дома блог страница 795

Избрани нови директори во прилепскиот затвор: Јанески прв човек, Наумчески негов заменик

Денес Владата на Република Македонија денеска одржа редовна седница на која донесе повеќе одлуки и решенија, меѓу кои и за именување на повеќе директори.

На предлог на директорот на Управата за извршување на санкции, за в.д. директор на прилепскиот затвор е избран Емил Јанески.

Јанески е поранешен директор на ЈКП Водовод и канализаија, функција која ја извршуваше од 2017 до 2021 година, а беше и кандидат за пратеник од партијата “ЗНАМ” на изминатите парламентарни избори.

За негов заменик е именуван Диме Наумчески, човек со повеќегодишно работно искуство во оваа институција, и човек кој одлично ги познава приликите и условите во оваа казнено поправна усптанова.

На функцијата прв човек во КПД Прилеп, Јанески доаѓа на местото на досегашниот директор Александар Дамески.

Уште еден хуманитарен концерт за доизградба на храмот Св. Петка во Прилеп: Вечерва ќе настапат женскиот камерен хор “Керамија” и црковниот хор “Св. Петка”

По прекрасниот концерт на Андријана Јаневска, придружувана од звуците на Ратко и Драган Даутовски, на платото од црквата Св. Петка во Прилеп, вечерва ќе се одржи уште еден концерт. Прилепчани ќе можат да уживаат во изведбите на женскиот камерен хор „Керамија“ и црковниот хор “Св.Петка”.

Соопштението од храмот го пренесуваме во продолжение:

Почитувани сограѓани,
Во преубавиот амбиент на платото пред храмот Св. Петка, со задоволство Ве покануваме на концерт на духовна и македонска народна музика кој е дел од циклусот хуманитарни концерти за доизградба на храмот Св. Петка.

На концертот кој ќе се одржи на 24(среда) јули со почеток во 20:30 часот, ќе настапат:

– Женскиот камерен хор „Керамија“ под диригентската палка на Катерина Попоска, дипломиран музичар теоретичар и педагог. Во своето едногодишно постоење, хорот постигна забележителни резултати на државно и меѓународно ниво. Тие ќе се претстават со духовни композиции од Бортњански, Архангелски и други, како и македонски народни песни.

– Црковниот хор „Св. Петка“ под диригентската палка на протопсалт м-р Гоце Секулоски. Хорот активно учествува во молитвено-литургискиот живот на храмот и останатите храмови во Прилеп, а има настапувано на бројни културни манифестации во Македонија. Тие ќе се претстават со духовни композиции од композитори како Христов, Мокрањац, К. Македонски, А. Бадев, Скаловски, Секулоски и други.

Вашето присуство на овој концерт не само што ќе го збогати вашето духовно и музичко доживување, туку ќе придонесе и кон доизградбата на нашиот свет храм. Ве покануваме да ни се придружите заедно со вашите семејства и пријатели и со вашата поддршка да помогнете во оваа благородна акција. Секој ваш придонес е чекор поблиску до нашата заедничка цел.

Ве очекуваме со радост да ја споделиме оваа музичка и духовна вечер.

Со почит,
Организационен одбор на хуманитарните концерти „Од векови за векови“

### Црковниот Хор „Света Петка“ – Прилеп

Црковниот хор „Света Петка“ од Прилеп, основан во 2015 година од протопсалт м-р Гоце Секулоски, претставува светилник на духовната и музичката сцена во Македонија. Основан со цел да ја поддржи богослужбената и духовната дејност на храмот „Света преподобна маченица Параскева – Петка“, хорот брзо се истакнува како значаен фактор во литургискиот живот на Македонската Православна Црква.

Покрај своето учество во молитвено-литургискиот живот на црквата, хорот „Света Петка“ заедно со својот ансамбл „Пелагонитиса“ организира хуманитарни концерти и настапува на реномирани културни манифестации во Македонија, како што се Прилепско лето, Денови на крал Марко и Фестивал за црковно пеење „Св. Нектариј Битолски“. Нивното учество на јубилејната прослава на Богословскиот факултет во Софија е особено значајно, каде што не само што настапиле, туку и учествувале на научна конференција посветена на прилепчанецот и Старозагорски митрополит Методиј Кусев.

Со поддршка на Општина Прилеп, хорот го издаде мултимедијалното ДВД „Крепост и Достолепие Македонски – десет прилепски цркви и манастири“, кое придонесува кон развојот на духовниот и манастирскиот туризам во градот.

Репертоарот на хорот е богат и разнолик, опфаќајќи дела од ренесансни композитори како Палестрина и Бирд, до славни руски, српски, украински, бугарски и македонски автори како Алеманов, Архангелски, Христов, Мокрањац, А. Бадев, К. Македонски, Скаловски и Секулоски. Нивната музика допира до срцата на верниците и љубителите на хорската музика, негувајќи ги вековните традиции и духовни вредности.

Црковниот хор „Света Петка“ од Прилеп е вистински чувар на македонското духовно и културно наследство, пренесувајќи ја светлината на верата и музиката на сите кои ќе го слушнат. Нивната посветеност и уметничка извонредност ги прави неизоставен дел од духовниот и културниот живот на Македонија.

Женскиот камерен хор “Керамија” од Прилеп, оформен во јануари 2023 година, под диригентската палка на харизматичната Катерина Попоска, дипломиран музичар, теоретичар и педагог, брзо стана симбол на музичката елеганција и посветеност. Во овој хор, се сплотија талентирани хористи со претходно музичко знаење, кои преку своите гласови создаваат вистинска музичка магија. Хорот го сочинуваат: Ане Г. Чесноска, Оливера Цветаноска, Билјана Црвенкоска, Маја Јорданоска, Катерина А. Димеска и самата диригентка Катерина Попоска, која воедно и пее.

Репертоарот на “Керамија” е вистински музички мозаик, обединувајќи духовни композиции, англиски комерцијални хитови и македонски староградски песни. Оваа музичка разновидност им дозволува на хористите да изразат различни емоции и да создадат уникатни музички доживувања за публиката.

Во текот на изминатата година, хорот учествуваше на неколку значајни настани и фестивали, меѓу кои:

– Меѓународниот хорски фестивал “ТеХо” 2023 во Тетово.
– Меѓународниот фестивал на камерни хорови “Астибо” во Штип.
– “Зимска приказна” во Битола со Божиќни композиции.
– “Предновогодишен базар” во Прилеп.

Од натпреварувачки карактер, хорот ги воодушеви сите со своите достигнувања:

– Специјална награда на Меѓународниот фестивал “Art in” во Кавадарци.
– Прво место во категорија камерни состави на Меѓународниот “Пијано фест” во Битола.

На “ТеХо” 2024, хорот беше прогласен за еден од најдобрите фестивалски перформанси од страна на стручната јавност. Овие успеси, и покрај краткиот временски период од нивното постоење, докажуваат дека Женскиот камерен хор “Керамија” е на патот кон професионалноста во хорската уметност.

Да им посакаме среќа! Македонските спортисти пристигнаа во Париз (ФОТО)

Македонските спортисти пристигнаа и веќе се во Олимпиското село во Париз, каде утре и официјално стартуваат ОИ.

Македонија ќе има шест претставници кога станува збор за натпреварувачи и четворица судии.

Париз е сонот за сите спортисти, кои пред заминувањето најавија добри резултати, па дури и медал. Знаменосци ќе бидат Дарио Ивановски и Мила Рељиќ.

67-години од смртта на еден од најголемите великани и државници – Методија Андонов – Ченто

Пред 67 години, на 24 јули 1957 година во Прилеп умрел Методија Андонов – Ченто, македонски револуционер и државник, прв претседател на Иницијативниот одбор за свикување на Првото заседание на АСНОМ и борец за правата и слободата на македонскиот народ.

За претседател на Президиумот Методија Андонов – Ченто бил избран и на Второто заседание на АСНОМ, на 29 и 30 декември 1944 година. Бил и прв претседател на Президиумот на Народното собрание на НРМ.

Со своите политички ставови Ченто се залагал за поголема самостојност на Републиката во однос на федералните органи. Истовремено го поставувал прашањето за обединување на Македонија. Таквите негови ставови дошле во судир со официјалната политика.

Во 1946 година со пресуда на Окружниот суд во Скопје, бил осуден според Законот за кривични дела против народот и државата и тоа со лишување од слобода 11 години.

Умрел како маченик, а бил рехабилитиран во октомври 1990 година.

Роден бил во Прилеп, на 17 август 1902 година.

И Битола доби заменик министер! Вредната Викторија Трајков

Собранието на вчерашната седница ги потврди замениците министри во новата Влада на премиерот Мицкоски.

Покрај двајца прилепчани, меѓу заменичките мнистерски места се најде и Доц. д-р Викторија Трајков, која е избрана за Заменик министер во Министерството за европски прашања.

Родена е на 28. ноември 1985година.

Трајков завршила на Универзитетот Св. “Климент Охридски” во Битола, и се здобила со титулата доктор на економски науки.

Доц. д-р Викторија Трајков е истражувач од областа на економските науки со специјалност маркетинг и брендирање.

Има напишано повеќе трудови поврзани со брендирање на државите, политички маркетинг, меѓународна промоција на државата како и економска, културната и јавна дипломатија.

Од 2010 година е вработена во Министерството за надворешни работи и надворешна трговија. А од 2019 година е избрана за доцент на Универзитет Скопје.

Таа е и поранешен новинар. Од 2000 до 2007 година работела во локалната телевизија ТВ “Орбис”.

Работните обврски не биле никогаш полесни, а родендените никогаш позабавни: Ова е местото во Прилеп кое создава спомени што се паметат засекогаш! (Фото галерија)

Сместена на ул.”Aрхиепископ Доситеј” бр.181, во непосредна близина на хотел “Кристал Палас”, игротека КIDS PARTY e вистинско детско царство, кое досега пружи насмевки и забава на стотици и стотици дечиња.

На голем простор сопствениците опремиле супер игрална за дечиња. Трамболина, лизгалка, плејстејшени и разно разни играчки. Арно ама мислеле и на возрасните, па од другата страна имате на располагање супер удобен простор за одмор и разладување, додека вашите малечки уживаат во играта. А што е поубаво од тоа?! Гледате насмевка на лицето на вашето дете, а истовремено уживате на раат пиејќи кафе или друг освежителен пијалок.

Имаат посветен персонал на располагање и млади луѓе кои нема да тргнат око од вашето дете. Па затоа секој ден од 08:16часот, имате можност да го оставите вашето малечко, а вие слободно да ги завршите вашите редовни работни обврски. Не грижете се дали ќе јаде, или ќе спие. Тука секое дете се третира со посебно внимание, со многу љубов и разбирање. Вашето дете ќе биде на безбедно, под постојан надзор и најважно на хигиенски чисто место. Објектот во овие летни жешки денови е идеално климатизиран, па условите за игра внатре се одлични.

И секако, најважниот дел, а тоа се роденденските забави или моментите кога КIDS PARTY го добива својот полн сјај. Веднаш ќе ви кажеме, ако имате роденден за славење, не двоумете се и не чекајте ни миг повеќе, резервирајте веднаш, затоа што терминитe “им одат како алва”.

Понудата вклучува закуп на просторот во траење од 2 часа по цена од 2.800ден, а во во цената добивате и:

-Прекрасно аранжирани маси и комплетен прибор за храна и пијалоци
-Роденденско украсување на просторот
-Грицки за дечињата
-Фотографирање на целиот роденден и сите детски лудории
-Брендирани покани

Еден мајсторски подготвен пакет, на кој ретко кој може да одолее и конкурира, што е и една од главните причини зошто KIDS PARTY е омилена за родителите.

Родендените во игротека KIDS PARTY долго се паметат и прераскажуваат, па затоа пружете им го на вашите најмали најдоброто. Нека блесне детската игра во полн раскош и заедно да се изнагледаме црвени обравчиња.

Посетете ги уште утре, или јавете се на телефонскиот број: 075 848 981

Работно време:

Од 08:00 до 16:00 часот чување на деца и кафе шема

Од 16:00 до 22:00 часот роденденски забави, а доколку нема закажано термин за роденден, игротеката работи со кафе шема до крајот на работното време.

Ако некогаш почнеме војна со Унгарија, “виновникот” барајте го во Прилеп: На ова место се прави дури и подобар гулаш од “маџарскиот” (ФОТО)

На самиот влез во Прилеп од страната за Скопје, во непосредна близина на бензиската пумпа “Макпетрол”, се наоѓа најмераклиското место во градот под Марковите Кули.

За кратко време од отварањето, ресторанот “Beer ti & ja” стана главна дестинација за сите прилепски боеми и вљубеници во добра храна и амбиент.

А зошто е тоа така?! Епа газдите на овој ресторан решија на своите сограѓани и сите гости во Прилеп, да им понудат нешто посебно, нешто направено со многу љубов, со многу труд, квалитетна услуга каква ретко каде има, и секако одлична и првокласна храна.

Ресторанот располага со простор за 40-50 гости и одлично место за раат дружба со вашите најблиски, семејство, пријатели. Внатре се’ е ново и модерно, убави маси, столици, со еден збор грее.

Го имаат едно од најбогатите менија за умот да ви зајде. Разно-разни предјадења и вкусна прилепска скара, специјалитети од месо, богата винска карта и богат избор на пијалоци. Секоја им чест како успеваат се’ да приготват навреме, се’ да им биде пресно во секое време и секако сето тоа убаво да изгледа во тајнир.

Веруваме дека претходно не послушавте и пробавте дел од нивните специјалитети, или се разбудивте рано наутро со вкусна чорба. Е ако е така, тогаш ви останува да го пробате и гулашот, а верувајте ќе има што да пробате и да раскажувате. Рецептот им е така погоден да им позавидат дури и самите Унгарци. Избрано најквалитетно месо, приготвено со тазе зеленчуци…. мх, мх, мх…па во друштво со луто печено пиперче и топло лепче….нема поубаво!

Ваше е уште денеска да ги посетите и да се уверите. Направете и’ добрина на душата и пружете и’ вистинско уживање.

Ресторан “Beer ti & ja” ве очекува!

НАЗДРАВЈЕ!

На влезот во Прилеп се наоѓа најмераклиското место: Еве зошто ресторан “Beer ti & ja” стана главна дестинација за сите гурмани и боеми (ФОТО ГАЛЕРИЈА)

Oд утро до пладне тука во Прилеп “тропа лајца” на секоја маса, а ЗОШТО?! Затоа што тука ја има најдобрата чорба во градот

За потсетување, веднаш од спротива на ресторанот има широк паркинг простор, па не мора да се грижите каде ќе го оставите вашиот автомобил и дали истиот ќе пречи некому.

Последниот МОХИКАНЕЦ: Уште Миле остана во Собрание да го брани СДСМ (ВИДЕО)

ВМРО-ДПМНЕ ја направи најголемата измама во поновата изборна историја на нашата држава и ги излажаа граѓаните, во секој сегмент. Нивните ноторни лаги излегоа на виделина уште во првите 30 дена од нивното владеење. Ниту ќе има поголеми плати, ниту пак покачување на пензиите, рече денеска пратеникот Миле Талевски во македонското Собрание – кој остана еден од ретките кој жолчно го брани СДСМ и политиките на претходната Влада.

-Првото што го направија ВМРО-ДПМНЕ, е што ја признаа Република Северна Македонија и признаа дека нема да го променат Преспанскиот договор. Потоа ја прифатија преговарачката рамка, за која правеа најразлични скандали, а исто така прифатија и дека ќе го променат Уставот и дека Бугарите ќе ги внесат Уставот. Бесрамно ги излажаа граѓаните дека ќе им ги покачат платите, а сега слушаме дека ќе има намалување на платите. Ги излажаа просветните работници, здравствените работници, вработените во администрацијата, во МВР, во одбраната, рече Талевски.

-Сите инвестиции за кој зборува и ги најави ДПМНЕ, се проекти кои ги започна и договори СДСМ. Исто така излажаа дека ќе ја намалат администрацијата, но првата одлука која ја донесоа со ДУИ, за која велеа дека е криминална партија, е да се прошири администрацијата со 4 нови министри, обвинуваше на денешната седница за избор на замениците министри пратеникот Талевски.

Ограбени апаратите во спортска обложувалница во Прилеп

На 22.07.2024 во ОВР Прилеп било пријавено дека во периодот од 00.55 до 08.00 часот со употреба на сила било влезено во спортска обложувалница на ул.„Војводинска“ и од апаратите за игри на среќа биле одземени пари.

Увид бил извршен и се преземаат мерки за расчистување на случајот – информираат од СВР Битола.

За сума од 18,5 милиони денари, “ИБО ПОД” ќе гради монтажна катна гаража во центарот на Прилеп

За вкупна сума од 18,5 милиони денари (со ДДВ), фирмата “ИБО ПОД” ќе ја гради монтажната катна гаража во центарот на Прилеп, на просторот од паркингот позади поранешно “Игор дракстор”.

Веќе е направен вовед во работите, а рокот на изведба според договорот објавен на Бирото за јавни набавки е 2 години.

Сумата предвидена во договорот ќе се реализира во две рати, а според општината овој проект ќе помогни за растеретување на паркирањето во централното градско подрачје.