Турскиот парламент го одобри предлог-законот за протоколот за пристапување на Шведска во НАТО, јави ТРТ.

По денешното гласање во турскиот парламент, Унгарија стана единствената членка на НАТО која сè уште не ја одобрила кандидатурата на Шведска за влез во Алијансата.

Предлог – законот е испратен до турскиот претседател Реџеп Таип Ердоган на конечен потпис, што се очекува да се случи во наредните неколку дена.

Во октомври 2023 година, турскиот претседател Реџеп Таип Ердоган го потпиша протоколот за пристапување на Шведска во НАТО и го достави до парламентот. Финска и Шведска аплицираа за членство во НАТО веднаш откако Русија ја започна својата војна против Украина во февруари 2022 година.

Турција го одобри членството на Финска во алијансата во март 2023 година, но рече дека чека Шведска да се придржува до трилатералниот меморандум од јуни 2022 година за да одговори на безбедносните грижи на Анкара.

Сите нови членки на НАТО мора да бидат одобрени од сите сегашни членки, вклучително и Турција, кој е членка на Алијансата повеќе од 70 години.

На 22.01.2024 во 09.20 часот во Полициската станица Кавадарци, 57-годишна жена од Кавадарци пријавила дека била измамена од едно лице.

Според пријавеното, лицето се претставило како претставник на странска банка со претставништво на Балканот и се договориле да ѝ помогне да добие кредит со ниска каматна стапка.

Како што е пријавено, таа во текот на месецот во неколку наврати уплатила по 270 евра за наводната услуга, но тој барал да префрли уште пари, а не добила ништо и сфатила дека е измамена.

Се преземаат мерки за расчистување на случајот.

Агенцијата за млади и спорт бара од Општина Прилеп и од Општина Велес да се обезбедат локации за затворени базени.

Во дописот кој од Агенцијата го испратиле до градоначалникот на општина Прилеп, Борче Јовчески стои:

-Агенцијата за млади и спорт го реализира Проектот „Изградба на 14 пливачки базени во РСМ”, каде општина Прилеп е предвидена како дел од истиот.

Согласно планот за развој на спортот и изградбата на спортска инфраструктура во Република Северна Македонија, изработен е Основен проект за изградба на типски затворен пливачки базен со можност за изградба на различни локации на рамен терен. Изградбата на базенот треба да овозможи услови за одржување на настава по пливање, обука на непливачи, тренинг, рекреација и натпревар преку целата година за учениците, спортистите, младите луѓе и граѓаните од општината и пошироко. Објектот е наменет за спортови на вода, првенствено за обука на непливачи, односно обука на ученици од помала возраст, но истовремено овозможува и тренинг на деца и спортисти со понапредни способности во пливањето. Објектот исто така овозможува минимум услови за рекреација на локалното население од сите старосни групи во термини посебно определени за таа намена.

Просторот наменет за овој објект треба да е на слободна локација без градби со планирана рамна конфигурација на теренот, кон кој секојдневно гравитира голем дел од населението од општината. Важен елемент за избор на локацијата е и добриот сообраќаен пристап до објектот и поврзаноста со околните објекти. Сообраќајното решение треба да овозможува лесна комуникација и пристап на интервентни возила. При проектирањето се користени сите стандарди и нормативи за проектирање на ваков вид на објекти. Централната просторија на објектот располага со базенско корито димензионирано за обука на непливачи и тренинг и рекреација на пливачи со димензии од 25 м должина и ширина од минимум 8,80м. Минималната длабочина на базенот е 0,8 м, а максималната 1,4 м. Висината на објектот е оптимално димензионирана со цел да се овозможи најекономично користење. При проектирањето се применети препораките, стандардите и нормативите на светската пливачка Федерација FINA“, се наведува во дописот од Агенцијата за млади и спорт.

Пратеникот на СДСМ од Прилеп, Миле Талевски, e во првите тројца најголеми трошаџии на државниот буџет за патни трошоци во Собранието – објави “Инфомакс”

Според објавениот текст, Миле Талевски во 2023 година за патни трошоци побарал и добил 602.929 денари. Талевски бил во Собранието 83 дена, што значи дека во просек добивал по 119 евра за секој ден.

Пред Талевски на листата е Јадранка Поцкова која за патни трошоци земала 676.414 денари и Љубица Спасова со 613.983 денари.

Ова не се сите пратеници, туку само рекордерите по земени патни трошоци со суми околку од над 600.000 илјади денари, но важно е да се напомене дека сите пратеници ја чинат Македонија вкупно 19.519.200 ДЕНАРИ или 320 ИЛЈАДИ ЕВРА!

Државниот завод за статистика објави дека просечната нето-плата во ноември изнесувала 38.359 денари, а тоа значи дека е помала за дури 484 денари во однос на октомврискиот републички просек кога изнесувала 38.843 денари. За разлика од месечното намалување кое е 1,2 проценти, на годишно ниво имало номинален раст на просечната плата од 16,2 проценти, или за 5.384 денари, затоа што во ноември 2022 година просечната нето-плата била 33.011 денари.

Со вкалкулирана инфлација, Државниот завод за статистика пресметал дека ноемвриската плата е уште повеќе намалена во однос на октомвриската, односно за 1,4 проценти. Инфлацијата изеде дел и од номиналниот раст на платите на годишно ниво, па со пресметана инфлација тие се зголемиле за 12,7 проценти.

Статистичарите пресметаа дека годишниот раст на платите се должи на зголемувањето на просечната месечна исплатена нето-плата по вработен во секторите: Јавна управа и одбрана; задолжително социјално осигурување (23,8 %), Снабдување со електрична енергија, гас, пареа и климатизација (22,0%), Снабдување со вода; отстранување на отпадни води, управување со отпад и дејности за санација на околината (19,4 %).

Намалување на просечната месечна исплатена нето-плата по вработен, во однос на претходниот месец, е забележано во секторите: Дејности во врска со недвижен имот (8,0 %), Рударство и вадење на камен (5,9 %), Финансиски дејности и дејности на осигурување (4,6 %).

-Тоа се проминентни политичари кои што доаѓаат од држави како Германија, Италија, понатаму, тука е Норвешка и Полска што значи е еден навистина престижен избор кој што само покажува што треба да правиме во следниот период и на каде треба да се движи политиката и на мојата политичка партија ВМРО-ДПМНЕ, но и на Македонија, рече тој.

Во Стразбур се одржува редовната зимска сесија на парламентарното собрание на Советот на Европа и ја имам честа да бидам реизбран за потпретседател на групата на Европската Народна Партија, тука во Советот на Европа. Оваа позиција за извршував и во изминатите две години, а денес ја добив поддршката од членовите на Европската Народна Партија и во следните две години да бидам потпретседател на Европската Народна Партија во Советот на Европа, вели Александар Николоски, потпретседател на ВМРО-ДПМНЕ.

„Тоа е и огромна чест и огромна привилегија, имајќи предвид дека се работи за најголемото политичко семејство во Европа, кое што има пратеници и во Советот на Европа и во Европскиот Парламент, најголем дел од претседателите и премиерите на замјите членки на Европската Унија доаѓаат токму од Европската Народна Партија. Исто така и претседателката ка Европската Комисија доаѓа од Европската Народна Партија.

Ова е, исто така, и една потврда и поддршка и за Македонија како и за мојата политичка партија, ВМРО-ДПМНЕ која што е член на Евопската Народна Партија. Во следните две години ќе продолжам да се залагам за заштита на човековите права, на малцинските и на јазичните права на сите оние на кои што им се загрозени, особено на Македонците кои што живеат во Бугарија, во Грција и во Албанија кои што немаат признати малцински јазични права“ – посочи тој.

Николоски истакна дека ќе продолжи да се залага за интересите на Македонија и ќе се обиде оваа позиција да ја искористи најдобро можно.

-Она што претставува дополнителна привилегија и чест е што, покрај мене, избрани се уште пет други политичари на оваа позиција како потпретседатели на Европската Народна Партија во Советот на Европа. Тоа се проминентни политичари кои што доаѓаат од држави како Германија, Италија, понатаму, тука е Норвешка и Полска што значи е еден навистина престижен избор кој што само покажува што треба да правиме во следниот период и на каде треба да се движи политиката и на мојата политичка партија ВМРО-ДПМНЕ, но и на Македонија, рече тој.

Обезбедени се бесплатните униформи за сите 5460 ученици од Кисела Вода – напиша на ФБ градоначалникот на општина Кисела Вода, Орце Ѓорѓиевски.

ФБ статусот во целост го пренесуваме во продолжение:

-Денес, на првиот ден од второто полугодие започнавме да ги доставуваме бесплатните униформи до сите наши ученици, во сите основни училишта на територија на општина Кисела Вода.

Оваа мерка е уште еден од чекорите за обезбедување еднакви можности за сите деца и овозможување на позитивен детски развој.

Униформите ќе создадат рамнотежа и единство меѓу учениците, независно од финансиските можности на нивните родители. Овозможувајќи бесплатни униформи за сите, го намалуваме ризикот од дискриминација и креираме рамка каде сите ученици се почитуваат и прифаќаат.

Се одлучивме секое училиште да има различна боја на униформа, со што креираме заеднички идентитет за учениците и го поттикнуваме чувството на припадност кон сопственото училиште.
На овој начин ги подигнуваме и безбедносните стандарди во училиштата.

Препознатливоста на униформата го прави веднаш воочливо присуството на лица кои не се дел од тоа училиште, со што се прави превенција од несакани ризици.

Покрај бесплатните униформи за сите ученици и оваа учебна година обезбедивме ранче за секое прваче, а бројни се и проектите за финансиска поддршка на учениците од социјален ризик-бесплатни ужинки, курсеви и спорт, како и бесплатно летување.

Образованието претставува столб на нашето општество и ние како локална самоуправа ќе продолжиме со инвестиции во образовните институции што дополнително ќе ги зголемат можностите и перспективите за нашите ученици!

Влогот во најмладите е влог во иднината!

Утрово најниска температура од -16 степени е измерена во Берово и Битола. Следат Тетово и Прилеп со -13 степени, -12 во Демир Капија, -11 Скопје-Петровец и Дебар, -10 Кавадарци, -9 Штип, Струмица и Велес, -8 Скопје-Зајчев Рид, Крива Паланка, Куманово, Претор и Гевгелија, -7 Охрид, -6 Виница, Крушево, Маврови Анови, -4 Дојран и 0 степени на Попова Шапка.

Највисока снежна покривка има во Маврови Анови – 17 сантиметри, 15 во Битола, Дебар, Попова Шапка, 12 Берово, Ѓуриште, 11 Крушево, 7 Тетово, Охрид, 6 Демир Капија, 2 Претор, Прилеп, Струмица и 1 сантиметар во Штип.

Времето денеска сончево со мала до умерена облачност. Претпладне по одделни котлини со појава на магла. Попладне ќе дува слаб до умерен северен ветер, поизразен долж Повардарието. Максималната температура ќе биде во интервал од -3 до 7 степени.

Во Скопје сончево со мала до умерена облачност. Попладне ќе дува слаб до умерен северен ветер. Максималната температура ќе достигне 3 степени.

Вложувањето во квалитетна дограма во денешно време е пред се спас од високи сметки за електрична енергија, а за прилепчани најчесто тоа е инвестиција која значи домаќинлук. Прашањето секогаш е кому да му се даде довербата, кој нуди поевтини цени и квалитет и кој најбезболно ќе ви го реши проблемот со дотраената надворешна столарија.

Ако ги прашате прилепчани, особено оние кои веќе се увериле, ќе ви речат да се обратите во “Гермак Дизајн”, една од најдобрите специјализирани фирми за производство и монтажа на ПВЦ и алуминиумска столарија.

Енергетско ефективните ПВЦ и алуминиумски прозори и врати кои ги нуди “ГЕРМАК”, во изминатите години станаа прозорец кон светот за голем број домаќинства, не само во Прилеп, туку и ширум државата.

Покрај тоа компанијата располага со сите видови на термопан стакла, ролетни, гаражни врати, роло врати, жалузини, завеси, секакви видови на комарници и парапетни даски. За сите производи од “ГЕРМАК” гарантираат за квалитетот, а целта секогаш е задоволни муштерии кои ќе го шират позитивниот глас.

Нивните ПВЦ профили се со високи стандарди кои на вашиот дом ќе му дадат идеална топлотна и звучна изолација, безбедност, како и одличен естетски изглед.

Профилите се произведени по најмодерна технологија која ги користи стандардите за квалитет EN ISO 9001. Тука пред се се издвојува 7 коморниот профил со ширина од 85мм и термопан стакло, кој овозможува техничко совршенство, а истовремено е лесно одржлив и функционален.

И најважно, од “ГЕРМАК” ќе излезат во пресрет за сите ваши архитектонски и изведбени барања, а монтажата е секогаш брза и навремена.

Контактирајте ги на телефонскиот број 078 308 548 и закажете состанок, а потоа заедно пронајдете го најдоброто и најфункционално решение за вашиот дом.

[Best_Wordpress_Gallery id=”1119″ gal_title=”Germak”]