Победа денеска сама одлучуваше за својот опстанок во Првата фудбалска лига.
Попладнево на стадионот “Младост” во Струмица, Победа како домаќин ја пречека Ренова и успеа да се избори за триумф и значајни три бода во последното коло, за 8-мо место на табелата и плеј-аут дуел со Гостивар или Борец.
Голот на Зоран Даноски во продолжението на првото полувреме беше доволен за триумф над тетовчани и враќање на свежината на лицата кај фудбалските љубители во Прилеп.
Инаку, токму Даноски беше најзначајната алка во црвено-белиот тим оваа полусезона. Тој постигна 8 погодоци, а неговите голови беа клучни во неколку дуели.
Победа прволигашката сезона ја заврши со 10 победи, 8 нерешени и 18 порази.
