Младите музички таленти од Прилеп продолжуваат да ја збогатуваат македонската музичка сцена. Еден од нив е Алекса Петрески, кој ја претстави својата нова песна насловена „Не ти требам“, заедно со официјален видеоспот.
Станува збор за песна со модерен поп-звук, интересна љубовна приказна и стихови кои раскажуваат за една неочекувана средба, привлечноста меѓу двајца луѓе и моментите кога не секогаш сме подготвени да ги препознаеме вистинските чувства.
Музиката е дело на Дејан Трајкоски, текстот го потпишува Весна Малинова, додека аранжманот го изработија Јордан Манов и Дејан Трајкоски. За миксот и мастерингот се погрижи Јордан Манов, а песната е реализирана во „Devil’s Eye Studio“.
Песната доби и свој визуелен приказ. Видеоспотот е режиран, сниман и монтиран од Ѓорѓи Вачев, во продукција на „Vacev Studio“. За фризурата и шминката се погрижи „Ema’s Place“, а во видеото како модел се појавува Нена Тодороска.
Со „Не ти требам“, Алекса Петрески носи нова музичка приказна, во која покрај вокалната интерпретација, важна улога има и целиот креативен тим задолжен за реализацијата на проектот.
Погледнете го видеоспотот за „Не ти требам“ и запознајте се со новата песна на прилепскиот пејач Алекса Петрески!