Па и културно забавна програма имаат. Откако ќе завршат со отворање на бугарскиве клубови, можи ќе почнат да ни отвораат и вакви ресторанчиња, па и ние да пробаме од нивните оригинални рецепти…

Ресторанот “ОСКАР” и пекарата “Александар” од Битола, во периодот од 16.12.2022 г. до 16.01.2023 г, секој ден, освен неработни денови ќе дава по 50 тополи оброци (пилешко,свинско и тестенини) за сите, кои имаат потешкотии да го обезбедат – гест кој треба да служи за пример за секој еден газда во периодот на празниците.

-Ручекот ќе се служи во 14 ч, кај Јавор, секој ден,освен неаработни денови, во горенаведениот период. СРЕЌНА НОВА ГОДИНА И БОЖИЌНИ ПРАЗНИЦИ, сакани, наши сограѓани. БОГ СО СИТЕ НАС И ЗА МНОГУ ГОДИНИ – стои во објавата на социјалните мрежи од познатиот битолски ресторан.

Во одлична спортска атмосфера и со многу постигнати голови, поминаа изминатите два натпреварувачки дена на турнирот во мал фудбал “Св. Никола 2022”.

Ова се постигнатите резултати:

Ова е програмата на натпревари за вечерва:

На 13.12.2022 во 14.10 часот во Битола, полициски службеници од Криминалистичката полиција и Полициската станица од општа надлежност Битола го лишиле од слобода В.М.(22) од Битола.

При претрес во неговиот дом, извршен со судска наредба, биле пронајдени и одземени прашкаста материја и предмети со остатоци од прашкаста материја.

Лицето било задржано во полициска станица и по целосно документирање на случајот против него ќе биде поднесена соодветна пријава.

Известување од прилепските црковни храмови за престојната градска слава Св. Никола

Браќа и сестри во Христа, наши прилепчани, ве известуваме дека ЛЕПЧИЊАТА ЗА СЛАВА ЌЕ СЕ ПЕАТ ИСКЛУЧИВО ВО ЦРКОВНИТЕ ХРАМОВИ.

За претстојната слава, СВ. НИКОЛА, во храмовите Св. Петка во нас. Точила и Св. Кирил и Методиј (ПАРАКЛИС), лепчиња ќе се пеат ВО САБОТА И НЕДЕЛА (17 и 18.12.2022г.) во периодот од 7:00 – 17:00 часот и на самиот празник, во ПОНЕДЕЛНИК (19.12.2022), по завршувањето на Божествената литургија.

САБОТА НА 17-ти – СВЕТО БЛАГОВЕШТЕНИЕ (СТАРА ЦРКВА) – од 07.00 до 17.00 часот, НЕДЕЛА НА 18-ти – СВЕТО БЛАГОВЕШТЕНИЕ (СТАРА ЦРКВА) – од 07.00 до 17.00 часот.

СВЕТО ПРЕОБРАЖЕНИЕ (ГРЧКА ЦРКВА) – од 09.00 до 10.00 и од 15.30 до 17.00 часот, СВЕТИ ПАНТЕЛЕЈМОН (БОЛНИЦА) од 11.00 до 13.00 часот, СВЕТИ КОНСТАНТИН И ЕЛЕНА (ТИПСКИ) од 11.00 до 13.00 часот.

На 19ти утрото во СВЕТО БЛАГОВЕШТЕНИЕ (СТАРА ЦРКВА).

Честита слава на сите кои го чествуваат СВ. НИКОЛАЈ ЧУДОТВОРЕЦ како закрилник на нивните домови т. е. домашна слава! Воедно, и на сите прилепчани им ја честитаме градската слава Св. Никола, молитвениот застапник и закрилник на нашиот град! Нека ни е за многу години и на помош – стои во соопштението од прилепските црковни храмови.

Традиционално, како и секоја година, ООМУ„Ордан Михајлоски-Оцка“ организира новогодишен концерт.

Празничниот дух и новогодишната еуфорија во Прилеп се будат токму со овој настан. Новогодишниот концерт на музичкото училиште оваа година има посебно значење. Имено, се одбележуваат 80 години од смртта на патронот Ордан Михајлоски- Оцка и 80 години од создавањето на неговата песна “А бре, Македонче” – химната на партизанското движење во Македонија.

И оваа година ќе имаме можност да уживаме во изведбите на ученици од сите инструментални оддели од училиштето, како и поранешни ученици, а сега дел од државните музички училишта, факултети како и дипломирани музичари. Секако, тука се и ученичките хорови, хорот од наставниците и оркестарот од училиштето.

Концертот ќе се одржи во големата сала во НУЦК “Марко Цепенков” на 22 декември во 19:00 часот. Влезници по цена од 100 денари можете да купите од музичкото училиште.

Лука Модриќ, еден од најдобрите изграчи на сите времиња на неговата позиција, на денешниот натпревар доби овации и од навивачите на Аргентина додека го напушташе теренот.

37-годишниот играч од средниот ред, кој има 160 настапи за Хрватска од своето деби против Аргентина во 2006 година, вели дека нема да се пензионира по овој зимски турнир.

„Не, нема да ја напуштам репрезентацијата“, рече тој додека беше во Катар. „Се чувствувам фит, многу добро и ќе останам овде додека можам. Нема причина да се пензионирам. Тоа е мој избор”.

Модриќ е познат по неговата фудбалска грациозност, борбеност, но и фер-плеј. Навистина, овие моменти се многу ретки, но Лука дефинитивно заслужува ваков третман. Како и оние овации за Дел Пиеро и Роналдињо од противничката публика на Сантиаго Бернабе, овој настан веројатно ќе остане запишан во фудбалската историја.

Хрватска изгуби од Аргентина, но постигна голем успех. Две првенства по ред стигнува до самиот крај. Ова Светско првенство не завршува тука за нив. Напротив, екипата на Делиќ има сеуште можност да освои медал. Натпреварот за третото место е во сабота, а Хрватска ќе се соочи со поразените од натпреварот меѓу Франција и Мароко.

A standing ovation for Luka Modrić in his last World Cup game! ?????pic.twitter.com/ryJUV1Qjkw

— Football Report ?☮️???Forza ?? #BerhalterOut (@FootballReprt) December 13, 2022

Основачот на FTX, Сем Бенкмен-Фрид, уапсен на Бахамите, откако обвинителот за јужниот округ на Њујорк сподели обвинение со власитите на Бахамските острови.

Сем Бенкмен е 30 годишен бизнисмен и Извршен директор на втората најголема платформа за тргување со крипто-валути. До пред само 2 месеци неговото богатство се проценуваше на 15 милијарди долари, а денес тој се соочува со голема затворска казна.

„Претходно оваа вечер, властите на Бахамите го уапсија Самуел Банкмен-Фрид на барање на американската влада, врз основа на запечатено обвинение поднесено од Јужниот округ на Њујорк. Очекуваме да поднесеме обвиненија наутро и ќе имаме повеќе да кажеме“, соопшти американското обвинителство во Менхетен.

Момчето кое ја фрли индустријата од три трилиони долари на колена сега должи околу 3.1 милиајрди долари на илјадници доверители.

Но, да бидеме искрени – не можеме да кажиме дека не бевме предупредени. Па нели ја гледавте рекламата од овогодинешниот “Super Bowl”? Лери Дејвид ви кажа, а тој никогаш, ама никогаш не греши.

Премиерот Димитар Ковачевски денеска изјави дека во неговиот анкетен лист поднесен до Антикорупциската комисија уште пред да дојде на сегашната функција било пријавено дека неговата сопруга има инвестирано во изградба на фотоволтаична централа. Ковачевски, одговарајќи на новинарско прашање, рече дека тоа е инвестиција на неговата сопруга, за што вложила нејзини сопствени средства.

– Прво, тоа што беше објавено на еден портал, потоа беше преземено и од други портали, беше јавно достапен податок и може да се види од мојот анкетен лист каде што е пријавен уделот на мојата сопруга. Тоа не е сега, тоа е уште пред да стапам на функција како претседател на Владата. Согласно Закон за трговски друштва и согласно законските регулативи во државата секој граѓанин може да инвестира свои сопствени средства, како што таа има инвестирано свои сопствени средства и сето тоа е пријавено во сите надлежни институции, во Антикорупциска, со сите податоци и тие се јавно достапни, рече Ковачевски.

Тоа, додаде тој, е нејзина инвестиција којашто ја има направено со свои сопствени средства.

– Без моја помош, зошто би имала моја помош да инвестира средства, рече Ковачевски прашан дали таа тоа го направила без негова помош.

Новинар на денешната прес-конференција во Владата му даде леб и фискална сметка на премиерот Димитар Ковачевски.

Новинарот кажа дека лебот го купил 10 минути пред да почне прес-конференцијата и му посочи на премиерот дека и покрај владините најави за намалување за цените на основните прехранбени производи, тоа не е сликата на терен.

Ковачевски го зема лебот од новинарот, како и фискалната сметка за да се увери во цената, и му одговори дека и тој истото прашање го поставувал.