Гимназијата „Мирче Ацев“ од Прилеп е најстарото средно училиште во градот и едно од најстарите во Македонија. Основана е со решение на Президиумот на АСНОМ на трети ноември 1944 год.

Низ гимназиските училници учеле многу ученици кои станале успешни во животот. Многу судии, адвокати, професори, бизнисмени, политичари, доктори, научници, новинари, уметници … од нашиот град кои живеат и работат во градот, државата или по светот, се токму ГИМНАЗИЈАЛЦИ.

Гимназијата денес е современо училиште кое од ден во ден се унапредува и држи чекор со времето и современите текови.

Гимназијата е едно од водечките училишта во Македонија и регионот.

Во училиштето настава изведуваат квалитетни професори кои се сакани и ценети од учениците, родителите и локалната средина.

ЗОШТО ГИМНАЗИЈА?

Ако се прашувате кое средно училиште да го одберам, каде да се запишам. Одговорот е Гимназија „Мирче Ацев“ Прилеп. Зошто?

Затоа што единствено гимназијалците, по завршувањето на гимназиското образование, имаат можност да студираат буквално на секој факултет во земјава или во странство.

Гимназијалците нема да полагаат академски тест за упис на факултет. Директно се запишуваат на факултетот кој го избрале.

Затоа што гимназијалците постигнуваат највисоки резултати на многуте меѓународни, државни регионални или локални натпреварувања.

Илјада зошто и илјада затоа… погледнете на ЛИНКОТ во продолжение:

ЗОШТО ДА ЈА ИЗБЕРАМ ГИМНАЗИЈАТА “МИРЧЕ АЦЕВ”

На 01.06.2023 во 07.45 часот на ул.„Питу Гули“ во Охрид, патничко возило „поло“ со прилепски регистарски ознаки удрило во малолетен велосипедист од Охрид, по што двајцата учесници го напуштиле местото.

Во несреќата, со тешки телесни повреди се здобил велосипедистот, кои му биле констатирани во Специјалната болница „Св.Еразмо“ во Охрид. Извршен бил увид од увидна екипа од СВР Охрид и се преземаат мерки за расчистување на случајот.

Во понеделникот на 29 мај се случи уште еден руски напад врз Киев, а камерата на автопатот во северниот дел на Киев го сними падот на остатоци од проектил.

Ова видео го објави еден корисник на Твитер, а на него се гледа како проектилот буквално ги промашил автомобилите за неколку сантиметри. Возачите имале неверојатна среќа за да ја избегнат смртта.

https://twitter.com/AlexPanchenko2/status/1663825553932050432?ref_src=twsrc%5Etfw%7Ctwcamp%5Etweetembed%7Ctwterm%5E1663825553932050432%7Ctwgr%5E672d47f36d3a737e8db121f0621e9762e6803b82%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4172450%2Fdeo-ruske-rakete-pada-pravo-na-autoput-u-kijevu-vozace-su-od-smrti-delili-santimetri-ali-imali-su-neverovatnu-srecu-video

Гостиварец ѝ исплатил 10.000 евра на љубовницата за да не го каже на жена му.

Надворешната канцеларија за криминалистички работи Гостивар поднесе кривична пријава против И.И.(33) и М.И.(31), двајцата од село Орашје, општина Јегуновце, поради постоење основи на сомнение за сторено кривично дело „уцена”, соопшти МВР.

Како што информираат оттаму, во периодот од април 2022 година до април 2023 година, пријавените повеќе пати уценувале 50-годишен жител на Гостивар дека видео разговорите и разменетите пораки со второпријавената, со која бил во љубовна врска, ќе ги пратат на неговото семејство. Со ваквите дејствија тие го принудиле во неколку наврати да им исплати вкупно 10.000 евра преку брз трансфер на пари, информира МВР.

Продолжениот викенд ја испразни Македонија.

Граѓаните уште вчера попладне завршувајќи од работа се упатија кон граничниот премин „Богородица“.

Македонците масовно го користат убавото и топло време да го поминат на море во соседна Грција.

За Задушница Македонија очигледно ќе се испразни, а за следниот споен викенд малку ќе почекаме подолго, бидејќи ни доаѓа дури во септември и тоа на денот на државноста, 8 – септември.

На 01.06.2022 во 09.40 часот полициски службеници од криминалистичката полиција при СВР Битола го лишиле од слобода С.Д.(18) од Битола.

При претрес во неговиот дом во Битола, извршен со судска наредба, бил пронајден и одземен кокаин.

Тој бил приведен во полициска станица и по целосно документирање на случајот против него ќе биде поднесена соодветна пријава.

Високиот претставник на Европската унија за надворешна политика и безбедност, Жозеп Борел, побара и распишување нови локални избори во општините на северот на Косово, учество на Србите во тој изборен процес и почеток на работата за формирање Заедницата на општини со српско мнозинство.

Борел синоќа на Твитер објави дека со претседателот на Србија, Александар Вучиќ и со претседателката на Косово, Вјоса Османи, разговарал за „опасната ситуација на северот на Косово“.

Тој наведе дека имал заедничка средба со францускиот претседател Емануел Макрон и германскиот канцелар Олаф Шолц, но и дека имал одвоени средби со Вучиќ и Османи.

„Имаме три јасни барања, а тоа се нови локални избори веднаш, обезбедување учество на косовските Срби во изборниот процес, почеток на работа за формирање на Заедница на општини со српско мнозинство во рамките на дијалогот под покровителство на ЕУ…Доколку тоа не се направи, ќе има сериозни последици за нашите односи“, додаде тој во соопштението по синоќешната средба со претседателите на Србија и Косово на маргините на состанокот на европската политичка заедница во Молдавија.

На 3 и 4 јуни, ( 2023г) во Самоков и Белица (Македонски Брод) во организација на Општина Македонски Брод и здруженијата: Форум за Авангардна Креативност, Вело Че и САМОКОВ ЕСТРЕМ, по втор пат ќе го организираа фестивалот на отворено SAMOKOV XTREME на кој ќе земат учество на 500 спортисти и љубители на природата.

За сите љубители на адреналинските авантури, будење на адреналинот во убавините на Поречкиот регион!

Фестивалот нуди:

✔️возење со џипови
✔️возење со мотокрос
✔️возење со АТВ возила
✔️возење со МТ велосипеди
✔️планинарење

Планинарската тура ќе биде во должина од околу 15 км на релација : Старт од кампот во Самоков – с.Ковач – с.Бенче- враќање во Самоков, каде ќе бидат ангажирани искусни планински и велосипедски водичи.

Додека, турите со теренски возила, АТВ возила и мотокрос ќе се возат двата дена(сабота и недела) на релација : (Сабота 03 јуни 2023г) Самоков – Добра вода – с.Бенче – Самоков, а во недела (04 јуни 2023г) Самоков – с.Рамне – с.Брест – Фојник планина – с.Требовље – Самоков.

◾️За учесниците на планинарската тура бесплатен автобуски превоз на 04.06. (недела) во 06:30 часот пред Реклами!

Два незаборавни денови со спорт, забава и дружење… Ве очекуваме во огромен број – стои во поканата од организаторите.

Претседателот на САД, Џо Бајден се сопна и падна откако ја врачи диплома на церемонијата на дипломирање во Академијата за воздухопловни сили на САД, јавува Ројтерс.

80-годишниот американски претседател брзо се исправил со помош на три лица и се вратил на своето место без помош.

Директорот за комуникации на Белата куќа Бен ЛаБолт на Твитер објави дека Бајден е добро.

„Имаше вреќа со песок на сцената кога се ракуваше“, објасни тој.

https://twitter.com/BNONews/status/1664346089317605406?t=YdV3RIugwK2wzK2RfjLdTw&s=19

Во недела, (04.06.) на празникот Духовден, на спортското игралиште во ООУ “Ѓорче Петров” во Ропотово, ќе се одржи забава со естрадните пејачи Оливер Лозаноски, Александар сакс, Дани Даниела и група “Тик Так”.

Средствата од забавата ќе бидат донирани за доизградба на манастирот Св. Атанасиј во селото, светилиште кое во последно време прераснува во едно од најпосетуваните места во регионот.

Дојдете, забавувајте се и дадете свој придонес во доизградбата на ова прекрасно свето место.