Учебната година почна, а учениците од шесто оделение немаат книги. Наставниците се принудени да се снаоѓаат од скрипти и помагала како и ПДФ материјали кои ги „симнуваат“, фотокопираат и делат на часовите.

Во многубројните грешки и небулози кои ги учат се наоѓа и темата за настанокот на старите цивилицации. Во објаснувањето на тоа каде настанале старите цивилизации стои дека тие натанале покрај големите реки Нил, Тигар и Еуфрат.

Сите кои учеле училиште или гледале „Национал Џеографик“ знаат дека реката Нил навистина се наоѓа во Африка, а Тигар и Еуфрат се во Азија. Да им напоменеме на тие од Бирото за развој на образованието дека Африка и Азија се различни континенти. Значи од три реки утнаа две.

На оваа тема денеска говореше и Весна Јаневска од ВМРО-ДПМНЕ.

-Кога сме кај историја, уште една важна информација за наставниците, ве молам да не ги учите учениците дека Тигар и Еуфрат се наоѓаат во Африка, така пишува во новите материјали за учење објавени на страната на БРО, дека Нил, Тигар и Еуфрат се наоѓаат во Африка. Ве молам, направете напори и науштете ги учениците дека Нил е во Африка, а Тигар и Еуфрат во Азија.

https://m.facebook.com/story.php?story_fbid=pfbid0aAHyAwGrJ1BjkjvyKAaEU7BsDPUniuSFRoviWf2qSXDGt3MhHE9ztyoQzmB1ws3xl&id=603272137&mibextid=2JQ9oc

СВР Битола поднесе кривична пријава против З.Б.(30) од Битола поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурсори“.

На 09.03.2023 во Битола, полициски службеници извршиле преглед кај пријавениот, при што биле пронајдени и одземени хероин, амфетамин, марихуана и дигитална вага со траги од хероин и марихуана – информираат од СВР Битола.

Во сабота на 2 септември, во прилепската чаршија, кај Саат кулата, од 10 до 18 часот ќе се одржи манифестацијата Млеко 2023: Вкусот на ливадите, во организација на Слоу Фуд Прилеп и Слоу Фуд Македонија, со поддршка на Министерството за земјоделство шумарство и водостопанство и Општина Прилеп.

Станува збор за манифестација, која претходно се одржувала на секои две години од 2014 година наваму, меѓутоа од минатата година се случува во Прилеп и идејата е да се одржува еднаш годишно.

Овој целодневен настан ќе опфати изложба на сирења и млечни производи, но и на други производи кои одат во пар со сирењата, две едукативни и забавни работилници за деца водени од стручњаци, панел дискусија на кои ќе учестувваат млекопроизводители и експерти од областа, музичка програма итн.

– Млеката од различни раси се разликуваат исто колку и расите меѓусебно; пасиштата на кои паселе – планини, ридови, долини или чистинки; и сезоната во која било направено сирењето. Сите овие елементи се забележуваат во крајниот производ, комбинирајќи се на безброј начини за да ги дадат уникатните сирења кои ние ги сакаме – велат од организацијата, објаснувајќи го годинешниот наслов „Вкусот на ливадите“.

На штандовите во рамки на настанот, ќе се промовираат малите македонски млекопроизводители со своите уникатни млечни производи. Па така, присутните ќе имаат можност да пробаат бели сирења од различни региони, биено сирење од кравјо или овчо млеко, козји тврдо зреени сирења или сирења што многумина би го именувале со кашкавал, изварка во повеќе варијации итн. Од присутните изложувачи на сирења, ќе се избере уште еден делегат кој заедно со веќе дефинираната делегација ќе ја претставува Македонија на меѓународниот настан посветен на сирењата и млеката од целиот свет – Cheese2023 во Бра, Италија.

За да биде искуството на присутните што поцелосно, ќе бидат вклучени производители на продукти кои одлично се вклопуваат со млечните производи како вина, мед, слатка, тестетнини, крафт пива, сувомеснати производи, ракии и ликери, намази, зимници и сл. Покрај нив, ќе има и мали производители на природна козметика која исто така вклучува млеко во својата изработка, меѓу кои и најздравите млека како магарешкото и козјото. Доаѓаат производители од сите краеви на Македонија.

Настанот се реализира со поддршка на Министерство за земјоделство, шумарство и водостопанство и Општина Прилеп, како и со придонес на нашите спонзори и поддржувачи: „Концепт продукција“, „Евро стил“, “Горска вода“, пекара „Маја“ и “Мое пазарче“

Новата учебна година во Општина Демир Хисар почнува со помалку запишани првачиња од лани. Во трите основни училишта запишани се 46 првачиња, од нив 38 ќе учат во ОУ „Гоце Делчев“, во ОУ „Браќа Миладиновци“ запишани се пет првоодделенци, а во ОУ „Даме Груев“ ќе учат само три првачиња.

Градоначалникот на Општина Демир Хисар Никола Најдовски одлучи на секое семејство кое запиша прваче да им додели по 3.000 денари, еднократна парична помош за набавка на училишна опрема.

Утрово, градоначалникот Најдовски ќе го посети централното основно училиште „Гоце Делчев“ каде ќе биде организирна свеченост по повод почетокот на новата учебна година во Општина Демир Хисар.

700 првачиња денеска за прв пат ќе седнат во училишните клупи во 11-те основни училишта во Прилеп, вклучувајќи го и музичкото училиште.

Најсреќни од сите, се чини дека се родителите кои утрово ги донесоа своите деца во ООУ “Климент Охридски” Прилеп, каде ги пречека една прекрасна слика. Уреден двор, уредени паркови, ходници и училници кои светат, прекрасна спортска сала, модерни кабинети…

Еве како изгледа училиштето на првиот училиштен ден: