Граѓаните кои што се затекнати во странство по 12 февруари, а се со стари патни исправи, ќе можат да се вратат во државава со патен лист кој се издава во дипломатско-конзуларните претставништва, информира на денешниот брифинг со новинарите шефот на дипломатијата Бујар Османи.

Османи кажа дека нема простор за паника кај граѓаните, ДКП-ата ќе работат во повеќе смени, додавајќи дека најголем наплив за барања на патни листови има во Германија.

-Таму има и две нови мобилни станици за издавање патни исправи. Најголем е напливот во Бон, каде се издадени над 6000 патни листови. Потоа во Берн, Берлин, Минхен, Венеција, Рим и Љубљана, рече Османи.

Османи кажа дека во државите каде немаме ДКП-а, односно во Африка каде што има само во Каиро, се работи на е-конзулат и патните листови ќе бидат праќани по пошта.

На 12 февруари истекува транзициониот рок од Преспанскиот договор, член 6. Османи вели дека има јасна политичка волја и од Северна Македонија и од Грција за продолжување со целосна имплементација на договорот од Преспа.

3.555 работници чии месечни примања во семејството не надминуваат нето приход од 50.000 денари ќе добијат ваучер во вредност од 18.000 денари за одмор во домашни туристички капацитети. Министерството за економија в понеделник ќе распише јавен повик, а право на учество ќе имаат физички лица кои се вработни, но нивните примања не надминуваат 50.000 денари.

Како што велат од Министерството, Програмата за поддршка на домашен туризам за работници со ниски приходи, се обезбедени средства во износ од 64 милиони денари, односно ќе се издадат вкупно 3.555 ваучери.

-Потврдата за одмор на работници со ниски приходи ќе може да се искористи надвор од туристичката сезона во некој од угостителските објекти од Листата на пријавени угостителски објекти за сместување, објавена на веб страницата на Министерството за економија. Потврдата ќе може да се искористи од моментот на добивање до 30 јуни 2024 година и од 15 септември до 1 декември 2024 година, истакна Бектеши на денешната прес-конференција во Владата.

Главната цел на оваа мерка за која и изминатите години имаше голем интерес, додаде, е да им се овозможи на лицата со ниски приходи да искористат годишен одмор, и во исто време да им се помогне на туристичките центри во зголемување на обемот на работа надвор од туристичка сезона.

-Оваа мерка во минатото даде видливи резултати. Бројот на домашни туристи во континуитет се зголемува во последните години, а бројот на ноќевања веќе и го надмина бројот на странски туристи. Денеска е краен рок за аплицирање за хотелите кои сакаат да примаат гости со ваучери за одмор. Тие што не аплицирале досега можат тоа да го направат преку пошта или во Архивата на Министерството за економија, прецизира потенцира Бектеши.

Има ли полиција, инпектори, служби, или сведочиме на тотален колапс – распад на систем во Македонија? Со огнено оружје среде урбана средина во Прилеп, завчера, 05.02. се застрелани и убиени 6 кучиња кои се нашле на патот на монструм кој плански им пресудил, шетал наоружан за да убива – пишуваат на социјалните мрежи од Здружението за заштита на животни “Анима Мунди”.

Фејсбук објавата од ова Здружение за заштита на животните во целост ја објавуваме во продолжение:

Пристигнати ни се податоци од граѓани кој на овој начин го загуби својот миленик. Ова на сликата е Шарче, ѕверски убиен! Читајте што има да каже сопственикот! Со крв е обележана траекторијата на прилепските улици, населба Варош, улиците Гога Јанкулоски, Гога Димитриоски и Благоја Шукуровски. И како да ништо вонстандардно не се случило, Комуналец Прилеп уредно си поминале и ги собрале застреланите тела на животните, кои живи, кои на издишување и ги фрлиле во градската депонија кај село Алинци. Ниту крим полиција, ниту било каква пријава било каде. Доказите таму некаде на депонија, дело нема.

МВР, АХВ, општина Прилеп, министри, директори, градоначалици, ИТНО да излезете на улица и видите што се случува додека , какви ѕверства се премолчуваат и туркаат под тепих. До наредните стрелби, кога на овој или ваквите психопатот можеби ќе им засмета човек.

Да имавме систем, одговорни функционери и држава, психопатите ќе беа препознаени, лоцирани, ставени зад решетки и ќе се превенираа убиства во иднина. Но не, утре е нов ден и не се знае што се не чека и кој ќе биде идната жртва! Итно казна за директотот на ЈП Комуналец Прилеп за непостапување иако службите биле сведоци на жртви на тешко кривично дело! Сите што удобно седите во фотеља – граѓаните ве плаќаат за да работите согласно закон, го чувате редот нивната безбедност пред и над се. Ќе мрдневте ли со прст ова да се случува во вашето маало, да се пука во средина каде живеат вашите најблиски!? Полиција во Прилеп, веднаш!

Билјана Зероска од Прилеп, со својот настап остави неверојатен впечаток во последната емисија од шоуто “Никогаш не е доцна”, каде после енергичната изведба на “Мама миа”, во ревијалниот дел од емисијата предизвика и прекрасни емоции кога настапи заедно нејзиниот брат, Методија Зероски.

После мини спектаклот кој го приреди, ги сподели и своите впечатоци, и истакна дека со овој заеднички настап ја исполниле желбата на нивната покојна мајка.

“Тој е музичар од својата петта година. Ние ја исполнивме желбата на нашата покојна мајка која е секогаш со нас. Таа е ангел сега, така да сигурно ужива во вашата емисија сега”, рече Билјана.

После настапот со нејзиниот брат, Билјана истакна дека иако со години живее во Англија, таа е горда на своите корени и балкански гени.

-Ние сме со југословенски гени, затоа искрено тешко ми паѓа кога ќе ме прашаат “Од каде си?”. Бидејќи јас како мало девојче имав еден пасош, југословенски. Имав мајка која беше чиста Македонка, татко кој беше Македонец по татко, а баба која имаше гени од Словенија. Така да јас и денеска се чувствувам како Југословенка. Ја сакам Македонија, ние сме родени во Прилеп, но сепак се чувствуваме како Југословени, истакна Билјана.

Преку гласање во бараж дуел со натпреварувач од Босна и Херцеговина, Билјана обезбеди настап и во третиот круг на ова популарно шоу, па и понатаму сите заедно ќе уживаме во она што наредно нашата прилепчанка ќе ни приреди.

Кога ќе ги видите овие “алфа машки” машини на плоштадот, тоа значи дека денот наголемува, зимата си оди и полека доаѓа лето во Прилеп…

Дерек Мулер, експерт за изборно право на Правниот факултет Нотр Дам, кој поднесе неутрален поднесок во кој ги анализираше клучните правни прашања, откако Врховниот суд на САД ги слушна усните аргументи, рече дека судиите најверојатно ќе го вратат Доналд Трамп на гласачкото ливче во Колорадо.

-Се чинеше дека судиите се загрижени дека една држава може да влијае на целиот процес на претседателски избори и оти се потребни одредени насоки од Конгресот пред да се преземе таква вонредна мерка, рече Мулер, додавајќи дека изгледа „дека Судот е склон да дозволи политичкиот процес да се одвива“.

Мулер рече дека неколку судии изразиле непријатност поради тоа што државите ја спроведувале забраната без некакви насоки од Конгресот.

-Не е изненадувачки да се види како судиите изразуваат непријатност поради предлогот Врховниот суд на САД да треба да влезе во ваков вид фактичко и правно мочуриште, рече Милер.

Поранешниот претседател Доналд Трамп ги изнесе своите забелешки откако Врховниот суд на САД ги сослуша усните аргументи во случајот за неговата подобност да биде на претседателското изборно ливче.

-Добрата вест е дека водиме во речиси секоја анкета, рече Трамп во коментарите од неговата резиденција на Флорида.

Воден од принципот на поставување на чесни, искусни и професионални кадри, новиот министер на МВР, Панче Тошковски, направи измени во полициското раководство на СВР Битола.

Од денеска, функцијата Началник на Одделението за внатрешни работи Прилеп ќе ја извршува Марјан Станоевски, долгогодишен професионалец и посветен на службата кадар, кој пред се’ е високоценет во средината во која работи.

Со Секторот за вратрешни работи во Битола пак, назначен да раководи е Сашо Мирчески.

Покрај овие две кадровски промени, Тошковски ги направи и следните кадровски промени:

Сашо Топаловски – СВР Скопје

Бране Паласков – СВР Велес

Никица Петрушевски – СВР Куманово

Игор Смилески – СВР Охрид

Дејан Ефтимов – СВР Струмица

Ивица Вучевски – СВР Штип

Васко Наумовски – Единица за интервентна полиција

Влатко Наумовски – Единица за брзо распоредување

Сашо Зенговски – Оддел за специјални полициски операции

Ивица Станковски – Оддел за внатрешна контрола

Илија Чалшев Менис – Оддел за криминалистичка полиција

Александар Јанев – Оддел за сузбивање на организиран и сериозен криминал

Македонската фудбалска репрезентација вечерва со жрепка во Париз ги дозна противниците во групната фаза во Ц дивизијата на Лигата на нации.

Жрепката одлучи македонската репрезентација да биде дел од групата Ц4 заедно со селекциите на Ерменија, Фарски Острови и Латвија.

Лигата на нациите стартува со натпреварите во септември, на петти и осми, а продолжуваат со натпревари во октомври и ноември. Од ова издание од секоја група по две селекции се пласираат во четвртфинале со ривали од својата конкуренција.

Четвртфиналните дуели се на програмата од 20 до 25 март, а завршниот турнир од 4 до 8 јуни 2025 година.

Може ли Македонија да се избори за пласман на Светско првенство?

Без пензиско и здравствено осигурување и за минимална плата, со години работат околу 120 здравствени работници и во прилепската Болница. Задолжени со истите работни задачи како и нивните вработени колеги, овие луѓе, помеѓу кои има и лекари, и медицински сестри, и технички персонал, за овој месец немаат ниту нови договори што дополнително ги вознемирува и разочарува, бидејќи стравуваат дека ќе останат и без мизерниот минималец – oбјави “ТВ АЛФА”.

ФОТО/printscreen/Инфо компас

„Работам пет години на Договор на дело во Итна медицинска помош. Нашиот статус сега не е никако решен. Немаме потпишано ни нови договори и идиме на работа без здравствено, без пензиско, без ништо. Имаме десетина колешки на кои договорите ни се на минимална и под минимална плата од 20.000 денари, а работиме и ноќни смени, и празници, а не е ништо платено. Можно е да не земеме и плата“, рече Мартина Маркоска, договорна сестра во Итната помош, Прилеп.

„Држиме ние и дежурства, денски, ноќни смени и работиме со пациенти, што е нормално, носиме одговорност за секакви лица. Што е до наш домен ние пациентите нема да ги оставиме, ние си ја бркаме својата должност, ама сепак си го бараме своето право да биде решен нашиот статус. Сепак се многу години. Ако вака продолжи, можно е да решам да си заминам и надвор од државата“, вели Мита Стојкоска, договорна сестра од Ортопедското одделние.

“Тука сум шест години, сега ја почнувам седмата година со Договор. Немаме никакви бенефиции. Доколку овие луѓе што се овде – застанат, јас мислам дека нема да функционираат одредени работи“ – кажа Томе Бошкоски, болничар со Договор на дело.

Прилепските договрни здравствени работници, денеска, самоорганизирајќи се како неформална група, упатија апел до сите надлежни институции – итно и трајно да се реши нивниот статус.

„Како прво и основно, ние работиме во здравствена установа, а немаме здравство. И тоа е апсурд. Ова е апел до Министертсвото за здравство, до Владата, до сите пратеници. Ние се надеваме дека овој проблем ќе се реши, ако не се реши, да сме здрави и живи, ние не губиме, другите губат“, – истакна Благоја Јагуриноски, возач во Брза помош со Договор на дело.

Од менаџментот на прилепската Болница пак, преку соопштение упатија поддршка за овие луѓе, истакнувајќи дека Болницата од ресорното Министерство веќе побарала согласности за нивното вработување. „ЈЗУ Општа болница има реална потреба од: лекари, медицински сестри, лаборанти, болничари и возачи во Итна помош. Апелираме до Министерството за здравство за што побрзо решавање на статусот на овие лица“, се вели во дописот од прилепската Болница.

Каролина Дурло/ТВ АЛФА

Реакција на Ректорот на Универзитетот “Скопје”, Аце Миленковски, за актуелната состојба со личните документи:

Голема срамота, навистина голема срамота е за една сериозна држава, како нашата Македонија, актуелен аспирант за ЕУ- (таа истата која многу ја зборуваа), да ја остават во ваков хаос и на штета на македонските граѓани, кои апсолутно немаат никаква обврска да менуваат нешто што сеуште е важечко!

Срамотно и крајно понижувачки е жени и деца да чекаат и по 10 саати, само и само затоа што некој “така сакаше”, а не по желба на мнозинстовто граѓани, кои рекоа ,,НЕ” на менувањето на името на државата!

Крајно нехумано и нечовечки е долго време да знаете, далеку пред самото потпишување, дека ставајќи печат за промена, ставате обврска на и така напатениот македонски народ, на своја штета и морална и финансиска, да ја трпи вашата неукост. Уште еднаш докажавте дека ниту сте имале ниту имате национално чувство за Македонецот!

Сите вие, МОРА да бидете најбрутално казнети за секој ваш чекор за понижување на македонскиот народ!

Вие господа од власта, веднаш мора да го прочитате ,,Пеколот,, од Данте и со право на избор дадено од народот, овој пат последно, да кажете во кој круг сакате да влезете во најтемната дупка од македонската историја! Сепак, ќе се послужам со стиховите на Анте Попоски и ќе завршам.

“Еве ја таа проста земја
од дволичен камен
и сонце.
О, еве ја таа проста земја
од грч
и од чекање.
Што ги научи и ѕвездите да шепотат на македонски
А никој не ја знае”.
(Македонија)