рече дека СДСМ има визија, а тоа е економски силна и стабилна држава, полноправна членка на Европската Унија, со заштитен македонски јазик и идентитет и дека тоа е приоритет на СДСМ.

„Првите две работи кои рековме дека во првиот месец од нашиот мандат ќе ги направивме беа: Зголемување на минималната плата! Ветивме-реализиравме. И да се потсетиме дека од 2017 до денес минималната плата ја зголемивме 100%, од 9 илјади на 18 илјади. Затоа што работниците за нас се важни! Поголеми пензии за пензионерите! Ветивме! Реализирано! Стабилен пензиски фонд и предвреме исплата на пензиите продолжува! Само во текот на оваа година пензиите пораснаа за речиси 10%. Во март 2023 пензиите ќе пораснат за уште најмалку 7%, најави Тренчевска, додавајќи дека ова е историски најголемото зголемување на пензиите.

Претседателот на Градската организација на СДСМ, Васко Кичевски посочи дека градоначалникот на општина Сопиште веќе трет мандат не изнаоѓа решение долгогодишен проблем на жителите од оваа општина, за автобуската линија бр. 24, а за Град Скопје кажа дека излезе на површина старата матрица на ВМРО-ДПМНЕ.

– За само една година го гледаме она што е традиционално во ВМРО-ДПМНЕ. Кај нив ништо не е сменето, партизација, тендери и провизија е синоним за Мицкоски и неговата партија. Поради тендери и лични интереси се караат, а страдаат граѓаните. Од модерно Скопје кое го ветуваа добивме хаотично Скопје, рече Кичевски.

Генераторите се важни како оружјето за Украина да може да го преживее енергетскиот терор на Владимир Путин оваа зима, рече украинскиот претседател, Володимир Зеленски, на вонредната конференција во Париз, додавајќи дека на неговата земја и’ се потребни уште 800 милиони евра помош за да ја преживее зимата и 1,5 милијарди евра за обновување на штетите на енергетската мрежа.

Целта на конференцијата е да се воспостави меѓународна координација со цел да се обезбеди вистинска комбинација на генератори, трансформатори, опрема за реконструкција на високонапонски мрежи и гасни турбини преку 800 милиони евра помош за Украина, пишува „Гардијан“.

„Секој ден нашите инженери мораат да го запрат снабдувањето со електрична енергија на милиони Украинци заради поправки. И секој ден очекуваме нови руски напади. Затоа генераторите станаа важни како оружје за заштита на граѓаните“, рече Зеленски преку видео врска.

На 12.12.2022 Единицата за сериозен криминал и кривични дела против културното наследство при Одделот за сузбивање на организиран и сериозен криминал, во координација со секторите за внатрешни работи, под раководство на надлежен Јавен обвинител од Основно јавно обвинителство за гонење на организиран криминал и корупција, спроведе координирана полициска акција при што сузбиена е 12-члена организирана криминална група, која подолг временски период делувала на подрачјата и околината на Прилеп, Струмица, Пробиштип, Неготино, Куманово, Свети Николе, Кавадарци и Кочани, инволвирана во вршење на кривични дела против културното наследство и природните реткости.

Имено, на 12.12.2022 со судски наредби извршени се претреси на вкупно 27 локации кај 23 лица, при што пронајдени и привремено се одземени разни археолошки предмети, монети, метални предмети, фигури, метал детектори и опрема за метал детектори, скици, оружје, муниција, дрога, ваги и природни реткости, по што 11 лица се лишени од слобода, а по едно се трага.

Единицата за сериозен криминал и кривични дела против културното наследство по спроведените претреси и пронајдени предмети како и врз основа на претходно обезбедени материјални докази на 12.12.2022 против 12 лица: С.Џ.(47) од с.Канатларци, прилепско, З.А.(39) од с.Зубово, Ново Село, Т.А.(58) од Пробиштип, Н.М.(48) од Струмица, Д.Р.(36) од Василево, Р.З.(27) од с.Банско, М.А.(31) с.Мокрино, Ново Село, Д.П.(37) од Ново Село, М.Џ.(37) од с.Канатларци, Г.К.(44) од Ваташа, М.С.(42) од с.Банско и И.С.(47) од с.Коњух, кратовско, поднесе кривична пријава поради постоење на основано сомнение за сторени кривични дела „злосторничко здружување“ по член 394 став 1, „оштетување или уништување на добра под привремена заштита или културно наследство или природни реткости“ по член 264, „прикривање“ по член 261 став 3, „присвојување на добра под привремена заштита или културно наследство или природни реткости“ по член 265, „изнесување во странство на добра под привремена заштита или културно наследство или природни реткости“ по член 266 и „неовластено изработување, држење, посредување и тргување со оружје или распрскувачки материи по член чл.396 ст.1 од Кривичниот законик.

Пријавените С.Џ. и З.А., во периодот од декември 2021 до декември 2022 година, со цел стекнување на противправна имотна корист создале злосторничко здружение во кое како членови за целиот временски период или повремено партиципирале останатите кривично пријавените лица. Целта на формирањето на оваа добро организирана и строго контролирана криминална група била стекнување на противправна имотна корист која произлегува од извршените кривични дела, присвојување и изнесување во странство на добра под привремена заштита, културно наследство или природни реткости.

Пријавените организатори и членови на злосторничкото здружување, во наведениот период континуирано разменувале информации за локалитети, метал детектори и други апарати и алати, нуделе на продажба пронајдени предмети, вршеле истражувања на различни локации со цел пронаоѓање и ископување на археолошки предмети на повеќе локации низ државата кои ги продавале на заинтересирани лица во државата и во странство.

Како што соопшти портпаролот на МВР, Сузана Прањиќ Талевска, дополнително, при извршените претреси, кај две лица, кои не се дел од организираната криминална група, констатирани се две кривични дела, за кои против нив ќе бидат поднесени соодветни кривични пријави. Имено, кај С.Р.(78) од с.Обедник, демирхисарско, пронајдени се ловна пушка и муниција кои ги поседувал без дозвола и против него ќе биде поднесена пријава по чл.396 ст.1, додека кај В.С.(61) од Куманово пронајдени се марихуана, вага и природни реткости и против него ќе биде поднесена соодветна кривична пријава за кривично дело „неовластено производство и пуштање во промет на наркотични дроги, психотропни супстанции и прекурзори“ по член 215 став 1, „прикривање“ по член 261 став 3 и „присвојување на добра под привремена заштита или културно наследство или природни реткости“ по член 265, сите од Кривичниот законик.

Општина Прилеп заедно со УНДП, во рамките на изготвувањето на Стратегијата за Локален економски развој на општината за период 2023-2027, одржа повеќе работилници/средби со претставници од различни сектори на општественото живеење, со цел заедно, со изнесување на предлози, сугестии, ставови и барања да се даде придонес во креирањето на овој важен стратешки документ за општината, кој во суштина ги отсликува потребите на граѓаните во Општина Прилеп.

Во креирањето на стратегијата за ЛЕР, активно зедоа учество културни и музејски работници, угостители, туристички водичи, граѓанскиот сектор, преставници од локалната самоуправа, од образованиетo, инфраструктурата, бизнис секторот, од јавните комунални претпријатија, преставници од животната средина, земјоделието и руралниот развој.

Стратегијата за Локален економски развој на Општина Прилеп е процес за креирање на визија и план на насоките за развој на Општината и претставува алатка за дефинирање на стратешките цели и приоритетните области и нивно имплементирање.

Илија Ристески од Прилеп е избран за член на новиот Извршен Комитет на УМС на ВМРО- ДПМНЕ.

Ристески и досега имаше големи заслуги во градењето на политиката за млади на партијата. Со неговото искуство и знаења стекнати на многубројни домашни и меѓународни обуки и семинари, несомнено ќе биде вистински репрезент на младите во ова највисоко тело на Унијата на млади сили.

-Ми претставува чест и задоволство да ве известам дека сум член на новиот Извршен Комитет на УМС на ВМРО- ДПМНЕ.
Младите се двигателот и силата на промените во едно општество. Со мојата енергија, капацитет и можности максимално ќе се вложам за промените во Македонија, кои ќе почнат од младите! Особена благодарност до претседателот на УМС Сергеј Попов за укажаната доверба да бидам дел од тимот кој ќе ги донесе победите и промените во Македонија!
Да живее УМС! Да живее Македонија! – напиша младиот прилепчанец на ФБ.

Ако пет години опозицијата свесно и набива чувство на неизвесна иднина на нацијата, на пропаст и безизлезност, потхранувајќи ја со страв дека ќе нема струја, дека граѓаните нема да ја издржат зимата, дека цените на прехранбените производи ќе поскапат до неподносливост, при тоа ширејќи произволни толкувања за губење на националниот идентитет, обвинувајќи ја за тоа Европската Унија и македонските институции, тогаш нели е тоа психолошка војна која има за цел да ја поткопа стабилноста на земјата.

Тие тоа го нарекуваат демократска битка за власт. Но многумина во овие бурни воени времиња тоа го нарекуваат со вистинското име, го викаат хибридни закани по безбедноста на државата. Странски сили, кои имаат свој интерес, лесно го користат ваквиот деморализиран народ за остварување на своите цели, како што се оддалечување од определбата за ЕУ, креирање сомнеж во членството во НАТО и свртување на курсот на државата кон други, во суштина нејасни геостратешки определби.

Она што е особено загрижувачки е што се поставува дилемата што е постаро, дали македонската опозиција е само искористена од надворешни сили за својата пропаганда или таа свесно се приклучува кон хибридните активности на познатa голема сила која не е среќна што Македонија застана на другата страна на вистината околу војната во Украина и се определи за Европска, а не за Евроазиска иднина.

Врвот на психолошкиот терор го постигнуваат секојдневните закани за поставени бомби на витални места што предизвикува страв кај населението и го ограничува секојдневното слободно движење во обавувањето на секојдневните активности.

Отпрвин, најчесто закани беа упатувани кон училиштата и тоа не е случајно, затоа што секој родител најмногу се плаши за безбедноста на своето дете. Тогаш дури имаше и релативизирање на опасноста, припишувајќи им го тоа на младите луѓе кои сакајќи да губат настава, испраќаат такви пораки до раководствата на училиштата користејќи ги современите средства за интернет комуникација.

Но, во последно време се покажува дека тоа не е само игра на тинејџери туку станува збор за сериозни субверзивни активности добро смислени и испланирани, бидејќи заканите за поставени бомби се однесуваат на витални државни институции.

Токму креирањето тензии и создавањето револт и конфузија низ главниот град е една од алатките на хибридната војна. Целта е да се дестабилизираат помалите земји-членки на НАТО, а со тоа да се создаде претстава дека и самата Алијанса е кревка и некадарна во заштитата на нејзините членки.

Затоа е и многу тешко да се најдат сторителите на овие закани. Очигледно ѓаволот ја однел шегата и време е власта да ги впрегне сите сили заедно со своите НАТО пријатели и што поскоро да се доближи до изворот на нарачателите или сторителите, затоа што нивната целосна идентификацијата е речиси невозможна мисија.

Исто така е важно опозицијата да престане да ги потхранува ваквите хибридни закани и да редефинира што е нормална борба за освојување на власта, а што дејствување со кое не се урива власта, туку сопствената држава.

На 12.12.2022 во 16.38 часот во Полициската станица Македонски Брод било пpиjaвено дека на регионалниот пат Кичево – Прилеп, кај с.Латово, Општина Македонски Брод, патничко возило „ауди а4“ со регистарски ознаки од Македонски Брод, yпpaвyвано од Д.Д.(38) од Македонски Брод, yдpило во Т.Ј.(61) од Македонски Брод.

Во нecpeќата со тешки телecни повpeди се здобил пешакот, констатирани во Здравствен дом во Македонски Брод. Извршен бил увид од увидна екипа од Полициската станица Македонски Брод – информираат од МВР.

Комисијата за европски прашања ја одложи денешната седница на која требаше да се расправа по Предлог-законот за изменување и дополнување на Законот за заштита на население од заразни болести. Седницата е одложена за 14 декември, согласно распоредот на веб-страницата на Собранието – пишува “Република.мк”

Според Предлог законот, во случај на појава на заразна болест, се предлага забрана за влез во објекти за лица кои не се вакцинирани или немаат потврда за прележана болест. Министерството за здравство исто така, ќе може преку примена на технолошки методи да спречи ширење на заразната болест.

Во членот 28 се додава нова потточка со која се забранува влез во објекти на лица кои не се имунизирани или не поседуваат потврда за прележана болест.

Во член 29, пак, се додава нов член 29 а, којшто заради спречување на ширење на заразни болести дозволува Министерството да примени технолошки достигнувања како интернет платформи, паметни апликации, електронски услуги и слично, при што во однос на обработката на личните податоци се применуваат прописите од областа на заштита на личните податоци, како и соодветни технички и организациски мерки за да се обезбеди ниво на безбедност на личните податоци соодветно на ризикот.

-Заразните заболувања поради своите епидемиолошки карактеристики, јавувањето во епидемиска форма, оштетување на здравјето, смртноста, високиот морбидитет и морталитет, претставуваат не само медицински, туку и социјален, економски и финансиски проблем за секој здравствен систем и значајна закана за здравјето на населението. Една од мерките за успешно и навремено сузбивање на заразните болести е задолжителното пријавување и информирање за појава на заразни болести и епидемии, пишува во новиот член 29а.

Се додава дека Светската здравствена организација евидентира болести што не познаваат граници и идентични фактори на ризик, заради што препорачува засилување на националните системи за надзор над појавата и ширењето на заразни болести и воспоставување на мрежи на комуникација на национално, регионално и пошироко ниво, како одговор на ваквата состојба. При тоа, основниот принцип е приспособување на здравствената заштита кон потребите на човекот и населението.

Предлог-законот за изменување и дополнување на Законот за заштита на населени од заразни болести е со европско знаменце, односно треба да се изгласа по скратена постапка.

-На 11.12.2022 во ОВР Прилеп било пpиjaвено дека околу 21:40 часот во спортска обложувалница на ул. “Борис Кидрич” во Прилеп, едно лице со закана кон вработената одзело пapи од дневниот промет.

Се преземаат мерки за расчистување на случајот – информираат од МВР.

Од страна на полициски службеници од Одделението за внатрешни работи Кочани на 12.12.2022 околу 13.00 часот бил лишен од слобода Е.Х.(33) од Кочани.

Имено, по обезбедена наредба од Судија на претходна постапка од Основен суд Кочани, извршен е претрес на дом и други простории кои ги користел Е.Х., при што се пронајдени и одземени 105 пакувања марихуана, подготвени за продажба.

Дрогата е одземена, а лицето е приведено, известен е Јавен обвинител и по целосно документирање на случајот ќе биде поднесена кривична пријава по брза постапка согласно член 215 од Кривичниот законик.