Драган Шеќероски од Прилеп кој со семејството живее во странство БАРА ПОМОШ и ПРЕДУПРЕДУВА:

НЕКОЈ ЗЛОНАМЕРНО ГО АКТИВИРА ПРОФИЛОТ НА НА МОЈОТ ПОКОЕН ТАТКО Костадин Шеќероски!!!

Преку овој профил се испраќаат заканувачки и вознемирувачки пораки до фамилијата Шеќероски и до нивни пријатели.

Поради ова Драган Шеќероски ги предупредува членовите на неговата фамилија и нивните пријатели!!!

Истовремено бара помош и од полицијата да го открие човекот кој испраќа заканувачки пораки и кој ги вознемирува и семејството и фамилијата и пријателите!!!

–Почитувани Ве известуваме дека повторно некој,си игра со чувствата на нашата фамилија. Во последните недела дена повторно е активиран профилот на мојот ТАТКО, кој веќе е починат 5 години. На наши блиски пријатели роднини, па и мене, се испраќани пораки и понуди за пријателство, а кај поединци и со вознемирувачка содржина.

Знаете сите дека ние сме надвор од Македонија, па за таа цел ве информираме и бараме помош од сите грѓани, пријатели, роднини, ако може да се спречи оваа појава и да ги оставиме починатите да почиваат во мир. Ви благодариме на разбирањето, фам Шеќероски – стои во објавата на Драган.

https://m.facebook.com/story.php?story_fbid=pfbid026BxcBEhSPp9XNHSAtCXvBZ2Eo99UHqKBrwb2Y88dWHVDqyTiEsJjSBUTDGjVnyGMl&id=100093546409739&mibextid=2JQ9oc

Секторот за внатрешни работи Битола во текот на викендот (09/10/11.02.2024) продолжи со контролите во областа на сообраќајот. На територија на СВР Битола санкционирани се 216 возачи, меѓу кои 121 мерки за возење повеќе од дозволената брзина, 22 мерки за возење под дејство на алкохол, 13 санкциии за управување без возачка дозвола, осум санкции за користење на мобилен телефон, 10 прекршоци што ги прават пешаците.

Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

По повод 14 февруари – празникот св. Трифун и Денот на вљубените во ЦК „Марко Цепенков“- Прилеп ќе се одржи манифестацијата „Љубов и вино“, на која со стихови за љубовта и виното ќе се претстават поети од нашиот град, членови на Клубот на литературни творци – Прилеп.

Со музички точки манифестацијата ќе ја зборгат ученици од музичкото училиште „Ордан Михајлоски- Оцка“.

Кога и каде:

среда / 14.02.2024 – 18.00 ч. – кино “Мис Стон”

На 10.02.2024 борачите на “7-ми Mај” настапија на силен меѓународен турнир во Косово и ги постигнаа следниве резултати:

Михаил Илијески прво место во категорија до 50кг,
Елена Дејкоска второ место во категорија до 49кг,
Ангела Трајкоска трето место во категорија до 49кг,
Деспина Богеска трето место во категорија до 53кг,
Тамара Цветкоска прво место во категорија до 61кг.

Екипата беше предводена од тренерот Стојанче Тушески и новиот и млад судија Михаела Тодороска, која го имаше своето деби на меѓународен турнир.

Новиот министер за внатрешни работи Панче Тошковски вели дека ако има политичка волја решение за хаосот со документите има. Според него тоа ќе се постигне со измени во Законот за патни исправи и во Законот за безбедност во сообраќајот.

„Измените ги подготвив. Тука се. Готови се. Кога пред моите колеги ги предложив овие измени, бев опструиран, министрите ми велеа дека ќе сме прекршеле меѓународен договор. Ова што го предлагам е согласно сите меѓународни акти кои ги гарантираат основните човекови прави. Вака го кршиме основното човеково право на движење, оневозможуваме излез од државата со валидна патна исправа. Нема кршење на меѓународни договори ако се усогласат техничките рокови од Преспанскиот договор врз основа на објективните човекови и технички капацитети на Македонија. Може да се бараат нови рокови. Со меѓународен билатерален договор не смее да се кршат човекови права. Ова е резултат на незнаење и неодговорност на властите. Ова што се случува е флагрантно кршење на човековите права. Ова е страшно. Не можам дури ни да поверувам. Грција нема право да го поништи пасошот. Обрасци немаме. Состојбата е алармантна“, рече Тошковски.

-Драги наши сограѓани, Македонци.
Сакаме да ви кажеме дека секој оној наш сограѓанин што ќе добие казна за возење со старата возачка дозвола
да ни се обрати за да му помогнеме околу плаќање на истата.

Не сме држава, а уште помаклу сме богати, но пред се сме луѓе и колку можеме ќе учествуваме во неправдата нанесена врз секој наш сограѓанин!

Апел до секој еден полицаец да се подзамисли кога ќе сака да казни некој шофер за најсмешниот “закон” во човековото постоење и дека тој истиот е негов сограѓанин од кого зема плата – напишаа од популарното музичко дуо на Фејсбук.

https://m.facebook.com/story.php?story_fbid=pfbid033vuVuaUd5QRxhWg7Nr2pTa5wsTZxtmN21DspuNg6XGcGQV4AvSZ4BuCKkDKQHzmul&id=100044805618449&mibextid=2JQ9oc

Денес дадовме Отчет пред граѓаните на општина Прилеп. Тоа е наша должност кон граѓаните за вашата укажана доверба – напиша на ФБ градоначалникот на општина Прилеп, Борче Јовчески, по денешната во Центарот за култура “Марко Цепенков” за сработеното во изминатите две години.

Објавата на Јовчески на социјалните мрежи ја пренесуваме во продолжение:

✅Напишаниот отчет на 60 страници е доказ дека нашите ветувања ги исполнуваме но и дека сме само на половина пат, имаме уште две години многу работа и многу нови проекти за реализација.

✅Инвестиравме 50 милиони денари во образованието, односно во нашите основни и средни општински училишта!
✅Нов асвалт и рехабилитација на 80 000 м2 улици и патишта во општина Прилеп!
✅Нов кружен тек во центарот на градот !
✅Целосно реконструиран последниот крак од плоштадот Методија Андонов Ченто!
✅Ги реконструиравме запоставените игралишта и паркови!
✅Изградивме ново мултифункционално игралиште во ООУ Добре Јованоски!
✅Изградивме ново Инклузивно игралиште во паркот на Могилата!
✅Воведовме еднократна финансиска помош од 6000 денари за секое новороденче во општина Прилеп!
✅Воведовме бесплатен оброк за секое прваче во општина Прилеп!
✅Доделивме стипендии на нашите студенти,
✅Воведовме бесплатен јавен градски превоз за пензионери со ниски пензии!
✅Градиме нов водоснабдителен систем во Канатларци!
✅Исчистивме 12 000 м3 отпад од диви депонии!
✅Градиме нова фабрика за рециклирање на отпад!
✅Го намаливме затекнатиот финансиски долг на Општина Прилеп од 5 милиони евра на 800 илјади евра!
✅И уште многу проекти со кој што покажавме чесност, одговорност и умешност и така и ќе продолжиме заедно со претседателот на Советот на Општина Прилеп, општинската администрација, советниците, директорите на јавните претпријатија и општинските училишта, целокупниот мој тим и поддршката на нашите пратеници во Собранието на Македонија и поддршката која што ја имаме од целокупното раководство на ВМРО-ДПМНЕ.

Заедно креираме и градиме достоинствен живот и општина со која сите ќе се гордееме.

Околу возачките дозволи, ги известуваме граѓаните дека од 00 часот на 13 февруари 2024 година ќе важат само возачките дозволи со името Република Северна Македонија, информираа од Министерството за внатрешни работи.

Министерството за внатрешни работи ќе постапува согласно закон и затоа апелираме граѓаните да не управуваат возило доколку немаат валидна возачка дозвола со името Република Северна Македонија.

Предупредуваме и дека во случај на настаната штета при евентуална сообраќајна несреќа, поради невалидната возачка дозвола, граѓаните кои немаат валидна возачка дозвола ќе мора да ги сносат последиците околу евентуалната штета.

Согласно законот, парична казна предвидува дека за истечената возачка дозвола до 6 месеци изнесува од 6 до 20 илјади динари, а за подолго од тој период, од 15 до 30.000 динари.

Денеска во Прилеп се одржа Вториот ГРАН-ПРИ турнир “Прилеп 2024” .

Со 7 поени победник е Дејан Ѓорѓиески од ШК “Пелагон” , додека второто место го поделија Горан Готовуша и Тони Кироски со половина поен помалку.

За поздравување е 4 место на ветеранот Стефан Присаѓанец, кој освои 5 поени.

На турнирот зедоа учество 17 играчи од 4 општини: Прилеп, Битола, Крушево и Долнени.

Сите нестрпливо го очекуваат Вториот Меѓународен турнир „МАТ 2024“, кој се игра на 18 февруари 2024 година, во СОУ “Орде Чопела” во Прилеп.

Веќе се пријавени преку 200 играчи од 4 соседни држави.

Најсовремената самоуслужна автоперална во Прилеп, GALA WASH e повторно со вас! Лоцирана покрај Градската река, на улица “Кеј 1-ви Мај”, GALA WASH е местото каде од среда (14.02.2024), повторно ќе можете да му пружите најдобра нега на вашето возило, и сето тоа без чекање, сами, а сега и по најниски цени во целиот град.

Цената на еден жетон е само 25 денари, а со тоа добивате 90секунди. Само тука вашето возило можете да го перете со топла вода (55 Степени помешана со шампон), а ако сакате вашиот миленик на четири тркала навистина да заблеска, тогаш на располагање ви е и опцијата за нанесување восок со ладен воден млаз.

Покрај тоа GALA WASH нуди и можност за плакнење на возилото без бришење, со дестилирана вода, а откако добро ќе го светнете возилото однадвор, редно е да се упатите на следната станица, односно добро да ја исчистите внатрешноста. За 1 жетон од 25денари добивате 180 секудни за користење на правосмукалка.

Она што мора да се потенцира е тоа дека автопералната користи исклучиво докажан бренд на хемиски средства, односно од реномираниот белгиски производител NERTA.

На вас останува после дождливото време, да ги посетите и да се уверите во пишаниот збор одблиску.