Анастасија Илиеска, поранешна директорка на Управата за јавни приходи и Државен секретар во Министерството за внатрешни работи, со коментар на својот фејсбук профил за вчерашниот случај кога техничкиот премиер Талат Џафери неовластено упадна и неовластено снимаше вработени кои ги извршуваа своите работни задачи во СВР Тетово.

Tаа истакнува дека е недозволиво однесување кон вработени без разлика на позиција и функција.

– Позицијата на технички министер не дозволува дирекна надлежност на вработени во МВР, за што постои хиерархија на надлежности

– Надлежните институции согласно закон да поведат постапки за однесувањето на техничкиот премиер Талат Џафери.

– Никој на работа не оди за да некој се изживува со него и му се обраќа со повишен тон.

– Овој случај покажува за каква личност станува збор која е на позиција технички премиер.

– Сигурна сум дека и граѓаните на Македонија со албанска националност се срамат од ваквото однесување кон вработени во институции.

– Културата и воспитанието на службеничката го победија дивјаштвото на Талат., пишува Илиеска.

На 24.02.2024 во 13.15 часот во ОВР Прилеп, И.Н.(63) од Прилеп пријавил дека на паркинг просторот пред влезот на градските гробишта, бил физички нападнат од патник кој се возел во автобусот управуван од него.

Се преземаат мерки за расчистување на настанот – информираат од СВР Битола.

Виктор Настески и стана познат на јавноста, со тоа што редовно објавуваше на социјалните мрежи за голготата со која се соочува поради истечениот пасош.

Во својот последен фејсбук пост, тој ја извести јавноста дека неговиот договор е прекинат, со што бродот со 1.800 гости и персоналот од 820 вработени останува без главниот кувар. Финансиски загуби, грижи, но и пониженост како никогаш досега, стои во неговиот пост

Епа другари и другарки толку беше‼️

Договорот скратен поради невалиден пасош и поради фактот дека патниот лист е само за во еден правец до родната земја.

И така мене не ми е дозволено да го продолжам патувањето и да го завршам својот договор‼️

-Бродов со 1800 гости и 820 вработени останува без “Executive Chef”!
-Мојата компанија во неверување како е ова можно, се чудат и се крстат!
-Замена “Executive Chef” преку ноќ на овој крај од светот неможе да се најде!
-Мојот тим од 170 вработени остануваат без својот лидер!
-Мојот работодавец со огромни финансиски загуби!
-Јас исто така со финасиски загуби, живци искинати и ноќи непреспиени!
-Тонам во очите на мојата компанија и понижен како никогаш од сега!
-И се тоа поради непособноста на оваа власт да изнајде решение и да го продолжи рокот за пасошите,па да можеме да си ги завршиме договорите и како нормални луѓе да се вратиме дома!
-Да не се повторувам за тешкотијата која се наоѓаат морепловците за да го извадат овој патен лист!
-Ама не тие решија скроз да не понижат и уништат!
-Свесни ли сте бе какви штети предизвикувате на своите граѓани и на круз компаниите, и општо на сите работодавци на море и на копно⁉️
-Што е најтрагично вас не ви чуе бе какви штети направивте‼️
-Вие сте бе енда багра неспособна што никогаш му се нема десено на човештвото‼️
-Ја не познавам дека некоја друга земја го има направено ова на својот народ‼️

И сега дома во нови нервози и дали ќе успеам да го извадам пасошот на време за да се вратам на следниот договор. Ниту власта а ниту па опзицијата не помогна во врска со сета оваа каша попара и едноставно не се ни потрудија да направат нешто‼️ Единствена позитивна работа од ова е што набрзо ќе бидам со своето семејство. А вие кога тогаш, ќе платите за сите овие неправди и маки‼️

Возило и гаража биле запалени доцна синоќа во Кавадарци, а благодарение на брзата интервенција на Територијалната противпожарна единица спречено е проширување на пожарот на околните куќи бидејќи се работи за место со густо населени куќи.

Од Територијалната противпожарна единица информираат дека интервенирале со три возила и шест пожарникари.

За пожарот информираше и градоначалникот на Кавадарци Митко Јанчев.

– Оштетено е едно возило ,,голф” четири, трактор и дел од гаражата. Според очевидци, пожарот настанал од тракторот, но причината засега е непозната. Благодарение на брзата интервенција и професионалната екипа пожарникари, пожарот не е проширен, се работи за место со густо населени куќи и можело да се случи голема катастрофа, нагласуваат од Кабинетот на градоначалникот.

Урбанизирањето на градовите се повеќе го намалува зеленилото, а со тоа и чистиот воздух. Постарите генерации со сигурност носталгично се сеќаваат на раззеленетиот Прилеп во годините на поранешна Југославија. Безбројните дрвореди од тоа време, во последните 30-тина години се повеќе исчезнуваат, а причина за тоа е изградбата на нови проширени сообраќајници, кружни текови и слично.

Ниту со изградбата на новиот кружен тек на раскрсницата кај Центарот за култура “Марко Цепенков”, не изостана сечата на нови дрвја. Па така овој проект кој е замислен да го олесне одвивањето на сообраќајот во центарот на Прилеп, однесе 6-7 стебла во неповрат.

Прашањето кое граѓаните го поставуваат е дали е возможно ваквата сеча да се избегне и ако не е, тогаш добро би било за секое пречено стебло, да се засадат десетина нови, онаму каде што постои простор и можност за тоа.

Претходно со реконструкцијата на булеварот “Гоце Делчев”, исто така трајно беа пресечени 10-тина дрвја, кои за жал не беа заменети со нови садници.

Можеме ли да го вратиме стариот препознатлив зелен излед на градот? Одговорот е можеме, потребна е само желба и иницијатива! Секако тоа треба да го направиме час поскоро, затоа што за дебела зелена крошна потребни се 10-20 години…

ФОТО/OSCE/Annie Engstroem

Кристина Шикова поминува обука за водач на службено куче, што ја прави првата жена во Македонија која ќе биде официјално именувана како водач на службено куче – објавија од мисијата на ОБСЕ во Македонија.

За само неколку месеци, нејзината партнерка од единицата К9, Ада, ќе може прецизно да ги извршува задачите на куче-душкач, посебно при откривањето нелегално огнено оружје и муниција.

Напорите за подобрување на капацитетите за откривање оружје и муниција на Единицата за службени кучиња се дел од проектот на Мисијата за #МЛО – пишуваа од ОБСЕ Македонија.

Кристина работи во МВР веќе шест години, и од првиот момент сакала да работи во Единицата за полициски кучиња откако. Кога се ослободило работно место во оваа единица, таа веднаш аплицирала.

„Сè уште ми изгледа неверојатно, но на тоа повеќе гледам како на задоволство отколку на работа. Отсекогаш сум сакала да работам околу животните“, вели таа.

Нејзината сегашна обука вклучува социјализација, послушност, контакт со доделеното полициско куче, теоретски и практични компоненти, како и физички задачи. Кристина има за цел да се истакне како раководител, да напредува на следното ниво да стане инструктор, активно да им помага на новодојденците и да дејствува како пример.

Екипата на РК Прилеп ита кон сигурен опстанок во ракометната Супер лига. Синоќа во спортската сала на СОУ “Ристе Ристески-Ричко”, прилепчани стигнаа и до третиот триумф во плеј-аут разигрувањето, совладувајќи ја екипата на Мулти Есенс со 34:31.

Се чини дека на кaпитенот Филип Велески и тренерот Божидар Мојсов, конечно успеваат целосно да ги мотивираат момците и да им вродат желба за победа.

Во “Ричко” синоќа и двете екипи се покажаа како тврд орев, па натпреварот беше во егал се до последните 15 минути, кога РК Прилеп конечно ја презеде иницијативата и дојде до водство од 4 погодоци (29:25).

Понесени од поддршката од публиката, прилепчани не дозволија изненадување и ја задржаа разликата до последниот судиски свиреж.

Речиси традиционално во редовите на домашната екипа најдобар поединец беше Владан Кастратович со 8 погодоци, 4 постигна Пеце Рајатовски, Денис Шабановиќ натпреварот го заврши со 6 гола, а Никола Цветаноски со 5.

Прилепчани се домаќини и на следниот натпревар, кога во “Ричко” на 03.03. го дочекуваат Аеродром.

На 24.02 2024 во ОВР Прилеп, С.А. од Прилеп пријавил дека во неговиот дом во Прилеп влегле четири лица кои физички го нападнале и му одзеле околу 300 денари.

Се преземаат мерки за расчистување на настанот – информираат од СВР Битола.

Парламентот на Флорида, под контрола на републиканците, усвои нацрт- закон со кој се забрануваат социјалните мрежи за деца под 16 години, потег што поддржувачите велат дека ќе ги заштити малолетниците од онлајн ризиците за нивното ментално здравје.

Мерката, која сега треба да ја потпише републиканскиот гувернер Рон ДеСантис, бара од социјалните мрежи да ги укинат сметките на сите помлади од 17 години.

Претставничкиот дом го усвои законот со 108 гласа „за“ и седум „против“, неколку часа откако Сенатот го даде конечното одобрување.

ДеСантис, кој не кажа дали ќе ја потпише мерката, минатиот месец изрази загриженост за потенцијалното прекршување на правата на приватност.

Поддржувачите сметаат дека законот ќе ги заштити децата од штетните ефекти на социјалните мрежи, како што се анксиозноста, депресијата и другите ментални болести, и ќе биде од корист за оние кои прекумерно користат такви платформи.

Критичарите велат дека законот го прекршува Првиот амандман на Уставот на САД, кој гарантира слобода на говорот и дека родителите, а не Владата треба да носат такви одлуки.

Во март 2023 година, Јута стана првата американска држава која донесе закони за регулирање на пристапот на децата до социјалните мрежи, а наскоро ќе им се придружат и Арканзас, Луизијана, Охајо и Тексас, според анализата подготвена пред носењето на законот на Флорида.

Според анализата, голем број други држави размислуваат за слични регулативи.

Деновиве на социјалните мрежи стана актуелна веста за состојбата на пони коњчињата во Паркот на револуцијата во Прилеп. Веста ја рашири активистката и ветеринар, Дариа Шафрина Најческа, која на својот Фејсбук профил објави фотографии и алармираше дека коњчињата се во лоша состојба и лесно би можеле да останат инвалиди, доколку итно не се најде ковач.

На веста брзо реагираа голем број граѓани, па од ЈКП “Комуналец” Прилеп ги слушнаа апелите, па по два дена се најде ковач кој ќе им помогне на коњчињата безболно да газат и понатаму да ги радуваат посетителите на најголемиот парк во Прилеп.

Честитки за Дариа и за сите оние кои помогнаа коњчињата во Паркот на Могилата да бидат спасени!