Вчера, 13 април, се одржа првото коло од бокс лигата на Македонија во организација на Националната Боксерска Федерација.

Од Боксерскиот Клуб “АС” од Прилеп пријавени беа четворица боксери.

Категорија кадети:
– 60 кг. Димитар Талимче
Категорија јуниори :
– 54 кг. Џастин Демироски
– 63 кг. Влатко Димески
Категорија сениори :
– 75 кг. Николче Жигошански

Талимче на ова коло немаше борба. Дебитантот Демироски загуби од Ајрушов од БК “Фам Демирови” Штип. Влатко Димески победи со технички нокаут во првата рунда против Андреј Јанески од БК. “Пелистерски Јунак” Битола, а Николче Житошански победи со технички нокаут во првата рунда против Стефан Цингаровски од БК “Иниверзаци” Скопје.

-Од нашиот тим сме задоволни од настапот на нашите боксери. Докажавме дека сме клуб на боксерски град а нашите спортисти да прават успеси. Одиме на првото место во бокс лигата на Македонија – велат од БК “АС” Прилеп.

Синоќа кандидатот за Претседател на државата од Движењето ЗНАМ – За наша Македонија, Максим Димитриевски, се обрати до граѓаните на Прилеп.

„Тоа што ќе го напишеме го остваруваме, тоа што ќе го кажеме го реализираме. За разлика од оние за кои се боревме да дојдат таму кадешто се сега, и за време на шарената револуција, а и пред шарената револуција и подоцна, за мене сеуште зборот е збор и сеуште сметам дека нема правда и нема мир, а ќе ја има“, рече Димитриевски.

Тој потенцира дека во Македонија во последните 30 години само се уништува она што е создадено претходно и додаде:

„Младите си заминуваат, Македонија старее и остануваме без можност за натамошен развој. Затоа сметам дека беше потребно да се формира од граѓаните едно ново движење како што е Движење ЗНАМ –За наша Македонија. Сметам дека ова Движење произлегува од граѓаните и на следните избори, заедно со граѓаните, ќе покаже како тоа се дава црвен картон на власта и се освестува и опозицијата. На Македонија и е потребна трета опција.Таа трета опција е Движењето ЗНАМ – За наша Македонија“.

Тој рече дека Македонија заслужува многу повеќе од ова што го има и продолжи:

„На Македонија и треба Претседател кој произлегува од граѓаните, ќе работи и ќе им служи на граѓаните. Нема да дозволам од позиција на
Претседател на државата, татко на нацијата, Македонецот да биде граѓанин од втор ред во својата држава. Ние Македонците ќе се обединиме и ќе се самоорганизираме“, рече Димитриевски.

Инаку, тој денеска се обрати и пред граѓаните на Демир Хисар, каде што рече дека тој зборува како патриот, а не зборува како националист и додаде:

„Кога тие зборуваат за нивните национални стратегии и националните планови, тие не шират национализам, тие се секогаш патриоти. Ние не треба да се лутиме на никого, треба да си ја бараме грешката во сопствените редови, бидејќи ниту еден политчки субјект во оваа држава до ден денеска, по 32 години независна држава не изгради национален конзенсус за државата и наша обврска е да го изградиме тој национален консензус со тоа што посветено ќе работиме и за сегашните и за идните генерации“.

Димитриевски во текот на денот се обрати и пред граѓаните на Кичево, а имаше и средби со жителите на Кривогаштани.

Во текот на денешниот ден (13.04.2024) во времето од 11.00-16.00 часот, Секторот за внатрешни работи Битола спроведе зајакната акциска контрола на територијата на СВР Битола за санкционирање на прекршоци што ги прават возачи на мотоцикли, при што се санкционирани вкупно 35 мотоциклисти.

Од нив, седум возачи управувале мотоцикл без да поседуваат возачка дозвола, односно потврда за положен возачки испит, три мотоцикли биле нерегистрирани, 23 мерки се преземени за неносење заштитна кацига. Најголем број од санкциите се изречени на територија на Битола и Прилеп. При контролата откриени се и 20 останати прекршоци.

Засилените акциски контроли продолжуваат. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта – велат од СВР Битола.

Македонската женска јуниорска репрезентација ќе игра во Х-групата заедно со националните тимови на Ангола, Исланд и САД на претстојното Светско првенство.

Мундијалот во втората половина на јуни оваа година ќе се игра во Македонија која како домаќин одбра да игра во групата Х.

Другите групи се:

А-група: Романија, Холандија, Бразил, Иран

Б-група: Швајцарија, Египет, Тунис, Чиле

Ц-група: Унгарија, Кореја, Аргентина, Мексико

Д-група: Данска, Норвешка, Јапонија, Тајван,

Е-група: Шведска, Чешка, Кина, Алжир

Ф-група: Франција, Германија, Шпанија, репрезентација која ќе добие валјд карта

Г-група: Португалија, Црна Гора, Гвинеја, Узбекистан.

Кампањата за првиот круг на претседателските избори е во полн ек, а партиите се постојано на терен, но еден општински комитет на ВМРО ДПМНЕ особено се истакнува во Четвртата изборна единица.

Станува збор за ОК Кавадарци, каде се чини дека победата за ВМРО ДПМНЕ ќе биде најголема во оваа изборна единица.

Кавадарчани безрезервно нагазија на терен и се убедени дека Гордана Силјановска Давкова ќе биде иден Претседател на државата.

Ако се погледнат фотографиите на Фејсбук страната од општинскиот комитет, ќе забележите за каква масовна мобилизација станува збор, нешто со кое ретко кој друг комитет на партијата може да се пофали.

Токму затоа кавадарчани веруваат дека разликата во гласови тука ќе биде петцифрена.

Во Бања Лука, пред неколку дена беше прогласена шестата генерација на најдобри наставници од земјите на екс Југославија. Од повеќе од неколку стотици пријавени просветни работници, со тутилата „Најдобар наставник на просторите на поранешна Југославија“ се стекнаа вкупно 28 наставници избрани според строги критериуми, од кои дури 12 се од нашата држава.

Прогласувањето се одржа во рамки на шестата регионална конференција насловена како „Светот на образованието ги брише границите“, во организација на Асоцијацијата на наставници.

Признанија добија наставниците Марија Богатиновска, Александра Митровска, Билјана Лазареска, Дивна Карапанчева, Јелена Мандиќ, Ксенија Николова, Марина Станиславова, Олгица Бајалџиева, Раде Илијевски, Валентина Клопчевска, Весна Бошковска и Весна Недановска.

Целта на конференцијата е да поттикне регионално вмрежување на најдобрите едукатори, наставници, професори, стручни соработници.

„Иновативната работа на овие наставници е двигател и иницијатор на формални образовни реформи, на кои се повикуваат сите земји во регионот.

На конференцијата присуствуваа повеќе од 200 наставници од Босна и Херцеговина, Република Србија, Македонија, Хрватска, Црна Гора и Словенија. За време на доделувањето на наградите на најдобрите наставници и директори од регионот, во Асоцијацијата беа примени нови полноправни членови од сите 6 земји, а од нашата земја член на Асоцијацијата стана наставничката Роза Николова од ООУ „Св. Кирил и Методиј“, Кочани.

Денеска во Битола се реализира целодневен музички настан „Градот ме тера да пеам“ во рамки на програмата на фестивалот АКТО 19 „Јавни простори во движење (кон) II“ во партнерска соработка со платформата СИЛАТА ЕУ МЛАДИТЕ.

Во рамки на настанот со концертни и диџеј настапи ќе се претстави дел од македонската музичка сцена составена од млади и талентирани автори и изведувачи, чии квалитет и творештво е јадрото на домашната современа урбана култура. Програмата ќе се реализира на две локации.

Преку ден во кафе барот Јагода од 12 до 16 часот, на битолскиот широк сокак ќе се промовира ПОП КУЛТУРА – винил компилација посветена на современата поп продукција од млади македонски музичари. Ова исклучително винил издание е реализирано како дел од платформата СИЛАТА ЕУ МЛАДИТЕ и опфаќа песни од најрепрезентативните млади автори на македонската поп музичка сцена.

Вечерната програма од 22 часот до 5 часот наутро ќе се реализира во култниот битолски клуб Јагода и ќе се состои од концертни настапи на младата генерација музичари и музичкиот избор на млади диџеи.

„Градот ме тера да пеам“ е една од бројните програми уредени од Мирко Попов, реализирани во соработка со пријателите од Битола и со фестивалот АКТО како долгогодишен придвижувач на современата мисла, уметност и култура.

Македонија во моментов има претседател на држава на заминување кој веројатно е најодродениот претседател кој државава го видела. Човек кој нема допир нити со сопствената држава, нити со сопствениот народ. Мислам мапата да ја извадиме и да му речеме Стево Пендаровски ако погодиш кај е Беровци имаш втор мандат, без избори ќе остане и втор мандат, но нема поима кај сте и што сте нити знае дека воопшто постоите, тоа е тажната вистина за Стево Пендаровски“, истакна носителот на ИЕ 4 Александар Николоски од ВМРО-ДПМНЕ од Прилеп од населеното место Беровци.

Николоски додаде дека најдобриот начин да се стави крај на оваа работа е масовна излезност и на 24 април и на 8 мај.

„Клучна е масовна референдумска излезност затоа што никој не прашува дали ВМРО-ДПМНЕ ќе победи, туку прашањето е како и со колку ќе победи. Никој не прашува дали Гордана Силјановска Давкова ќе победи, туку прашањето е со колку ќе победи“, кажа Николоски.

Николоски истакна дека има бројни т.н сценаристи кои размислуваат на разни сценарија.

„Една од главните сценарија им е да го бојкотираат вториот круг на избори со цел изборите да не успееле. Најдобар начин да се спротивставиме на таа работа е масовна излезност на 24 април, шест цифрена разлика над 100,000 гласа разлика гласа за Гордана Силјановска Давкова како би можеле да ги демотивираме сите овие кои размислуваат на оваа опција и затоа е битно да се мобилизираме сите и да излеземе на гласање“, истакна Николоски.

Тој посочи дека Стево Пендаровски е обожувач сам себе да се претставува и портретира како чесен, скромен и без скандали.

Втората работа која сакам да ја кажам за Стево Пендаровски е дека обожува себеси да се претставува и да се портретитира како чесен, скромен, човек без скандали. Обично тоа се работите кои други треба да ги кажуваат за вас ама кај Стево самиот ги кажува за себе па можете да видите дека држи говори и прави промо видеа каде вели јас сум чесен човек, немам ниедна афера, ниеден криминал“, вели Николоски.

Николоски продолжи и на Пендаровски му упати три прашања.

„Трите прашања кои ги поставувам се следниве. Прво ако е толку чесен зошто го потпиша законот за измени на кривичниот законик со кои се направи амнестија на криминалците? Второто прашање каков е тој чесен претседател кој збор не кажал за ниедна крими афера која се случува во државата? за ниедна крими афера во Македонија која ја обзнанувала ВМРО-ДПМНЕ збор нема кажано, а нема кажано и третата работа каков е тој чесен претседател кој дозволува кампањата да му биде финансирана од крадени ваши пари главно преку тендери од РЕК Битола кој е на 50км воздушно од овдека од вас? Ова се трите прашања кои ги поставувам на секој јавен собир, еве ги поставувам и му правам шанса на Стево Пендаровски да одговори на истите доколку е така чесен како што тврди, но очигледно не е“, запраша Николоски.

Николоски во однос на парламентарните избори за неговиот против кандидат во 4 ИЕ истакна дека тој е еден повратник во политиката, човек за кој тој лично очекувал дека ќе гледа да се скрие и да го заборави јавноста и никогаш повеќе да не се потсети на она што го правеше, но наместо тоа реши да се врати во политиката.

„Колку што знам ни тој овдека во Беровци не дошол, веројатно нема ни да дојде затоа што пиар агенцијата „Рејтинг“ која му ја води кампањата не знаат дека воопшто Беровци постои, води кампања како да е во Скопје, веројатно Беровци најмногу на Буњаковец го асоцира така што место во Беровци можно е во Буњаковец да го пуштат“, кажа Николоски.

На 12.04.2024 од страна на полициски службеници од СВР Битола лишени се од слобода О.П. и О.Н.(38), двајцата од Битола. Имено, со наредба од Основен суд Битола, извршен е претрес во домот и помошните простории кои ги користи лицето О.П. од Битола, при што се пронајдени и одземени марихуана, метална дробилка и пет опаковки со прашкаста материја. Лицето е лишено од слобода при што ќе следува соодветна пријава за сторено кривично дело по чл.215 од Кривичниот законик.

Истиот ден, при извршен претрес во дом и помошни простории кои ги користи О.Н. од Битола биле пронајдени дигитални ваги, грутчеста материја, кутивчиња со таблетки, опаковка со кафеава прашкаста материја, предмети со остатоци од кафеава материја, бела прашкаста материја, опаковки со бела грутчеста материја, растителна материја и останати предмети со остатоци од прашкаста и растителна материја, како и поголем износ на пари во различни апоени. Лицето е лишено од слобода при што ќе следува соодветна пријава.

Потпретседателот на ВМРО-ДПМНЕ, Александар Николоски, денеска во посета на прилепските населени места.

-Ги посетивме Мало Коњари, Големо Коњари, Ерековци и Беровци. Многу искрени активности со чесните жители на овие населени места. Разговаравме за проблемите со иселувањето на младите, за проблемите со откупот и ниските цени како и за задоцнетите субвенции. Во сите населени места во прилепско луѓето се желни за промени и сакаат да ја видат Македонија повторно горда. Гордана Силјановска Давкова за претседател на Македонија, напиша Николоски на ФБ.