Денеска (25.11.2023) во времето од 00.10 до 01.20 часот од страна на полициски службеници од СВР Битола беше извршена акциска контрола во кафе бар лоциран во Старата чаршија во Битола при што беа затекнати 68 малолетници, од кои 8 малолетници под дејство на алкохол.
По документирање на случаите ќе следуваат соодветни поднесоци.
„Апсолутно мислам дека работите ќе се поместуваат дека доколку за четири години од следните избори Македонија е попристојно место за живеење со подобри услови тогаш секако дека се направил напредок“, заклучи Николоски.
„Треба да сме фер со луѓето, она што можеме да го ветиме е стабилност и сериозност. На Македонија и требаат стабилни, а не шарлатани и требаат искусни луѓе, а не деца кои не знаат кај се и како со државата. Тоа ние го имаме, имаме тим на луѓе и секако подготвуваме програма која ќе одговара на реалноста во Македонија, една таква поставеност и посветеност со силна битка со криминалот, кревање на економијата и заштита на македонските национални интереси, што покажавме и од опозиција дека можеме да направиме, камо ли од власт. Мислам дека ова за четири години ќе ја однесат Македонија во пристојни услови за живот“, истакна потпретседателот на ВМРО-ДПМНЕ Александар Николоски во гостување во „30 секунди“ за порталот „Експрес.мк“.
Николоски продолжи и додаде дека она што ВМРО-ДПМНЕ може да го вети е стабилност за Македонија.
„Апсолутно мислам дека работите ќе се поместуваат дека доколку за четири години од следните избори Македонија е попристојно место за живеење со подобри услови тогаш секако дека се направил напредок“, заклучи Николоски.
Запрашан за тоа кој ќе биде претседателски кандидат од ВМРО-ДПМНЕ, потпретседателот Николоски истакна дека за претседател се уште се нема одлучено и согласно интерните процедури тој ќе го одберат на конвенција.
„Тоа е една интересна пракса воведена уште од формирањето на партијата, многу личи на оној американски систем на избор на кандидати за претседател во рамки на политичките партии. Значи цело наше членство бира делегати, тие делегати се собираат на конвенција, па гласаат за еден од предложените кандидати. Кандидатите ги посетуваат сите наши општински комитети и се презентираат, значи водат една класична внатрепартиска кампања“, истакна Николоски.
Николоски заклучи дека не е дискусија дали ќе победи ВМРО-ДПМНЕ туку колку ќе победи ВМРО-ДПМНЕ на следните парламентарни избори.
Видеа од кавги и тепачки на „црн петок“ ги преплавија социјалните мрежи. Такви сцени доаѓаат и од Турција.
На едно видео може да се забележат жени како се борат околу јакна, а меѓу нив била и една баба. Се туркале, ја повлекле јакната и на крајот едната ја скинала таа што сакала и ја зела со себе.
На друго видео кое кружи на социјалните мрежи, жените се караат пред продавница, додека други шокирани гледаат што се случува. Мораше да реагира обезбедувањето, за да ги раздвои и смири.
@yarenkarakulak Zara da saç baş kavgaya gircek kadar düştü mü sizce ya 😧#zaraindirim #blackfriday #karacuma #zaraindirimi #indirimliürünler
На 24.10.2023 од страна на полициски службеници од СВР Битола-ОВР Прилеп на патниот правец кон Вештачко езеро, непосредно пред место викано „Стар присад“, затекнати биле М.Р.(29) и Р.В.(42) двајцата од Прилеп со две запрежни возила натоварени со бесправно исечени огревни дрва од околу 1.5 м3, како и една моторна пила. Дрвнатата маса и моторната пила биле одземени и предадени на Национални шуми-ПСШ-Црн Бор Прилеп.
При постапувањето како и обиколка на теренот во место викано „Студенец“ пронајдени биле и 8м3 дабови и букови дрва при што известени биле Шумска полиција и „Национални шуми-ПСШ Црн Бор-Прилеп“ за понатамошно постапување
Времето денеска ќе биде облачно со врнежи од дожд, кои наместа ќе бидат пообилни, над 25 литри на метар квадратен. На планините врнежите ќе бидат од снег. Во текот на денот, температурата значително ќе опадне и врнежите од дожд ќе преминат во снег и во пониските места. На планините и на повисоките места ќе се формира поголема, а во некои пониски места, помала снежна покривка.
Како што соопшти УХМР, ќе дува умерен до засилен, а долж Повардарието повремено силен, над 70 километри на час северен ветер. Минималната температура ќе биде во интервал од пет до 9, а максималната од шест до 13 степени.
Во Скопје ќе биде облачно и студено, претпладне со врнежи од дожд кои попладне и до крајот на денот ќе преминуваат во снег и се очекува да се формира помала снежна покривка, особено во повисоките делови од котлината. Ќе дува засилен ветер од северен правец. Минималната температура ќе се спушти до шест, а максималната ќе достигне до седум степени.
В недела претпладне ќе дува засилен, повремено силен северен ветер, над 70 километри на час и наместа ќе провејува слаб снег. В понеделник утрото ќе биде ведро и многу студено, а нови врнежи се очекуваат во вторник. Температурите ќе се задржат ниски до средината на следната седмица.
Според камерите на сајтот „Skimacedonia“ во моментов снег врне на две планини во земјава.
Снег имаме на Попова Шапка и во Маврово, погледнете:
Kултурно уметничкото друштво “Мирче Ацев” од Прилеп, ги повикува сите граѓани кои сакаат, своите народни носии да ги донираат во друштвото.
Донациите можат да се предадат во Домот “Спиро Забрчанец”, секој понеделник, среда, петок и сабота, од 19-21часот.
Помогнете го нашиот прилепски и македонски амбасадор!
Владата на денешната седница преку надополнета одлука, им пренесе овластување на надлежните министерства сами да можат да одлучат за издавање одобрение за прелет и слетување на рускиот воздухоплов за време на одржување на триесеттиот министерски состанок на ОБСЕ во Скопје, во период од 29 ноември до 1 декември 2023 година, соопшти МНР.
На денешната Владина седница е донесено дополнување на Одлуката за воведување рестриктивни мерки во поглед на активностите на Руската Федерација со која се ограничува пристапот на воздухопловот на Руската Федерација, а согласно со Регулативата на Советот на ЕУ од Заедничката надворешна и безбедносна политика на Унијата, со која Република Македонија е целосно или 100 отсто усогласена.
Како што наведуваат од МНР, дополнувањето е согласно регулативата на ЕУ и одредбите во самите рестриктивни мерки со кои за меѓународните конференции како што е ОБСЕ се предвидени исклучоци за предметните рестрикции.
Руски медиуми пред неколку дена пренесоа дека Русија побарала од Македонија, која претседава со ОБСЕ оваа година, да издаде визи за нејзината делегација за министерскиот состанок од 30 ноември до 1 декември. Русија, според руските медиуми, бара визи за 85 членови на руската делегација за учество на министерскиот состанок на ОБСЕ во Скопје.
-Новата детска градинка уште недозавршена и за која во моментов се разменуваат бројни меѓусебни отровни стрели за тоа кој што (не)направил за да биде конечно ставена во функција, оти нели, насушно е потребна, станала мета и на ВАНДАЛИ – стои во објавата на новинарката Каролина Дурло, која објави и фотографии од вандалскиот чин.
Имено, непознати несовесни граѓани испокршиле дел од оградата и го исфрлиле во дворот од градинката. Па се поставува прашањето, заслужуваме ли ние воопшто нешто ново и убаво?
Македонскиот кикбоксер, Бобан Илиевски, се закити со златниот медал на Светското првенство (СП) во Португалија, откако во денешното финале во категоријата до 86 килограми го победи Нурбек Уришбоев од Узбекистан со убедливи 3-0.
Ова е голем успех на нашиот најдобар кикибоксер во моментов, како логичен след на настаните по европската титула освоена минатата година.
На ова првенство учествуваат 1429 натпреварувачи од 77 држави.
На речиси 60 години, вчера во Клиниката “Д-р Органџиски” се породи пациентка на д-р Стојан Органџиски, по успешно спроведена ин витро процедура!
-Историски ден и за нашиот тим. Здраво машко бебе дојде денес на свет со тежина од 3200 грама, зачнато кај нас, со следена бременост во нашата болница!
Оваа родилка е една од највозрасните пациентки на овие простори, која на речиси 60 – годишна возраст, ја донесе својата прва рожба.
Станува збор за највозрасната жена што успешно има доносено и родено здраво дете на нашиве простори. Силната желба за бебе и нашите професионалци во целиот процес беа идеален спој, за и оваа семејна сторија да успее:
,,Бременоста ја постигнавме во нашата болница, по успешно спроведена ин витро постапка со донирани јајце клетки. Пред ин витро процедурата на пациентката и имам извршено хистероскопска операција со ресекција на септум – преграда во матката. Повеќе години пред лекувањето пациентката немаше менструални циклуси.
Целиот процес на лекување и самата ин витро постапка бараат многу знаење, посветеност и љубов кон самата професија. Целата бременост беше следена во нашата Болница и целокупната бременост протече сосема нормално”, истакнува за овој несекојдневен успех доктор Стојан Органџиски, директор на Болница ,,Д-р Органџиски” и гинеколог што истрајно и со силно знаење ја водеше бременоста на оваа среќна мајка.
Поради тоа што пациентката не живее во Македонија, се породи денес во Софија. Штип за неа значи многу. Во нашата Болница е зачнат ембрионот на нејзиното здраво бебенце, благодарение на професионалната умешност на доктор Стојан Органџиски во спроведувањето на ваквите успешни ин витро процедури.
За успехот и за вложените знаења и енергија, заслужен е и целиот негов тим, на кој му упатува безусловна благодарност, а посебно на д-р Верица Органџиска и на главниот ембриолог во ин витро лабораторијата на Болницата, Емилија Миовска. Среќа е да се подарат среќа и бебешки плач во уште еден дом! Успех е да се оствари најголемата желба на секоја жена – да се биде мајка – велат од клиниката.
