Европскиот суд за човекови права во Стразбур (ЕСЧП) донесе пресуда во која се посочува дека на поранешниот министер за образование и за труд и социјална политика, Спиро Ристовски, неоправдано му бил продолжуван домашниот притвор за случајот „27 април“, објавува Плусинфо.
Државата ќе треба да му плати оштета од вкупно 2.250 евра, во рок од три месеци од правосилноста на пресудата.
„Од 30 јули 2019 година до 21 август 2020 година (периодот релевантен за случајот пред Судот) на Спиро Ристовски 14 пати му бил продолжен куќниот притвор, поради ризикот од негово бегство. Писмените поднесоци на обвинителот како одговор на жалбите на Ристовски против 13 од налозите за продолжување не беа доставени до жалителот. Одлуките на Апелациониот суд со кои се отфрлаат жалбите на вториот жалител против наредбите за продолжување од 25 декември 2019 и 23 јули 2020 година, му биле доставени на 6 февруари и 25 август 2020 година соодветно. Во април 2023 година – како што објавија медиумите – апелациониот суд ја укина пресудата на Ристовски и го врати предметот на повторно разгледување. Тој се жалел според членовите 5, 3 и 4 од Конвенцијата на недоволни причини и одложено преиспитување на неговиот домашен притвор, како и на неиспраќање копија од писмените поднесоци на обвинителот“, наведено е во пресудата.
Плусинфо разговараше со адвокатот на Спиро Ристовски, Коста Богданов, кој вели дека во пресудата на Судот во Стразбур констатирана е повреда во делот на неоснованоста на притворот.
– Спиро Ристовски беше во притвор од февруари 2019 до крајот на 2020 година, некои 21 месец. Во поголем дел беше во домашен притвор, меѓутоа Стразбур не прави разлика во однос на оправданоста на притворот – дали е куќен или институционален. Така што, со оваа пресуда утврдена е повреда на Член 5, којшто го штити правото на слобода и предвидува одредена законска постапка и за човек којшто е лишен од слобода. Со оваа пресуда практично е утврдена и повреда во материјална смисла, односно дека притворот неосновано бил продолжуван, а причините кои биле давани од страна на судовите не се доволни и не се релевантни согласно стандардот на Конвенцијата за да би го оправдале продолжувањето на притворот. Ова е показател и доказ дека реално неоправдано бил држен во притвор толку долго време и дека постапката по којашто бил утврден притворот била нефер, па Судот во Стразбур и во тој дел утврдува повреда. Контрадикторноста на постапката не била запазена, па со самото тоа и постапката за притвор не била правична – ни објасни Богданов.
За жал, додава тој, ние како држава немаме механизам како другите држави кои можат на утврдена повреда од Стразбур да може човек да бара надомест на штета.
– Ние имаме механизам, но тој не опфаќа пресуди од Стразбур. Преку тој механизам се поднесува барање до Министерството за правда, но тоа е само доколку човек бил неосновано бил во притвор, а потоа бил ослободен од обвинение, па сега бара надомест за сите денови поминати во притвор. Не е доволно Стразбур да утврди потврда, бидејќи на некој начин обврска на државата е да се извини и да даде некоја дополнителна материјална или нематеријална сатисфакција преку сопствен механизам, којшто ќе ја валидира таа пресуда од Стразбур за да не биде само медиумски покриена – објаснува Богданов.
Освен за Ристовски, кој поминал 21 месец во притвор, идентична пресуда поради неоправдано продолжување на притворот има и за Митко Пешов, раководителот на одделот за посебни единици во полицијата, кој за „крвавиот четврток“ беше осуден со казна затвор од 15 години.
Во ноември минатата година Судот во Стразбур слична пресуда донесе и за поранешниот министер за транспорт и врски Миле Јанакиески, кому неоправдано му бил продолжуван домашниот притвор во два судски случаи – за „27 април“ и „Шпанските скали“. Државата и нему ќе треба да му плати оштета од 3.900 евра, во рок од три месеци од правосилноста на пресудата, како и 2.200 евра за трошоци и расходи.
Пресудата на Судот во Стразбур може да ја погледнете ТУКА.
Среде бел ден играл во казино во Прилеп, фатил пари, па го ограбиле
На 15.01.2024 во 15.30 часот во ОВР Прилеп, С.С.(72)од с.Ропотово, прилепско, пријавил дека околу 13.40 часот во казино во Прилеп му биле одземени пари кои претходно ги добил при игра на апаратите во казиното.
Се преземаат мерки за расчистување на случајот – информираат од СВР Битола.
Ќе се одложи почетокот на второто полугодие?
Во овој момент нема ризик второто полугодие од учебната година да почне навреме, следната недела. Комисијата за заразни болести, која денес препорача маски во здравствените установи и во домовите кои згрижуваат стари лица и забрани посети во болниците и во домовите за стари лица, засега не гледа опасност за школите поради зголемената борјка на заболени од грип.
„Учебната година стартува. Во моментов нема ризик дека нешто специјално страшно ќе се случува. Потсетуваме на хигиенските мерки, на проветрувањето. Во моментов нема потреба од нешто посериозно“, рече претседателот на Комисијата, Александар Петличковски.
Комисијата денес извести дека имаме зголемување на бројот на случаи со грип споредено не само со минатата недела туку и споредено со просечниот број случаи изминатите тринаесет години. Мерките се предложени по вкупно шест смртни случаи на заболени од грип.
Комисијата денес ги повика лицата над 65-годишна возраст и лицата со други болести до 65 години кои не се вакцинирале, да го сторат оти на вакциналните пунктови се уште има вакцина за заштита од грип.
Покрај предложените мерки и повикот за вакцинација, Комисијата апелираше, и оние со слаби симптоми на настинка да останат дома или да се држат настрана од интензивни комуникации.
МОЧКИ, затоа што УРИНА звучи премногу модернистички…. (ФОТО)
Македонска здравствена установа во 21 век пред вратите на Европа…
(ФОТО) НОВО ОПОЖАРЕНО ВОЗИЛО ВО ПРИЛЕП – Предизвикана и голема штета врз станбен објект
Доцна синоќа на улица “Кеј 9-ти Септември”, пред зградата на “Тера Кота”, опожарено било возило марка “БМВ”, при што возилото е целосно уништено.
Покрај возилото, направена е значителна штета и врз станбениот објект.
Засега не е познато кои се причините за овој настан, а ова е веќе петто возило кое е опожарено во Прилеп во изминатите 30-тина дена.
AПЛИЦИРАЈТЕ! АРМ објави нов оглас за 300 професионални војници
Министерството за одбрана денеска го објави новиот Јавен оглас за прием на 300 професионални војници во служба на Армијата на Република Македонија.
Рокот за пријавување е 7 дена, вклучувајќи го и денот на објава на Јавниот оглас. Младите лица кои се заинтересирани да се пријават треба да ги исполнат следните услови: да се државјани на Република Македонија, да се полнолетни, да имаат завршено средно образование, да имаат посебна здравствена и физичка способност и да не се постари од 25 години на денот на завршувањето на огласот за прием на професионални војници.
Платата на професионалните војници ќе изнесува над 31.000,00 денари, со дополнителни над 10.000,00 денари за станбено обезбедување.
Во постапката за избор, проверката на физичката и здравствената способност на кандидатите за професионални војници на служба во Армијата, ќе биде извршена од страна на посебни комисии формирани од министерката за одбрана.
Мицкоски: Сè ќе направиме ДУИ да оди во опозиција
Се додека математиката дозволува ние да имаме можност за формирање влада со опозицијата условно, консолидирана во албанскиот блок, таа можност стои како отворена. Е сега ако резултатот е 22 наспроти 5 или ако е резултатот 20 наспроти 6-7 јасен е параметарот по кој што ние треба да се движиме, но тоа нема да се случи. Еве јас ви гарантирам, запамтете ми го ова што го зборувам дека разликата помеѓу консолидираниот опозициски албански блок условно кажано и ДУИ која што ќе биде во коалиција со ДПА, тоа што осана од нејзе и тоа што остана од Алијанса за Албанците нема да биде така како што тие мислат. Разликата ќе биде многу мала, а може и да претрпат пораз, истакна претседателот на ВМРО-ДПМНЕ, Христијан Мицкоски во неговото гостување во емисијата „24 Анализа” на ТВ 24.
Тој додаде дека после 20 години ДУИ треба да оди во опозиција и да помине еден процес на катарза, па повторно да се појави на политичката сцена со некоја друга програма.
„Цениме дека после 20 години Демократската унија за интеграција треба да замине во опозиција и треба да помине еден период на внатрешна катарза и после 4 години да се обиде повторно да се појави на македонската политичка сцена со некоја друга програма. Видете го дијапазонот од ултразелени до ултранационални политики и на моменти насилнички“, потенцираше Мицкоски.
За тоа дека ДУИ според анкетите е неприкосновен победник во албанскиот блок, Мицкоски истакна дека тоа не е точно бидејќи во јавноста се гледа само излезот на анкетите.
„Јас тука не можам да се сложам и не можам да се сложам со тие што ги анализираат анкетите затоа што секоја анкета, се објавува излезот на анкетата, односно тоа е прашањето кое што вели за кого ќе гласате доколку утре се случат парламентарни избори, но никој не го гледа влезното прашање, а влезното прашање е за кого гласавте на претходните парламентарни избори, бидејќи секоја равенка има и влез и излез. Ние секогаш го гледаме во јавноста излезот, но социолошки треба да го видиме влезот. Јас се ценам како човек кој видел стотици и стотици анкети, анализирал во детали, кростабулации по возраст, по пол, по образование, по работа или не работа, по региони. Јас мислам дека ДУИ во услови на обединета албанска опозиција ќе биде многу многу непријатно изненадена од резултатот“, потенцираше Мицкоски.
Блескаме! Македонското знаме во друштво со руското, палестинското и израелското, забранети на Австралија Опен
Македонската заедница во Австралија објави фотографија со забранети знамиња, каде што се наоѓа и македонското знаме.
Знамето е забрането заедно со Израел, Русија, Белорусија, Палестина и Тајван, а засега не е позната причината на организаторот, јавува австралиското радио СБС на македонски.
Забрането е и старото знаме со 16 краци од Кутлеш.
Знамињата на Палестина и Израел се забранети поради војната, а руските и белоруските знамиња поради војната во Украина.
Од четврток дожд и пораст на температурите, во сабота снег и северен ветер
УХМР најавува врнежи и пораст на температурите во четврток и петок. Како што информира, врнежите ќе бидат од дожд и повремени, а ќе дува и засилен јужен ветер.
Под влијание на студен и влажен бран во петок кон крајот на денот и во сабота, врнежите ќе преминуваат во снег и ќе дува засилен северен ветер.
Според УХМР, утре ќе биде променливо облачно, претпладне во западните и северните делови со слаби локални врнежи од дожд, а на планините и во повисоките места со слаб снег. Ќе дува слаб до умерен, а вдолж Повардарието повремено засилен северен ветер. Температурата ќе се движи од -3 до 9 степени. Во Скопје ќе биде променливо облачно во утринските часови со слаб дожд. ќе дува слаб до умерен ветер од северен правец и температура од -2 до 5 степени.
Ужас! Комуналците пронашле тело на 42-годишен прилепчанец во центарот на Прилеп
На 14.01.2024 во 06.58 часот во СВР Битола, од Јавно комунално претпријатие „Комуналец“-Прилеп било пријавено дека во паркот спроти Плоштадот „Методија Андонов Ченто“ во Прилеп бил пронајден починат Г.В.(42) од Прилеп.
Лекар од Итна медицинска помош констатирал смрт, a по наредба на јавен обвинител телото на починатиот било дадено на обдукција.