Студените зимски утра се многу попријатни кога денот ќе го започнете со топла, вкусна и тазе приготвена чорба. А кога станува збор за чорба, во Прилеп одамна се знае каде се оди, во ресторанот Beer ti & ja!
Од понеделник (09.11.), ресторанот воведува ново работно време и ќе биде отворен секој ден од 06:30 часот наутро до 21:30 часот навечер. Тоа значи дека сите љубители на добрата чорба ќе можат да уживаат во својот омилен специјалитет уште од раните утрински часови, пред работните обврски или едноставно како најдобар почеток на денот.
А дека чорбата во Beer ti & ja е приказна сама за себе, добро знаат редовните гости. Уште од самото отворање, таа стана еден од најпрепознатливите гастрономски белези на ресторанот, а многумина веќе ја сметаат за број еден во градот. Подготвена со квалитетни свежи состојки и многу внимание, таа одамна го доби статусот на вистински бренд меѓу прилепските љубители на чорба.
Покрај чорбите, во Beer ti & ja ве очекуваат и вкусна прилепска скара, гулаш кој се крчка со часови, печена коленица, прочуениот прилепски ширден и уште многу специјалитети од богатата традиционална кујна.
Ресторанот се наоѓа на самиот влез во Прилеп, од страната на Скопје, во близина на Макпетрол, со обезбеден простран паркинг.
Од понеделник, 9 ноември, запомнете го новото работно време: од 06:30 до 21:30 часот!
Зимата доаѓа, утрата ќе бидат студени, но во Beer ti & ja веќе ве чека топла чорба. Добар апетит!