OK ВМРО-ДПМНЕ Прилеп вчера на прес конференција го обвини поранешниот министер за транспорт и врски, Горан Сугарески дека ја стопирал изградбата на експресниот пат Прилеп-Градско, по што следуваше демант од Сугарески.

„Во денешно време, патриотизмот се мери според она што сме го направиле за државата, за општината, за средината во која сме растеле и сме се граделе како личности. Притоа, со право, со посебен аршин се вага она што зад себе го оставиле најповиканите за тоа, оние чија визија и посветеност кон работата во голема мера ја одредува иднината на граѓаните – политичарите. Како некој кој бил дел од извршната власт во време кога и локалната власт во Прилеп била во рацете на СДСМ, ќе потсетам на дел од проектите кои со државни и општински пари беа реализирани на територијата на општина Прилеп:

-Изградба на клучка кај ТИРЗ „Прилеп“, вредност: 4.000.000 евра; Ревитализација на трансформаторска станица „Прилеп 1“, вредност: 1.100.000 евра; Реконструкција на стариот регионален пат Прилеп-Тополчани-Битола, вредност: 1.000.000 евра; Изградба на спортско-рекреативен комплекс кај Прилепското вештачко езеро, вредност: 850.000 евра, кој пропаѓа заради негрижата на локалните власти; Реконструкција на патот Прилеп – Вештачко езеро, вредност: 680.000 евра; Изградба на патот Волково – Прилепец – манастир „Св.Никола“, вредност 500.000 евра.

Во периодот од 2017 до крајот на 2021 година, целосно беа завршени, или пак започна реализацијата и на следните капитални инвестиции и проекти, кои се од витално значење за граѓаните и стопанските субјекти од општина Прилеп: Реконструиран храмот на фудбалот, Градскиот стадион „Гоце Делчев“; Изграден ИКТ Центар кај касарната „Мирче Ацев“; Изградена спортска сала во ООУ „Кире Гаврилоски“; Реконструиран булеварот „Гоце Делчев“; Од темел реконструирани Гимназијата „Мирче Ацев“ и медицинското училиште „Ѓорче Петров“; Значајни инвестиции во, без исклучок, сите основни и средни училишта; Целосна реконструирани 19 км од патот Прилеп-Фариш; Рехабилитиран патниот правец Лагово-Штавица-Витолиште во должина од 16 км; Во болницата „Борка Талески“ ставен во функција апарат за магнетна резонанца; Комплетна реконструкција на Полициската станица од Општа надлежност – Прилеп; „Самоилова“ и „Војводинска“, најважните сообраќајни артерии во населбата „Точила“ во должина од 2.100 метра, прв пат после нивната изградба добија нов асфалт; Рехабилитирани клучните улици во УЗ „Гоце Делчев“ „Петта Прилепска бригада“ и „Октомвриска“ во должина од 2.000 метра; Нов лик имаат и двата кеја „1 Мај“ и „9 Септември“; Изградени и реконструирани беа и „Целе Мавроски“ и „Мице Козар“, како и голем број улици во населбите Марино Маало, Тризла, Тризла 2, Вишне, Центар, Варош, Бончејца, Рид, Корзо; Реконструирана водоводна и канализациона мрежа во должина од 25, односно 5,5 км; Нова детска градинка во населбата Точила која актуелната локална власт нема капацитет конечно да ја доизгради и да ја стави во употреба, комплетно реновирани сите постечки објекти на ЈОУ Детска градинка „Наша иднина“; Асфалтирани патишта и улици, изградени водоводни и канализациони мрежи во населените места; Изградба на експресниот пат Прилеп-Градско, односно делниците Фариш-Дреново и Дреново-Градско – стои во демантот на Сугарески.

-Почитувани љубители на борењето БК “7Мај Златна рака” и oпштина Прилеп ве покануваат на Mеѓународниот турнир во борење “Крали Марко”, кој ќе се одржи утре (10.06.2023), во спортската сала на ООУ “Добре Јованоски”, со почеток во 11часот и свечено отворање на турнирот во 12 часот.

Дојдете и проследете го овој спортски настан. Да им дадеме поддршка на домашните борачи и борачки, кои во изминатиот период континуирано не’ радуваат со успеси на сите домашни и меѓународни турнири.

Русите се обиделе да го убијат украинскиот претседател Володимир Зеленски за време на неговата вчерашна посета на Херсон, тврди белорускиот портал Некста.

Зеленски вчера пристигна во Херсонската област за да ги посети поплавените подрачја по уривањето на браната Нова Каховка.

На првото видео што беше објавено од порталот, Зеленски може да се види како разговара со локалните жители кои се подготвуваат за евакуација, по што тој заминал за Миколаив, град кој исто така беше погоден од поплавите.

Но, веднаш по заминувањето на Зеленски и неговата делегација, улицата во Херсон каде што стоеше со жителите стана цел на силно руско гранатирање, што сугерираше дека Русите знаеле дека Зеленски е таму и се обиделе да го убијат, наведе белорускиот портал Некста.

Russians tried to kill Zelenskyy during his visit to Kherson

On June 8, Volodymyr Zelenskyy arrived in #Kherson region, where dozens of settlements were flooded after the explosion of the #KakhovkaHPP.

The first video shows Zelenskyy standing with local residents near the… pic.twitter.com/xdbqLAuQ29

— NEXTA (@nexta_tv) June 8, 2023

Крај на училишната година за средношколците. Основците ќе учат до 14 јуни, како што беше најавено од МОН.

Првиот екстерен испит, задолжителниот мајчин јазик, 15.620 матуранти го полагаа на 27 мај, а утре ќе го полагаат вториот екстерен испит од државната матура кој е изборен. На избор на матурантите им се дадени седум предмети.

Министерот Јетон Шаќири рече дека во новата учебна година ќе има учебници и дека до септември има доволно време. За грешките во учебниците се повикува на комисијата и на педагошката служба.

Сценаристот Божидар Божиновски со коментар во свој стил за наредбата од министерот за здравство Фатмир Меџити до јавните здравствени установи во државава да ги лекуваат косовските граѓани по исти цени како македонските, зошто тие не биле странци во Македонија?!

„Ова не е фер кон косовските граѓани, кои, за разлика од македонските, треба да патуваат до тука. Да се размисли за рефундирање и на средства за пат и дневница. Свака час министре“, реагира Божиновски на Фејсбук.

„Премиерчето ќе изреагира за изјавите на неговиот министер за здравство или ќе си поќути пак? Ќе побара одговорност и оставка? Ќе биде разрешен? Не е проблемот само финансиски, туку е и иредентистички и националистички, а доаѓа од функционер на оваа влада, нејзин претставник“, додава тој.

„Да сме реални, тешко тој шо стигнал до таму за во наше здравство да се лечи, ама то е друга тема…“, иронизира Божиновски во нова објава.

„Единствени странци во Македонија стануваат Македонците…“, заклучува тој.

На 08.06.2023 полициски службеници од Одделението за криминалистичка полиција при СВР Битола го лишиле од слобода К.Ј.(26) од Битола.

При претрес во неговиот дом, извршен со судска наредба, билe пронајдени и одземени пиштол „зораки“, две рамки за пиштол и 48 куршуми. Тој бил задржан во полициска станица и по целосно документирање на случајот против него ќе биде поднесена соодветна пријава.

Вчера, исто така, полициски службеници од криминалистичката полиција при СВР Битола од слобода го лишиле В.А.(43) од Битола. При претрес во неговиот дом, извршен со судска наредба, биле пронајдени и одземени муниција и предмети кои потекнуваат од тешка кражба извршена на 02.06.2023 од страна на неговите малолетни деца. Со нив бил извршен службен разговор во полициска станица, при што го признале делото.

По целосно документирање на случаите против нив ќе бидат поднесени соодветни пријави.

Не стигнуваат реакциите откако министерот за здравство најави дека државјаните на Косово ќе се лекуваат во Македонија по исти цени како македонските државјани.

Докторот Александар Митов реагира дека тоа нема таков капацитет и дека тоа не го прават ниту Сингапур и Швајцарија за своите соседи.

„Дај Боже да имавме толку висок здравствен буџет па да ги лекуваме сите околни земји… Но, немаме.
Па дури и Сингапур и Швајцарија не лекуваат граѓани на околни земји. Треба само површно познавање на буџетите на болниците за да се знае каква е реалната состојба. Значи, за некои работи не треба ни анализа за да се види дали се реални и можни. Треба само малку информираност и здрав разум. Но, не само пари, и последниве ги нема…“, напиша Митов на Фејсбук.

Ова следува откако денеска Министерството за здравство донесе одлука за нивелизација на цените на здравствените услуги во РМ, како за државјаните на земјата така и за граѓаните од Косово и Албанија. Според министерот за здравство, Фатмир Меџити, тука нема да застане туку ќе побара билатерална соработка и со Србија и Грција, објави ТВ 21.

-Косовските граѓани плаќаа двојни цени и тоа само во јавното здравство, а не во приватното. Дадовме наредба од Министерството за здравство ова да се израмни и да има исти цени како за државата, бидејќи всушност не доаѓаат странци во Македонија, тие се од Косово, особено за здравствени потреби. Презедов мерки и за граѓаните од Албанија кои доаѓаат и ги посетуваат болниците во Охридскиот регион – изјавил Меџити.

Големо невреме проследено со врнежи од дожд и град попладнево го зафати Делчево.

Под вода се многу од улиците во ниските делови од градот, а оштетени се голем број на објекти и улици. Сцените кои се споделуваат на социјалните мрежи се страшни. Во дел од делчевските населби во прекин е снабдувањето со електрична енергија.

Со потпишување на Меморандум за соработка меѓу Општина Новаци и УКЛО ќе се влијае на намалувањето на миграцијата на младите луѓе во најкритичните моменти во државата и нивно останување во родното место во матичната земја. Меморандумот го потпишаа градоначалникот на Општина Новаци, Стевче Стевановски и ректорот, проф. д-р Игор Неделковски во просториите на ректоратот.

Предлогот на градоначалникот Стевановски финансиски да се помагаат идните студенти, жители на Општина Новаци кои ќе се запишат на државните универзитети на прв циклус студии во Македонија ќе се најде на дневен ред на седница на Советот на Општина Новаци.

Градоначалникот Стевче Стевановски очекува дека Советот ќе ја прифати идејата, Општината да ги стимулира младите жители да се запишуваат на државните универзитети, поточно на УКЛО, да се стипендираат во нивното студирање, со верување дека на овој начин се прави чекор напред да се задржат младите дома првенствено со студирањето а потоа и со нивното работење и создавање семејство.

Според ректорот Неделковски со формализирање на иницијативата Општина Новаци прави крупен исчекор, во заложбата да се задржат младите и квалификувани луѓе, дека станува збор за еден позитивен пример со којшто Општината препознала начин да се намали миграцијата кон странство и миграцијата од руралните средини кон градовите.

На овој начин, Меморандумот за соработка со самото потпишување промовираше еден од начините за сплотување на чинителите во општеството за решавање на вакви важни прашања кои може да отворат развојни перспективи во цели региони.

Претседателот на ВМРО-ДПМНЕ, Христијан Мицкоски во вечерашното интервју во Тема на денот во централниот дневник на ТВ Сител вели дека на вчерашната лидерска средба со Димитар Ковачевски понудил три датуми за избори оваа есен или широка влада, како и заштитен идентитет и брза интеграција во Европската унија.

-Му го кажав мојот предлог за избори кои би се случувале оваа есен, како три можни датуми ги предложив 24 септември, први или осми октомври. Да одиме на избори, тој кој што ќе биде поразен да го поддржува победникот во одбрана на националните интереси. Значи да бараме гаранција за многу вековниот македонски идентитет, култура, традиција, посебност, обичај и јазик од Европскиот совет и преземав обврска преку премиери на земји членки таа точка да ја ставиме на дневен ред. И бидејќи сите велиме никој нема против македонскиот идентитет тогаш нема причина зошто таа точка да не биде на дневен ред и да се добие таков документ со кој што ќе се добие документ со кој што ќе биде потврда на македонскиот идентитет, од страна на највисокото европско тело, а тоа е Европскиот совет, каде што членуваат шефови на влади и држави од земји членки на Европска Унија. А од друга страна ќе ги видиме вистинските намери на нашиот источен сосед, дали е идентитетот проблем или не е, рече Мицкоски.

Претседателот Мицкоски посочи дека се понудил да побара економски пакет за проекти за суштински потреби на граѓаните во форма на грант и кредитна линија за македонското стопанство.

-Второ реков дека ќе разговарам јас бидејќи сме од истото семејство на ЕПП со Урсула Фон Дер Лајен и ќе побарам економски пакет за проекти за суштински потреби на граѓаните, во форма на грант кој што ќе биде дел од буџетот на Европската комисија за 2024 година. И побарав кредитна линија за македонското стопанство за да може македонското стопанство да се подготви за процесот на пристапување кон ЕУ и да може подготвено да го пречека тој процес.

Мицкоски потенцираше дека му предложил на Димитар Ковачевски да се бара од Бугарија да имплементира барем 3 пресуди донесени од Судот за човекови права, укажувајќи дека покрај евроинтеграции, се зборува и за добрососедство, додавајќи дека не може само Македонија да биде добра и да испорачува, но како што рече Ковачевски ги одбил предлозите.

-И третата работа која ја предложив, а тоа беше на Судот за човекови права во Стразбур има 14 пресуди од кои што 13 се конечни, а од тие 13, 6 се завршени, и Бугарија мора да ги имплементира. И реков еве нека изберат 3 тие нека ги имплементираат, бидејќи покрај евроинтеграции, зборуваме и за добрососедство. Ако зборуваме за добрососедство тоа значи двосмерна улица, не може само ние да бидеме добри соседи, мора и од другата страна да видиме дали тие ќе бидат добри соседи. Но, тоа беше одбиено, истакна Мицкоски.