На 73-годишна возраст, почина Ацо Јованоски – Реган, човекот кој беше сведок за еден од најцрните настани во поновата историја на Прилеп, а истовремено и херој кој со неговиот храбар потег спаси голем број животи.

Јованоски беше возач на кобниот 08. август 2001. година, кога албанските екстремисти од заседа во месноста Карпалак, извршија кукавички чин и го гранатираа воениот конвој на АРМ.

Иако автобусот кој го возел бил во пламен, Реган успеал да го извлече од местото на нападот и така да ги спаси преостанатите бранители кои биле во него.

Јованоски беше присутен на одбележувањето на секоја годишнина од немилиот настан, и постојано се залагаше да се изгради соодветно спомен обележје на местото каде се случи грозоморниот чин.

Оваа година ќе се одбележат 23 години од случувањата на Карапалак, во кои животот го загубија: Нане Наумоски (48) ─ од Прилеп, Сашо Китаноски (39) ─ од Прилеп, Бранко Секулоски (42) ─ од Прилеп, Горан Миноски (29) ─ од Прилеп, Марко Деспотоски (27) ─ од прилепско Новоселани, Ердован Шабаноски (20) ─ од Прилеп, Љубе Грујоски (31) ─ од прилепско Пашино Рувци, Дарко Велјаноски (27) ─ од прилепско Ропотово, Веби Рушитоски (26) ─ од Прилеп, Пеце Секулоски (29) ─ од прилепско Бело Поле.

Вечна слава на хероите! Вечна слава на РЕГАН!

Во црквата Св. Благовештние денеска се одржа Божествената Литургија каде што беше одбележан празникот Светите Три Светители (Јован Златоуст, Василиј Велики и Григориј Богослов), познат уште како „Денот на Бакалите“. Со литургијата чиноначалствуваше Митрополитот Преспанско-пелагониски и администратор Австралиски и Новозеландски г. Петар.

Бакалите, односно трговците и дуќанџиите од Прилеп велат дека овој ден се празнува уште од 1954 година и претставува традиција на прилепскиот еснаф која што верно ја одржуваат низ годините.

После црковната литургија бакалите се збираат на заедничка трпеза и со дружба го одбележувааат својот патрон празник.

Советот на Општина Прилеп, утре (вторник), 13.02., со почеток од 12ч., ќе ја одржи 39-тата седница, а на дневниот ред се 19 точки по кои ќе одлучуваат советниците:

Да се потсетиме што зборуваше тогашниот владин портпарол, Миле Бошњаковски, а сега шеф на кабинетот на Претседателот Пендаровски, за промената на личните документи после потпишувањето на Преспанскиот договор:

Според одлуката на РКЕ, горивата од ноќеска на полноќ ќе поскапат од половина до денар и половина за литар
Од полноќ горивата поскапуваат од половина до денар и половина, одлучи Регулаторната комисија за енергетика.

Според одлуката на РКЕ, бензинот Еуросупер БС-95 од ноќеска на полноќ поскапува за половина денар, Еуросупер БС-98 поскапува за еден денар, а цената на дизелот се зголемува за денар и половина.

Според тоа, литар Еуросупер БС-95 од ноќеска на полноќ ќе се продава по 81 денар, Еуроспер БС-98 ќе чини 83,5 денари за литар, а литар дизел ќе чини 79,5 денари.

За половина денар од ноќеска на полноќ се намалува цената на екстра лесното масло за домаќинство кое од ќе се продава по цена од 76,5 денари за литар.

Драган Шеќероски од Прилеп кој со семејството живее во странство БАРА ПОМОШ и ПРЕДУПРЕДУВА:

НЕКОЈ ЗЛОНАМЕРНО ГО АКТИВИРА ПРОФИЛОТ НА НА МОЈОТ ПОКОЕН ТАТКО Костадин Шеќероски!!!

Преку овој профил се испраќаат заканувачки и вознемирувачки пораки до фамилијата Шеќероски и до нивни пријатели.

Поради ова Драган Шеќероски ги предупредува членовите на неговата фамилија и нивните пријатели!!!

Истовремено бара помош и од полицијата да го открие човекот кој испраќа заканувачки пораки и кој ги вознемирува и семејството и фамилијата и пријателите!!!

–Почитувани Ве известуваме дека повторно некој,си игра со чувствата на нашата фамилија. Во последните недела дена повторно е активиран профилот на мојот ТАТКО, кој веќе е починат 5 години. На наши блиски пријатели роднини, па и мене, се испраќани пораки и понуди за пријателство, а кај поединци и со вознемирувачка содржина.

Знаете сите дека ние сме надвор од Македонија, па за таа цел ве информираме и бараме помош од сите грѓани, пријатели, роднини, ако може да се спречи оваа појава и да ги оставиме починатите да почиваат во мир. Ви благодариме на разбирањето, фам Шеќероски – стои во објавата на Драган.

https://m.facebook.com/story.php?story_fbid=pfbid026BxcBEhSPp9XNHSAtCXvBZ2Eo99UHqKBrwb2Y88dWHVDqyTiEsJjSBUTDGjVnyGMl&id=100093546409739&mibextid=2JQ9oc

Секторот за внатрешни работи Битола во текот на викендот (09/10/11.02.2024) продолжи со контролите во областа на сообраќајот. На територија на СВР Битола санкционирани се 216 возачи, меѓу кои 121 мерки за возење повеќе од дозволената брзина, 22 мерки за возење под дејство на алкохол, 13 санкциии за управување без возачка дозвола, осум санкции за користење на мобилен телефон, 10 прекршоци што ги прават пешаците.

Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

По повод 14 февруари – празникот св. Трифун и Денот на вљубените во ЦК „Марко Цепенков“- Прилеп ќе се одржи манифестацијата „Љубов и вино“, на која со стихови за љубовта и виното ќе се претстават поети од нашиот град, членови на Клубот на литературни творци – Прилеп.

Со музички точки манифестацијата ќе ја зборгат ученици од музичкото училиште „Ордан Михајлоски- Оцка“.

Кога и каде:

среда / 14.02.2024 – 18.00 ч. – кино “Мис Стон”

На 10.02.2024 борачите на “7-ми Mај” настапија на силен меѓународен турнир во Косово и ги постигнаа следниве резултати:

Михаил Илијески прво место во категорија до 50кг,
Елена Дејкоска второ место во категорија до 49кг,
Ангела Трајкоска трето место во категорија до 49кг,
Деспина Богеска трето место во категорија до 53кг,
Тамара Цветкоска прво место во категорија до 61кг.

Екипата беше предводена од тренерот Стојанче Тушески и новиот и млад судија Михаела Тодороска, која го имаше своето деби на меѓународен турнир.

Новиот министер за внатрешни работи Панче Тошковски вели дека ако има политичка волја решение за хаосот со документите има. Според него тоа ќе се постигне со измени во Законот за патни исправи и во Законот за безбедност во сообраќајот.

„Измените ги подготвив. Тука се. Готови се. Кога пред моите колеги ги предложив овие измени, бев опструиран, министрите ми велеа дека ќе сме прекршеле меѓународен договор. Ова што го предлагам е согласно сите меѓународни акти кои ги гарантираат основните човекови прави. Вака го кршиме основното човеково право на движење, оневозможуваме излез од државата со валидна патна исправа. Нема кршење на меѓународни договори ако се усогласат техничките рокови од Преспанскиот договор врз основа на објективните човекови и технички капацитети на Македонија. Може да се бараат нови рокови. Со меѓународен билатерален договор не смее да се кршат човекови права. Ова е резултат на незнаење и неодговорност на властите. Ова што се случува е флагрантно кршење на човековите права. Ова е страшно. Не можам дури ни да поверувам. Грција нема право да го поништи пасошот. Обрасци немаме. Состојбата е алармантна“, рече Тошковски.