Историската секција од СОУ “Ѓорче Петров”- Прилеп ви го честита Божик и Новата 2024 Година со една прекрасна видео креација која вреди да се погледнете.

Учесници во видеото се учениците од I1 клас, медицинска струка, профил: медицинска сестра.

Учениците и нивните ментори упатуваат и голема благодарност до управата на храмот Св. “Кирил и Методиј” (Параклис).

Новогодишната магија пристигна и во центарот на Македонски Брод. Општинските власти одделиле од скромниот буџет и успеале како што доликува да го украсат центарот на ова наше мало гратче. И навистина успеале во намерата да ги израдуваат своите сограѓани.

Во продолжение погледнете ги фотографиите:

Се расипал автобусот, па ги оставиле учениците рано изутрина со чанти и по автопат да одат пеш на студено време и нечист воздух. Веројатно ова се случува само кај нас и никаде на друго место, па потоа се чуделе зошто младите сакаат да ја напуштат оваа земја.

Во продолжение прочитајте внимателно и донесете заклучок какви се луѓе живеат во оваа наша држава.

ПР објава

Со гордост ви ја претставуваме оваа прва и единствена на македонскиот пазар вода во Лименка, сега како дел од Фамилијата Кожувчанка.

Вашата омилена газирана вода Кожувчанка сега и во 300mL, во лименка!

“Ова беше голем предизвик за Компанијата и тимот, но како и секогаш се стремиме да бидеме иновативни и за нашите потрошувачи да обезбедиме производ од највисоко ниво на светски стандарди кој со гордост први го претставуваме кај нас на пазарот!” – изјавија од Кожувчанка, од Кавадарци.

Кожувчанка, газирана вода во Лименка е резултат на години на истражување и развој, со цел да ги задоволи потребите на потрошувачот и да се соочи со предизвиците на современиот начин на живот. Лименката е произведена со највисоки стандарди на квалитет и безбедност, што гарантира дека како и докажаната Кожувчанка газирана вода, ќе го добиете само најдоброто!

А, кои се дополнителните придобивки?

Лименката е добра за нашата животна средина. Ако барате поеколошки начин да останете хидрирани, водата пакувана во лименка е вистинскиот избор!

Лименката има за можност да се рециклира бесконечно, а тоа го прави овој производ енергетски ефикасен и долготраен. Секојпат кога пиете Кожувчанка од лименка, можете да бидете сигурни дека таа ќе се рециклира.
Исто, водата пакувана во лименка не само што е поодржлива поради рециклирањето на алуминиумската амбалажа, туку поради тоа што не содржи никакви штетни хемикалии, таа е и побезбедна за вашето здравје.

Секогаш мислиме на вас!
Ваша,
Кожувчанка

Претседателот на Одборот на директори на СН Осигурителен Брокер АД Битола, Христо Кондовски, ја доби наградата „Менаџер на годината до 40 години“ на официјалниот избор „Мажи на годината“ во организација на Фрајдеј Комуникации.

На крајот на секоја година наградите се доделуваат на свечена церемонија во гламурозна атмосфера во хотелот Double Tree by Hilton во Скопје во присуство на голем број претставници на бизнис секторот, дипломатскиот кор и јавниот живот, кои се собираат за да ги прослават достигнувањата, придонесите и извонредните приказни на истакнати професионалци.

Годинава меѓу добитниците е и Христо Кондовски, претставник на младата авангардна бизнис генерација. Неговото име, заедно со името на неговиот бизнис партнер Зоран Пејчиновски, е синоним за успесите на најголемиот осигурителен Брокер во државата, СН Осигурителен Брокер АД Битола.

Компанијата е дел од пошироката СН Групација во чиј состав успешно функционираат и СН Сообраќаен центар-Битола, СН Центар за моторни возила, СН Центар за угостителство, СН Мото Центар Скопје, ТАХОМОБИЛ ДОО Скопје, Доо Дкпсн Битола, ДОО Агроскан Битола и Друштвото за управување со приватни фондови Сниф.

Едно навистина големо корпоративно семејство во постојан развој како резултат на големата визија и исклучителните менаџерски способности на големиот осигурителен професионалец Христо Кондовски, препознат како бизнис икона во Битола.

Неговите деловни квалификации се и меѓународно препознати па во 2019 година се вбројува во добитниците на меѓународната награда Business elite’s 40 under 40 за Југоисточна Европа.

Годинава, како награда за исклучителните деловни резултати, доделена му е наградата „Менаџер на годината до 40 години“ на официјалниот избор „Мажи на годината“ во организација на Фрајдеј Комуникации.

“Оваа награда многу ми значи и ја посветувам на моето свето тројство, а тоа е Бог, моето семејство и моите колеги. Но, сакам да ја потенцирам и мојата филозофија за секое признание кое го добивам. Секое признание кое го добиваме е за она што е направено до денес и создава одговорност за она што треба да се прави од утре. Тоа е обврска да продолжиме со нашиот придонес за подобро општество.“-рече Кондовски, заблагодарувајќи се за наградата.

Инаку, покрај деловниот ангажман Кондовски е и посветен сопруг и татко на три деца. Како член на Ротари, но и преку стратегијата за општествена одговорност на СН Групацијата, во континуитет дава придонес и во заедницата поддржувајќи проекти од областа на образованието, здравството, културата и спортот.

На 20.12.2023 полициски службеници од СВР Битола-ОВР Прилеп во координација со Одделот за криминалистичка полиција- Сектор за општ и насилен криминал, по преземени мерки и активности, ги лишиле од слобода В.Б.(34) и Д.М.(22) од Прилеп, поради основи на сомнение за сторено кривично дело „предизвикување општа опасност”.

Имено, на 19.12.2023 на ул.”Кире Базерко” во Прилеп, на барање на В.Б., Д.М. со запалива течност предизвикал пожар на патничко моторно возило „мерцедес“ со прилепски регистарски ознаки, сопственост на Б.М.(50) од Прилеп, за што добил пари од В.Б..

Со двајцата лишени од слобода извршени се службени разговори во полициска станица, при што тие го признале делото. Денеска (21.12.2023) до ОЈО Прилеп е поднесена кривична пријава за сторено кривично дело по член 288 „предизвикување општа опасност” од Кривичниот законик.

Денеска (21.12.2023) во 10.15 часот во близина на манастирот „Св.Никола“ во с.Слепче, општина Долнени, бил пронајден починат Г.А.(58), за кој на 20.12.2023 во Полициското одделение Ропотово неговиот внук З.Ј.(41) од Прилеп пријавил дека се оддалечил од домот.

Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатиот било дадено на обдукција – информираат од МВР.

Врз основа на член 35 од Закон за административни службеници („Службен весник на Република Македонија” бр. 27/14, 199/14, 48/15, 154/15, 5/16, 142/16 и 11/18) и Уредбата за спроведување на постапката за вработување на административни службеници („Службен весник на Република Македонија” бр. 27/18), а во врска со член 20-г од Закон за вработени во јавен сектор („Службен весник на Република Македонија” бр. 27/14, 199/14, 27/16 и 35/18) и Правилникот за задолжителните елементи на јавниот оглас за пополнување на работно место во јавниот сектор преку вработување и пријавата за вработување, како и формата, содржината и начинот на водење на регистарот на лица кои дале лажни податоци при вработување во јавен сектор („Службен весник на Република Македонија” бр. 34/15), Агенцијата за администрација објавува

ЈАВЕН ОГЛАС БРОЈ – 629/2023
за вработување на 9 државни службеници од група I, подгрупа I во Општина Прилеп за следните работни места и

ЈАВЕН ОГЛАС БРОЈ – 632/2023
за вработување на 2 државни службеници од група I, подгрупа I во Општина Прилеп за следните работни места

Се бараат:

1.Соработник за урбана опрема, Одделение за комунални работи, Сектор за урбанизам, комунални работи и заштита на животна средина

2.Советник за организациска и административна поддршка на градоначалникот, Одделение за поддршка на градоначалникот и поддршка на советот, Сектор за поддршка на градоначалник, поддршка на совет и јавни дејности

3.Раководител на одделение за буџетска контрола, Сектор за финансиски прашања

4.Самостоен референт – Геометар, Одделение за урбанизам и заштита на животната средина, Сектор за урбанизам, комунални работи и заштита на животната средина

5.Помошник раководител на сектор за поддршка на градоначалник, поддршка на совет и јавни дејности

6.Самостоен референт за водовод и канализација, Одделение за комунални работи, Сектор за урбанизам, комунални работи и заштита на животна средина

7.Помошник раководител на сектор – Помошник главен инспектор, Сектор – Инспекторат

8. Советник за инфраструктура и сообраќај, Одделение за локални патишта и улици, Сектор за урбанизам, комунални работи и заштита на животна средина

9.Советник – Овластен просветен инспектор, Одделение за просветна инспекција, инспекција за заштита на животна средина и друга инспекција над работи од надлежност на општината, Сектор – Инспекторат

10.Раководител на одделение за поддршка на градоначалник и поддршка на совет, Сектор за поддршка на градоначалник, поддршка на совет и јавни дејности

11. Раководител на одделение за урбанизам и заштита на животна средина, Сектор за урбанизам, комунални работи и заштита на животна средина

Условите за секое поединечно работно место можете да ги погледнете ТУКА и ТУКА

Сообраќајот на државните патишта се одвива непречено во зимски услови, по наместа влажни коловози. Појава на магла со видливост до 50 метри има во Битола, Прилеп, Кичево и Македонски Брод, а магла со видливост до 100 метри има на делницата Хиподром-Петровец и по Повардаријето.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.