Промените се неизбежен дел од животот, а токму тоа го потврдува и колешката Мирјана Трпечска, која наскоро стартува на нова раководна позција, и која ја менува својата деловна средина.

Мирјана преку Фејсбук се пофали дека во новата година ќе има висока раководна позиција во нашта веќе истакната телевизиска куќа.

– Стартот на Новата Година за мене на професионален план донесе ново поместување. Предизвик со кој сум спремна да се соочам по 27 години активна новинарска служба, од репортер од земјава и странство, преку уредник во МТВ , Канал 5 тв, гл.и одг. во Nova webtv, a сега како главен и одговорен уредник на Тв 24. Колегите пред мене на оваа позиција и новинарите, снимателите и сиот технички персонал, ја растеле Тв24 јас продолжувам понатаму. Само јас сум во предност годинава е престапна па ќе имам ден повеќе како можност + да успеам во новата мисија. Среќна Нова на сите, предизвиците се тука да се прифаќаат, за арно и за убаво – напиша Трпческа.

Сега две национални телевизии имаат уредници од Прилеп. За потсетување главен и одговорен уредник на “Канал 5” телевизија е Гоце Михајлоски, а токму Трпческа беше водител таму во емисијата “Само вистина”.

Градоначалникот на општина Битола Тони Коњановски ја посети приватната болница „Плодност“, каде првото женско новороденче во 2024 година се роди во 00.10 часот и се вика Антониа. Тој ги посети мајките и нивните новороденчиња при што им подели и соодветни подароци.

„Чест и задоволство е да се биде во болницата „Плодност“, ја имаме Антониа, женско првородено бебе и уште едно, Матео, така што годинава, како што беше и во Клиничката болница, ќе биде плодна, женска. Посакувам успех, здравје, пред се на родителите и на корисниците на услугите на оваа институција, на персоналот успеси во иднина и во иднина да се среќаваме само за убави работи“, посочи градоначалникот Тони Коњановски при посетата на болницата „Плодност“.

„Првото бебе е женско, породено во 00.10 часот на мајка од Битола, а второто новороденче е машко, макјата е од Прилеп. Во тек се уште две спонтани породувања, кои што ќе се завршат за многу брзо време. Со оглед дека имаме и три новороденчиња од вчерашниот ден, вкупната бројка денес ни е 7 бебиња. Со оглед на тоа што денес се 4 новороденчиња, а минатата беа 833, очекувам четири цифрена бројка на новородени во оваа година“, рече директорот и сопственик на Болница „Плодност“, д-р Таше Трпчевски.

Некаде еден час по полноќ на одделението за гинекологоја и акушерство при ЈЗУ Општа Болница ,,Борка Талески”, се роди првото бебе во Новата година

Утринава ги посетив мајката и бебето и во името на Општина Прилеп им подарив штедна книшка со 12.000 денари, како и други подароци за бебето. На родителите им ја честитав нивната втора радост со желби за прекрасно детство и многу здравје, среќа и успех! На вработените во ЈЗУ Општа Болница ,,Борка Талески” им ја честитав Новата година, им посакав да им биде многу бериќетна и да ја поминат во добро здравје, со многу успеси и просперитет на сите полиња – напиша на ФБ градоначалникот на општина Прилеп, Борче Јовчески.

Релативно мирна Новогодишна ноќ со неколку интервенции – информираат од СВР Битола

-На 31.12.2023 во 23.00 часот, во СВР Битола В.Т. од Битола пријавил дека на ул.„Свети Нектариј Битолски” бил физички нападнат од Т.С. и Н.В. двајцата од Битола.

-На 31.12.2023 во 23.50 часот полициски службеници од ОВР Прилеп на ул„ Кузман Јосифоски“ го лишиле од слобода 16 годишен малолетник од Прилеп. При извршен преглед кај лицето е пронајдена прашкаста материја. По документирање на настанот против истиот ќе биде поднесена соодветна пријава.

-На 31.12.2023 од страна на полициски службеници од ОВР Ресен во с.Крушје, ресенско ја лишиле од слобода Х.Б.(46) од с.Горна Бањица, гостиварско. Истата се барала по распишана централна потерница од Основен суд Гостивар за издржување на казна затвор во траење од 6 месеци при што е спроведена до Казнено поправна установа затвор „ Идризово “ .

-На 31.12.2023 во 20.40 часот во ОВР Прилеп С.Р. од Прилеп пријавил дека на ул„ 11-ти Октомври“ бил физички нападнат од страна на едно лице.

Во прекрасна атмосфера на Платото пред Офицерскиот дом, синоќа Битола ја дочека Новата година.

За крај на „Зимската приказна“ и успешен почеток на Новата година, програмата беше исполнета со „Eruption Band“, „Elicsir band“, Групата „Чоканче“ и Битолскиот дувачки оркестар надополнет со Стендап комедија на Марјан Ѓорѓиевски.

Точно на полноќ, впечатливи светлосни ефекти го означија почетокот на 2024 година, а градоначалникот на општина Битола, Тони Коњановски на сите граѓани им посака многу здравје, среќна и успешна година.

Традиционално, планинарите од групата „Олимпус Монс“, синоќа го започнаа искачувањето на Пелистер, како дел од првиот настан за оваа година, насловен „Први на први“.

Антониа е првото родено бебе во битолската болница “Плодност”.

Бебето на свет дојде точно во 00:10часот и е тешко 3220грама.

Да е здраво и живо!

Министрите за здравство и за труд и социјална политика, Фатмир Меџити и Јованка Тренчевска, денеска на Универзитетската Клиника за гинекологија и акушерство во Скопје, ќе го посетат првото родено бебе во 2024 година.

Првото бебе годинава се роди на Универзитетската Клиника за гинекологија и акушерство во Скопје во 00.00 часот. Бебето е од машки пол, тешко е 3.760 грама, долго е 52 сантиметри и е родено со Апгар 10/10.

Како што информираат од Универзитетската клиника за гинекологија и акушерство, породувањето беше извршено по природен пат. Дежурната екипа на ГАК на чело со проф. д-р Горан Димитров ја породи 34-годишната родилка Наташа Стефковска од Скопје.

– На новороденчето му посакуваме добро здравје и среќно детство, се наведува во соопштението.

Во првите 15 минути од Новата година на ГАК се родија три бебиња.

Првото родено бебе во Новата 2024 година, во прилепската болница “Борка Талески” е девојче.

Бебето на свет дојде 1 час по полноќ, а додека очекуваме повеќе информации, да им честитаме на среќните родители.

Годината ќе ни биде бериќетна, да е здраво и живо!

За само две вечери (29/30/31.12.2023) во периодот од 22.00 до 05.00 часот на територија на СВР Битола, со акцент на Битола и Прилеп спроведена е засилена акциска контрола, за санкционирање на возачи кои управуваат возило под дејство на алкохол. При контролата санкционирани се 17 возачи, а откриени биле и 14 останати прекршоци – информираат од Секторот за внатрешни работи при МВР од Битола.

-Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи, да се воздржат од конзумирање алкохол при управување со моторното возило, бидејќи само така ќе овозможиме безбеден сообраќај и спречување на сообраќајни незгоди – велат од СВР Битола.

Почитувани мои сограѓани,
Магијата на новогодишните празници е во споделување среќа, а таа се шири и пренесува со убави зборови. Новогодишните и божиќните празници се убави моменти, кога со другите се споделува радоста, среќата и спокојот. Затоа, во овие моменти, искрено Ви посакувам, Новата 2024 година да Ви биде исполнета со спокој, ведра мисла и добро здравје!

Зад нас, оставаме уште една година исполнета со бројни предизвици; економски, урбани, политички, безбедносни. Но, секогаш, кога завршува една година, важно е да го согледаме и цениме сето она што сме го направиле и постигнале и да создаваме подобар почеток без разлика дали се работи за лични достигнувања или за пресвртници што ги постигнавме како заедница. 2023 година беше година на промени за поквалитетен живот на граѓаните на Општина Прилеп.

Работевме, чесно, одговорно и напорно во реализирање на квалитетни проекти од витално значење за нашиот град и населените места и покажуваме решителност да создаваме, работиме и креираме во интерес на граѓаните.
Заедно со вас ќе продолжиме во истиот дух , и во Новата 2024 година. Со уште поголема динамика, со нови планови, проекти, нова енергија, знаење и одговорно работење. Оваа Нова 2024 година, е почеток на едно сосема ново поглавје. Продолжуваме заедно да го развиваме нашиот Прилеп во еден урбан и модерен град, град на можности и напредок. Сигурен сум дека наредната година ќе успееме да ги оствариме нашите цели.

Затоа, Ви посакувам да останете во добро здравје и да имате среќна, просперитетна и успешна 2024 година и да го сакаме и да се грижиме за Прилеп ! Среќна Нова година и среќни божиќни празници!