Просечната оценка која ја постигнаа средношколците на државната матура годинава е 3,25. Споредбено со минатите години, постои намалување (3,65 во 2023 година, 3,78 во 2022 година и 3,61 во 2021 година) кое, според Државниот испитен центар како надлежна институција за спроведување на процесот е резултат на заострените мерки при полагањето кои овој пат беа преземени.
Вкупно 14.834 пријавени кандидати, на 1 јуни го полагаа задолжителниот екстерен испит по мајчин јазик, додека на 8 јуни се полагаше изборниот предмет, а тестирањето се спроведе во холовите и спортските сали на училиштата, заради поголема прегледност и контрола на набљудувачите над учениците.
Резултатот е, информираше директорката на Државниот испитен центар Билјана Михајловска – откриени 49 ученици кои за време на решавањето на тестовите користеле мобилен телефон, додека 4 ученици се фатени како препишуваат решенија по претходно добиени одговори на поставените прашања. При оценувањето на тестовите, оценувачите детектирале 175 ученици кои препишувале на тестовите, како и 22 плагијати. На 268 ученици на кои им е изречена мерката поништување на испитот ќе можат повторно да полагаат во августовскиот испитен рок.
Како што рече Михајловска, најголем број на прекршување на правилата за полагање на Државната матура се констатирани во СЕПУГС „Арсени Јовков“ – Скопје вкупно 32, потоа во СУГС „Д-р Панче Караѓозов“ – Скопје каде се изречени 18 мерки, во СОУ „8 Септември“ – Тетово има 14 изречени мерки, по 13 мерки за прекршување на правилата на тестирањето се изречени во СОУ „Методија Митевски – Брицо“ – Скопје и ЦСНО „28 Ноевмри“ – Дебар. Во СУГС „Цветан Димов“ – Скопје се изречени 12 мерки за остранување од процесот на полагање на Државната матура.
Честитајќи им на учениците кои успешно ја завршија матурата и го потврдија стекнатото знаење во средното образование, министерката за образование и наука проф. д-р Весна Јаневска, истакна дека согласно законските прописи во земјава, па и во многу други држави, дипломата е предуслов за упис на факултет.
За следната година вети две новини кои ќе помогнат за подобра организација на полагањето на државната матура и како што рече, ќе се обидеме да немаме препишувања и други противзаконски, неетички и неморални дејства и на учениците и на тестаторите и набљудувачи.
„Ќе инсистирам полагањето на Државната матура да се реализира во амфитеатрите и други простории на јавните факултети каде има блокатори и друга технологија која ќе оневозможи користење на комуникациски уреди за време на полагањето, затоа што најчесто, поединечни и масовни препишувања се случуваат преку примена на мобилни телефони и други уреди на кои има инсталирани апликации за комуницирање“, истакна Јаневска.
Втората мерка се однесува на измена на правилниците за полагање државна матура, од аспект на подигнување на одговорностите на лицата кои се вклучени во процесот.
„Мора да постојат санкции за набљудувачите, тестаторите и за сите они ги делат просториите со учениците што полагаат, а прават пропусти и жаргонски кажано – замижуваат пред некоректни активности од страна на учениците“, додаде министерката.
Живописното село Самоков во срцето на Порчието, отсега нуди можност за згрижување на стари и изнемоштени лица. Просториите на поранешниот хотел “Поречки бисер” се адаптирани и реновирани во приватен старски дом, кој наскоро ги отвора вратите за првите штитеници.
Домот за стари и изнемоштени лица “Сувенир” е место кое ќе гарантира удобност, безбедност и секаква адекватна грижа за вашите најблиски.
Тука природата била најдарежлива и ги раширила своите рајски убавини на секој чекор. За тие што не знаат, Самоков се наоѓа на 600 метри надморска височина, во предел каде нема никакво загадување, каде виреат стотици различни билки и чаеви и каде утрата започнуваат со милозвучна мелодија на птиците.
Не случајно ова место е познато и како воздушна бања за срцево болни лица, затоа што тука природата го милува срцето, а тоа здравее. Самоков се наоѓа на 60 км оддалеченост од Скопје преку резервоарот Јасен, и на исто толкава оддалеченост од Прилеп.
Домот е опкружен од едната страна со поглед кон прекрасната црквичка Св. Илија, а од другата страна со базен и река, па токму затоа ова место е идеално за вашите најмили. Тука тие ќе бидат во вистински раце, со соодветен медицински надзор, а ќе можат да избираат и помеѓу разно-разните можности за рекреација.
Што нудат од СУВЕНИР?
Домот располага со одлично опремено катче за дружење и заедничко поминување на времето на штитениците, преку играње билјард, пинг-понг, табла, шах… и сл.
Тимот вработени веќе има разработено програми за прошетки во недопрената поречка природа, риболов и секакви други активности во зависност од можностите, физичката и здравствената способност на секој од штитениците.
Собите се опремени со посебно ВЦ и купатило, телевизор и удобни кревети, интернет, сопствени балкони, а во домот вашите најмили ќе добиваат адаптирана исхрана, ќе имаат 24-часовен медицински надзор и постојана примарна медицинска нега.
Неделите пак се резервирани за посети од семејството. Ќе можете да дојдите да поминете заедничко драгоцено време, а од луѓето од домот ви обезбедат фамилијарен ручек.
Објектот располага со прекрасно уредени двор и тераса, наменети за вечерно и дневно дружење на корисниците.
Во “Сувенир” добредојени и згрижени со соодветен медицински надзор ќе бидат и лица со деменција, а всушност тоа е и мисијата на тимот на домот, да обезбеди топло добредојде на секој посетител, потоа неговата посета како гостин да премине во навика, а “Сувенир” да стане негов ДОМ.
Доверете им ја грижата за скапоцениот живот на вашите родители, баби, дедовици… на луѓе кои умеат како и кои ќе им обезбедат најсоодветна нега и грижа. Чистиот воздух, раскошната природа и професионалниот пристап на тимот во “Сувенир”, не само што се вистински избор, туку со сигурност ќе придонесат за подобрување, како на физичкото, така и на умственото здравје на луѓето на кои им го должиме животот.
Посетете ги, или јавете се и разговарајте на телефонскиот број: 070 999 667.
„Уверувам дека ќе направиме максимални напори за да овозможиме платите постепено да растат, а до крајот на мандатот ќе потпишеме и нов колективен договор за основно и за средно образование“.
Министерката за образование и наука, Весна Јаневска, во дневникот на Сител информираше дека со Самостојниот синдикат за образование, наука и култура веќе разговарала за можностите за унапредување на статусот на наставниците и за обезбедување на повисоки плати.
Јаневска посочи и дека во моментов МОН ги консултира наставниците дали да има само електронски дневник или да се врати и хартиениот од идната учебна година.
„Пред неколку дена заврши проектот за изготвување нов електронски дневник и тој сега е на располагање на МОН. Разбрав дека истиот има добра заштита, за да не може да се бришат оценки и изостаноци. Но ние спроведуваме анкета меѓу наставниците дали сакаат само електронски или и хартиен дневник. Како ќе се изјаснат така и ќе постапиме, но мое мислење е дека сепак, треба да има и некоја скратена, печатена форма на дневник за евиденција“, рече Јаневска.
Собраниската комисија ги усвои барањата на Бојан Маричиќ, Јетон Шаќири и Наим Бајрами. Собраниската комисија ги усвои нивните барања за апанажа, па на нивната сметка според информациите во јавноста ќе им легнува до 2.500 евра месечно. Гласањето на комисијата беше без дискусија, туку директно се преиде на гласање.
За разлика од нив екс министрите како Бујар Османи, Артан Груби, Славица Грковска, Ристо Пенов, Азир Алиу и Каја Шукова нема да бараат апанажа. Тие ќе се вратат на нивните поранешни работни места. Пенов ќе оди во пензија, а веројатно најинтересна е фигурата на Артан Груби кој ќе станел професор по новинарство. Османи се враќа назад на Клиниката за дигестивна хирургија, Грковска повторно во МВР, а Шукова во Министерството за животна средина. Алиу оди во приватниот бизнис.
Ваквото право дали ќе го искористат Фатмир Бесими, Кренар Лога и Крешник Бектеши сѐ уште нема став во јавноста и уште се немаат изјаснето.
Премиерот Христијан Мицкоски денеска изрази подготвеност да разговара со експерти, но и со амбасадорите за најавената реформа поврзана со Судскиот совет и со Советот на јавни обвинители. Дел од амбасадорите вчера искажаа забелешки за најавата за нивно распуштање.
– Подготвен сум цел ден да седнеме, да разговараме, да работиме додека не најдеме решение како да биде подобро, само да не биде како досега. Затоа што како што е досега, не е добро – рече Мицкоски при денешната посета на Гевгелија.
Зборувајќи за вчерашните изјави на дел од амбасадорите, Мицкоски рече дека ја слушнал таа изјава, но и дека за политиките на оваа коалиција гласале 600.000 граѓани.
– Некако стана пракса амбасадорите да се мешаат во внатрешните работи во државата. Во ред, и да е така, 600.000 граѓани гласаа за оваа коалиција. Очигледно тоа за нив не значи ништо и за политиките на оваа Влада. Истовремено, тие велат дека е катастрофална состојбата со владеењето на правото, во нивните извештаи велат дека цути криминалот и корупцијата, довербата во Судскиот совет и во Советот на јавни обвинители е на два-три проценти кај граѓаните – рече Мицкоски.
Тој додаде дека е подготвен да разговара со нив и доколку тоа решение е подобро, веднаш ќе го прифати и примени.
– Еднаш засекогаш да ја вратиме довербата на граѓаните во судско-обвинителските институции затоа што вака очигледно не бива. Видете кои се членови на Судскиот совет и сѐ ви е јасно. Сите бевме сведоци на сите оние драмолетки коишто се случуваа изминатиов период, а поврзани со Судскиот совет, со Советот на јавните обвинители – рече Мицкоски.
Тој нагласи дека вината има име и презиме и дека таа треба да се лоцира.
Министерството за надворешни работи го враќа на консултации македонскиот амбасадор во Италија, Весел Мемеди, дознава Плусинфо од извори во Министерството.
Станува збор за амбасадорот кој пред околу два месеци испрати скандалозен допис до италијанските власти, со кој ги информираше дека валидните патни исправи со името Република Македонија од 12.02.2024 се неважечки.
Неофицијално, иницијативата за негово повикување произлегла од новоименуваниот министер за надворешни работи и надворешна трговија, Тимчо Муцунски.
Одделението за радиодијагностика во Болница Плодност ја прошири својата дејност, со најновиот апарат за компјутерска томографија Siemens Healthineers Somatom go.
Со него снимањата траат кратко, се добива ултра ниска зрачна доза, а сликите се со високо квалитетна резолуција.
Компјутерската томографија со својата брзина и прецизност, претставува ефективна, неинвазивна метода за дијагностика и контрола на патологии во различни делови на човековото тело. Снимањата може да бидат контрасни или нативни.
Услугите кои што можат да ги добијат нашите пациенти се следни:
-Компјутерска томографија на абдомен
-Компјутерска томографија на граден кош
-Компјутерска томографија на глава
-Компјутерска томографија на синуси
-Компјутерска томографија на екстремитети
Отсега, компјутерското снимање, може да го изведете и во Болница Плодност, како дел од проширените просторни и медицински услуги.
Закажете термин преку нашите оператори на 047208880.
Локалната самоуправа на општина Прилеп заедно со ЈП ЗА ПУП, ја збогатија детската забава во градот со пуштањето на детското туристичко вовче, кое со ѕвонење го најавува своето тргнување од Бул. „Гоце Делчев„ од 17часот до 22 часот, секој работен ден.
Тргнувањето е од пред „Реклами“, каде се чека ред и се бара место повеќе, за да се доживее една необична авантура и тура низ градот, со многу насмеани деца!
Среќните лица на дечиња, родители, баби и дедовци и многу насмевки, радосен восклик и детска возбуда, само даваат мотив повеќе за збогатување на забавните детски содржини во градот.
Градоначалникот на Прилеп, Борче Јовчески и Локалната самоуправа и во иднина ќе работат на подобрување на културно-забавниот живот во Прилеп за сите генерации, а особено на проекти за радосни, среќни и насмеани деца – се вели во соопштението од општина Прилеп.
Храмот Св. Петка во населбата Точила во Прилеп организира хуманитарен концерт “Од векови за векови”. Во соопштението од храмот стои:
Почитувани прилепчани,
Со звуци на надеж и хармонија имаме чест да ве поканиме на хуманитарниот концерт “Од векови за векови”, посветен на доизградбата на нашето духовно светилиште, архитектонскиот бисер, храмот Св. Петка во нас. Точила.
Концертот ќе се одржи на платото пред храмот спроти големиот празник Иванден, на 6 јули (сабота) со почеток во 20:30ч., каде ќе настапат светски познатите, а наши македонски национални богатства, мултиинструменталистот проф. д-р Драган Даутовски, заедно со маестралниот перкусионист Ратко Даутоски и познатата вокална дива и македонски славеј, проф. д-р Андријана Јаневска.
Вашето присуство и поддршка се од неизмерно значење за успешно одржување на овој настан, за напредокот на нашата заедница и на оваа, за сите нас, значајна и благородна иницијатива па затоа ве покануваме да ни се придружите заедно со вашите пријатели и семејства, та заедно да создадеме прекрасна вечер во име на заедничката цел за доизградба на нашиот храм.
Со почит, Организационен одбор при храмот:
Протоереј Љупче Петрески
Професор Мендо Ташкоски
Црковниот Одбор
ВЛЕЗОТ Е СЛОБОДЕН
ЖИРО СМЕТКА ЗА ДОНАЦИИ:
Храм „Св. Петка“-Точила, Прилеп 500-000000887189
Оваа година од 21-27 септември во Битола ќе се одржи јубилејното 45. издание на ИФФК „Браќа Манаки“, соопшти на денешната прес конференција, директорот на Фестивалот Симеон Мони Дамевски, кој го соопшти годинешниот лауреат на наградата за животен опус Златна камера 300.
2H19PJX
Добитник на „Златна камера 300 за животен опус“ на јубилејното 45-то издание на ИФФК „Браќа Манаки“ е истакнатиот француски и светски кинематографер
Бруно ДЕЛБОНЕЛ / Bruno DELBONNEL, AFC, ASC
Бруно Делбонел е најновиот член во Клубот на великаните на „Браќа Манаки“. Изодувајќи го патот од лауреат на „Специјалната Златна Камера 300 за особен придонес во светската филмска уметност“ што фестивалот „Браќа Манаки“ му ја додели во 2011 година, по 13 години Делбонел им се придружува на светските кинематограферски великани, сега закитен со „Златна камера 300 за животен опус“.
Роден е во 1957 година во Нанси, Франција. Студирал филозофија на Сорбона, а дипломирал во 1978 година на ESEC (Ecole Superieure d’Etudes Cinematographique), популарна и ценета школа за кинематограферски студии во Париз.
По дипломирањето, Делбонел пројавил афинитет и кон режија, па во 1989 година го режира долгометражниот документарен филм инспириран од светот на
циркусот – „Големиот циркус“ / THE GRAND CIRCUS, но потоа ja продолжува својата кариера како кинематографер, создавајќи завиден опус во соработка со многумина значајни француски и светски режисери.
На почетокот на кариерата, како самостоен кинематографер ќе сними два кратки филма за сценаристичко – режисерскиот тандем Марк Каро – Жан Пјер Жене / Marc Caro-Jean Pierre Jeunet, и ова искуство ќе се покаже како решавачко, особено во подоцнежната соработка со Жене, кому во 1984 година му го снима краткиот игран филм „Нема одмор за Били Брако” / „Pas de repos pour Billy Brakko”). Во 1993 ќе дебитира со целовечерен игран филм, а со Жене станува повторно партнер во нивните две антологиски дела, за кои Делбонел ги доби првите две од вкупно шест номинации за Оскар: „Амели“ / AMELIE (2002) и „Многу долга венчавка“ / A VERY LONG ENGAGEMENT (2005).
Во 2001 година, пред да дојде до номинацијата за Оскар, на фестивалот во Карлови Вари филмот „Необичната судбина на Амели Пулен / LE FABULEUX DESTIN d’AMELIE POULAIN, го освои Кристалниот Глобус. Тоа во аналите на овој фестивал останува како најголемо откритие на дело од француската кинематографија, а организторите на Кан ги остава разочарани поради сторениот превид, бидејќи пропуштиле тие да го лансираат овој антологиски авторски филм кој важи и за еден од најкомерцијалните.
Делбонел со „Амели“ на 44 години достигнува светска слава и во овој филм креира визуелно маестрално ремек-дело, рефлектирајќи го бајковитиот, обично – необичен свет на Амели.
Изборот на Тату во ликот на Амели е полн погодок. Актерката со сиот свој талент се вградува во необичниот карактер на нежната девојка, а Делбонел ја трансформира со визуелна разиграност и оригиналност својствена за неговиот изразен стил. Тој како да се претвора во очите и душата на Амели, не воведува во нејзините доживувања со несекојдневна визуелна енергија, градејќи ги „чудата” на оваа девојка со своевиден поетско – магиски хиперреализам. Речиси секој кадар е доживување за себе во необичното секојдневие од животот на Амели, а воедно и посвета за Париз низ инспиративна колоратура, градејќи разгледници изникнати од неговото поднебје, сликани динамично и разиграно.
Покрај номинацијата за Оскар во 2002 година за филмот „Амели“, Делбонел ги доби и номинациите за БАФТА / BAFTA, ASC (Американското друштво на кинематографери), како и за наградата Цезар / Cesar, а ја освои наградата на ЕФА / Европската филмска академија за најдобар европски кинематографер.
По овој голем успех, тандемот Делбонел – Жене ја повтори плодната соработка и во следниот извонреден филм. Станува збор за историската љубовна драма од Првата светска војна – „Многу долга свршувачка“, за која во 2005 година Делбонел ја освои втората номинација за Оскар. Делбонел и во овој филм е во својот врвен креативен елемент. Покрај номинацијата за Оскар и за наградата на ЕФА, со него тој ги освои наградите на ASC и францускиот Цезар.
Третата номинација за Оскар за Делбонел дојде во 2010 година за еден од визуелно најефектните филмови од серијалот за Хари Потер, неговото шесто продолжение, „Хари Потер и полукрвниот принц“ / HARRY POTTER AND THE HALF-BLOOD во режија на Дејвид Јеијтс / David Yates.
Оваа креација Делбонел ја издигнува на ниво на визуелно ремек – дело во изразот. Тој како диригент на оваа фантастична симфонија, супериорно ја
контролира работата на камерите и колор – атмосферата, со над 1000 стручни соработници во неизбежниот технолошки домен на специјалните визуелни ефекти и дигиталната анимација.
Во 2011 нашиот фестивал го награди Бруно Делбонел со „Специјална Златна камера 300 за особен придонес во светската филмска уметност“.
Следните три ремек дела во опусот на Делбонел, закитени со номинација за Оскар се: „Внатре во Левин Дејвис“ / INSIDE LLEWYN DAVIS (2014); „Најмрачен час“ / DARKEST HOUR (2018) и „Трагедијата на Магбет“ / THE TRAGEDY OF MACBETH (2022).
По соработката на нивниот краток игран филм „Тилери“ / TUILERIES vo 2006 (сторија од серијалот „Париз те сакам“/ PARIS, JE T’AIME) Делбонел ќе го сними и целовечерниот игран филм на браќата Коен / Coen brothers „Внатре во Левин Дејвис“. Во него, Делбонел ја слика мрачната егзистенцијална драма на младиот кантавтор на фолк музика Левин Дејвис, чија насловна улога ја толкува автентичниот музичар Оскар Исак / Oscar Isaac.
Петтата номинација за Оскар Делбонел ја доби во 2018 година за креацијата во историската драма „Најмрачен час“ во режија на Џое Рајт / Joe Wright. Актерот Гери Олдмен за улогата на Винстон Черчил во овој филм беше награден со Оскар.
Потоа, во 2021 година Делбонел повторно соработува само со едниот од браќата Коен (Јоел / Џоел), на филмот „Трагедијата на Магбет“ за кој следната година ќе ја освои последната од шесте номинации за Оскар. Во насловната улога на оваа најнова екранизација на антологиската трагедија на Шекспир настапува актерот Дензел Вашингтон, а како леди Магбет актерката Френсис МекДорманд.
Во сите три понови филмови номинирани за Оскар, Делбонел ја применува доку – играната визуелна структура својствена за неговите претходни дела, но со историски карактеристики на различни поднебја и периоди.
Делбонел ќе го збогати својот опус и низ соработката со плејада други истакнати светски режисери, како Питер Богданович во „Мјаукот на мачката“ / THE CAT’S MEOW (2000), полуавтентична крими драма за убиството на една актерка во Холивуд во 1924 година, што се случило на јахтата на милионерот Харст. Со рускиот режисер Сокуров ќе го сними „Фауст“ (2011), базиран на Гетеовиот мит за Фауст, кој освојува „Златен лав“ во Венеција, и „Франкофонија“ / FRANCOFONIA (2014), посветен на Парискиот храм на сликарската уметност – музејот Лувр, кој со својата трајна вредност и пркосел на фашистичката окупација. Со Тим Бартон ќе соработува во три наврати, речиси едно по друго. Во 2012 година тој го снима неговиот готски хорор „Мрачни сенки“ / DARK SHADOWS, во 2013 година соработуваат на сродниот, „Големи очи“/ BIG EYES и во 2016 година го реализираат „Домот на гопоѓица Перегрин за чудни деца“ / MISS PEREGRINE’S HOME FOR PECULIAR CHILDREN.
Со браќата Коен одново ќе соработува во 2018 година, во пародиската вестерн комедија во нивен дух – „Баладата за Бастер Скрагс“ / THE BALLAD OF BUSTER SCRUGGS, а најновата соработка од тековнава 2024 година му е со Вес Ендерсон / Wes Anderson, на неговиот најнов филм „Феникиска шема“ / THEPHOENICIAN SCHEME (2024, во пост-продукција), со кастинг од соништата: Бенедикт Камбербач / Benedict Cumberbatch, Том Хенкс / Tom Hanks, Скарлет Јохансон / Scarlett Johansson, Бил Мареј / Bill Murray, Бенисио Дел Торо / Benicio Del Toro и Шарлот Генсбур / Charlotte Gainsbourg.
Во 2019 Бруно Делбонел бил назначен за шеф на кинематограферскиот отсек на прочуената париска филмска школа, La Femis, за да ги пренесе своите професионални кинематограферски искуства и знаења на новите генерации студенти и идни кинематографери.
Оваа година се очекува на Фестивалот да присуствуваат досегашни добитници на наградата Златна камера 300 за животно дело во чест на јубилејното 45. Издание на ИФФК „Браќа Манаки“.