Во недела со почеток од 11ч. во големата сала на Центарот за култура “Марко Цепенков”, ќе се одржи промоција за сработеното на Локалната самоуправа на Општина Прилеп во изминатите две години, 2022 и 2023.

-Ве поканувам во недела на 11.02.2024 година со почеток во 11:00 часот во НУЦК „Марко Цепенков“, на промоција за сработеното на Локалната самоуправа на Општина Прилеп во изминатите две години, 2022 и 2023. Ветивме пред Вас дека ќе работиме отчетно и транспарентно и тоа го докажуваме. Вие преку Вашата поддршка сте нашиот мотив да работиме секојдневно на подобрување и градење на нашиот Прилеп во едно поубаво место за живеење – напиша градоначалникот на општина Прилеп, Борче Јовчески.

Македонскиот ракометен интернационалец и прилепчанец, Димитар Димитриоски го продолжи договорот со шпанскиот прволигаш Атлетико Ваљадолид.

Крилото и следната сезона ќе го носи дресот на Валјадолид откако клубот му го продолжи договорот и тоа официјално го објави на својата интернет страница.

Димитриоски досега има постигнат 77 голови за оваа екипа, а сезонава има просек по 2 гола по натпревар.

По настапот за неколку македонски екипи, левото крило од Еурофарм Пелистер се пресели во Ваљадолид во 2022 година.

„Овој пат е различна ситуацијата, овие избори Албанците ќе имаат поголема излезност. На крајот од денот треба да видиме дали гласачкото тело на Алијанса сака да ја одржи на власт ДУИ или не. Дури и гледаме дека струшкото крило што му беа најблиски на Села, сега се со Таравари. Изгледен ми е резултатот во Алијанса за Албанците. ДУИ му врши работа на Села, но ги затвораат вратите кон другите од Алијанса, изјави синоќа Илија Димовски при гостувањето на Канал 5.

Димовски оценува дека од друг аспект, одењето на претседателски избори одвоено, кандидатот меѓу ВМРО-ДПМНЕ во споредба на кандидатот за претседател на СДСМ и тоа најмалку 120.000 гласови предност на опозицијата, а тоа ќе постигне ефект на лавина и на две недели подоцна парламентарните избори.

-Мислам дека ДУИ ќе има 12, а СДСМ не повеќе од 25 пратеници на изборите. Овој пат е различна ситуацијата, овие избори Албанците ќе имаат поголема излезност. Ако 2008 година се гледа излезноста кај албанскиот блок, таа е поголема од претходните и следните избори. Разликата меѓу ДУИ и Левица на анкетите е од 1% до 1,5%. Многу е битно да видиме каква бројка ќе освојат малите партии, Левица и ЗНАМ сигурно ќе освојат значителен резултат на изборите, рече Илија Димовски.

Пратениците во Собранието денеска во рамки на 140. седница, дискутираа и гласаа по повеќе закони, меѓу кои и за измените и дополнувањата на Законот за игрите на среќа и за забавните игри, како и за измени и дополнување на Законот за Академија за судии и јавни обвинители.

Антонио Милошоски од ВМРО-ДПМНЕ бараше измените и дополнувањето на Законот за Академија за судии и обвинители да не се става на дневен ред бидејќи со повторно воведување на можност за писмено полагање се дерогира квалитетот на идните судии и обвинители.

Милошоски притоа потенцираше неколку примери, каде овие законски измени ќе овозможат злоупотреба, односно назначување за судии и јавни обвинители според Милошоски на партиски кадри од СДСМ и ДУИ. Меѓу примерите кои ги потенцираше пратеникот од ВМРО-ДПМНЕ има и двајца прилепчани.

Од 61 присутен, 55 кренаа рака за законот за игри на среќа. Без амандмани во матичните комисии и дебата на пленарната седница, пратениците дадоа зелено светло за законот, според кој се забранува да има автомат клуб, спортска обложувалница или друг објект за организирање игри на среќа на 500 метри од училиштата.

Опозицијата побара точката да се тргне од дневен ред на денешната седница, а откако не беше овозможено ја напушти салата. Движењето Антикоцкање инсистираше на донесување на ваков закон заради заштита на децата, а приредувачите на игри на среќа протестираа, зашто сметаат дека ваквите измени ќе ги затворат обложувалниците и ќе ја уништат нивната индустрија, а 10.000 луѓе ќе останат без работа.

Асоцијацијата на спортски обложувалници на Македонија (АСОМ) и Асоцијацијата на приредувачи на игри на среќа (АПИС) претходно организираа протест пред законодавниот дом изразувајќи го револтот предлог-законот.

Оттаму, тие побараа претседателот Стево Пендаровски да не го потпишува указот за стапување во сила на законот, велејќи дека со измените ќе се затвори гранка во која има илјадници вработени, а кои со измените на законот ќе останат без работа, со што идиректно ќе се загрози егзистенцијата на 50.000 граѓани.

Шефот на државата неодамна изјави дека нема да го потпише Законот за игри на среќа, кој се носи злоупотребувајќи го европското знаменце, а за кој е јасно дека не постои јасна европска директива.

По народната “Турниме да кинисам”, претседателот на ОК ВМРО-ДПМНЕ Прилеп, Дејан Проданоски, конечно се одважи и излезе на “двобој” со претседателот на ОО СДСМ и Генерален директор на Тутунски-Комбинат Прилеп, Зоран Пачешкоски.

Ако се земе тоа дека социјалните мрежи и чаршијата изминатиот период вријат од реакции, а дел од медиумската фела објави и за наводна преќутна коалиција за ненапаѓање помеѓу првите луѓе на двете најголеми партии во Прилеп, ова беше крајно време за Проданоски прв да тргне во “акција”.

Како да сакаше да каже дека не важи она што новинарот Момироски деновиве го напиша на социјалните мрежи (Сложни попови и во посно мрсат), тој денеска пред портите на Тутунскиот Комбинат жестоко распали по министерот за земјоделие, Љупчо Николоски и директорот Пачешкоски. Неговата прес конференција можете да ја проследите во продолжение:

Останува сега да видиме кој ќе биде потегот на Пачешкоски и дали првиот човек на ОО СДСМ Прилеп има противодговор, на вака изнесените жестоки напади од ОК ВМРО-ДПМНЕ Прилеп.

ВМРО-ДПМНЕ е со двојна предност пред владејачката СДСМ покажува најновата анкета на мерењето на јавното мислење на граѓаните спроведена од Институтот за Политичко Истражување Скопје за потребите на МРТВ кои беа презентирани во емисијата „Објектив“.

На прашањето за која партија ќе гласате на претстојните парламентарни избори, ВМРО-ДПМНЕ е во двојна предност пред СДСМ, односно дури 19.4 проценти од граѓаните даваат поддршка за ВМРО-ДПМНЕ, додека за СДСМ само 10 проценти. Трета со поддршка од граѓаните е ДУИ 6.5 проценти, но значителен раст има и Европскиот сојуз за промени со 5.4 проценти, додека ЗНАМ има поддршка од 4.5 проценти, Левица 3.9 проценти, Алијанса на Албанците близу 2 проценти, додека дури 22 проценти од анкетираните граѓани одговориле за ниту една партија, 13.8 проценти не сакаат да кажат, додека не знам или немам одговор дури 11.5 проценти.

Во изборната единица 6, ДУИ има највисока поддршка од 17.9 проценти, но многу блиску или 16 проценти веднаш по него е Европски сојуз за промени, додека од македонскиот блок трета е ВМРО-ДПМНЕ со 8.1 проценти, па Алијанса на Албанците со 7 проценти, а петта со поддршка од граѓаните е владејачката СДСМ со само 4.4 проценти, односно и во оваа изборната единица, ВМРО-ДПМНЕ е со двојна предност пред СДСМ.

Левица со 0.6 проценти, ЗНАМ на Максим Димитриевски е со 0.5 проценти, за ниедна одговориле 20 проценти, не сакале да кажат 17.6 проценти, додека не знам или немам одговор рекле 5.9 проценти.

Понатаму, на прашањето која партија сметате дека ќе победи на следните парламентарни избори, ВМРО-ДПМНЕ има предност од речиси три пати повеќе во однос на СДСМ во изборната единица 2.

Имено, 28 проценти од граѓаните одговориле дека сметаат дека ќе победи ВМРО-ДПМНЕ, додека само 10.3 проценти сметаат дека ќе победи СДСМ. Трета е ДУИ од албанскиот блок со 8.9 проценти. ЕСП 4.6 проценти, и ЗНАМ со 4 проценти. За Левица сметаат само 3.4 проценти, за АА само 2.8 проценти, за ниедна одговориле 9 проценти, не сака да каже 3.8 проценти додека 24.4 проценти од испитаниците не сакале да одговорат.

Во изборната едница 6, 18.2 проценти сметаа дека на следните парламентарни избори ќе победи ДУИ, веднаш или со 16.8 проценти од анкетираните граѓани сметаат дека ќе победи ЕСП, додека за АА сметаат само 6.2 проценти. ВМРО-ДПМНЕ е трета со 10.6 проценти, или четири пати повеќе во споредба со владејачката СДСМ за која само 2.6 проценти се изјасниле дека сметаат дека ќе победи.

За Левица и ЗНАМ сметаат 1 процент, додека за ниту една партија не сметаат дека ќе победи одговориле 10.7 проценти.

Со да сигурно ќе излезат одговориле 42.2 проценти од анкетираните граѓани на прашањето доколку следната недела има парламентарни избори дали ќе излезете на гласање. Веројатно да 9.5 проценти, веројатно не 6.2, нема шанса да гласам 25.3 проценти, и немам одговор 16.8 проценти, рекле испитаниците.

На истото прашање во изборната единица 6 на истото прашање, 32.9 проценти одговориле да сигурно ќе гласам, со 15.2 проценти одговориле веројатно да, додека негативно односно веројатно не одговориле 11.8 проценти, како и 17.7 проценти одговориле нема шанса да гласам. И овде има висок процент односно 22.5 проценти рекле дека немаат одговор или не знаеле.

Анкетата е спроведена телефонски во изборната единица 2 на 1002 испитаници, додека во изборната единица 6 анкетата е спроведена на 1001 граѓанин со маркирана грешка од плус минус 3 проценти.

Проф. д-р Билјана Ванковска е кандидатот од политичката партија Левица за Претседател на Македонија.

Денеска е голем ден за нас, како Левица за прв пат обзнануваме претседателски кандидат и мислиме дека го имаме најдобриот кандидат, професорката Билјана Ванковска, кажа претседателот на партијата Левица, рече Димитар Апасиев.

„Сметаме дека партијата стигна до ниво, го полага матурскиот испит, тоа е наредното собирање на десет илјади потписи кое планираме да го финишираме успешно и да го имаме според нас, најдобриот кандидат. Дојдено е времето народот да ја препознае разликата и да препознае кој се бори храбро и чесно за интересите на Република Македонија. Со избор помеѓу двете помали зла стигнавме до ова дереџе. Чувствуваме должност да извадиме квалитетен кандидат на овие избори“, изјави Апасиев.

Тој кажа дека повеќе имиња биле во игра, но најдобриот скор го имала професорката Ванковска.

„Конечно е дојдено времето народот да избере солиден, и мислиме дека го имаме најдобриот кандидат. Им фрламе ракавица на мејнстрим буржоаските партии. Да дадат кандидати коишто ќе се натпреваруваат со нашиот кандидат“, додаде Апасиев.

На 06.02.2024 во Битола, полициски службеници од СВР Битола ја лишиле од слобода М.И.(46) од Битола. При претрес во нејзиниот дом, извршен со судска наредба, биле пронајдени и одземени марихуана спакувана за продажба и пари во различни апоени.

На ул.„Дебарска” во Битола, полициски службеници го лишиле од слобода и Е.А.(33) од Битола затоа што кај него била пронајдена и одземена марихуана, која ја купил од М.И..

Двајцата биле приведени во полициска станица и по целосно документирање на случаите против нив ќе бидат поднесени соодветни пријави – информираат од СВР Битола.