На 30.01.2023 на ул.„Христијан Тодоровски Карпош“ во Битола, полициски службеници од криминалистичката полиција при СВР Битола ги лишиле од слобода А.Ј.(25), В.Т.(24), М.Т.(25) и К.Џ.(21), сите од Битола, затоа што кај нив била пронајдена и одземена е марихуана.
По документирање на случајот, ќе следува соодветен поднесок – информираат од МВР.
На 30.01.2023 на ул.„Гоце Делчев“ во с.Кривогаштани, прилепско, полициски службеници од СВР Битола – Полициско одделение Кривогаштани го привеле П.М.(36) од с.Кривогаштани.
Тој бил баран по потерница по наредба на Казнено-поправната установа Затвор Прилеп заради бегство од затворот.
Лицето било спроведено во установата за доиздржување на казна затвор во траење од две години и три месеци – информираат од МВР.
Најголемото албанско пристаниште Драч е подготвено да го започне процесот на изградба откако попладнево Владата и компанијата „Игл Реал Естејт Девелопмент“ го потпишаа конечниот договор со кој се завршени сите законски процедури, јави Топ чанел.
Вицепремиерката и министерка за инфраструктура Белинда Балуку рече дека ова е најголемиот проект во албанската економија со инвестиција од 2 милијарди евра.
– Ги завршивме долгите законски процедури, почнувајќи од одобрување на законот во парламентот, а потоа и указот од претседателот. Во овој проект за првпат државата е коакционер во износ од 35 отсто. Државата ќе ги има истите права во однос на приходите и профитот. Државата има одговорност да ги заштити стратешките добра како што се столбовите, басенот и каналот на пристаништето. Тие остануваат сопственост на државата, како и 45 отсто од сегашниот пристанишен простор, рече Балуку.
За инвеститорот Мохамед Алабар од Дубаи преговарачкиот процес бил болен, но, рече дека резултатот ќе биде фантастичен.
Заедно со премиерот Еди Рама ги истакна квалитетните работни места што ќе ги обезбеди проектот.
– Зад овој проект, кој без страв можам да кажам дека е најнапредниот во светот, дури и од оние во Дубаи, стои тим од млади Албанци, кои утре ќе го извезуваат своето знаење низ светот и верувајте ми, заминувањето во странство нема да биде привлечно за нив, рече Алабар.
Според Рама морнарицата на Драч ќе влезе како конкурент на глобалниот пазар.
– Ќе создаде квалитетни вработувања и многу добро платени работни профили за многумина кои веќе нема да имаат причина за оние кои сакаат да работат, да ја гледаат иднината во странство. Проектот ќе врати многу поединци не само од Драч, туку и од други места за работа во Албанија, најави Рама.
Во меѓувреме, паралелно со почетокот на работите во пристаништето во Драч, на 1 февруари ќе се одржи презентација на инженерската студија за комерцијалното пристаниште во Порто Романо.
Првото и основно правило е да го поставите часовникот во просторија каде има најмногу активности.
Ова е дневната соба во која членовите на семејството најмногу комуницираат и во која поминуваат најмногу време.
Исто така, добра опција е да го поставите часовникот во работната соба или канцеларијата. Корисно е да имате часовник кој ќе покажува колку време сте поминале на работа.
Има едно место кое не е добро место за чување часовник: во спалната соба. Таа соба се користи исклучиво за одмор, како и за постигнување сексуална енергија, каде времето е најмалку важно. Најдобро е часовникот да го поставите во дневната соба или во посебна просторија, каде што сите, па и гостите, ќе можат да го видат.
Има уште некои места каде според правилата на фенг шуи е добро да се чува часовник. Тоа се детската соба, како и просторијата за хранење на бебето. Најдобро е да користите само часовници кои немаат нишало или звук, туку дигитални.
Кај поголемите деца се користат часовници за децата да не доцнат на училиште, па добро е да поставите еден и во нивната соба. Часовниците кои се украсени со слики од четирите годишни времиња или кои ги прикажуваат сонцето и месечината, денот и ноќта се одлична комбинација за привлекување позитивна енергија кај децата.
Никогаш не ставајте го часовникот на овие места
Никогаш не треба да го ставате часовникот на ѕидот спроти влезната врата. На исток, според традицијата на фенг шуи, главниот елемент е дрвото. Затоа часовниците од метал никогаш не се поставуваат на ѕидовите, а најдобра замена за нив се оние од дрво, камен или пластика.
Поради одредениот ритам што се слуша за време на работата на механичките часовници, не го чувајте во спалната соба. Ритамот на срцето и часовникот што го слушате е различен и предизвикува неправилно чукање на срцето и нервоза на луѓето во таа просторија.
Не чувајте скршени часовници или часовници без батерии. Според обичаите на Фунг Шуи, скршените часовници внесуваат лоша енергија во домот.
На 29.01.2023 во ОВР Прилеп било пријавено дека на улица “Кеј 19 Септември” во Прилеп настанал пожap во патничко моторно возило “фолксваген голф” со прилепски регистарски ознаки, сопственост на М.И. (44) од Прилеп.
Пожapoт бил локализиран од екипа на Територијалната противпожарна единица Прилеп, а повpeдени лица нема.
Увид извршила увидна екипа на ОВР Прилеп.
Руската компанија Форес соопшти дека ќе плати 72.000 долари во готовина на војниците кои први ќе уништат или запленат тенкови од западно производство во Украина, како и 7.200 долари за секој следен таков обид. Кремљ претходно вети дека руските сили ќе ги уништат сите западни тенкови кои и се испорачуваат на Украина, пишува Политика.
Во исто време компанијата од Урал, која се занимава со енергетската индустрија, најави и дека ќе плати награда од 215.000 долари за секој уништен борбен авион од западно производство, доколку некогаш биде испорачан во Киев.
САД, Германија и неколку други европски земји се подготвуваат да испратат десетици модерни борбени тенкови во Киев во следните неколку месеци за да помогнат во зајакнувањето на воениот капацитет на Украина.
Портпаролот на Кремљ ја критикуваше оваа одлука како опасна ескалација и рече дека тенковите ќе „горат“ на фронтот.
Во меѓувреме вооружените сили на Украина почнаа да го гранатираат регионот Белгород во Русија, а во артилерискиот напад има и повредени, соопшти гувернерот Вичасалв Гладков. Тој на Телеграм изјави дека артилеријата го гранатира селото Безљудовка, градскиот округ Шебекински, кое се наоѓа преку границата северно од украинската област Харков.
Според првите прелиминарни податоци, во артилерискиот напад се повредени две лица, пренесува Гардијан.
Советот на Општина Охрид на денешната седница ја прифати оставката на советникот Нефи Усеини, кој беше избран на последните локални избори од редовите на ДУИ.
Претседателот на Советот Сашо Донев во изјава за МИА посочи дека Усеини поднел неотповиклива оставка од лични причини.
– Денеска на седница на Совет беше констатирана неотповикливата оставка на советникот Усеини, истакна Донев.
Советот чека официјален допис од Општинската изборна комисија кој ќе дојде на местото на Усеини.
Охридскиот бизнисмен и досегашен советник Нефи Усеини е претседател на огранокот на ДУИ во Охрид.
Времето утре ќе биде променливо облачно и студено, попладне со делумно намалена облачност. Ќе дува слаб до умерен ветер од северозападен правец. Во Скопје променливо облачно со слаб до умерен ветер од северозападен правец.
ВРЕМЕТО ВО СЛЕДНИТЕ ДЕНОВИ:
Следува период на променливо облачно и студено време. Во вторник локално ќе провејува слаб снег и ќе дува засилен северен ветер. Во среда ќе има преодно намалување на облачноста, а од четврток повторно повремено ќе има слаби врнежи претежно од снег.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 23.01.2023 година и со тоа малопродажната цена на ЕУРОСУПЕР БС-95 изнесува 84,00 ден/лит, додека малопродажната цена на ЕУРОСУПЕР БС-98 изнесува 86,00 ден/лит.
Малопродажната цена на ЕУРОДИЗЕЛ (Д-Е V) се зголемува за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 23.01.2023 година и со тоа малопродажната цена на ЕУРОДИЗЕЛ (Д-Е V) изнесува 84,50 ден/лит.
На 29.01.2023 во 19.20 часот на ул.„Трајко Николоски“ во Прилеп, полициски службеници од СВР Битола – ОВР Прилеп го лишиле од слобода Џ.П.(40) од Прилеп.
Тој бил затекнат при кражба од плац на правно лице во с.Кривогаштани. Одземените предмети биле пронајдени и вратени на сопственикот.
По целосно документирање на случајот, против него ќе биде поднесена соодветна пријава.
