Ракометарите на РК Прилеп во сабота (11.11.), во рамките од десеттото коло од ракометната Супер лига, гостуваат кај Вардар Неготино.

За прилепчани, кои досега имаат забележано само 2 победи, еден нерешен резултат, и дури 6 порази, мечот во Неготино ќе биде тест за реалниот квалитет на прилепската екипа, и дали амбициите пред почетокот на сезоната биле реални.

Само убедлив триумф на овој натпревар ќе ја врати вербата на ракометните вљубеници во екипата на капитенот Филип Велески.

Во првиот натпревар кој се одигра во Прилеп, прилепчани триумфираа со 30:22.

Натпреварот во Неготино се игра со почеток од 18:30ч.

Кочанчанец го сруши рекордот во Македонија по количина на алкохол во крвта која е откриена од страна на сообраќајната полиција. Тој го возел своето возило со цели 5,31 промили, иако нашиот закон дозволува 0,5. Кочанчанецот и покрај тоа што имал десет пати повеќе алкохол во крвта го возел својот автомобил.

Претходно годинава, на 27.08.2023 во Битола беше санкциониран и возач од Прилеп кај кого беа измерени 5.01 промили алкохол.

СВР Тетово поднесе кривична пријава против тројца малолетници од Тетово и Битола, поради постоење основано сомнение за сторени кривични дела „кражба“, „одземање на моторно возило“ и „тешка кражба“.

Во периодот од 25.04.2023 до 18.07.2023, пријавените од повеќе лица одзеле три патнички возила „бмв“, „пежо“ и „мерцедес“, еден скутер и велосипед и други лични предмети, при што се стекнале со противправна имотна корист од 69.000 денари.

По преземени мерки и активности одземените предмети се вратени на сопствениците – информираат од МВР.

Да се биде прв и најдобар е мотото што ги води мотоциклистот Синиша Кочовски и компанијата Mozzart на патот до целта.

Шампионите секогаш се поддржуваат едени со други, па така лидерот во приредување игри на среќа и шампионот на тркачките патеки се препознаа и започнаа успешна соработка.

Со голем број извозени патеки, освоени трофеи, Кочовски успешно ги бранеше боите на нашата држава.

Сезоната ја заврши со голем успех и освоено прво место во најсилната и најпрестижната категорија во БМУ Европскиот шампионат.

„ Среќни сме што на крај успевме да ја оствариме зацртаната цел – да ја одбраниме титулата во регионот. Не беше лесно, тоа мора да се напомене, но верував во себе и во мојот тим. Заедно успеавме да ги надминеме сите препреки и да се радуваме на уште еден трофеј. Не застануваме тука, веќе започнавме со плановите за новата сезона, во која како поискусни ќе влеземе во нови авантури и ќе целиме кон нови трофеи. Сето ова немаше да биде возможно, доколку зад мене не застанаа моите пријатели и моето семејство. Секако, голема улога во овој успех има и компанијата „МОZZART“ и нивниот позитивен пристап кон овој не така атрактивен спорт во Македонија. Среќни сме што имаа слух за нашите потреби и се надеваме дека ова беше само поставување на темел на нашата соработка во иднина“, изјави Синиша Кочовски.

Лидерот во приредување игри на среќа му беше ветер во грб на македонскиот мотоциклист кој успеа да освои едно прво место на легендарната патека во Брно и седум втори места (Серес, Грција, Плевен, Бугарија, Брно, Чешка, Словакиа Ринг, Словачка и Гробник, Хрватска).

Во ФИМ Европскиот шампионат Кочовски стана првиот Македонец со подиум, откако на патеката „Словакиа Ринг“ го освои третото место.

„Ни преставува особена чест и задоволство што имавме можност да му дадеме поддршка на нашиот мотоциклист Синиша Кочовски. За време на целата сезона, тој успешно ги бранеше боите на државата и на компанијата Mozzart. Се надеваме дека соработката ќе продолжи и натаму и заедно ќе извозиме уште многу патеки и ќе освоиме голем број трофеи”, изјави Ивана Стефановска Крстевска од Mozzart.

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,44% во однос на одлуката од 06.11.2023 година.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,006%, кај дизелот за 0,429%, кај екстра лесното масло за 0,670% и кај мазутот намалувањето е за 2,158%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,562%

Од 9.11.2023 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 81,00 (денари/литар)
Моторен бензин ЕУРОСУПЕР БС – 98 83,00 (денари/литар)
Дизел гориво ЕУРОДИЗЕЛ БС (Д-Е V) 80,50 (денари/литар)
Масло за горење Екстра лесно 1 (ЕЛ-1) 80,00 (денари/литар)
Мазут М-1 НС 44,996 (денари/килограм)

Малопродажната цена на Мазутот М-1 НС се намалува за 1,005 ден/кг и сега ќе изнесува 44,996 ден/кг.

Малопродажните цени на бензините ЕУРОСУПЕР БС-95 и ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.

СВР Битола поднесе кривична пријава против Н.Ќ.(22) од Прилеп, поради постоење основано сомнение за сторено кривично дело „полово вознемирување“.

Во периодот од 2020 година до 04.09.2023, пријавениот во неколку наврати преку социјални мрежи пишувал недолични коментари и пораки кон негова познаничка – информираат од СВР Битола.

СВР Битола поднесе кривична пријава против Д.А.(43) од Прилеп, поради постоење основано сомнение за сторено кривично дело „напад на службено лице при вршење работи на безбедноста“. На 05.10.2023 во Битола, пријавениот физички нападнал полициски службеник кој извршувал службени дејствија – информираат од МВР

Премиерот Димитар Ковачевски денеска беше прекорен од новинарите за неговото некоректно и несоодветно однесување на заедничкиот прес со министерот за економија Крешник Бектеши.

Додека Бектеши одговараше на новинарските прашања околу изворите со кои Македонија ќе се снабдува Македонија со гас по поскапувањето на рускиот гас, Ковачевски не престана да се смее зад неговиот грб. Потоа со потсмев праша дали уште некој има прашање за гас или „немате толку знаење?“.

ВИДЕО: ТВ ТЕЛМА

На 07.11.2023 во ОВР Прилеп, А.С.(65) од Прилеп пријавила дека во нејзиниот дом две лица со закана ѝ одзеле пари.

Се преземаат мерки за расчистување на случајот – информираат од ОВР Прилеп.

Во текот на денешниот ден (07.11.2023) во периодот од 10.00 до 14.00 часот Секторот за внатрешни работи Битола спроведе засилена акциска контрола на територијата на СВР Битола за санкционирање на прекршоци што ги прават пешаците.

При контролата, санкционирани се 27 прекршоци, од кои, 25 за небезбедно преминување на улица надвор од пешачки премин…

За време на контролата санкционирани се и 10 други видови на прекршоци.

Сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи.

Пешаците да го минуваат коловозот на обележан пешачки премин, а возачите да ги почитуваат своите обврски кон пешаците. Сите заеднички, со почитување на правилата, да придонесеме за побезбедни сообраќајници – информираат од СВР Битола.