Во моментите кога отчукуваат последните часови од 2023 година, убаво е да се потсетиме низ што сме поминале во изминатите години, да споделиме убави сеќавања, но и желби за уште поубава и поуспешна 2024 година.

Прилеп како град во последните 20-тина години имаше свои подеми и падови, имаше моменти кога градот се развиваше, но и моменти на апатија, пред се предизвикана од политичките случувања, но и пандемијата со корона вирусот која најтешко го погоди нашиот град.

Во моментите кога сите сакаме да заборавиме на се’ што лошо поминало и се надеваме дека Новата 2024 година ќе донесе радост, среќа и просперитет, како за нашиот град, така и за секое семејство, да се потсетиме како се славаше Нова година на плоштадот “Методија Андонов-Ченто” пред една декада.

Пред преполниот плоштад тогаш настапија “Супер Хикс”, па погледнете дел од новогодишната еуфорија тогаш во продолжение:

Оваа година прославата на плоштадот ќе изостане, а од општината информираа дека парите кои беа предвидени за прослава и изведувачи, ќе се дадат во хуманитарни цели.

Во најновата колумна на порталот на “РАДИО ПЕЛА”, новинарот Зоран Момироски по обичај се освртна на дневно-политичките случувања во Прилеп, а посебен акцент секако стави на релациите помеѓу двете најголеми политички партии, ВМРО-ДПМНЕ и СДСМ.

“Читам на еден познат прилепски портал повеќе на шега отколку сериозно најавуваат дека кривичните пријави на ОК на ВМРО-ДПМНЕ по ревизорскиот извештај ги закочиле новогодишните забава. Нели пред Нова година треба да сме расположени, а не уплашени. Јас мислам дека истото важи и во СДСМ. Коалицијата ВМРО-ДПМНЕ и СДСМ во Прилеп одлично функционира. Што би рекол и подобро од очекувањата. Па ако се надоврзам на оваа шега која многу говори за вкупните состојби по ова прашања, тогаш сигурно дека првата кривична пријава овие од ВМРО-ДПМНЕ за мовчето “Сточен пазар” ќе ја поднесат веднаш во првиот работен ден по Нова година. Втората за демолираниот и обезличен објект за подрачното училиште во населбата “Сточен пазар” најверојатно ќе биде поднесена пред Коледе. Третата за која ВМРО-ДПМНЕ урликаше за прескапата вертикална сигнализација за прескапите знаци ќе биде поднесена после “Стара Нова година”, а за четвртата, за новата детска градинка во “Точила”, време нема да има. Прво, бидејќи сите празници ќе се поминати, второ бидејќи влегуваме во сериозна предизборна кампања”, пишува Момироски.

Новинарот потоа му посвети и збор-два на претседателот на ОО СДСМ Прилеп и од скоро Генерален директор на Тутунскиот Комбинат, Зоран Пачешкоски, кој наводно се лутел на критиките кои ги добива во колумните.

“Да не испаднам некоректен спрема генералот над генералите – Цакиот, бидејќи плачи како бебе и рони бучински солзи, како од бучински кромид дека во скоро секоја колумна неосновано го коментирам, сакам да го потсетам и лично му се обратам: Цаки, кога ти беше раководител на подрачната единица на Министерството за земјоделие, а јас уредник во информативната редакција на “Канал 5″, секој твој јавен настап го следев и го објавував во вестите на оваа национална телевизија. Така централата на СДСМ слушна за тебе. Јас работам професионално и така ќе продолжам. Ако имаш забелешки тоа е твој проблем и не можам да ти помогнам”, напиша меѓудругото Момироски.

Уште едно успешно издание на Светиниколскиот турнир во мал фудбал во Прилеп е зад нас, а победничкиот трофеј оваа година на турнирот го подигна екипата на “ТЕА АНДРЕА – ХАЈФ КАФЕ”.

Дечките беа неприкосновени на теренот, а својата големина ја покажаа уште еднаш, откако решија дел од наградата да ја донираат онаму каде што е најпотребно и како што доликува во овие предпразнични денови.

Тие го израдуваа со подароци нашиот сограѓанин Далибор Милески – Чачоро, младо момче кое инаку е голем фан на ФК Победа и прилепскиот спорт воопшто.

Секоја чест за гестот, и нека овој нивни потег послужи како пример за сите кои имаат повеќе, и се во можност да изднудат среќа и радост на нечие лице.

МВР информира дека во џипот на внукот на Али Ахмети пронајдени се 749 пиротехнички средства.

-Полициски службеници, синоќа во 19:50 часот на ул.„Самуилова“ во Скопје, запреле патничко моторно возило „ренџ ровер“ со албански регистерски таблички, управувано од Д.А. (25) од кичевското село Зајас, и при преглед на возилото пронашле 749 пиротехнички средства.

Како што соопштуваат од МВР, лицето е приведено во полициска станица и по документирање на случајот ќе биде поднесен соодветен поднесок.

Вложувањето во квалитетна дограма во денешно време е пред се спас од високи сметки за електрична енергија, а за прилепчани најчесто тоа е инвестиција која значи домаќинлук. Прашањето секогаш е кому да му се даде довербата, кој нуди поевтини цени и квалитет и кој најбезболно ќе ви го реши проблемот со дотраената надворешна столарија.

Ако ги прашате прилепчани, особено оние кои веќе се увериле, ќе ви речат да се обратите во “Гермак Дизајн”, една од најдобрите специјализирани фирми за производство и монтажа на ПВЦ и алуминиумска столарија. Зошто “Гермак Дизајн”? Епа затоа што се фирма која ретко како кој друг ќе ви излезат во пресрет на сите ваши барања.

Луѓето се професионалци во својата работа, целата им е задоволни муштерии и добар глас, а за да го постигнат тоа вложуваат максимален труд и напор.

Во “Гермак” ќе ви понудат секакви профили на прозорци и врати, стаклени огради, гаражни врати,…. едноставно умот да ви зајде од изборот кој ви го ставаат на располагање.

За нивните производи и услуга ќе слушнете само пофални зборови, и тоа не само во Прилеп, туку и пошироко во целиот регион, па и во цела Македонија.

А најважно од се’, брзо ја реализираат секоја порачка, а монтажата им е безболна, односно ќе си поминете без поголемо оштетување на ѕидовите, а со тоа ќе избегнете и дополнителни трошоци.

Контактирајте ги на телефонскиот број 078 308 548 и закажете состанок, а потоа заедно пронајдете го најдоброто и најфункционално решение за вашиот дом.

Во соработка со КАМ маркети, општина Прилеп и Дедо Мраз денеска доделија стотици колетчиња на најмалите кај Градскиот Саат во Прилеп.

Дечињата се дружеа со кловнот Лили и се фотографираа со старецот со бела брада, а нивните мајки, татковци, баби и дедовци, уживаа во разиграната празнична атмосфера.

-Ја завршуваме оваа 2023 година со една позитивна енергија и со добра мисла дека во новата 2024 година заедно ќе продолжиме со уште поголема динамика, нова енергија и одговорно работење! Како што напоменавме средствата планирани за организиран дочек и изведувачи ќе бидат пренаменети во хуманитарни цели – порача градоначалникот на општина Прилеп, Борче Јовчески.

На 28.12.2023 во 22.15 часот на ул.„Шералти” во Битола, полициски службеници од СВР Битола го лишиле од слобода У.К.(36) од с.Граешница, битолско.

Тој бил осуден на казна затвор во траење од три години за сторено кривично дело по член 215 од Кривичниот законик – „неовластено производство и пуштање во промет на наркотични дроги, психотропни супстанци и прекурзори, а бил баран по централна потерница врз основа на наредба од Казнено – поправната установа Затвор Битола за доиздржување на една година и седум месеци од казната.

Лицето било спроведено во казнено – поправната установа за доиздржување на казната.

Пред пилјарата Fruit Маrket во населбата “Точила” во Прилеп е поставена закачалка на добрината. Мотото е: “Ако имаш донеси ако немаш понеси”, а досега повеќе хумани граѓани дале свој придонес за оние наши сограѓани на кои им е најнеопходна помош.

Празничните денови не се само прослави по кафеани и ресторани, туку во овие денови треба да научиме да сакаме, да споделуваме, да шириме позитивна енергија и да даруваме. Само така нема да има ниту една празна трпеза за Божик и Нова година.

Секоја чест за идејата на сопствениците на пилјарата, а вие побрзајте и дајте свој придонес во оваа хумана мисија.

„Sport Life“ обложувалници ја продолжија традицијата од последните неколку години и оваа година им подарија новогодишни пакетчиња на децата од социјално ранливите категории и на лицата со попреченост.

Од страна на тимот на „Sport Life“ во празнична атмосфера и заедничка дружба, беа поделени вкупно 114 пакетчиња, во ЈУ Меѓуопштински центар за социјална работа, Куманово, во Здружение регионален центар за лица со интелектуална попреченост „Порака наша“, Куманово, како и во ЈУ Детски дом „11 Октомври“ – Скопје.

„За нас посетата и грижата за дечињата од ранливите категории и за лицата со интелектуална попреченост претставува благородна традиција и дел од нашата визија за општествена одговорност и поддршка на сите ранливи категории во општеството. Им благодариме за топлиот прием и нивните драги насмевки, кои навистина многу ни значат.

Воедно им ја честитам Новата година и им посакувам многу здравје, радост и среќа на сите дечиња и на сите наши граѓани во името на „Sport Life“ обложувалници – изјави Петар Поцков, маретинг директор на „Sport Life“.

Во соработка со Љупче Бубио и пицерија “Ла Страда”, Боксерскиот клуб “АС” од Прилеп синоќа ги израдува своите најмали членови со новогодишни пакетчиња и дружба со Дедо Мраз.

Старецот со бела брада кој деновиве ги радува сите дечиња патем научи и некои боксерски техники, а добро се снајде и на спаринг во рингот.

Од БК “АС” Прилеп им ја честитаат Новата 2024 година на сите нивни членови и нивните семејства, и им посакуваат уште поголеми успеси во иднина.