Воздухопловниот Клуб „ФИЛ ФЕНИКС“ од Прилеп одржа свечена седница во присуство на спортисти од клубот, овластени стручни лица и претставници на медиумите. На средбата беа промовирани постигнатите резултати и на добиени признанија, прогласени беа најдобрите спортисти во 2023 година, доделени беа лиценците на меѓународни судии и спортисти, како и беа споделени информации од домашна и меѓународна воздухопловна сцена.

На долгогодишната јуниорска државна првенка Анастасија Пожарска и беше доделено посебно признание за постигнати врвни резултати и освоени бројни трофеи на домашни и меѓународни натпревари, и досега највисокото достигнување со освојувањето на второ место во генерален пласман на светскиот куп во јуниорска конкуренција. Анастасија ги потврди своите квалитети со тоа што во 2023 година стана државен првак во јуниорска и сениорска конкуренција, и на најдобар можен начин ја заврши јуниорската кариера.

За најдобар спортист на клубот за 2023 година беше прогласен Лука Најдоски кој со освоен еден златен, три сребрени и два бронзени медали, и многу други високи пласмани на крајот на годината му обезбедија високо деветто место во генерален пласман на ФАИ светскиот куп.

Во категорија Ф1А (едрилици) на Михаил Пожарски му беше доделено признание за најмлад победник на „Прилеп Куп-Трофеј на Прилеп“, кој во 2023 година на осумгодишна возраст го освои првото место во сениорска и јуниорска конкуренција.

На државниот првак Дино Најдоски му беше доделено признание за најдобар спортист во категорија Ф1Х (едрилици за јуниори).

На свеченоста беа доделени лиценците за технички експерти и овластувања за меѓународни судии на стручни лица од клубот, како и меѓународните спортски дозволи на спортисти од клубот за 2024 година.

Здравко Тодороски ги информира присутните дека и оваа година стручните лица од клубот се пред голем предизвик, а Прилеп повторно ќе ја има честа да биде град домаќин на Светското Јуниорско Првенство во воздухопловно спортско моделарство.
Светското првенство се одржува од 5 до 10 Август 2024 година а како пред натпревар и запознавање на учесниците со условите на теренот, на 3 и 4 Август ќе се организира светскиот куп „Прилеп Куп-Трофеј на Прилеп“.
Добивањето на организацијата на светското првенство од страна на Меѓународната Воздухопловна Федерација не е случајно затоа што „Фил Феникс“ почнувајќи од 2000 година има повеќе децениско искуство и успешна организација на многу натпревари од светските купови, но веќе има организирано и едно светско и три европски јуниорски и сениорски првенства.

На крај на средбата присутните беа информирани дека за 2023 година од страна на Меѓународната Воздухопловна Федерација за посебни заслуги во развојот на воздухопловните спортови, а посебно за воздухопловното спортско моделарство на претседателот на клубот Здравко Тодороски му е доделено највисокото признание. Посебно е значајно што федерацијата ова високо признание го доелува само на едно лице во годината.

На 11.02.2024 во 02.30 часот полициски службеници од ОВР Прилеп на ул.„Крсте Петков Мисирков” во Прилеп при преглед на А.П.(39) од Прилеп пронашле и одзеле шишиња метадон, шприцеви со игли, ампули дијазепам.

Лицето е приведено во полициска станица Прилеп и по документирање на настанот ќе следува соодветен поднесок – информираат од ОВР Прилеп.

Градоначалникот на општина Прилеп, Борче Јовчески, денеска во салата на Центарот за култура “Марко Цепенков”, го промовираше сработеното во изминатите две години. На настанот присутен беше и потпретседателот на ВМРО-ДПМНЕ, Александар Николоски, кој порача дека партијата во својата програма предвидува 34 милиони евра за реализација на проекти во општина Прилеп.

–Денеска во Прилеп го видовме отчетот за работата на градоначалникот Борче Јовчески.

После победата на изборите ќе направиме многу проекти во сите општини во Македонија – напиша Николоски.

https://m.facebook.com/story.php?story_fbid=pfbid0qJSAuWNMw5KjgGt2DePHwFYYGdadpP8TTceS5mWDH2ZCsscGNFvsV3PeVuSwti53l&id=100044155070313&mibextid=2JQ9oc

Пожарот избувнал околу 2 часот и 40 минути рано утрото вчера по локално време од главниот трансформатор на третата нуклеарна единица во неактивна зона, стои во соопштението на Е Де Еф. Реакторот беше исклучен автоматски според протоколот. Од компанијата истакнуваат дека пожарот е изгаснат.

Бидејќи четвртиот реактор е поврзан со третиот, тој исто така беше исклучен од безбедносни причини, додаде Е Де Еф.

Француската агенција за нуклеарна безбедност објави дека пожарот предизвикал пад на моќноста на третиот нуклеарен реактор, што пак довело до негово автоматско исклучување.

Институтот за радијациска заштита и нуклеарна безбедност издаде посебно соопштение дека го следи инцидентот, кој според него „немал никакво влијание врз населението или животната средина“.

Натпреварот се игра во спортската сала на СОУ “Ристе Ристески-Ричко”, со почеток од 19:30часот.

Со цел излезат во пресрет на граѓаните, особено на оние кои имаат неодложни патувања за надвор од Македонија, како и за фирмите на кои превозот на стока и патници им е примарна дејност, компанијата “Авто Контрол” од Прилеп, утре 11.02.2024г. (недела), ќе работи од 10 до 16 часот, па сите оние кои имаат потреба ќе можат да подигнат налепници со ознаката “НМК”.

Како што веќе е познато, сопствениците на возила со регистарски таблици со стариот код МК, заклучно со 12 февруари треба да ги заменат со новиот код НМК, нешто што беше договорено со Преспанскиот договор.

Налепниците доцна попладнево пристигнаа во станиците за технички преглед, па “Авто Контрол” како општествено одговорна компанија, излегува во пресрет на граѓаните и своите клиенти.

Првично требаше да има целосно менување на табличките, кое што ќе чинеше околу 60-тина евра, но по критиките од јавноста од МВР осмисли решение да има налепници врз постоечките таблици, а тие ќе бидат бесплатни за граѓаните на товар на МВР.

Русија не можеше да помогне во одбраната на Србија за време на војните во поранешна Југославија, изјави претседателот на Руската Федерација Владимир Путин во интервју за Такер Калрсон.

„Штом почнаа настаните во Југославија, Борис Елцин го крена гласот за поддршка на Србите, не можевме а да не застанеме во одбрана на Србите, бидејќи Србите се посебен и близок народ за нас, со православна култура. Тоа е народ кој страда со генерации“, рече тој, додека коментираше за тоа како НАТО го прекрши ветувањето до Русија да не се шири на исток.

Како што рече, и покрај тоа, САД одлучија да го прекршат меѓународното право и да го бомбардираат Белград.

„Со тоа САД ја отворија Пандорината кутија. Згора на тоа, што беше кажано кога Русија протестираше и го изрази своето незадоволство? Повелбата на ОН и меѓународното право се застарени. Сега сите се повикуваат на меѓународното право, но тогаш почнаа да велат дека сè е застарено”, рече Путин.

Американскиот новинар Такер Карлсон, наводно, се сретнал со поранешниот американски разузнавач Едвард Сноуден и Тара Рид, која го обвинува актуелниот американски претседател Џо Бајден за вознемируавање.

Информацијата ја објави порталот Семафор, кој неофицијално наведува дека Карлсон неколку часа разговарал со Сноуден, а интервјуто со Тара Рид го снимил.

Во јуни 2013 година, Сноуден предизвика голем меѓународен скандал објавувајќи до Вашингтон пост и Гардијан серија доверливи материјали за програмите за надзор на САД и Велика Британија. После тоа, тој одлетал во Хонг Конг, а оттаму во Москва, каде на крајот добил азил и државјанство.

Рид, која му служеше како помошник на Бајден додека тој беше сенатор, исто така бара руско државјанство и го обвинува поранешниот шеф за сексуално вознемирување.

Во организација на Меѓународниот републикански институт (ИРИ), во Сокобања, Србија, се одржа дводневен настан на кој слушателите ги запознавме за концептот на транспарентно, одговорно и отчетно локално владеење.

Предавањето е дизајнирано присутните да ги опреми со практични примери, како и вештини и стратегии кои се неопходни за транспарентно работење во интерес на граѓаните и заедницата.

Со дванаесетгодишното искуство како Градоначалник на општина Прилеп, ги споделив практиките за успешно локално владеење со присуните на настанот од Србија.

Бидејќи, најважните елементи во процесот на јакнење на интегритетот и постигнувањето успешни резултати се транспарентноста и отчетноста, неопходно е нивно подобрување во континуитет.

За да изградиме институции во интерес на граѓаните, транспарентноста е прашање што треба да го надоградуваме.

Oткако ги разочараа очекувањата на прилепската спортска јавност, ракометарите на РК Прилеп и оваа година ќе водат битка за опстанок во најелитното ракометно друштво кај нас.

Утре (недела), со почеток од 18:30ч, во спортската сала на СОУ “Ристе Ристески-Ричко”, прилепчани ја дочекуваат екипата на РК Скопје, во рамки на првото коло од плеј-аут разигрувањето.

Триумфот на овој натпревар е императив, се друго ќе значи неуспех.