ФОТО/ФБ/Aleksandar Elenin

Маратонецот Александар Еленин на својот ФБ профил објави фотографија од целосно опожарената барака, која во рамки на проектот „Маркови Кули – заштита и делување“, требаше да биде сувенирница, а беше подигната веднаш до познатата карпа – слонот.

-Сè што треба да знае засега светот за нас прилепчани – поворка на еден подвид во еден подживот, без порив, настројба, потреба и елементарно чувство да се сроди и идентификува со нешто арно, било што. Празна аморфна маса од едно колективно Ништо. Толку. Секој проблесок измеѓу, од време на време, само чиста и минлива случајност. За жал, тие сме и такви, напиша Еленин.

На 23.02.2024г. во 01:10 часот во Прилеп, полициски службеници од ОВР Прилеп лишиле од слобода тројца малолетници од Прилеп, постапувајќи по претходна пријава дека учествувале во нарушување на јавниот ред и мир пред угостителски објект на ул. “Орде Тутески”, при што со стаклени предмети бил оштетен излогот и инвентарот во објектот.

По документирање на настанот ќе следува соодветен поднесок – информираат од ОВР Прилеп.

Со државнички активности, Владата на Република Македонија денеска ќе ја одбележи 20-годишнината од авионската несреќа во која животот го загуби поранешниот претседател, Борис Трајковски, членовите на неговиот кабинет и екипажот на авионот.

Како што соопштија од владината прес-служба, на овогодинешното одбележување на Градските гробишта во Бутел, со почеток во 12:00 часот, на гробот на поранешниот претседател Борис Трајковски, ќе присуствуваат и ќе положат цвеќе неговата сопруга Вилма Трајковска со членови од семејството, претседателот на државата Стево Пендаровски, делегација на Собранието предводена од спикерот Јован Митрески, делегација на Владата составена од Славица Грковска, вицепремиерка задолжена за политики на добро владеење и Ристо Пенов, министер за локална самоуправа. Цвеќе ќе положат и делегација на Армијата на Република Северна Македонија, како и делегација на Сојуз на борци од НОАВМ предводена од Наум Бурески, потпретседател на Главен одбор на СБМ.

Во Ротимље, близу Мостар, Босна и Херцеговина на спомен обележјето каде што се случи несреќата, во 10:00 часот ќе положат цвеќе претставници од Владината делегација составена од министерката за култура, Бисера Костадиновска Стојчевска и Каја Шукова, министерка за животна средина и просторно планирање како и претставник од Кабинетот на Претседателот на Република Северна Македонија, полковник Билјана Блажеска, аѓутант на Претседателот на Република Северна Македонија.

Во Ротимље ќе присуствуваат и високи претставници од Босна и Херцеговина.

Во Струмица, со почеток во 10:00 часот на споменикот на поранешниот претседател Борис Трајковски, ќе присуствуваат и ќе положат цвеќе делегацијата од Владата предводена од Јованка Тренчевска, дополнителна заменик-министерка за труд и социјална политика, заедно со Кирил Парталов, државен секретар во Министерството за локална самоуправа.

Под покровителство на Владата на Република Северна Македонија, вечер во Националната опера и балет ќе се одржи Комеморативен концерт по повод 20-годишнината од загинувањето на претседателот Борис Трајковски и неговите соработници.

Диригент на концертот е Иван Еминовиќ, режисер на настанот е Љупка Јакимовска, а хор-мајстор Ѓурѓица Дашиќ.

Ќе настапат солистите од Националната опера и балет: Сандра Митровска, сопран, Марика Поповиќ, мецосопран, Јаворка Витанова, солист од хорот во придружба на хорот и оркестарот на Националната опера и балет. На програмата ќе се изведат дела од В. А. Моцарт, Р. Леонкавало, Џ. Верди и Р. Аврамовски.

Настанот ќе биде збогатен со видео и аудио содржина за која се употребени материјали од архивската документација на МРТВ – документарецот „Верувам во Македонија“, како и фото и видео материјали обезбедени од Фондацијата „Борис Трајковски“.

Во авионската несреќа, што се случи на 26 февруари 2004 година, загинаа претседателот Борис Трајковски и осумчлена делегација која патуваше на Меѓународна конференција во Мостар. Покрај претседателот Борис Трајковски, животот го загубија портпаролот Димка Илкова Бошковиќ, советниците Ристо Блажевски и Анита Лозановска, претставникот на Министерството за внатрешни работи Миле Крстевски, телохранителите Аце Божиновски и Борис Велиновски, како и пилотот и копилотот на авионот.

Маркукуле дознава дека ООУ “Кире Гаврилоски – Јане” доби нов директор. На местото на досегашниот прв човек во оваа образовна институција, Влатко Кузманоски, назначена е Снежана Шубеска.

Шубеска е социолог во ова училиште, а пред незе ќе има голем предизвик да продолжи со успешно менаџирање на училиштето, нешто што Кузманоски со својата работа го наметна.

Вистинска еколошка катастрофа му се случува на прилепското вештачко езеро, велат активистите за заштита на животната средина и природните богатства.

Имено според видеото кое вчера се појави на социјалните мрежи, Присадската река, или една од четирите притоки кои го полнат прилепското езеро, е целосно обоена во бела боја, што според екологистите е поради огромно количество на мермерна прашина во коритото на реката.

Дали оваа појава ќе предизвика уништување на рибниот фонд на езерото и може да претставува опасност за земјоделските посеви и култури, а со тоа и опасност по здравјето на луѓето, со оглед дека водата на прилепското езеро се користи за наводнување, останува да утврдат во најбрз можен рок инспекторите за животна средина.

Целосната репортажа на загрижените екологисти погледнете ја во продолжение:

Вчера во Радовиш се одржа Државното првенство во борење во категорија до 23-годишна возраст. Прилепскиот боречки клуб “7-ми Мај” на ова првенство настапи со три борачки, и сите три девојки се искачија на пиедесталот.

Елена Најдоска го освои второто место во категорија до 50кг, а Теодора Димеска и Леона Настоска освоија злато во категорија до 53, односно до 62кг.

БК “7-ми Мај” се закити и со медал за второ место во екипен пласман.

Честитки за најновите успеси на прилепските борачки!

Во организација на пингпонгарскиот клуб “Младост 96”, викендов во Прилеп се одржа Третиот меморијален меѓународен турнир во пинг-понг “Илија Карески-Каре”.

Спортската сала во ООУ “Добре Јованоски” беше домаќин на 132 пингпонгари од: Македонија, Албанија, Косово, Србија, Грција, Бугарија и Црна Гора, а натпреварите поминаа во одлична организација и супер натпреварувачки дух.

Најдобрите во сите категории се закитија со медали, пехари, како и парични награди.

На 25.02.2024 во Прилеп се одржаа Државните Првенства во Џудо за помлади пионери и јуниори во машка и женска конкуренција. Првенствата беа во техничка организација на ЏК СЕИШИН -Прилеп и се одвиваа во одлични услови и атмосфера каква што доликува за еден ваков настан. На овие првенства учество зедоа околу 160 натпреварувачи од 15 џудо клубови од нашата држава. ЏК СЕИШИН Прилеп зеде учество со 23 натпреварувачи а освоени се вкупно 16 медали (5 златни, 4 сребрени и 7 бронзени).

Резултати поединечно:

Помлади ПИОНЕРИ-КИ:

1. Софија Ѓорѓиеска 1 во место
2. Матеја Николоска 1 во место
3. Дила Пупаловиќ 1 во место
4. Ангел Стојковски 1 во место
5. Леон Мојсоски 2 ро место
6. Елдина Пупаловиќ 2 ро место
7. Бисера Цветкоска 2 ро место
8. Мила Здравеска 3 то место
9. Владан Стрезоски 3 то место

Јуниори-ки:

10. Михаил Стојановски 1 во место
11. Теа Настоска 2 ро место
12. Елеонора Илиоска 3 то место
13. Кристина Мантароска 3 то место
14. Мартина Јанкоска 3 то место
15. Никола Магдески 3 то место
16. Михаил Димоски 3 то место

Одлични борби прикажаа и останатите кои не успеаја да изборат место на пиедесталот. Џудо клубот Сеишин е задоволен со освоените резултати и продолжува со активности и настапи во следниот период.

Во организација на Кинолошкото друштво од Прилеп, на 16 и 17. март, градот под Марковите Кули ќе биде местото каде ќе се одржи голема Меѓународна изложба на сите видови расни кучиња, “ЦАЦИБ ПРИЛЕП 2024”.

Вљубениците во вакви настани ќе можат да уживаат во прекрасна приредба во спортската сала “Македонија”, а оние кои сакаат да учествуваат и да се натпреваруваат со своите миленици, тоа можат да го направат со пријавување на телефонските броеви во продолжение до 10.март.

Младиот инструменталист Борјан Стојаноски деновиве го објави неговото прво инструментално оро насловено како “Модерно елено оро”.

Во видео спотот кој е мајсторски изработен од “Фан Продукција” на Зоран Пиловски, Борјан го придружуваат: Кире Гаралоски на бас гитара, Тоде Илиоски на гитара и на тапани Димитар Џагадуроски.

Музиката е дело на Сашко Ристески, а аранжманост на Славко Ристески.

Уживајте во продолжение: