Утре со почеток од 19:30ч. во спортската сала на СОУ “Ристе Ристески-Ричко”, РК Прилеп ја пречекува екипата на РК Јехона од Гостивар, во рамките од елиминациското коло од Купот на Македонија.

Да ги поддржиме момците на Боби Мојсов со масовно присуство во спортската сала и да им помогнеме да стигнат до посакуваната победа.

Во останатите натпревари ќе се сретнат:

РК БИСИНОВ ФРУИТ ЛЕНД – РК МУЛТИ ЕСЕСН
РК КИЧЕВО 2020 – РК ВАРДАР НЕГОТИНО
РК МЕТАЛУРГ РА – РК СКОПЈЕ 2020
РК ГОЛДЕН АРТ КЛ7 – РК АЕРОДРОМ
РК ЕУРОФАРМ ПЕЛИСТЕР 2 – РК ОВЧЕ ПОЛЕ 1958
РК ПАРТИЗАН 2016 СПОРТ – ГРК ТИКВЕШ 2014
РК ЕУРОФАРМ ПЕЛИСТЕР – РК ШАМПИОН
МРК КУМАНОВО – РК ТЕКСТИЛЕЦ
РК БУТЕЛ СКОПЈЕ – РК МАКЕДОНИЈА ЃОРЧЕ ПЕТРОВ
МРК БОРЕЦ 1950 – РК ПРОЛЕТ 62
РК ДРАЧЕВО – РК АЛКАЛОИД
СРК ПРЕСПА ВАРДАР – РК РАДОВИШ
РК АСТРАИОН ХЕНДБОЛ – РК СТРУГА
РК МЛАДОСТ 1977 – ГРК ОХРИД

Победниците од паровите продолжуваат во групната фаза од Куп натпреварувањето.

Градежната офанзива во Општина Кривогаштани продолжува, во текот на вчерашниот ден во две населени места беа комплетно асфалтирани две улици, крак од улица Македонски Просветители во Кривогаштани, улицата Најдо Најдоски во Воѓани – информираше на социјалните мрежи градоначалникот на општината, Николче Мискоски.

-Искористени се финансиските средства добиени од светска банка во висина од 5.000.000 и дополнување на Општина Кривогаштани со 540.000 ден. Пред крајот на градежната сезона ќе бидат потпишани уште 4 договори за реконструкција на две улици во населеното место Славеј, улицата Гоце Делчев во Кривогаштани и улицата Даме Груев во населеното место Подвис. Се грижиме за потребите на жителите на општина Кривогаштани со подобрувањето на патната инфраструктура – пишува Мискоски.

Централната власт продолжува со партискиот интерес за одземање на ингеренциите на градоначалникот во сите училишта во општината и тоа само во делот на ангажирање на наставниот кадар, притоа не водејќи грижа за иднината на најмладите кои се дел од воспитно образовниот процес – учениците. Материјалните трошоци (гориво, превоз на ученици и друго) за кои општината годишно само за основните училишта издвојува околу 1 милион евра, не се во интерес на МОН и истите остануваат во надлежност на општината и во училиштата каде се одземаат ингеренциите. Блок дотациите кои ги издвојува министерството за образование воопшто не се доволни, поради што општината дополнува средства од сопствениот буџет – информираат од општина Битола.

На речиси еден месец пред крајот на првото полугодие, од непостапувањето и недавањето согласност од МОН се заканува опасност битолското образование да остане без 301 наставник, во одделенска и предметна настава.

Ставајќи го интересот на учениците и правото на образование над се, повторно испративме барање до Министерството за образование и наука за одобрување на бараните согласности, во кое потенциравме:

„Имајќи во предвид дека договорите на вработените лица до три месеци за итни и неодложни работи им завршуваат во месец декември, а месец декември е последниот месец од првото полугодие кога се формираат полугодишните оценки и успехот на учениците, наставниците на кои им истекуваат тримесечните договори за работа согласно законот за образование заради не добивање на согласности за распишување на огласи нема да можат да ги формираат конечните полугодишни оценки и полугодишниот успех на учениците.

Напоменуваме дека во Општина Битола во основните училишта бројката на наставници за кои е побарана согласност за распишување на оглас е 213 наставници, а во средните училишта бројката е 88 наставници или вкупно за 301 наставник се побарани согласности од Министерството за образование и наука – Скопје“, стои во барањето испратено до Министерот за образование и наука.

Градењето на вредностите кај младите луѓе започнува од образованието. Не смееме да дозволиме политички удари и лични интереси, да остават длабоки последици врз нашите најмлади. Очекувам совесно работење од МОН, со цел учениците успешно да ја завршат учебната година.

Двајца прилепчани станаа дел од врвот на Џудо федерацијата на Македонија

-По распишаниот Конкурс од страна на Џудо Федерацијата на Македонија, Извршниот одбор при ЏФМ со едногласна Одлука изврши избор за:

Спортски директор, избран е м-р. Дејан Мицкоски, и
Генерален секретар, избран е д-р Благоја Гешоски – информираат од ЏФМ

И на двајцата им посакуваме успешна и плодна работа!

На 04.12.2023, полициски службеници од СВР Битола – ОВР Прилеп – Надворешна канцеларија за криминалистички работи Прилеп ги лишиле од слобода Е.Б.(35) и О.М.(39), двајцата од Прилеп.

Тие се сомничат дека извршиле тешки кражби во возила и дека одзеле различни предмети. Во службен разговор тие ги признале делата, а одземените предмети биле пронајдени и вратени на сопствениците.

По документирање на настаните против лицата ќе следува соодветна кривична пријава – информираат од ОВР Прилеп.

По последните случувања во државата кои ја вознемирија јавноста, а пред се’ сите родители, ООУ “Климент Oхридски” ја отстрани забрната за носење мобилни телефони од страна на учениците.

-Со оглед на немилиот настан што ја потресе цела држава вклучително и нас како училиште.
Наставничкиот совет на училиштето одлучи од денеска 06.12 2023 год повторно да се воведе носење на телефон со редуцирано користење и тоа:

Моментално живееме во небезбедно време и се надеваме на побезбедна иднина кога целта на неносење телефон беше за општо добро на учениците – напиша на ФБ директорот на училиштето Ахил Јаков.

Љупчо Палевски-Палчо, кој се сомничи за киднапирање и реализација на убиството на Вања Ѓорчевска и Панче Жежовски е фатен, дознава „Скопје1“. Тој бил задржан на граница, по распишаната меѓународна потерница.

Засега се знае неговата траекторија на движење која е Скопје-Белград-Турција, пишува порталот.

МВР закажа прес-конференција за во 22-30 часот.

Повеќе детали подоцна.

Гастро Куп Србија е меѓународен натпревар во готвење на кој учествуваат професионални готвачи, а оваа година се одржа по седми пат во саемот за туризам во Нови Сад.

Целта на овој шампионат е да собере што поголем број на готвачи од Србија и земјите од регионот, но и од Европа и земјите ширум светот, кои на едно место ќе се натпреваруваат, но и ќе разменуваат искуства за нови трендови на готвење и кулинарски техники.

Натпреварот годинава се одржа на 1 и 2 декември, а учество зеде и младиот готвач од Прилеп, Влатко Митрески.

25-годишниот прилепчанец кој работи како шеф на кујна во ресторанот “Деспина”, се закити со бронзен медал во категорија на порции со пилешко.

Ова не е прв успех за младиот готвач од Прилеп. Тој и во изминатите години се закитуваше со медали и признанија, како на натпревари во Македонија, така и во странство.

Честитки за постигнатиот успех и желби за уште поголеми достигнувања во иднина!

Министерството за внатрешни работи го демантира случајот за обидот за киднапирање пред основното училиште „Страшо Пинџур“ во општина Карбинци. Како што информираат од СВР Штип, момче поканил во своето возило да влезе ученичка за да одат на кафе.

„Денеска (05.12.2023) во 09.52 часот во СВР Штип од Основно училиште во Општина Карбинци е пријавено дека околу 09.30 часот во училишниот двор со патничко возило „голф“ дошло младо машко лице, кое според пријавеното, поканило ученичка да влезе во неговата кола за да одат на кафе, но таа веднаш се вратила во училиштето и пријавила кај директорката“, информираат од МВР.

-После долг период повторно имплантирана тотална протеза на колено во ОБ Прилеп. Благодарност до тимот и сите кои учествуваа во оваа организација – напиша на социјалните мрежи Кире Јоноски, специјалист доктор по ортопедија.

Од нас честитки за успешниот оперативен зафат и уште поголеми успеси во иднина.