Денеска (28.01.2024) во 05.50 часот било пријавено дека во Битола на крстосницата од ул.„Климент Охридски“ и ул.„Солунска“ патничко моторно возило „пежо“ со битолски регистарски ознаки управувано од А.М.(24) од Битола излетало од коловозот.

Во несреќата А.М. се здобила со тешки телесни повреди, констатирани во Клиничката болница Битола.

Извршен бил увид од увидна екипа од СВР Битола.

Македонската ракометна репрезентација ја доби селекцијата на Фарски острови за ривал во баражот за пласман на СП 2025 година.

Првиот меч е на програмата на 8. мај, додека четири дена подоцна и реваншот, и на првиот дуел Македонија треба да биде гостин.

Фарки Острови е незгоден ривал за Македонија, и нема да биде лесно на избраниците на Кире Лазаров. Фарски острови е во голем подем, и за првпат годинава учествуваше на големите натпреварувања.

Светското првенство во 2025 година ќе се игра во Данска, Хрватска и Норвешка, односно во пет градови во Хрватска, два во Данска и четири во Норвешка.

Се уште се разговара и се прават анализи за можна коалиција СДСМ-ДУИ, изјави министерот за внатрешни работи Оливер Спасовски.

– Ова е период во кој се прават сите тие анализи и сигурно дека ќе се донесе одлука. За мене е многу важно да имаме во тој дел навистина добра понуда за граѓаните која ќе понуди извесност, просперитет и која што ќе понуди остварување на нашите стратешки и национални интереси, рече Спасовски во емисијата „Трилинг“ на ТВ 24, одговарајќи на прашањето дали е договорена коалиција СДСМ-ДУИ или окрупнување на европскиот фронт за претстојните избори.

За тоа дали е реално руски инсталации да се директно инволвирани во обидите да го попречат македонскиот пат кон Европската унија, Спасовски рече дека постоењето на руско влијание и влијание кое не и посакува добро на Република Северна Македонија е факт.

-Секогаш кога сме доведени во ситуација да остваруваме некој стратешки национален интерес има обиди да биде попречи на Македонија на тој пат. Се сеќавате на многу постапки на ширење на лажни вести, протерување на дипломати од Северна Македонија итн., сето тоа е благодарение на активностите и работата на разузнавачката заедница на Република Северна Македонија. Така што во тој правец ќе се продолжи и понатаму и мора да се продолжи се со цел да не дозволиме некој друг да одлучува или да попречува остварување на нашите стратешки национални интереси кои што ги имаме, рече Спасовски.

Европскиот пат за Северна Македонија, потенцира тој, нема алтернатива.

-И колку повеќе е засилено влијанието на Европската унија, колку повеќе работиме на градењето на перцепцијата за тоа што значи Европска унија онака баш пластично кажано пред граѓаните, толку повеќе ќе расте и бројот на граѓани кои што ја поддржуваат оваа идеја. Така што секое влијание од било кого од надвор мора да се спречи и одлуките мора да бидат оставени на граѓаните и на институциите на државата, појасни Спасовски.

Претседателот на Државната изборна комисија (ДИК) Александар Даштевски вечерва посочи дека претстојните избори ќе чинат 17 милиони евра. Тој додаде дека побарале повеќе средства, но смета оти и оваа сума ќе е доволна за успешно да се спроведат изборите.

Тој во гостување на ТВ 21 потенцираше дека дел од парите ќе бидат наменети за медиумите, поточно кај партиите за изборно рекламирање. Како што рече, 40 отсто од парите одат кај најголемата опозициска партија, 45 отсто кај најголемата партија која е на власт.

-Согласно законот, 40 отсто од парите одат кај најголемата опозициска партија, 45 отсто кај најголемата партија која е на власт, седум отсто кај партиите кои имаат свои претставници во Парламентот и три проценти за другите партии кои немаат претставници во Собранието. Тие потоа се договараат, мора да имаат договори во однос на тоа кај кои медиуми колку време ќе се рекламираат, појасни Даштевски.

Прашан дали непречено ќе се спроведат изборите со оглед на тоа што недостасува еден член во Државната изборна комисија, Даштевски рече дека тоа е исклучиво во надлежност на Собранието, но според законот, Државната изборна комисија може да работи ако има мнозинство.

-Тоа значи дека ако има шест члена може да работи непречено и законски. Државната изборна комисија може да работи дури и со четири члена. Наше е да ги спроведеме изборите. Ние имаме искусен состав, неколку члена се веќе во втор мандат, а некои имаат и по три мандати. Мене исто така ми е втор мандат само не во континуитет. Подготвени сме за изборите. Ако се избере членот, добро, но ако не се избере, легитимно и законски е да се работи и со шест члена, додаде Даштевски.

На 25.01.2024 во 18.30 часот во СВР Битола било пријавено дека на бул.„1 Мај“, товарно моторно возило „опел“ со битолски регистарски ознаки, управувано од А.Н.(37), удрило во малолетник, двајцата од Битола.

Во несреќата пешакот се здобил со тешки телесни повреди констатирани во Клиничка болница Битола.

Извршен бил увид од увидна екипа од СВР Битола – информираат од СВР Битола.

Ректорот на Универзитетот “Скопје”, Aце Миленковски, за Македонската Радио Телевизија зборуваше на повеќе теми, меѓу кои и за хиерархијата и почитта на младите кон постарите во минатото.

„Во седумдесетите години, се живееше поинаку од денес. На улицата Пушкинова на која растев, сите бевме исти без оглед на тоа што работеа нашите родители, но од нив научивме дека е важно да се почитува хиерархијата!”, истакна Миленковски.

Во ова материјалистичко општество во кое живееме денес и време кога социјалниот јаз помеѓу луѓето е се’ поголем, убаво е да се слушне нешто вакво.

Воведувањето на гласање со отпечаток од прст наречен фингер принт, мислам дека донесе значаен квалитет на локалните избори и се надевам дека таа пракса на демократска организација на избори ќе продолжи и на овие парламентарни избори. Всушност ние на локалните избори забележавме колку сме биле крадени, да бидам директен, на претходните изборни циклуси затоа што, некаде околу педесетина илјади разлика видовме помеѓу она што сме го гледале на хартија и тоа што излезе на терен со отисокот од прст, вели потпретседателот на ВМРО-ДПМНЕ, Александар Николоски во вечерашното гостување во централниот дневник на телевизија Алсат-М, додавајќи дека кадрите на ВМРО-ДПМНЕ во техничката влада за спроведување на изборите, нема да ги речи сите проблеми, но ќе биде чекор плус кон фер и демократски избори.

Во однос на раководителите на секторите за Министерството за внатрешни работи, Николоски истакна дека тоа е еден значаен сегмент, ако не и најзначајниот, затоа што тука оперативно работи министерството на внатрешни работи, одлуката ќе се донесе во следните денови во консултација на сите релевантни структури.

„Но, она што можам ексклузивно вечерва да го кажам за ова интервју, е дека во однос на секторот за внатрешни работи Тетово, кој што ги покрива општините Тетово, Гостивар и помалите општини кои што гравитираат околу овие две големи општини, техничкиот министер за внатрешни работи ќе има средба и консултација со градоначалникот на општина Тетово и ќе побара од него да даде негова сугестија и негов предлог за раководител, односно началник, како што официјално се вика, на секторот за внатрешни работи во Тетово. Така што, очекуваме началникот на сектор за внатрешни работи во Тетово да биде именуван во консултација со градоначалникот на општина Тетово и ова е во насока на фер и демократски избори, затоа што сметаме дека опозицијата која што се формираше околу политичките партии на Изет Меџити, на Африм Гаши и на Билал Касами заслужува да добие шанса за фер и демократски избори, особено имајќи предвид што се случува со нивниот предлог за член во Државната изборна комисија“, рече Николоски.

Во врска со евентуалниот заеднички настап на СДСМ и ДУИ на претстојните парламентарни избори и дали тоа го плаши ВМРО-ДПМНЕ, Николоски вели дека посакува тие да одат заедно на избори и нив заедно да ги поразиме.

„Посакувам да одат заедно и мислам дека еднаш засекогаш да се расчисти ова и да одат заедно и заеднички да ги поразиме на следните парламентарни избори и претседателски избори, затоа што народот тука ќе има јасен избор. Така што, ако можам да бирам и да имам желба, јас посакувам да одат заедно и да ги поразиме на избори“, истакна Николоски.

Запрашан за тоа колку пратеници би освоила ВМРО-ДПМНЕ, имајќи предвид дека и поранешниот премиер Димитар Ковачевски вели дека неговата коалиција ќе победи на изборите и дека тој повторно ќе биде премиер, Николоски вели дека во еден натпревар дури и најслабиот верува дека победи инаку не би се натпреварувал, но реалноста е дека ВМРО-ДПМНЕ ќе победи на изборите на кои се очекува и освојување на апсолутно мнозинство.

„Знаете како е, во секој натпревар дури и оној кој што е последен верува дека може да победи инаку не би се натпреварувал, така што претпоставувам дека е ова она што го води Ковачевски. Но, реалноста е различна и сите ја знаат и тоа е дека е извесна победата на ВМРО-ДПМНЕ на изборите, прашање е само колкава ќе е разликата. Ние се надеваме на освојување на апсолутно мнозинство на овие избори, така што јасни се работите“, потенцираше Николоски.

Именден празнуваат: Атанас, (доаѓа од грчкото Атанасиос и значи бесмртен), Атанаска, Танас, Тане, Танаска, Насе, Насте…

Нашиот народ два пати го празнува споменот на свети Атанасиј Велики. На 31/18 јануари се празнува празникот Танасовден ‒ зимен, а на 15/2 мај Танасовден ‒ летен.

Празникот Св. Атанасиј зимен народот го смета за средзимо, па се верува дека главните студови веќе се поминати. Затоа во народното верување тој е победник над силните студови и мразеви кои му се паднале при поделбата на должностите меѓу светците.

Сепак, како предупредување дека зимата не е замината, односно дека студовите можат да изненадат останала пословицата „Атанас фрли кожувот ја врз нас ја врз рас“. Во Гевгелиско мислеле дека Св. Атанас кој е „средзима“ и дека е лесен празник, не е аталија (кобен). Се држел како празник до пладне, а после и да се работи не се сметало за грев. Мислејќи на зимските студови овде се велело дека е тешко до Св. Атанасиј, а после и тој што е за умирање не се предава.

На Свети Атанасиј и денот е веќе подолг. Од 21 декември, кога денот почнува да се зголемува, денот од 31 јануари е подолг за еден час.

На 25.01.2024 во 14.30 часот во Струга, полициски службеници од СВР Охрид ги привеле 40-годишната Б.Т. од прилепското село Долнени и 47-годишната С.А. од селото Дебреште, прилепско.

Тие биле затекнати при вршење кражба во трговски објект на улицата „Маршал Тито“ во Струга.

Кај нив биле пронајдени одземените предмети и биле вратени на сопственикот.

По целосно документирање на настанот, против нив ќе биде поднесена соодветна пријава.