Од битолската болница “Плодност” споделија една прекрасна вест, дека нивното семејство стигна до бројката 700 новороденчиња во 2023година.
-Од година во година, бројот на нашите членови на големото Плодност семејство постојано се зголемува. Ви благодариме на Вашата доверба, што го препoзнавате единствениот квалитет на услугите кои ги нуди само Плодност – напишаа од болницата на социјалните мрежи.
На 9 ноември 2023 /четврток/ од 20.00 ч. во фоајеto од ЦК „Марко Цепенков“ концерт ќе одржи реномираниот Женски младински хор при МКЦ. Диригент е Сашо Татарчевски. Концертот е во рамките на годишната програма на Центарот за 2023 година поддржана од Министерството за култура.
Програма
1. Hoagy Carmichael: Skylark (arr. Julie Gaulke)
2. Herman Hupfeld: As time goes by (arr. Jay Althouse)
3. Hoagy Carmichael: The nearness of you (arr. Kirby Shaw)
4. Jay Livingstone: Mona Lisa (arr. Ed Lojeski)
5. George Gershwin: Love is here to stay (arr. Kirby Shaw)
6. Johny Mercer: Dream (arr. Russel Robinson)
7. Jerome Kern: All the things you are (arr. Kirby Shaw)
8. Arthur Hamilton: Cry me a river (arr.Jay Althouse)
9. Victor Young: When I fall in love (arr. Kirby Shaw)
10. Joseph Cosma: Autumn leaves (arr. Ryan O`Connel)
11. Harold Arlen: Over the rainbow (arr. Russel Robinson)
12. Richard Rodgers: With a song in my heart (arr. Kirby Shaw)
Диригент: Сашо Татарчевски
Сашо Татарчевски дипломира и магистрира на ФМУ Скопје а посетува и мајсторски курсеви кај познати диригенти во Њујорк, Рим, Москва, Берлин, Фиренца, Сартеано и Санкт Петерсбург.
Има настапувано со голем број ансамбли вклучувајќи ги Македонската филхармонија, Оркестарот на МОБ, Камерниот оркестар на Битола, Симфонискиот оркестар на ИКО од Рим, Оркестарот на Ермитаж од Санкт Петерсбург, Симфонискиот оркестар на ФМУ, Битолската опера, ансамблите за современа музика „Алеа“ и „КонТемпора“, „Солисти на ФМУ“ и други камерни и симфониски состави.
Освен на сцените низ Македонија, вклучувајќи ги и најреномираните манифестации како Охридско лето, Денови на македонска музика, Интерфест, Скопско лето и многу други, има настапувано и освоено награди со различни ансамбли во Португалија, Словенија, Шкотска, Белгија, Грција, Швајцарија, Шпанија, Хрватска, Италија, Србија, Бугарија, Чешка, Словачка, Босна и Херцеговина, Турција, Русија, Австрија, Полска и Франција.
Во моментов работи како професор по група предмети од областа на диригирањето на ФМУ-Скопје, уметнички раководител на професионалниот хор “Про Арс“ и диригент на Женскиот младински хор при МКЦ. Член е на неколку жири комисии на интернационални хорски натпревари како и раководител на меѓународниот хорски форум во Струга.
За хорот
Од своето формирање во 1972 па сé до денес, Женскиот младински хор е една од најпрепознатливите карактеристики на Младинскиот културен центар од Скопје. Изведувајќи огромен и разноврсен репертоар, овој ансамбл покажа дека и пејачи аматери можат да постигнат високо професионални резултати.
Освен редовните концерти во Скопје, хорот учествува во разни проекти соработувајќи со други ансамбли и млади композитори. Како резултат на таквата соработка беа издадени две ЦД-а – “Дискреирање на мантра“ и “ФИРОМ реквием“ со снимки од праизведбите на новосоздадени композиции во изведба на женскиот младински хор, камерен оркестар, удиралки и лента под диригентство на Сашо Татарчевски.
Во изминатите повеќе од 50 години хорот освоил многу награди и признанија на домашни и меѓународни натпревари и фестивали, промовирајќи се во вистински македонски културен амбасадор. Само во последната деценија можат да се издвојат низа успешни меѓународни презентации како турнејата низ Нормандија, пехарот на натпреварот “Бохуслав Мартину“ и наградата за најдобра изведба на обврзна композиција во Чешка, првата награда во категоријата за стандардна хорска програма и првата награда во категоријата за фолклорни хорски обработки во Хрватска, втората награда на натпреварот на музичката академија “Фредерик Шопен“ во Варшава, првото место во категоријата камерни женски хорови на европските хорски игри во Грац, двете втори награди на интернационалниот натпревар „Краковиа Кантанс“ во Краков, златна диплома и две специјални награди на натпреварот „Ливиу Борлан“ во Романија, две први награди и три специјални награди на меѓународниот хорски натпревар „Вратиславија сакра“ во Вроцлав, како и две први места, специјална награда и GRAND PRIX на младинскиот хорски натпревар во Братислава.
Денеска (07.11.2023) во Полициската станица Битола, полициски службеници од криминалистичката полиција на СВР Битола извршиле службен разговор со П.П.(18), С.С.(18), С.А.(18) и еден 17–годишник, сите од Битола.
Тие се сомничат дека на 03.11.2023 околу 00.13 часот во Битола оштетиле и предизвикале пожар на кафемат, а од пожарот биле зафатени бандера и други околни предмети.
Во разговорот тие го признале делото и по негово целосно документирање, против нив ќе биде поднесена соодветна пријава – информираат од СВР Битола.
Именден празнуваат Димитрија, Митре, Димо, Димко, Димана, Димка, Мите, Димитрина, Митра..
Свети Димитриј се роди во Солун, во третиот век. Беше син единец на солунскиот војвода. По смртта на татко му, цезарот Максимијан го постави Димитриј на истото место и посебно му препорача да ги гони христијаните.
Меѓутоа, Димитриј не само што не ги гонеше, туку и јавно ја исповедаше и проповедаше верата во воскреснатиот Христос. Штом слушна за тоа, цезарот, враќајќи се од еден поход, сврати во Солун, за да ја испита работата.
Го повика Димитриј, кој не ја одрекуваше својата вера и дури и го убедуваше цезарот во бесмисленоста на идолопоклонството.
Максимијан се разгневи и го фрли Димитриј во затвор, а по неколку дена и го погуби. Некои христијани го земаа неговото тело и чесно го погребаа. На тоа место подоцна беше подигната црквичка, а после и голема црква, која до ден денес се наоѓа во Солун.
За овој ден постои верување. Во очи на празникот Митровден, значи вечерва, секој треба да биде во својата куќа, бидејќи ако не биде дома, тој цела година ќе преноќува по туѓи куќи.
Постоело и верување дека ноќта пред Митровден мора да бидат завршени сите големи работи, посебно на поле и останати обврски кои се извршуваат надвор. Се сметало дека времето по Митровден е лажливо, односно дека зимата може во секој момент да изненади, па затоа се зацврстило мислењето дека лоша среќа е ако нешто се одложи да се заврши по големиот празник.
Затоа за Митровден исто така се верува дека претскажува каква ќе биде зимата. Ако денот е сончев, наводно зимата ќе биде блага, со исклучително малку студени денови. Ако на Митровден падне снег, се верува дека снегот ќе се задржи до април.
Во некои делови постоеле и верувања дека на Митровден не треба да се прекоруваат децата, колку и да згрешиле или биле безобразни, бидејќи наводно цела година ќе бидат непослушни.
По повод нови примените пациенти поради конзумирање на наводно загадена минерална вода, министерот за здравство Берош ги посетил пациентите во КБЦ Загреб и даде изјави, соопшти Министерството за здравство на Хрватска.
Откако едно лице претходно било хоспитализирано во болница во Риека поради сомневање за хемиска повреда на хранопроводникот поради консумирање загадена минерална вода во кафуле во Риека, медиумите вечерва објавија два нови случаи на труење, а пациентите се сместени во КБЦ Загреб, објави Индекс.
„Првиот случај беше во Риека. Станува збор за сериозни, корозивни повреди. Неговата состојба се следи, тој е стабилен“, рече тој. Берош вели дека во вториот случај состојбата е стабилна. Во третиот случај, вели, се работи за 38-годишен маж. Тие велат дека се уште не знаат дали причината е пиењето.
„Најважно е што немаме елементи со кои би можеле да ја предупредиме јавноста да биде внимателна со одредени пијалоци. Доколку некој чувствува некаква непријатност, нека се јави на лекар“, рече Берош.
„Доколку имаме информации за поврзаноста на овие настани, ќе соопштиме на јавноста“, рече тој. Тој вели дека не контактирал со никого од Кока-Кола. „Тоа не е моја работа“, рече тој. „Иако имаше еден случај, тој не беше загрижувачки. И ова можеби е случајност, но мора да бидеме крајно внимателни“, рече тој.
Тој бил прашан дали граѓаните можат да бидат безбедни. „Не можам да го кажам тоа во моментов, ниту некој друг. Имаме два пијалока во два града, флаширани во две земји… Најдобро е да се пие вода“, рече тој. „Најсериозниот случај е во Риека. Во вториот случај тоа не е загрижувачко. А третиот е сомнителен, допрва треба да се докаже“, рече тој.
Тој вели дека јавноста не била веднаш предупредена бидејќи прво требало да се провери за што се работи. „Овие два случаи во Загреб ги сменија околностите, нашата комуникација се промени, но не и нашите постапки“, вели Берош, додавајќи дека тие сериозно работат од првиот ден.
Вчера цел ден се испраќаа пораки. Кој е женскиот глас од пораките? „Тоа е криминално дело, апсолутно. Не само видеото, туку и сликите, треба да се провери автентичноста на тоа. Веќе се гледа дека приказната е насочена кон Риека, каде има неколку случаи, но тоа не е докажано,” рече министерот.
Крунослав Чапак, раководител на ХЗЈЗ го дополни министерот. „Сега можам да кажам дека ХЗЈЗ ги доби мострите доставени од Државниот инспекторат во попладневните часови. Тоа не се форензички примероци, кои се поврзани со жртвите, туку идентичните пијалоци земени на местото на настанот“, рече Чапак.
„Државниот инспекторат доколку констатира неправилности може да ги повлече производите од пазарот, не знаеме за што се работи сега, не можеме да кажеме да пиеме ова или она, секој може да пие вода од водоводната мрежа, тоа е точно“, рече тој.
Се подаруваат исклучиво на хуманитарни организации, здруженија или клубови за деца или возрасни со посебни потреби, Даунов синдром или глувонеми. Табли, столици, клупи и прирачни средства и помагала. Молам само сериозни и без злоупотреба – пишува во објавата на социјалните мрежи која ја сподели битолчанецот Никола Аврамовски.
Инфo на 076 251 500
На 07.11.2023 на Плоштад „Методија Андонов Ченто“ во Прилеп, полициски службеници од СВР Битола – ОВР Прилеп го лишиле од слобода С.Р. (28) од Прилеп.
Тој се сомничи дека извршил кражба во објект за продажба на сувенири, сопственост на Музеј Прилеп. Кај него биле пронајдени одземените предмети и биле вратени на сопственикот.
Лицето било задржано во полициска станица и по документирање на настанот против него ќе биде поднесена соодветна пријава.
Уште една убава приказна за мал и вистински борец доаѓа од Клиниката за гинекологија и акушерство.
По 77 дена поминати на Одделението за интензивна нега и терапија (ОИНТ) на ЈЗУ У ГАК, вчера малиот Едон Спахију си замина дома во добра општа состојба и со уреден наод на виталните функции – пишуваат на ФБ од оваа државна клиника.
Роден е во 27 гестациска недела со тежина од само 940 грама, а го испративме со телесна тежина од 2110 грама.
На Едон му посакуваме многу здравје, радосно детство и среќа.
На неговите родители им благодариме за трпението и за соработката во периодот на заедничката борба во која најголема заслуга има малиот борец Едон – стои во објавата.
Навивачите на екипита Шкупи на синоќешниот фудбалски дерби натпревар на стадионот во скопската населба Чаир истакнаа провокативни пароли со националистичка и екстремистичка содржина.
„Ќе го исполниме историскиот аманет Скопје да биде срцето на Албанија“ – се вели на една од паролите.
Според присутни на натпреварот имало и пароли и извици со кои се величаат убијците на младото момче Никола Саздовски – Саздо, што е уште потешка форма на говор на омраза.
Засега нема никаква официјална реакција на ови националистички испади ниту од ФФМ ниту од МВР, кои начелно се залагаат за сузбивање на говорот на омраза и навредите на национална основа на спортските натпревари.
Иако и тоа е со закон забрането во Македонија, неочекувано по натпреварот со запален факел во раката на теренот излезе и еден од фудбалерите на чаирчани. Тој претходно на лицето ја стави т.н. маска „Гај Фокс“ која е позната како „маска на одмазниците“ односно „маска на анонимните“, со цел да не биде идентификуван од полицијата.
Според Законот за спречување насилство и недостојно однесување на спортските терени секое палење факел, без разлика од која причина, носи и казна. Зачудува што изостана реакција од присутните полицајци на теренот, кои би морале да го идентификуваат фудбалерот на тимот од Чаир и да го санкционираат со парична казна од 500 евра.
Истовремено, поради палењето факели на трибините, како и таа на теренот, според истиот Закон, челниците на Шкупи би морале да бидат казнето со 5.000 евра додека одговорното лице на клубот со дополнителни 1.500 евра.
Не така одамна седеше во удобна министерска фотеља, но реши да направи промена.
Станува збор за Фросна Ременски која на својот фејсбук профил напиша:
Добро утро Македонијо каде и да си Есенското орање на бавчата во село Бардовци со тракторот заврши успешно.
Со ова задоволство СеРасправавме еден саат, а со плодовите од бавчата #ЌеСеРасправаме цела зима – што со зимницата, што со фолијата за зима со лукче, кромидче, рукола, марула, ротвица и други треви. Орачот си го заслужи ручекот.
