Луѓето родени во јануари имаат поголема веројатност да станат познати ѕвезди, спортисти и лекари, а исто така се добродушни и романтични и сакаат да им помагаат на другите.

Во јануари се родени познати лица како Мухамед Али, Стивен Хокинг, Елвис Присли, Волфганг Амадеус Моцарт, Исак Њутн, Опра Винфри, Мишел Обама.

Ова се шест фасцинантни факти за родените во јануари.

Тие се големи љубовници, но срамежливи
Тие се родени лидери
Имаат одлична смисла за хумор
Тие се многу креативни
Знаат да чуваат тајна
Знаат како да се однесуваат во кризни моменти.

Од Народната банка на Република Македонија откриваат колку македонските иселеници испратиле пари во Македонија.

Многу македонски граѓани се иселени во Австралија, но имаме и голем број гастарбајтери во Германија, Швајцарија, Италија, Малта, Хрватска и други земји. Од Народна банка велат дека приватните девизни дознаки историски претставуваат значен дел од вкупниот девизен прилив во платниот биланс на земјата и покриваат поголем дел од трговскиот дефицит, а со тоа се значајна поддршка на девизните резерви и стабилноста на курсот. Тие низ годините се релативно стабилна категорија на девизен нето прилив во земјата и во просек, во периодот 2005-2022 изнесуваат околу 14 отсто од БДП.

„Секако, дознаките се значајна компонента и на расположливиот доход на населението кај нас, а со тоа и на приватната потрошувачка. Kај приватните дознаки е присутен постојан тренд на раст, кој во просек за 2021-2022 година изнесува околу 35 отсто на годишна основа, со што во текот на изминатата година дознаките достигнаа близу две милијарди евра (или околу 15 отсто од БДП). Поволните трендови продолжија и во 2023 година, иако растот е со поумерена динамика имајќи ја предвид високата споредбена основа од претходната година. Имено, согласно последните објавени податоци за билансот на плаќања, нето приливите од приватни дознаки во периодот јануари-септември 2023 година изнесуваат 1.557 милиони евра и се повисоки за околу 6,5 отсто во однос на истиот период од претходната година. Податоците од платниот биланс за последниот квартал сè уште не се достапни, но согласно расположливите индикативни податоци за оваа компонента, коишто се следат преку нето-откупот од менувачкото работење, растот кај овие приливи продолжува, со слична динамика. Народната банка не објавува статистички податоци за земјата на потекло на приватните дознаки“, додаваат од Народна банка.

Над 150 дечиња ќе учествуваат во Бадниковата поворка оваа година во Прилеп. Во центарот на градот е поставена Бадниковата пештера, а дечињата веќе убаво ја имаат научено “Вечниот Бог” и уште неколку духовни песнички, кои ќе ги испејат на Камената бина.

Тие неуморно вежбаа во изминатиот период, а во сабота наутро на Коледе, ќе прошетаат низ прилепската чаршија и до секого ќе ја пренесат празничната магија и љубов.

Оваа година Бадниковите поворки се одржуваат под мотото “Почувствувај радост”, a поворката во Прилеп ќе започне во 10часот. Покрај “Вечниот Бог”, дечињата под менторство на Викторија Георгиоска, ќе ги отпеат и песничките “Тропар на Рожденство Христово” и “Кондак на Рожденство Христово”.

“Дечињата најпрво ќе бидат пречекани од градоначалникот на општина Прилеп, Борче Јовчески, а потоа со песна ќе продолжат низ уличките на Старата чаршија, од каде одново ќе се вратат пред Бадниковата пештера, а на крајот ќе се упатат до храмот Св. Кирил и Методиј – Параклис”, вели Катерина Левкоска, координатор за Прилеп на Здружението “Бадникови поворки”.

На вас останува во сабота да излезете и да ја проследите оваа прекрасна празнична манифестација.

На 02.01.2024 во 20.00 часот на ул.„Пере Тошев” во Прилеп, полициски службеници од ОВР Прилеп го лишиле од слобода В.Т.(39) од Прилеп затоа што кај него биле пронајдени и одземени бела грутчеста материја и повеќе таблети.

По документирање на настанот против него ќе следува соодветна пријава – информираат од СВР Битола.

Под мотото „За Бадник и Божик никој не треба да биде сам”, Општина Кавадарци и оваа година на градскиот плоштад ќе организира празничен ручек.

Идејата за бадниковиот ручек минатата година беше на Горан Филипов, готвач кој заедно со уште неколкумина познати професионални готвачи од Македонија, тогаш зготвија голем број празнични порции.

Целта на настанот е сите кавадарчани, кои се без семејство, без дом, без полна трпеза, сами или осамени, да ја почувствуваат празничната магија и заеднички да се дружат на празнична трпеза со своите сограѓани.

Во новата 20024 година според планот на Министерстрвото за здравство и Владата во ЈЗУ Општа Болница со проширена дејност Прилеп планирано е вработување на 70-тина од досега работно ангажираниот персонал со договор на дело, од кои 20 лекари, со што трајно би се решил статусот на овие вработени, а од друга страна би се подобрила екипираноста на институцијата во интерес на поквалитетна услуга за пациентите – информираше директорката на прилепската болница “Борка Талески”, Кети Смилеска.

Смилеска на прес конференција наброи и кои проекти биле реализирани во болницата во изминатиот период.

-Новина во оваа 2023 година е и новиот кабинет на нашиот ценет нов субспецијалист ендокринолог Др Катерина Маркушоска Чешлароска – со сите здравствени проблеми од ендокринологија за граѓаните да не патуваат во Битола или Скопје и се изложуваат на непотребни трошоци за болестите на тиреоидеа, лабораториски испитувања ,третман и лекување на истата!

Комплетно нов лик на инфективното одделение, зафати на негово целосно реновирање кои се случуваат првпат по неговата изградба, а беа толку неопходни во овој пост ковид период кој остана зад нас а во кој голем број наши сограѓани без згрижени во болничките соби на ова одделение
Набавени се 6 нови пациент монитори – PROVIEW 12 (од германскиот производител medical ECONET) за потребите на Службата за анестезија, реанимација и интензивно лекување а со цел добра проценка на здравствената состојба кај тешко болни пациенти преку континуиран надзор над виталните функции, кои што се следат преку пациент монитори.Во ова одделение исто така набавен е и видео ларингоскоп, значаен за современите лекарски процедури.

ЈЗУ Општа болница со проширена дејност од сопствени средства набави ЦТГ апарат и пациент монитор за потребите на акушерското одделение – од фирмата “Еконет“. ЦТГ апаратот ќе го подобри мониторирањето на бебињата и контрактилноста на матката кај родилките. Пациент мониторот на акушерското одделение ќе го подобри интензивирањето во мониторингот на пациентките сместени на одделението, особено во следење на нивната состојба по анестезирањето при породувањето,

За потребите на болничката лабораторија набавени се два современи апарати од светскиот лидер во производство на апарати за лабораториска дијагностика “Biomerieux“ од САД. Станува збор за апаратите Bact Alert 3D и Biofire Torch. Со набавката на оваа најсовремена опрема – ова автоматизирано решение и технологија Multiplex Nestet PCR, се овозможува навремено откривање на причинителите и одредување на гените на антимикробна резистенција, со што се овозможува брзо, навремено и точно третирање на пациентите со таргетирана терапија.

Во ортопедско трауматолошкото одделение по подолго време е имплантирана тотална протеза на колено на пациент во нашата болница. Со оваа метода на операција на гонартроза им се излегува во пресрет на пациентите од регионов и за оваа метода на имплантација на вештачко колено да не патуваат во други болниците. Новите методи отвораат перспектива на младите лекари да се усовршуваат и во иднина да се стават во функција на болницата и пациенти кои би добиле најквалитетни услуги.

Со помош на нашиот традиционален соработник општествено одговорната компанија Гентерм – за одделението за уво нос и грло набавен е апарат за скрининг за контрола на наглувост на сите новороденчиња .

Таа зборуваше и за плановите во иднина, при што како приоритети ги нагласи:

-Комплетно реновирање на котларата со што ќе се осовремени и унапреди процесот на затополување на болничките одделенија;
-Партерно современо уредување на дворното место на ЈЗУ Општа болница;
-За потребите на очното одделение во план е набавка на нова офталмолошка опрема за извршување на современата ФАКО метода;
-Во тек е постапка за набавка на најсовремена нова опрема за Болничката лабораторија со кои ќе се забрзат и олеснат анализите на сите земени примероци;
-Очекуваме скорешна набавка на ново современо возило за Службата за итна медицинска помош;
-Во новата 2024-та година планирано е комплетно реновирање и набавка на нова опрема и апарати во болничката кујна и пералната;…

Дачиа Сандеро втор месец по ред и вкупно четврти оваа година е најпродаваниот модел во Европа. Извесно е дека ќе води тесна борба против Тесла Модел Y во борбата за титулата најпродаван автомобил во Европа во 2023 година.

Имено, во ноември дури 19.760 клиенти го избрале Сандеро, а тоа на Дачиа и донесе 9,5% подобра продажба од истиот месец минатата година.

По лошиот октомври, Тесла Модел Y речиси двојно се зголеми на 17.500 и се врати на второто место зад Сандеро. И покрај тоа, Тесла е барана марка минатиот месец, бидејќи Модел 3 со 16.300 примероци е трет најпродаван автомобил на Стариот континент.

Додека неговата продажба се движеше од рекордни до потпросечни продажби, електричниот модел Y на Тесла кумулативно забележа најголема продажба во 11 месеци од тековната година. Станува збор за речиси 230.000 испорачани единици низ Европа, додека Сандеро е втор со 217.244, а Фолксваген T-Roc е трет со 191.105 продадени единици во наведениот период, пред Пежо 208 и Рено Клио.

Ова се 10 најпродавани модели за 2023 година

1. Тесла модел Y 229.980

2. Дачиа Сандеро 217.224

3. Фолксваген T-Roc 191.015

4. Пежо 208 184.105

5. Рено Клио 181.675

6. Опел Корса 176.512

7. Фолксваген Голф 166.304

8. Тојота Јарис Крос 163.505

9. Фолксваген Тигуан 160.214

10. Шкода Октавиа 149.399

-Почеток на третиот ден во новата 2024 година, утринска визита на директорот прим. д-р Таше Трпчевски, кај 11-те бебиња, од кои 4 со ИВФ – напишаа од болницата “Плодност” на ФБ.

Болницата минатата година ја заврши со 833 бебиња, а оваа година очекувањата се дека бројката ќе биде четирицифрена.

Драги деца, за неколку дена ќе го славиме Божик, светиот ден кој е исполнет со значење за сите деца во секое семејство па затоа Божикното празнување ќе добие своја полнота кога вие младенците, ќе дојдете при јаслите на Богомладенецот зашто вие, со вашите невини души, чисти срца и искрени насмевки ги претставувате ангелите кои околу јаслите на Богомладенецот пееја: „Слава на Бога во висините, на земјата мир а меѓу луѓето добра волја.“

Драги младенци, Богомладенецот чие раѓање ќе го доживееме за неколку дена, откако ќе порасне, како возрасен човек, како Учител на божествената вистина, ќе покаже извонредна љубов кон децата. Тој ќе им рече на апостолите: „Оставете ги децата да дојдат кај Мене, не ги попречувајте“, и ќе додаде: „зашто на таквите им припаѓа Божјото царство“ (Мк. 10, 14). Друг пат ќе рече: „Ако не се повратите и не бидете како деца, нема да влезете во царството небесно“ (Мт. 18, 3).

Драги млади, гледате дека вие сте навистина важни во очите на Исус! Можеме дури и да кажеме дека Евангелието е полно со вистината за децата. Впрочем, Исус децата ги посочува како примери на кои возрасните треба да се огледаат ако сакаат да влезат во рајските населби. Детската едноставност, детската добрина, доверба, чистота на душата, детската искреност се особините со кои треба да бидат украсени сите возрасни луѓе кои сакаат да станат Божји деца и да влезат во вечниот живот.

Затоа, како што Христос повикувал да не им пречат на децата да појдат при Него, и ние како Црква, повикуваме и советуваме: Дојдете кај Новороденчето Христос! Вие родители, баби, дедовци, донесете ги младенците при Богомладенецот па преку причесната да се соединат со Него. На овој голем ден, апелираме и советуваме децата да се причестат. Во однос на подготовката за причест, според учењето на Црквата се препорачува децата од мали нозе да се учат на пост но, во случајов, барем последните неколку дена пред Божик. Ова не е задолжително за децата до седумгодишна возраст. Убаво би било но, не мора да постат ниту, пак, некој друг треба да пости за нив. За повозрасните деца се препорачува, поучно, да постат (пост на масло) како што рековме, барем последните два-три дена пред Божик. Утрото пред богослужбата младите треба да бидат гладни и жедни, освен бебињата до едногодишна возраст.
Бог ве сака, драги деца! Ова е она најважното што треба да го знаете во овие Божиќни празници, кои на посебен начин се ваши празници.

Се надевам дека ќе ви бидат радосни и мирни и ќе доживеете поинтензивно доживување на љубовта на вашите родители, на вашите браќа и сестри и на другите членови на вашето семејство.

Оваа љубов потоа мора да се прошири на целата заедница, дури и на целиот свет, токму преку вас, драги деца, и ќе може да допре до оние на кои им е најпотребна.

За божикните празници со радост ве очекуваме во нашиот храм „Св. Петка“ каде ќе можете да ја проследите и уметничката изложба од вашите врсници кои цртаа и пишуваа за Празникот на децата – Божик.

В.д. старешина на храм “Св. Петка Римјанка” -Точила
Протоереј Љупче Петрески